更多
2022-06-26
342 瀏覽
同友人黎左呢間cafe食個tea,平日下午唔多人,怕黎到要等位可以打電話黎訂枱。我都有打電話訂枱,女店員都好有禮貌,仲問我有冇特別要求,呢點幾impressed我,因為有啲人可能想黎慶生慶anniversary架嘛😆可能有啲特別既request或想坐某啲位置。我地黎到就安排有梳化座既位置,其實係一張二人枱泊過去梳化,坐梳化既我覺得張枱有啲矮既。我地叫左一個前菜兩個main,三樣都唔錯既👍🏼蟹肉明太子流心西班牙蛋餅 (HK$88)呢個蛋餅應該係餐廳既人氣小食,賣相都吸引,佢唧既明太醬都幾靚,有少少三文魚籽同蟹肉絲係面做toppings,切開蛋餅啲蛋漿就流出黎,超流心。味道方面我就覺得差少少,其實明太子蟹肉既味道唔夠,蛋味就一般般,佢既蛋餅係軟淋一啲,入面都有少少薯仔粒既,整體黎講還可以,但唔係我食過好食既蛋餅頭幾位了。風乾腩肉卡邦尼手捲粉 (HK$88)呢個反而有驚喜,有別於平時食既carbonara 呢碟用手捲粉唔係長條意粉,手捲粉我覺得更好食。個汁係扁杰身,但調得剛好。呢個carbonara係用風乾腩肉,比煙肉厚切啲,更有咬口,我覺得成碟都整得幾好食😋慢煮法國黃油雞配沙嗲汁煎腸粉 (
我地黎到就安排有梳化座既位置,其實係一張二人枱泊過去梳化,坐梳化既我覺得張枱有啲矮既。我地叫左一個前菜兩個main,三樣都唔錯既👍🏼
蟹肉明太子流心西班牙蛋餅 (HK$88)
$88
12 瀏覽
0 讚好
0 留言
呢個蛋餅應該係餐廳既人氣小食,賣相都吸引,佢唧既明太醬都幾靚,有少少三文魚籽同蟹肉絲係面做toppings,切開蛋餅啲蛋漿就流出黎,超流心。味道方面我就覺得差少少,其實明太子蟹肉既味道唔夠,蛋味就一般般,佢既蛋餅係軟淋一啲,入面都有少少薯仔粒既,整體黎講還可以,但唔係我食過好食既蛋餅頭幾位了。
風乾腩肉卡邦尼手捲粉 (HK$88)
$88
3 瀏覽
1 讚好
0 留言
呢個反而有驚喜,有別於平時食既carbonara 呢碟用手捲粉唔係長條意粉,手捲粉我覺得更好食。個汁係扁杰身,但調得剛好。呢個carbonara係用風乾腩肉,比煙肉厚切啲,更有咬口,我覺得成碟都整得幾好食😋
慢煮法國黃油雞配沙嗲汁煎腸粉 (HK$128)
$128
12 瀏覽
0 讚好
0 留言
呢碟係fusion菜,冇諗過雞脾肉可以配腸粉🤣仲要加沙嗲汁。雞脾肉煮得好嫩,腸粉都煎得好好,食落唔會一舊粉,都彈牙,配上沙嗲汁好惹味,會不停想夾黎食🤣,腸粉份量都多架!
Baileys Mocha (跟餐+HK$30,原價HK$48)
$30
7 瀏覽
0 讚好
0 留言
我係望到咖啡師拉花,佢好認真地拉個靚圖案,其實我冇expect杯咖啡咁靚,個海馬拉花靚到一個點!杯咖啡黎到已經聞到好香 baileys味,飲落都有baileys 既酒香朱古力味,咖啡味都出,兩個味都好balance,總之就係色香味俱全,冇諗過杯咖啡咁出色👍🏼
可惜餐廳既冷氣唔夠涼,食飯時都食到出汗,我地問左女店員先知冷氣壞壞地,佢都即刻將工作枱面既小風扇吹向我地到,佢地店既服務真係好好,女店員又會主動過黎斟水幾次👍🏼服務一流!
.
味道 ★ ★ ★ ★ ☆
環境 ★ ★ ★ ☆ ☆
服務 ★ ★ ★ ★ ☆
性價比★ ★ ★ ★ ☆
張貼