三家村水產

雖然話就話係我生日～不過正式做野第一年～決定帶爸媽食返餐好嘅！係不斷Research吓搵到呢間三家村～係鯉魚門少有嘅日式水產店！非常高質！因為已經係4月中去食～而家個桶蠔優惠應該無咗～但如果去食見到有平！絕對要試！！！可以揀係外面一次過燒 ／ 自己枱燒～因為當晚外面都有啲忙～就係自己枱燒啦！（爸爸不斷大讚負責浜燒嘅姐姐好厲害～全部食物都Keep住多汁鮮甜）超肥美漲卜卜～一桶有成9隻～我地仲嗌咗啲海鮮～唔好睇份量好似好少～慢慢燒慢慢食都好飽㗎！媽媽最愛嘅蟶子皇！平時食開中式炒／蒸嘅～今日浜燒一樣爽口彈牙！好味！睇住隻鮑魚係個燒爐度掙扎～勁生猛～燒個陣仲會加佢地自己煲嘅木魚水～等啲肉會唔太乾！有殻嘅食物我地都無諗住放過佢地lol白雪雪嘅肉～仲要同個殻差唔多大細～絕對肥美無得輸～～食到差唔多埋尾～媽媽話頭先係外面見到有魚掛係度曬～又為食想試下lol本地疆代表嘅馬友一夜干食落油份充足～唔係咸魚味嚟架！唔洗餸飯都一樣食得晒！服務態度一流～燒嘅時間都會講下食物嘅特色！同客人有足夠嘅交流同互動～…查看更多

今天跟朋友又來到三家村不是吃中式海鮮而是吃日式浜燒浜燒就是新鮮即捕海鮮運上岸即燒一聲太鼓聲後有熱情招待經理一番介紹後再去魚缸旁看看時令海鮮選了福岡糸島蠔浜燒八隻竟然只售六十八元在福岡吃過也要一千円一公斤每隻蠔都燒得恰到好處蠔肉甘香蠔水鮮甜點了一客日式溏心蛋半生半煮非常美味一夜干馬友是經理強烈推薦果然貴得有其道理本地馬友先風干後再烤香肉味被濃縮但油脂仍在魚肉嫩滑多汁脂香味濃然後來一客季節刺身特上選拼盤六款刺身有油甘象拔蚌吞拿等全部新鮮尤以油甘魚最肥美牡蠣一夜干也是第一次見味道濃郁酷似中國的蠔豉槍烏賊一夜干是燒魷魚最後點了野菜天婦羅盛數種野菜以冬菇和紫蘇葉最美味在夕陽下吃新鮮海鮮真的別有風情…查看更多

鯉魚門係一個食海鮮嘅好地方，近排開咗間日式食店，有時間，當然一定要去試下啦。門口擺放好新鮮嘅海產，魚蝦蟹貝殼類各類鮮魚陳列在大門口，食客可以親眼睇到海鮮有幾新鮮有幾靚，可以話係一個信心保證！入面裝修充滿心思，好有正宗日式風味，以為自己去咗日本食嘢！連洗手間嘅裝修都一絲不苟，牆上畫咗好大幅嘅壁畫，去廁所都係賞心樂事。餐廳嘅地理位置一流，臨近海邊，坐近窗口，可以話有180度海景，環境優美得令人樂而忘返。即使唔係坐喺海邊，裏面嘅位置亦都幾舒服，唔會好密麻麻，亦唔會話好容易聽到隔離位講乜嘢，係繁忙地區餐廳好難做到嘅優勢；所以雖然鯉魚門係有少少遠，但咁樣專程搭車入嚟係值得嘅！因為除咗環境之外，最重點——食物，無械可擊！先試一試季節刺身特上選拼盤，大廚用上最合時令、當日最新鮮嘅海產，為我哋帶嚟鮮甜可口嘅刺身，雖然厚切，但入口即溶，魚油甘香慢慢滲入味蕾，餘韻無窮。高質海產，當然冇雪味；入口嘅温度恰到好處，將海產鮮香發揮得淋漓盡致。江户前天婦羅拼盤種類豐富，有蝦，冬菇 ，各款蔬菜，應有盡有。咁多款天婦羅，最好食一定係蝦，因為個炸漿夠薄，食起嚟唔會搶走咗蝦肉嘅質感，亦都可以保持到蝦肉嘅水分，成個口感更加吸引，亦都冇浪費到高質素嘅蝦肉。龍蝦仔烏冬不能錯過！烏冬彈牙有咬口， 煙煙靭靭，唔係普通貨色。龍蝦仔真材實料，開半邊上，清楚見到蝦膏，高質素選擇！肉質爽脆，唔使怎麼調味已經令人回味無窮。浜燒係今晚重點，我哋一共食咗四款海產：帆立貝肉質厚實，剪開享用更加方便，亦更易品嚐當中鮮甜；蠔肉豐厚肥美，海水鹹香非同凡響；馬刀貝唔係話好巨型嘅尺寸，但因為新鮮，仍然都係好值得一食嘅；中蝦睇落好似好平凡，但咬落先知道真滋味。嗰晚因為有揸車，所以冇叫到sake， 只能以茶代酒， 若有所失。下次一定要搭返公共交通工具，配返sake，咁先無憾。…查看更多

細細個就跟家人去食海鮮，不外乎都係鯉魚門、流浮山，無論坐車或者揸車都唔算話好方便，即使而家長大左，都好少話專程入去食海鮮，一來食到海鮮嘅地方多左，二來大部分都好新鮮。本地人再入去食海鮮嘅都少左，遊客可能仲多啲，加上入親去食飯價錢不菲，好少踏足呢個地方。最近三家村碼頭旁邊開左一家主打浜燒嘅日本料理，非常有新鮮感早輪又睇過好多介紹，於是夾個時間，收工就同幾個朋友一齊過黎餐廳臨海，部分位置可以見到無敵大海景，望出去都幾靚嘅，食飯前早少少入去影下相留念都靚。比較可惜係我地收工入到去都比較夜啲，錯過左日落景色，有機會去要再入去走走，始終日日番工放工都好沉悶，假日應該搵啲地方多走，影下相。餐廳位置闊落，近門口位置可以見到擺放魚缸同冰櫃，擺放當日新鮮運到嘅海產，菲律賓石蟹、花金鼓、池魚、日本生蠔、花竹蝦、各款貝殼類等，客人可以親自去揀選，明碼實價，食得放心。裝潢方面花過唔少心思，用上木、竹等元素，具日式風味。人多嘅可以考慮預訂房間，更近海邊，不過我地就冇問及收費。餐牌供應沙律、前菜、時令海產、刺身、壽司、丼飯、烏冬、燒物、炸物、甜品等，定價中上。一行四人款款都試下，人均六百多。季節刺身特上選拼盤 $888/8種由師傅揀選當日新鮮嘅海產砌成賣相極吸引嘅刺身拼盤，有拖羅、金槍、油甘魚、海膽、帆立貝、章紅魚、金目鯛等。海膽鮮甜冇腥味，口感綿滑，夾埋脆口紫菜，連平時唔好海膽嘅我都食唔停口。帆立貝、油甘魚柔軟鮮味，基本上對呢八款刺身嘅新鮮度無需懷疑壽司：海膽軍艦 $70/件、香蔥吞拿魚腩軍艦 $45/件、蟹籽軍艦 $35/件、黃金魷魚軍艦 $35/件吞魚腩好滑溜，入口即溶海膽味道濃厚；蟹籽、黃金魷魚軍艦屬正常水平，份量大方。壽司飯口感煙韌，但紫菜唔夠香脆，略腍。天婦羅海老卷 $160一共四件，壽司飯比較大件，海老爽口，加上芝麻同沙律醬，係好食，但個人認為其他食物會比較划算。生蠔 $40/隻日本生蠔都幾大隻，蠔身燒到脹卜卜，軟滑多汁，鐘意食蠔嘅朋友不能錯過，定價合理。帆立貝 (浜燒) $98/隻帆立貝好大隻，剪開燒會比較易熟啲，為免帆立貝太乾身，一邊燒一邊可以加入木魚水。即時剪開左，每份依然係好大隻，一口放入，口感豐滿，貝身軟腍，不過就冇想像中鮮味，相對之下，生蠔更加抵食。中蝦 (浜燒) $168/4隻同樣地，蝦嘅size都唔細，肉質爽口，頗有水準。馬刀貝 (浜燒) $118/4隻唔係太大隻，肉質爽口，不過性價比唔高。燒油甘魚骹 $120雖然平時唔係好鐘意食魚頭、魚骹，但十分推介呢款油甘骹，簡單鹽燒已經好香，魚骹冇細骨，而且魚肉好嫩滑，魚油豐富，完全唔乾。一行四人都好喜歡，淨係食剩啲骨。清酒蝴蝶蚌 $188/8隻 蝴蝶蚌感覺比平時食到嘅再大隻啲，粒粒脹卜卜，肉厚多汁，乾淨冇沙，加上淡淡清酒味，更顯鮮甜。炸白飯魚乾 $48入口脆身，薄薄一片，又香口。岩鹽枝豆 $45今晚於三家村水產進餐，甚有風味，正宗嘅浜燒都係第一次食，除左刺身、海鮮新鮮不在話下，但全晚令我印象最深刻嘅卻係燒油甘魚骹，十分回味，值得試試餐牌：…查看更多

今日難得放假，同老婆去了鯉魚門食海鮮，先散下步到碼頭後發現一間新開的海鮮店，所以入去試試。三家村水產以前是做釣具生意，後期生意麻麻，又適逢店主在日本發掘這個浜燒概念，帶回香港轉型成現時的水產店，以上是偷聽店主跟客人的對話而節錄在此。鯉魚門裏面的餐廳主要是食海鮮，這間亦不例外。日本蕃茄伴和風沙律汁：整個日本蕃茄切成一片片舖在沙律菜面，蕃茄清甜酸味不重，沙律菜新鮮爽脆，反而沙律汁帶點酸味，非常清新開胃。季節刺身特上選拼盤：刺身拼盤共有六種，包括我至愛的三文魚、帶子、吞拿魚等，全部色澤自然，魚肉結實且有光澤，口咸方面，個人比較喜歡三文魚，油脂均勻，有魚味鮮甜亦有油份的甘香，其次是吞拿魚新鮮爽甜，咬落去爽口有彈性，其他刺身都不錯。一夜干馬友：馬友是早一晚醃定風干，食前再去煎，外面呈外黃色，肉質雪白，非常吸引，魚皮很香脆，魚肉因為醃過的關係，已經有咸味，完全不需要再加任何的調味料已經好好味，肉質既鮮且嫩，估唔到馬友除了做咸魚外還有此種食法，做法新穎有心思，出來的效果又好，真是抵讚。海老天婦羅盛：天婦羅蝦外層粉漿很薄，上枱時還熱辣辣，即叫即炸，而且完全無油在底，質感外脆內軟，蝦肉彈牙，食完都不覺得油膩，亦都不會炸得過硬。青椒仔爽脆而且不辣，有青椒特有的蔬菜味，幾清甜。清酒蝴蝶蚌：蝴蝶蚌很大隻，因為用清酒煮過的關係，加上蝴蝶蚌本身的鮮甜味，整個湯底清甜中帶點酒香，肉質不鞋而且無沙，蚌肉爽脆，鮮味十足。總結：海鮮新鮮鮮甜，刺身新鮮味美，全部食物中高質素，外方面都很平均，其中馬友必要一試，咸鮮味道一流，雖然價錢有點貴，但絕對值得一試。…查看更多

有同事生日, 今晚相約一齊到鯉魚門新開既一間日式水產料理食餐生日飯。店內地方寬敞, 座位是以竹塔成, 別有一番漁村風味。近門口位放左唔少不同款式海鮮, 明碼實價, 唔怕超出自己預算; 而另一邊就有多款日式刺身。呢度主打磯燒海鮮, 更有刺身、日式小食等等供應, 而且仲有唔少清酒飲tim....是一間多元化、款式多, 偏向日式既餐廳。【麵豉伴故瓜】HK$40爽脆青瓜、沙律菜, 配上麵豉粒, 清新中又帶點鹹, 一個不錯的小食【炸白飯魚干】HK$48整晚最有驚喜莫過於呢款炸物, 表面不會油膩而且乾身, 一咬之下脆得有聲, 很香口, 點少少沙律醬食, 令味道更加昇華。【季節刺身特上選拼盤】HK$888超豐富既刺身拼盤, 以冰墊底, 再有乾冰既煙霧效果, 令上檯埸面更加有氣派。每款刺身都非常新鮮, 更是厚切, 每件刺身都能滿足到口感...當中最喜歡就係吞拿魚腩同埋海膽吞拿魚腩魚油很豐富, 幾乎入口即溶; 而海膽更是大大隻, 海膽一點腥味都沒有, 用紫菜包住食, 海膽更是入口即溶, 鮮甜味十足!【安格斯牛柳粒】HK$238牛柳粒切成細細粒, 可以一啖一粒。牛肉粒很JUICY, 很林, 沒有根連帶, 配有綠茶粉、芥末同埋wasabi選擇, 岩哂每位客人不同口味。本身意為磯燒可以自己燒, 點知送上檯時, 侍應已預先幫我地燒好, 夠哂細心~~~【帆立貝】HK$98/隻帆立貝好大隻, 可能當中加左d白酒去燒, 燒過後帶子都唔會乾, 入口時食到帆立貝本身鮮味, 但食耐左仲食到香醇酒味tim~【日月貝】HK$138/4隻隻蜆同樣size都不小, 沒有沙, 不過味道帶酒澀味【牛肉稻庭烏冬】HK$90烏冬帶少少煙韌, 很滑, 牛肉很鮮嫩, 不過湯底稍為齣左d....最後仲order左個甜品, 【北海道芝士蛋糕】HK$188很creamy, 芝士很濃, 整體不會太甜, 讚!!!…查看更多