橫水渡小廚

好耐冇嚟過大澳, 見係平日唔多人於是決定喺大澳食埋午餐, 行過門口見到師傅喺度斬燒鵝,已經流晒口水,一於決定食呢間!本身個阿姐極到晦氣兼冇禮貌話要搭枱,好老實講疫情下真係唔想同人地一齊坐,所以決定等一陣!!!坐低一打開Menu, 見到四大招牌菜, 本身想食燒鵝嘅我決定改變主意,因為得兩個人食唔到太多野所以只好揀其中兩樣,眼見墨魚餅比燒鵝更吸引,揀咗龍仔飯同墨魚餅,本身見到其他枱個籠仔返份量有啲多,得兩個人驚食唔晒,好彩本身自己唔算細食兩個人都總算食到!…查看更多

行完大東山，又累又餓☹️，好友話去大澳食d 好野補返d energy, 佢強推橫水渡小廚既墨魚餅😋去到原來有兩邊鋪面，我地初初去其中一邊以為冇人，點知老細過黎叫我地，一望另一邊，今日平日都好多人幫襯！四個人叫左四個菜，😍墨魚餅！之後再叫左蝦乾荷葉籠仔飯加兩個菜。墨魚餅❣️熱辣辣，好香好脆☺️果然名不虛傳兩個菜就中等水平，冇咩特別。蝦乾荷葉飯！！好入味，好有大澳特色😆強推！最後叫埋杯可樂，正😝老細話普遍大澳既鋪頭好早收，不過我地可以坐到9 點都ok.如果再黎大澳都可以試多次。…查看更多

是日與友好由東涌行入大澳，所以晚上在這解決，同行好友已早早search定有咩好食，所以一心搵這店。可能是日晚上較凍，整個大澳遊人不多，所以這所三層的店亦非滿座，每層約有兩檯客。老闆一早講了，七點炭燒燒鵝出爐，所以只是多等三十分鐘，所以一於等！經過一輪介紹後，我們五人點了：炭燒燒鵝：果然不錯。即燒起夠熱，肉質不梅，皮亦脆，好食！大澳咸鮮籠仔荷葉飯：咸鮮有白飯魚乾～蝦醬～豬頸肉～咸鮮魚，加上蔥花，很有風味的一道籠仔飯，雖然賣相麻麻，但在市區很少機會可以試到，所以應該要試！墨魚餅：大大粒，墨魚夠咬口，有粒粒墨魚！避風塘茄子：最愛這款菜，茄子有兩款食法，避風塘或且是黃金，我揀了避風塘，果然夠香口，茄子原來是釀了魚肉，加上脆漿去炸，再用炸蒜蓉豆豉辣椒粒撈，超正！魚湯浸豆苗：魚湯夠鮮味，豆苗夠鮮嫩，配上菇及蝦乾，滿足！很有大澳風味的一餐，加上兩枝大啤及一罐汽水，盛惠$680！滿足晒！…查看更多

我們係等雞蛋仔的時候, 諗住係蓮香酒家食海鮮晚餐, 但是一去到, 想book6:30時, 那位阿姐說已經無位了.......唯有去橫水渡試下啦~6:30去到, 那位阿哥幫我們搵了個閣樓的位, 但睇埋餐牌時, 結果等了十多分鐘才有人幫我們寫單.......仲要係我要落返樓下要求他們幫我落單.....心諗得咁少人做野就唔好叫我們坐樓上啦......等了一陣, 終於都有得食啦~墨魚餅: 一碟有八件, 食落口好彈牙, 真係好想食完一碟再點多一碟!!!(85分)白灼東風螺(自來): 因為係等"食送"來的期間, 我們忽然諗起可以買自來海鮮入來比他們整喎, 因為已經6點幾7點了, 所以檔口已經收工了....唯有幫襯路口走鬼檔啦~我們揀了東風螺, 阿姐叫我們白灼比較好味, 所以就揀了白灼~這裡的老細教我們整d肉出來, 他說用竹籤整d肉出來都有d技巧, 因為這些螺跟普通的螺不同, 真係巧功夫(75分)上湯浸雜菜: 湯底好鮮甜, 一,可以飲埋d湯~雜菜有生菜, 西蘭花等(75分)蝦乾荷葉籠仔蒸飯: 有好多乾魚仔鋪係面, 然後係蝦乾, 再加上豬頸肉, 送飯一流!(75分)好彩這裡的老闆都好好人, 我們唔識挑東風螺肉, 他都肯教客人~…查看更多

大澳水鄉小食攤檔種類凡多，時有新口味，每次經過總吃得肚飽，正餐可以免除。對上一次惠顧大澳食肆距今起碼6-7年，而總體食肆則無太大變化，蓮香算係大澳中較深印象既一家食肆。世事往往令人有著驚喜，從山上行山徑進入大澳水鄉必會經過吉慶前街，亦係蓮香既所在地。但今趟竟發現有新食肆出現，而且係無諗過以燒鵝為主打既食肆，大澳同海鮮有著微妙關係，燒鵝似乎大纜都扯唔上，不過有綽頭有賣點，攪攪新意思，自有食客欣賞，大家高興，何樂而不為。餐牌除小量大澳特式菜外，其他均是坊間慣常小菜，選擇唔算太多。 炭燒燒鵝：見到門口海報果幅油潤既燒鵝照，再加上炭燒燒鵝四隻字，馬上列為必試項目。即叫即燒既燒鵝需至少45分鐘前預定，所以我地未到下畫5點就訂好，以便6點前可順利進餐。因為一行只有兩人，只能選擇燒鵝上裝，與鄰座燒鵝全體既壯觀賣相雖然相差甚遠，但仍油潤不減。入口皮脆兼香溢，再咬皮下脂肪即時潵出，一陣油香令本身已非常入味及柔軟既鵝肉再增添潤澤。本人最愛嚐骨頭，尤其燒鵝，因為骨與肉之間往往係醃料既精髓所在。一試不能自拔，濃濃既花椒、八角及鹹香已令我無法不續條骨去品嚐一番。此時此刻就我個人口味而言，鵝骨比淨鵝肉更應是天上美味！ 銀魚籠仔蒸飯：本應想點大澳漁夫四寶，但多謝侍應建議，改選擇銀魚籠仔蒸飯。兩者同是大澳風味，但後者較前者少了鹹蛋黃，但反正要食飯，不如來個籠仔蒸飯。蒸飯用料有銀魚、吊筒乾、馬友鹹魚同豬頸肉。講黎講去好似除用料係大澳特產外，並無獨特之處。其實經細心品嚐後必定發現無任何添加醬油之下，飯味鮮，鹹淡得宜，仲有陣陣蝦醬香味。原來馬友鹹魚係用上一種叫鹹鮮魚，食落唔鹹，肉帶新鮮魚既質感，十足萄式馬介休。馬友魚劏肚後用鹽醃晾乾三天便有如斯效果；而豬頸肉則用蝦醬輕輕醃過，鮮嫩兼帶蝦醬既野味；各項用料似是平凡不了，但做到了平凡中的不平凡。 墨魚餅：各大、小茶樓，甚至小食店均有墨魚餅供應。如何令人覺得出色？與別不同？橫水渡小厨相信就單純以真材實料取勝，令食客留下深刻既印象。墨魚餅較為厚身，形狀與麥樂雞差不多大，質感非常彈牙，以大量墨魚粒混入小量墨魚漿煎成，沒有加入任何馬蹄、粟米粒等。啖啖均是爽口彈牙既墨魚，口感異常豐富，可謂做足100分。今次試菜亦相當滿意，下次會召集各方好友，誓必以整隻燒鵝為目標，並再多試幾道菜式及海鮮，總之人多好辦事！建議大家必需提早訂位及訂菜，尤其係必試既燒鵝及其他特式海鮮，因平日遊人稀少，貨源不足，以免到時掃慶。此外，亦可選擇棚屋露天既心宜座位進餐，氣氛較佳。服務：侍應友善好客，認真不錯。…查看更多

約了兩位好友去大澳玩到達後，先往碼頭吹吹風然後去橫水渡小廚醫肚，gogogo！人不多，只點兩個來吃分別是香煎墨魚餅和籠仔荷葉飯墨魚餅相當有咬口，每一口都是墨魚肉不像普通貨色由麵粉堆砌出來的配泰式辣醬來吃更美味至於籠仔荷葉飯有豬頸肉,鹹魚粒,魷魚,蝦乾和銀魚仔充滿荷葉香，飯也有油香和蝦醬味，非常讚！！…查看更多

星期五同班fd去大澳玩v0v 到左食飯時間經過呢間餐廳;pp老闆好熱情甘推介d特價餐比我地仲比左張令景檯比我地xDD食完之後應承左老闆要上尼openrice寫篇食評;p我第一次寫架乍w-' 哈哈-3-xd-南瓜排骨湯ok啦. 無乜特別印象~_~ xd-瀨尿蝦細細隻, 我5係好識點食不過又幾好味xd 有個fd 好鐘2食清左成碟x0x-籠仔飯個全名我5記得左-3- 哈哈不過真係好好好好好食*v* 有鹹魚,豬頸肉, 蝦干.. 好香好正 !-墨魚餅好彈牙xdd 5錯;o-蝦醬炒椰菜好好食xd 平時5係幾鐘2食菜都食左好多最後埋單7個人每人50蚊個個都食得好飽又望到大澳既景色B-)5錯xd…查看更多