勝記海鮮酒家

幾個月前, “師姐” 帶我去西貢 “勝記” 食海鮮, 超級好食, 預算冇失控, 一試難忘. “師姐” 交帶落下次可以搵 “經理” 寫菜單.🥢 等了又等, 終於有機會再訪! 今晚8人飯局, 六道海鮮, 一味小食, 菜, 炒飯, 加甜品. 用餐地方屬於餐廳一樓, 分區只有兩張枱, 座位闊落. 💰黃金脆豆腐. 外脆內軟, 持久力強, 表面落咗椒鹽, 微辣, 神級產物!🦑 椒鹽鮮鱿. 魷魚彈牙, 炸粉夠簿, 味道調校不俗.🥰 酒糟粉絲蒸元貝. 元貝啱啱好熟, 十個讚! 酒糟係米, 麥, 高粱釀酒後剩餘嘅酒渣, 略帶甜味. “酒糟版本” 比 “蒜蓉版本” 更保留到元貝嘅鮮味.🐚 金不換炒蟶子. 新鮮爽口, 一流! 今餐至愛之一.🐟 清蒸沙巴龍躉. 約三斤, 魚肉結實嫩滑, 咁大條魚, 都冇 “擦膠” 位置, 大廚實力嘅表現.🥰 椒鹽鮑魚. 椒鹽唔會搶咗鮑魚嘅鮮味, 有咬口, 又唔韌, 掂喎!🦞 芝士龍蝦煎米粉. 龍蝦肉結實彈牙, 呢款煎米粉用咗新竹米粉, 脆口. 芝士俾到米粉足夠味道. 讚!🍚 楊州炒飯. 生菜同叉燒比例啱啱好, 蝦非常新鮮, 夠鑊氣, 正!🥬 上湯浸菜心. 青綠爽甜. 最後嘅浸菜真係睇到一間餐廳嘅誠意. 甜品: 益力多糕. 特別, 好食.🤗 總結: 神級烹調技術. 金不換, 椒鹽, 芝士味道調校精準, 唔會搶味. 海鮮最緊要啱啱熟, 巨型嘅沙巴龍躉, 柔弱嘅元貝, 全部都冇過火喎! 味道一流! 整體服務到位, 座位闊落, 用餐舒服.🥰 攻略: 預先搵餐廳經理寫好菜單, 一來可以扮熟客, 二來唔使爆單.…查看更多

食咁多次第一次出食評,起碼幫襯左5年以上.水準都係咁好.椒鹽所有野都係超水準刺身除左食材要新鮮,就一定係要刀工!!!刺身墨魚真係平靚正!有budget 一定要試下龍蝦刺身.海鮮真係一流!!!…查看更多

老細請食飯，專登入西貢食海鮮，老細應該識店內重要人士，所以特別安排好舒服既房比我地老細一早點左餐，餐廳既經理亦即場送左沙薑雞腳同炸豆腐比我地，個炸豆腐真係超正，皮勁薄，但唔會爛，裡面既豆腐非常嫩滑，食完一條會好想再食第二條，但由於要留肚，就適可而止第二樣到係椒鹽鮑魚，清蒸食得多，椒鹽真係好少，食落我都係鐘意原汁原味清蒸多啲，椒鹽太濃味搶左鮑魚鮮味跟住上左一個魚刺身，魚係花金鼓，餐廳侍應話呢個魚唔係經常捉到，係靚野，食落都好鮮甜跟住來白灼蝦，蝦🦐好大隻亦好鮮味接住係炒聖子，聖子好大條，都很惹味接住高潮係避風塘蟹焗飯，炒完蟹再放入飯，飯吸了蟹既味，大夥兒都掛住食碗飯，反而蟹好像成了配角，因為碗飯真係好正如果自己來未必食得咁好，希望老細好快又帶我地來食啦…查看更多

來西貢吃海鮮，通常會去位置較優勢的幾間大海鮮檔，但由於遊客較多，我略嫌太商業味，所以不經不覺越走越入，最後來到「勝記」。勝記亦是米芝蓮餐廳之一，食物質量及服務均給我良好印象。今晚我們沒有點套餐，在海鮮檔揀了些海鮮便上樓等食。經理安排我們到三樓近窗邊位置就座，由於人不太多，感覺環境很舒服，更難得洗手間都能保持乾淨企理。上菜了！先來每人一隻椒鹽瀨尿蝦，大隻、新鮮、肥美，好味！椒鹽鮑魚是餐廳的招牌菜之一，難得來到必定一試。整道菜的賣相很精緻，望見已垂涎欲滴，鮑魚都夠大隻多肉。唯一是自己忘記上一道菜已經是椒鹽，下次應該點冰鎮鮑魚比較好，可以中和剛才的「重口味」老闆推介另一道金不換炒蟶子，同樣是以精緻賣相挑起食慾，爽口彈牙的蟶子配上獨特煮法，絕對感覺到廚師的用心烹調。最後一道海鮮是鹽焗奄仔蟹，這是唯一一道菜跟預期有點落差，又或者可能不合時令？因為我食過的奄仔蟹是細隻多羔、肉質鮮嫩，今晚的是蟹是多肉，但肉質較實，雖然味道不太差，但相比之前在鯉魚門食過的，還差一點點。食得太多濃味的海鮮，總要點清淡的蔬菜中和一下。點了一道上湯浸菜苗，雖然是簡單餸菜但絕不馬虎，上湯加入瑤柱和蒜子，鮮甜入味，讚！結賬前餐廳送了一客甜品，分別是桂花糕、益力多糕和柚子榚。個人記為柚子榚的味道最為突出，好清新！…查看更多

平日吃海鮮，很多時都會配杯葡萄酒又或威士忌。這晚來到西貢勝記海鮮酒家，以干邑白蘭地伴海鮮，對我自己來說，真是個新嘗試，出來效果又原來可以很有驚喜。Hennessy軒尼詩現正再次推出「重新發現港滋味」活動，第一個主題是軒尼詩x海鮮的配搭。由現在起至明年2018年2月，軒尼詩會與香港多家海鮮酒家合作，包括我們這夜身處的西貢勝記海鮮酒家，合力推出一系列「重新發現港滋味」套餐，軒尼詩V.S.O.P與軒尼詩X.O配搭海鮮。我們人多勢眾，點菜就是更方便！我們一口氣吃了多款菜式，包括數款原瓶軒尼詩V.S.O.P或軒尼詩X.O配海鮮美食的「重新發現港滋味」套餐。當中我的最愛，就是「龍吐珠粟米斑塊」！配一瓶70cl的Hennessy X.O，$1988。原條沙巴龍躉，起肉炸，件件魚柳炸得香脆肉嫩，其實淨吃也夠好吃。蘸上香甜玉米羹，真是超美味的粟米斑塊！再配口香醇順口的Hennessy X.O，真是味覺一大享受。然而這款中式炸魚配的並非炸薯條，而是炸魚骨，愛吃骨的朋友都吃得津津有味。如果人數夠多的話，推介阿拉斯加蟹配一瓶300cl的Hennessy X.O，$12,888。足5斤多重的阿拉斯加蟹，先安排原隻上枱讓大家拍照，之後師傅會拆蟹及重新擺盤後冰鎮出場。3公升的軒尼詩X.O，我真是第一次親眼見到這麼大瓶的X.O干邑白蘭地呢。以蛋白汁底同煮的阿拉斯加蟹，肉質肥美鮮嫩。再配以一口軒尼詩X.O，干邑的香醇辛香更再提起蟹肉爽甜，滋味層次倍增。至於勝記一向做得美味的芝士龍蝦煎米粉，也有連一瓶150cl軒尼詩X.O的選擇，$6888。香濃芝士醬濃稠適中，無論配爽口本地龍蝦、抑或蘸香脆的煎米粉餅都很好吃。軒尼詩X.O的果乾甜香、遇上味道濃郁的芝士醬時並沒有被蓋過，反之能中和濃厚醬汁，感覺更少份膩感。軒尼詩的「重新發現港滋味」套餐還有一款肉類配對選擇，就是以西貢勝記海鮮酒家出品的「芥末山楂骨」，配一瓶350cl的軒尼詩V.S.O.P。雖然選配的是V.S.O.P (Very Special Old Pale)等級而並非X.O extra old等級的干邑，入口較多份辛辣，但與香甜濃郁的芥末山楂骨又很夾得來。此外，大家趁來到西貢勝記海鮮酒家，順道也回味一下這裡的招牌前菜「西貢墨魚餅」、「脆皮滑金磚」，以及每次都必吃的「椒鹽鮑魚」。香煎過的墨魚餅，鮮甜彈牙，感覺真材實料。而脆皮滑金磚及脆皮炸豆腐，外脆香脆而裡面的豆腐相對滑溜，一點不油膩，好吃。椒鹽鮑魚炸粉極薄，香口鮮嫩，水準依舊，真是美酒佳餚的一夜呢～雖然這幾道菜並非跟配軒尼詩干邑，但原來軒尼詩X.O能如此百搭，與不同煮法的菜式也有很多配搭可能。學(酒)海無涯，日後真要繼續去發現、再多作不同嘗試呢～ :)…查看更多

終於100篇啦！是日有客戶從國外到公司拜訪。陪完客戶到處逛，傍晚開車到西貢睇景食海鮮去。boss一早BOOK左呢間，說呢間是米芝蓮的哦！其實點左好多野食，不過由於大家文化不同，不便拍得太多照片，所以只講有拍到的吧！椒鹽鮑魚香氣滿溢，入口咸香，鮑魚咬落去味鮮，肉質嫩!椒鹽瀨尿蝦，很大隻，一開三，炸得略嫌過火，肉質略乾，椒鹽也很香。辣酒煮螺非常香辣，螺肉非常新鮮，入味。蒸魚大大條，但肉質略 “鞋”，應是條魚太老啦！奄仔蟹非常多蟹膏，，味濃，滿口蟹膏，實在一流！沙薑雞腳，印象深刻，但無影到。雞腳好靓仔，無爛，非常咸香，皮滑夠淋配上沙薑十分香。…查看更多

是日與友人行完西灣，浪茄，萬宜水庫，六個鐘無間歇，腳軟到癱，一定入西貢好好補償自己！不喜嘈雜的路邊環境，於是行入避風塘內里，一座古色古香的小樓躍然眼前，夥計都幾樸實真誠，裝修也嶄新乾淨無油煙，於是便行上二樓二人枱，好幸運無book枱都有嘢食！~~~~~餐牌有幾個套餐可以選擇，598都可以有個好豐富的二人晚餐，不過我向來鍾意自選菜色，不過又未有能夠分辨海鮮的能力，於是乎沒有自己落樓下親自挑選海鮮，便交由師傅處理。~~~~~首先要了一碗海皇湯，無添加任何味素之天然口味，純粹的湯色，暖暖鮮鮮的口感，令人放鬆滿足！BTW，店家特意準備的西式餐具用來食海鮮也很貼心~如果不習慣中餐的大快朵頤吃相，可以優雅地使用刀叉享受海鮮都幾有趣味，可以邀請西洋友人同來。美極豉油煎蝦~ 蝦是我的最愛，無論系屋企自己煮飯，或者去食日本料理，都一定不忘記叫蝦。蝦料理的方法有多種，美極豉油的香味最是令人難以抗拒，新鮮的蔥花，配上煎得金黃的大蝦，真是不捨得落下每一滴醬汁，怎麼能夠如此咸香~ 不過下次會試下叫中蝦，試多幾隻，就算送白飯都系人間食之幸事！傳統中式酒樓竟然有如此精緻之活魚刺身，真是大有驚喜！擺盤之亮眼，味道之新鮮，冰冰涼入口，是個絕佳的starter~心情瞬間加分三成！蒜蓉蒸帶子是我的最愛，不過勝記用的酒糟，好特別，但有點偏乾和不入味，似乎每一枱都有叫這款經典菜色，不過我就更偏向自己的心頭好做法——用豐富的蒜蓉入味和保留充足的湯汁。椒鹽鮑魚，米芝蓮的得獎菜色，名不虛傳，鮑魚Q嫩而不癡牙，證明足夠新鮮，淡淡椒鹽配上炸香的蒜粒，毫不掩蓋海鮮本身的美味又多了幾重味蕾的感受，下次要叫多幾隻才夠滿足呢！最後送上骨湯娃娃菜平衡下膳食，落單前期望不高，只是想要一餐飯食D素，沒想到竟然成為意外的點睛之筆，大大的沙窩捧上來的時候，真是令人兩眼放光，揭開蓋，濃郁的白湯冒著煙，真是無法形容這種滋潤的感覺，娃娃菜本身的清甜，加上番茄的鮮酸，還有一些粟米粒夾雜其中，相映成趣，互相出味，骨湯想必是經過長時間的熬煮，味道濃烈，作為最後的ending，我和友人竟然飲到見底，不留一粒粟米！店家最後送上甜品，都是特別的款式，一個傳統的桂花味，一個是蜂蜜柚子味，一個疑似益力多！雖然我不是很喜歡啫喱口感的甜品，不過還是多謝店家熱情的服務~從帶客上樓，入座，開茶，落單，上菜，分菜，換碟，收碟，服務都幾周到，令人滿意，環境乾淨，裝修企理，無油煙，真的令人舒坦。真的很喜歡西貢，週末時分約友人，情人，家人來次共度一個悠閒的夜晚，真的是人生最平凡的幸福~…查看更多

上星期六開開心心約朋友一起入西貢食海鮮，大家還一起往西貢街市選購海鮮，看見超大的瀨尿蝦，每隻差一多15吋多長，雖然要$220/斤，都決定買了三隻。本來我想試六福，可惜剛在裝修，朋友便提議往勝記。我們預約了6:45pm，因為買海鮮，遲咗少少，6:48才到達，所以一坐下，店員已經催促大家下單，並提醒我們八時要交枱。起初每碟上枱的海鮮也不錯，但當大部份海鮮都吃下三分二時，仍遲遲未見超大瀨尿蝦的踪影，我們向店員催促，他們才急急找，看他們如夢才醒的眼神，我心想....不要告訴我交錯其他枱。最後椒鹽瀨尿蝦上枱，但令我極之失望，我們的超大瀨尿蝦，竟然嚴重縮水。 我向職員投訴問是否與其他客調錯了? 他竟然給我似是而非的答案。先說熟了的瀨尿蝦會縮水，跟著又說海鮮是每枱客逐碟煮，是不會調錯。如是這樣，為何椒鹽瀨尿蝦會比其他海鮮遲了半小時才上枱呢??? 我不是儍瓜，我明白他們否認，我也沒辦法，唯有在此提醒大家吧!朋友提議如果下次自攜瀨尿蝦，最好要求開邊煮，那麼店舖便不可輕易做手腳了。看來下次也要有此要求。至於此店，我一定不會再來。我也去過好幾間西貢的食肆，但從沒試過這樣經驗，對此店非常不滿呢! 店員的態度也是我去過幾間西貢食肆中最差的! 味道再好、環境再靚也沒用呢! …查看更多