夏麵館 (寶石大廈) (已結業)

行街街行到五點，走去夏麵館吃個下午茶套餐當晚餐。這時段餐廳人很少，卡位坐得舒服。點了香辣牛肉麵和排骨擔擔麵，加了鮮肉小籠包，上海春卷，配熱豆漿和熱奶茶。香辣牛肉麵用鐵鍋上，熱度十足，麵條爽滑，牛肉份量多又易咬，肉質雖然不嫩滑但又不至於嚡口，調味足夠，湯底濃味，只有點點辣。排骨擔擔麵同樣份量十足，麵身帶點黏性，花生醬汁的湯底味也濃郁，配上炸菜粒，花,生粒，吃時有點口感。上海排骨即是豬扒，炸得鬆脆可口，醃料入味。鮮肉小籠包，一籠有四隻，包身的皮有點厚度，咬下去可看到內裏仍保存鮮肉汁，肉團大大個，味道可以。上海春卷，一碟兩件，中間剪斷成四塊，用蔬菜做錎，卷皮炸得很鬆化。熱豆漿，豆味濃郁，還有一片腐竹皮在杯內，難怪可以做出那麼黏稠度高的豆漿。熱奶茶就味道一般了，茶不濃較淡口。這店的下午茶都有水準，吃得飽又好味。…查看更多

今晚和太太在荃灣吃晚飯，突然想吃上海菜，於是來到這家有多間分店的夏麵館，一試水準。餐廳環境裝飾舒服，燈光柔和，內有多張多人枱及卡座，可以舒服地吃飯傾計。餐牌選擇極多，涼菜、小食、麵食、小菜、飯類以及甜品一應俱全，價位適中，更有時令的蟹粉菜式。哆唻咪真材實料用上大量新鮮蟹黃、蟹粉及蟹肉，三者一起燒製，蟹肉的鮮甜味道及蟹膏的油香更為濃縮，入口鮮甜甘香，味道一流，十分下飯，可惜今晚只叫了擔擔麵，但也馬上加點一客銀絲卷蘸著吃。炸銀絲卷新鮮即叫即炸，外層香脆，內裡鬆軟香甜，無論配撘煉奶或者哆唻咪，都同樣可口。鮮肉小籠包熱烘烘的上枱，小籠包皮薄而夠韌度，肉餡味鮮而湯汁清香，小籠包的皮經得起用筷子夾帶而不破裂漏汁。響油鱔糊上枱時仍不停冒煙，火喉鑊氣十足，十分經典的上海式濃油赤醬，色澤亮麗，吃起來有醬香魚鮮，且黃鱔鮮滑脆嫩，加上荀段口感多層次。排骨擔擔麵擔擔麵湯底調味細膩豐富，麻醬味道香濃，微辣的風味，輕輕的刺激著舌頭，口感豐腴，引人入勝，拉麵口感筋道醇厚，頗有嚼勁。而炸排骨外層焦香酥脆而軟嫩不乾澀。濃湯滑津白最後來一個相對比較不重口味的菜式，津白滑嫩可口，奶油濃湯味道濃厚，加上金華火腿的鹹香，三種食材的滋味相配，頗收相得而益彰之效。夏伯伯酸梅湯冰涼的口感，清新的香氣，加上純粹天然果酸，酸甜適口，腴而不膩。…查看更多

眾所周知荃灣市中心食肆多如繁星那工業區附近又有什麼選擇呢今趟完成工作後與友人來到位於沙咀道這家夏麵館想不到價錢實惠且質素不錯先來蟹粉小籠包皮薄肉多咬開表皮即見表面淡黃色的蟹粉包裡充滿混有蟹粉的鮮味肉汁大小剛好一口剛好填滿了我整個嘴裡再來是名字摸不著頭腦的多唻咪看餐牌介紹原來是明星張曼玉命名意思是同時有蟹黃蟹粉河蝦的鮮味一試果然蟹味非常濃郁且隱約帶海鮮的鮮甜味用來配上淡淡的饅頭果腹之餘又能嘗鮮味來到麵館麵食當然是主角嫩雞煨麵麵質軟而不爛雞湯素白而鮮味雞肉清淡軟嫩簡單的菜式要做得好更考基本功另一款麵食是排骨擔擔麵麵質有嚼勁湯頭偏向微辣風味蘊藏著濃濃麻醬香味配上外皮酥脆內裡軟嫩的大塊豬排總結而言食物質素不錯而且份量豐實…查看更多

好好好耐無食上海菜啦！今日同朋友出左荃灣行街，夜晚黎左夏麵館食飯，望住個menu心大心細咩都想食🙈最後我地叫左上海醬鴨，半份哆唻咪，黑醋話梅肉，排骨擔擔麵同一個菜飯🙊我唔係好明點解上海醬鴨會歸類為涼菜🤔不過唔好理😂 以涼菜兼60蚊呢個價錢黎講，性價比超高！份量多，鴨肉嫩滑兼入味😋哆唻咪係連張曼玉都推介既菜式，即管試下😂見到材料寫住由一兩蟹黃，二兩蟹粉，三兩河蝦整成，心諗應該都唔會中伏掛？！食落唔止無中伏，係勁鮮甜！！😱我要黎撈飯食唔停口🙊🙊我最中意酸酸may may既菜式，糖醋小排，糖醋魚塊，松鼠桂魚，糖醋蝦球，黑醋話梅肉我都想食🤣🤣朋友話黑醋話梅呢個組合好似特別Ｄ，而且係新推出所以揀左呢個～賣相勁吸引！估唔到真係有勁多粒話梅😍我見其他舖頭通常得幾粒話梅甚至用話梅粉就算，呢度果然真材實料！👍👏醋既酸味同話梅既鹹味平衡得剛剛好，排骨半肥瘦，每舊都均勻咁痴住D醬汁但又唔會太稠，酸酸甜甜勁開胃兼又係超好送飯既菜式🙊擔擔麵既麵可以揀淋啲定煙韌啲👍 我地揀左煙韌，果然好有趙口😋排骨皮薄香脆，肉質唔乾，好食！😚食完先發現原來蟹粉宴做緊限時優惠，經togetda預先訂購就可以買一送一😵即係人均兩舊水就食到１１樣野😍 岩晒我呢D咁貪心中意多花款既人🤣所以我決定不久既將來就會捉埋男友黎食多次😎…查看更多

今天和好姊妹約好晚上吃這家上海菜由於我的姊妹非常喜歡吃上海小籠包所以今天選了這家，因為他沒有吃過所以帶他來吃一下。由於他未吃過這家所以我給他發板吧茶位$4先點了一份燻蛋燻蛋蛋黃香甜得黎蛋白夠滑夠彈再來蟹粉小籠包2隻即叫即蒸熱騰騰，湯包滿滿非常多汁，蟹粉在面上肉汁鮮甜，不過蟹粉多點會更好另外每次我地都會叫《紅油抄手》有6粒仲要大大粒，甜得黎有辣味，最鐘意佢個醬汁再來一個《排骨擔擔麵》超大塊豬排加超大碗麵，夠2-3人食仲要$65抵食到暈最緊要個湯夠濃，排骨炸到香脆再來一個上湯時菜叫左白菜仔菜夠鮮甜同新鮮，加上個湯夠清另外再點一個《哆唻咪》半份原來半粉已經超多，蟹粉蟹膏滿滿夠新鮮再配上粒粒炒蝦仁之後點了一份銀絲卷撈埋一齊食 正最後兩個大胃妹仲要來多個甜品🍮食上海菜當然要叫 《高力豆沙》啦即叫即整熱騰騰滿滿豆沙清甜香口，滿足…查看更多

今晚和太太在荃灣吃晚飯，突然想吃擔擔麵，於是來到這家有多間分店的夏麵館，一試水準。餐廳面積頗大，內有多張多人枱及卡座，可以舒服地吃飯傾計。餐牌選擇極多，涼菜、小食、麵食、小菜、飯類以及甜品一應俱全，價位適中，更有時令的蟹粉菜式。夏味燻蛋涼菜先來一客燻蛋淺嚐，生熟程度拿捏恰到好處，蛋黃部分顏色澄黃，口感滑溜，蛋香相當濃郁。鮮肉小籠包熱烘烘的上枱，小籠包皮薄而夠韌度，肉餡味鮮而湯汁清香，小籠包的皮經得起用筷子夾帶而不破裂漏汁。蟹粉豆腐煲真材實料用上新鮮蟹黃、蟹粉及蟹肉，濃醇香滑的蟹粉與豆腐一起燒製，蟹肉的鮮甜味道及蟹膏的油香更為濃縮，豆腐口感細滑軟嫩，入口鮮甜甘香，味道一流，十分下飯，可惜今晚只叫了擔擔麵。排骨擔擔麵擔擔麵湯底調味細膩豐富，麻醬味道香濃，微辣的風味，輕輕的刺激著舌頭，口感豐腴，引人入勝，拉麵口感筋道醇厚，頗有嚼勁。而炸排骨外層焦香酥脆而軟嫩不乾澀。高力豆沙最後以一客傳統京式甜品高力豆沙作結，外層口感富彈性，有淡淡蛋白香，內層豆沙蓉香甜不膩，十分有驚喜。…查看更多

星期六去食晏，有商務午餐，都算抵，一個麵跟小食同飲品。窩貼得個大字，皮厚又油又唔夠熱。小籠包裡面個餡同窩貼係一樣，而且擺底果陣個皮已經串左漏曬汁。排骨擔擔麵幾好，湯底夠濃夠香，排骨都炸得唔差，而且幾大份。但個黃魚燶麵就真係有驚喜啦！個湯係魚湯，條煎魚應該係新鮮魚，又滑又鮮甜，估唔到會係夏麵館食到咁高質既魚，實在驚喜！老人家或者身體唔舒服食呢個當堂暖曬，而且起左骨，推介！唯一麻煩既係洗手間要行九曲十三彎，去用商場果個，仲要拎鎖匙，有d唔方便。而且d伙計成日漏order，香港地係咁架啦，唔會對服務有期望。…查看更多

今次用了團購券，落單時交團購券給服務員，非常有禮貌地解釋團購券的計算方法，讚！分別點了蟹粉小籠包和小籠包，兩款小籠包都皮薄且肉汁豐富，蟹粉小籠包增添了一份蟹肉的鮮甜，貴一倍也是值得的。蟹粉拌麵的蟹粉醬薑末太多，不太喜歡。自選五小碟不過不失，唯其中的水晶肉未完全解凍，竟然感覺有冰沙，馬上倒了胃口。排骨擔擔麵的擔擔麵維持水準，但今晚的排骨有點乾。炒鱔糊的「黃鱔」很肥美。除了小籠包，整晚最喜歡的一道菜。…查看更多