樂天客棧

「大角咀」唔係因為什麼特別原因，都冇咩機會經過。約左一班朋友，旺角、尖沙咀、銅鑼灣、灣仔⋯⋯食下食下都唔知食咩好，最可惜開始越來越冇驚喜。記得有朋友推介過 樂天客棧，睇個客冇咩特別 ja，大角咀小去，即管就試一試。南洋菜真係冇咩情況機會接觸過，大角咀、南洋菜，好新鮮下wo!!一打開Menu，有小小驚喜wo（食物相影得唔錯，選擇都幾多），即刻睇下食家們有咩好介紹，試左D好野留個好印象先，再留意一下，原來有分大、中、小 分量選擇，好貼心！欣賞！我地3男3女，好多食物都點 中 分量岩哂我地。好吸引、櫻花蝦份量好足、四季豆好爽，如果配啤酒一流！久遺了嘅銀針粉，外表平凡，食落真係欣賞！好濃郁嘅咖啡味，可惜雞件過大，冇左食完想再食嘅感覺唔怕肥嘅朋友，真心推介一食！包皮、生菜、芫茜嘅配合，令到岩岩好，大滿足！蝦夠大隻，咸蛋醬包裹著，咬落口感同味道都一流熱辣辣嘅鐵板，味道豐富嘅炸菜碎肉醬淋上清淡嘅豆腐面，中和左兩者，一齊放入口岩岩好，配白飯就更正唔知係唔係其他食物好有驚喜，令蕃茄炒蛋變得冇咩特別，不過不失 3種味道，鍾意桂花、班蘭、椰汁嘅味道，合埋一齊就更加特別！每個菜式上檯到食落口都有驚喜，唔錯！值得再幫襯試其他唔同嘅菜式。…查看更多

樂天客棧座落於奧海城，地鐡出口，位置方便。友人喜愛吃中餐，於是入內試下店內裝修簡潔，座位之間好濶，好舒適見到餐牌分左小、中及大碟，小碟價格唔貴，由數十元起⋯⋯以下全部都是小碟青芥末蝦球（店員推介）蝦球滿佈青芥末醬及蟹子，紅紅綠綠喲，賣相都幾得意蝦size 大隻，炸得好脆，彈牙及鮮味，青芥末醬不太嗆，味道啱啱好此菜好好吃，有驚喜咖啡脆雞，喜愛飲咖啡，不容錯過用左Espresso 咖啡煮，雞肉吸收曬咖啡香，味道濃郁，配菜喺洋蔥，更加入味手工海鮮豆腐，賣相唔似豆腐，好似蘿白糕吃落感覺爽爽地，有鮮味，微脆，好特別非一般煮法甜品選擇左酸甘香芧凍，味道略為淸淡…查看更多

趁女友還在加班，作為廿四孝男友，我已經到了她公司附近霸個靚位。女友想吃中菜，於是在地方相當大的奧海城一二三期中，找來樂天客棧。以前嘗過樂天皇朝的八色小籠包，品質令人印象深刻，相信隸屬同一個集團的樂天客棧亦有類似水平吧。女友終於下班趕來了，辛勞一天過後飢腸轆轆，先吃了一個餐前小點招牌扣肉包 ($20 一片)，噢你看豬腩肉表面的光澤，令人唾涎。以中式餐包夾著扣肉與蔬菜，口感外鬆軟而內裡有扣肉的油脂香，非常均勻。聚寶海鮮豆腐鍋 ($108)，老實說賣相平平無奇，說穿了就是一磚炸豆腐，帶有海鮮打的芡汁與蝦粒和菌類，再以肉鬆舖面作點綴。可以豆腐配肉鬆，再以鮮甜海鮮芡汁作加持，真令人胃口大開！非常大膽的嘗試，咖啡脆雞 ($88)，一貫樂天集團的創作力嗎？盤子送上餐桌時，不用把鼻子湊過去經已可以聞到很濃厚的咖啡的甜香味。脆雞口感除了皮脆肉嫩恰如其分不需形容太多。咖啡汁味道入口先是苦後是甜，嚥下後口腔依然充滿了咖啡香。這是一道頗為使人耳目一新的菜式。馬來風光 ($72)，就是馬拉盞炒通菜，我們倆本身就喜歡，不多說了。古早魚香老鼠粉煲 ($96)，賣相非常住家菜的沙煲老鼠粉，上菜時侍應將蛋與汁料打進去，霎時間香味變濃郁了。份量頗大，材料亦豐富，可是有點滯，兩人盡力吃都吃不下了，很撐。趣事一則，吃飽回家的路上，我打了個嗝，氣味都是咖啡脆雞的味道！…查看更多

我記得我今年生日原定係喺樂天客棧慶祝，點知腸胃炎咗成個禮拜，結果今年生日乜都無得食……今次終於可以同個frd嚟食啦!入到去環境幾舒適，我哋係坐最入果啲4人枱，位置寬敞，同隔離枱都有一定距離，唔會太近，方便傾計，而且有落地玻璃，可以睇到街景。打開Menu真係花多眼亂，好多未見過嘅菜式，所以都點咗啲特色菜!扣肉包係逐片計嘅，我哋點咗兩片，個包exactly係台灣割包果種包，好軟熟，我勁鍾意食，扣肉甜甜地炆得好腍好入味，再配埋爽口新鮮嘅生菜一齊食，一啲油膩感都無，正!冰鎮芥蘭就食得多，冰鎮苦瓜就第一次食!苦瓜切到好薄好晶瑩剔透!食落好爽口，而且食落一啲都唔苦，只係有苦瓜甘味，再點埋桂花蜜糖一齊食，味道勁似台灣蜂蜜苦瓜汁!無論點唔點蜜糖，都幾好食!當歸燉雞湯，藥材味都算濃，而且幾足料，一盅用半隻雞燉，可以分到6碗!見咖啡雞咁特別就試下，入口好香咖啡味，後勁會有啲苦，而且雞肉嫩，送飯一流，鍾意飲咖啡嘅人應該會鍾意食。茘枝咕嚕肉，哩碟係唯一一碟有啲失望嘅菜，成碟咕嚕肉，我一舊茘枝都搵唔到，味道其實同普通咕嚕肉無乜分別。三色桂花班蘭糕，由椰汁，班蘭，桂花糕組成，質地都算實淨，唔會一拮就散，椰汁同桂花味會比較濃，相對地班蘭味唔夠特出，雖然係咁，但都幾好味!總括嚟講，我幾滿意哩間嘢嘅環境同食物質數，而且價錢合理，下次嚟一定要再試埋其他特色小菜。…查看更多

家住大角咀的Mr.K常常對我說，大角咀好吃的東西有很多呢，隨便走入一間也不會失望～今次我地就去左奧海城的樂天客棧，看看不是小店質素會不會相差很遠。樂天客棧原來是食南洋菜既酒樓，我還以為是普通中菜廳，幸好菜式都有分大中小份量，可根據人頭點菜，不會一來就大大碟吃不完，這天吃了幾款，全部都比想像中好吃！鍋香豆腐蝦球第一道是我們倆小口都大推，來這裡一定要點豆腐類！因為豆腐都是廚房自家製的，以貌取人協會覺得係麻麻，相機也不想吃，就是紅燒豆腐外觀，樣子完全不吸引，但事實它是超嫩滑，口感有點像豆腐花，而且豆味超香濃！熱辣辣的吃感覺十分好！最後店長還她們的素菜豆腐是員工投票下最好吃，試下就知沒騙你！豆腐花的質感水水嫩嫩的，豆味香濃，這是當日最後一道上的菜，一鍋有四件豆腐，加上彈牙的蝦球，最後因為太飽吃不完，想起也覺得好可惜！南洋參巴空心菜感覺有點像腐乳炒通菜，但捨腐乳而用南洋的香料來炒，有少少辣油好惹味好好送飯，菜身不會炒到好淋，保留爽口的口感，喜歡少少辣的朋友不要錯過。咖啡脆雞當然有咖啡味，而且是嗅覺同味覺都有的，濃郁極呢！雞件是先炸過，外皮脆身，再淋上濃稠的咖啡加蜜糖做的醬汁，味道百感交雜，有蜜糖的甜及咖啡的甘苦，，薄脆杏仁片和爽甜的洋蔥絲，又有點似咕嚕肉，成個感覺新奇，雞肉嫩滑不乾，整體都夾到味道而不突兀。四大天王四大天王代表四款的菜：茄子、四季豆、 扁豆、 秋葵，用酸甜汁伴碟熱食，菜蔬夠新鮮翠綠，四款菜蔬口感都不同，四季豆爽脆，秋葵外脆內黏，茄子腍身，口感十足，平凡中顯得不平凡。餐廳設有茶介，水壺都是南洋的金色小水壺很可愛，入面不是放奶茶只是一般的中茶。小食是炆花生栗子，平常少見，花生栗子炆得好腍身，吃著等也不錯的。誤打誤撞竟然吃到好東西，兩個人食左近400元，消費不低，但我們點的是三人份量，計落都化算，而且最欣賞餐牌上的菜餚有S、M、L的份量之分，無論大家族或人少少都適合呢！…查看更多

繼樂天皇朝後，八色小籠包令我留下深刻印象，當我得知樂天集團旗下有另一間分支「樂天客棧」，已經喚醒我愛好試新事物的本性。於是，我跟媽媽約好到來光顧，發掘華人的「南洋家鄉」風味。樂天客棧將中國家鄉菜與南洋風味融為一體，因為早於數世紀前，中國人飄洋過海到南洋地區，如馬來西亞、新加坡、印尼等地經商，在「華南雜處」的情況下，促使了居南洋風味的中國菜誕生。樂天客棧的格局跟樂天皇朝十分相似，枱與枱之間的空間感寬闊，壁櫥上的黃燈打亮在瓷器擺設上，格調高雅而且富中國色彩。桌上的金色茶壺盛著芳香的茶，我們一邊喝著一邊看餐牌。每日靚湯一人參雞湯味道很香醇，看到表面的黃油已經垂涎三尺，湯料十分豐足，有滿滿的雞絲和人參塊，喝下去有淡淡藥材味，而且雞味濃郁，非常滋味。如果能放入雞腳，整體感覺更佳。手工蝦棗是必點推介，蝦棗跟一般吃到的不同，蝦肉攪碎並拌勻在芋頭蓉內，令餡料更豐盛、味道更突出。雖然蝦肉已經攪碎了，但仍然品嚐到它的鮮香，外皮炸至金黃酥脆，點配附上的蜜糖，甜美可口，實在老少皆宜。咖啡脆雞體現了新式Fusion菜的功力，咖啡脆雞的外層被厚厚的咖啡醬和蜜糖包裹著，入口時蜜糖味先佔據味蕾，內裡的肉質仍然鮮嫰、濕潤，吞下後有濃濃的咖啡味回甘，整體感覺十分新奇、特別，我想咖啡愛好者應試一試這味以咖啡入饌的菜餚。但吃完略嫌油膩，所以點了腐乳通心菜調劑一下。腐乳通心菜十分惹味，翠綠的通心菜口感爽脆，帶濃郁的腐乳香氣，吃著吃著，很快便吃清光了。蒜香排骨米線湯的米線煙煙韌韧，湯底清甜，配爽口的木耳和甜甜的紫菜，感覺清新怡人。蒜香排骨另外上碟，酥脆口感不變，配上表面滿滿的蒜香粒粒，十分美味。但排骨份量略嫌較少，吃完也有意猶未盡之感。椰子西米露湯丸是不錯的飯後甜品，椰子湯濃稠、香滑，加上有嚼勁的芝麻流心湯圓，是最佳的黑白配。接骨木花與蜜瓜涷茶帶淡淡的清香，甜度適中，但蜜瓜味不夠突出，如果能加入蜜瓜粒粒，感覺更加香甜誘人。總括而言，我最欣賞餐牌上的菜餚有S、M、L的份量之分，適合小伙兒和大伙兒之聚，非常細心。「樂天客棧」的南洋Fusion菜頗居特色，在香港少見，著實不妨一試。…查看更多

一直對樂天集團旗下的食店情有獨鍾，平常都喜歡到「樂天皇朝」吃八色小籠包。不過媽媽比較喜歡小菜的關係，決定帶她到「樂天客棧」。客棧以古代的風格融入餐館、酒樓及甜品三合一的概念。懷舊的小菜配搭高雅的環境，整個感覺都非常舒適。 時間尚早的關係，入內分別有卡位及圓檯之分；雲石的餐桌是我極為喜愛並帶了一份中國風。如「樂天皇朝」一樣以金色的水壺盛載茶，前方更有翡翠的器皿極度古色古香的味道。 餐牌上有燉湯、冷盤小吃、肉類、飯粉面及甜品等，多款選擇總有一款適合你。所有小菜都有大、中、小之分，無論2個人或一大班朋友都能夠吃到；分量可以自己調配。 每日靚湯 $42是日的靚湯:當歸燉走地雞湯，內含:鮮雞、玉竹、當歸、杞子、淮山、甘草、黨參、北耆、排骨、老雞、雞腳等；總共有10多種材料只售$42完全物超所值。利用翡翠的湯壺盛載滿滿藥材味，雞肉鮮嫩又滋味。添加了杞子更能明目、益脾潤肺及活血補氣。 招牌扣肉包 $20/片食物當中有幾款確實極度邪惡，與扣肉包是期中一環。每人單點一份淺嚐便好了，利用蒸籠放置，有一種懷舊感。鬆軟的包點中間夾有肥美的五花腩肉，真的令人又愛又恨。扣肉與包點可連成一體，第一口油份流出滋味無比，一小份大滿足；夾有少許生菜感覺上減少膩度。 金絲的麥片蝦 $132新加坡人開的客棧，驚見有我最愛的「麥皮蝦」教我如何不動心。較早前在另一餐廳吃過都不及新加坡味道，今晚終於貼近到『文東記』的口味。金黃色的蝦球大約有6隻左右，鹹蛋黃與麥片真的極度匹配；炸至熱辣辣並帶有甜味，大大隻蝦球令人愈食愈想食。 咖啡脆雞 $88平常沙拉、甜酸脆雞也吃得多，但咖啡脆雞也是第一次。外層咖啡色並帶點蜜餞，頂層更放有杏仁脆片。香脆的雞塊嫩滑配上秘製的咖啡醬汁，頗特別。可能咖啡的苦味的關係，吃多一件便會感覺稍微苦澀。愛甜的我真的不太喜愛，但創意萬千，值得一讚。 古早魚香老鼠粉煲 $96大愛這個老鼠粉，真的令我吃過不停。上桌已得知它的震撼程度，打開後蛋黃中間更有蔥花包圍著，吸引度立即上昇。店員將咸魚的湯汁撈入老鼠粉煲內。原來老鼠粉是銀針粉的，熱騰騰足料十足。以為加入了咸魚會太咸，但卻有一份魚香；內含金華火腿、蝦仁、椰菜花並帶有杰身，一個小煲完全足夠4人份量。 楊枝甘露 $28藍色的碗碟更突出「楊枝甘露」的美感，未吃已深深吸引著。內含金黃色的芒果汁配上晶瑩的西米及柚子，完全消暑又涼快。不過芒果肉並不多，稍微遜色。 酸甘香茅凍 $28平時很少見的甜品，夏日炎炎吃果凍也是適合之選。味道清新的香茅，酸酸甜甜分外開胃。 另外每日上午十一點半至下午五時都會有5折優惠，半價便能嘆茶值得推薦。…查看更多

呢間新派中菜開咗一段日子，但從來都冇幫襯過，於是細佬就趁父親節提議去試。味道中規中矩，唔算有驚喜，聽落好特色嘅菜式，例如咖啡雞，食落其實同想像中差不多，但貌似最普通嘅紅燒素豆腐竟然超好味，雖然豆腐豆味唔夠濃，但口感超滑，個金銀蛋菠菜都好食，連湯都可以飲。個三杯鴕鳥肉煲偏甜，我冇寫錯，真係有甜味嘅，細佬話吊味嘅九層塔好食過啲肉喎！個藥材湯好正路，當歸味唔太勁，甘甘哋，幾好飲，但好油！因為隻雞冇剝皮，但熱飲，撇一撇油後飲其實ok的。酥炸淮山粉有啲厚，個香酥南乳五花肉我覺得唔好食，好熱氣，但屋企人覺得ok，反而個炸海鮮油條幾好味。…查看更多

之前幫襯過樂天皇朝好幾次，八色小籠包當然一絕，其他菜式亦高水準，所以，佢哋嘅姊妹店開到嚟香港，自然投其信心票 。位處奧海城嘅「樂天客棧」，交通尤為方便，今晚同朋友嚟食晚飯，因為佢哋就晌附近返工。相對「皇朝」，「客棧」依一邊就顯得平實親民，裝潢樸實而摩登，光猛闊落，所以，空間感足，讓人感覺舒服。聽朋友講，嚟奧海城個場食飯嘅人都比較慢熱，所以，我哋7:00pm嚟到都唔喺咁多人，但到8:00pm就座無虛席 。雖然稱為客棧，但唔會得小菜兩道，翻一轉餐牌，原來菜式甚多，由湯、冷盤小吃、豆腐、肉類、海鮮、蔬菜、飯麵、拉麵、到甜品，概略計一計有近90款食物 ，不愁無嘢唔啱食。而菜式喺揉合南洋風味及東南亞香料嘅中菜，例如醬料上加入娘惹咖喱醬、參巴醬、冬蔭功醬、南洋咖啡漿……等等，有不少頗有心思 ！亦鍾意佢哋大部份菜式都分咗大、中、小份量，方便點菜更有彈性。 話梅車厘茄 $12 餐前自家醃製嘅指定小吃，車厘茄已經去皮，入口少少冰涼，清爽而帶話梅嘅酸香，開胃醒神。樂天客棧都好注重湯水，餐牌內提供4款燉湯供選擇：天麻藥膳豬肚湯（$138）、經典鹹菜鮮鴨湯（$138）、原盅藥材燉雞湯（$158）及乾貝菜膽竹笙炖湯（$168），講明每盅可供3-5人享用。另有每日靚湯，$42 / 位。 經典鹹菜鮮鴨湯 $138 將湯渣撈起，半隻鴨加鹹酸菜，貨真價實，而且，鴨湯煲過湯後更軟腍，當然，鴨味會褪些少。份量就十足，味道又如何？飲落甘甘甜甜，嗒落既有鴨肉引出嚟嘅肉香，又有鹹酸菜帶出嚟嘅酸，整體喺香而不濁。 咖啡脆雞 $86 / 小 樂天皇朝曾經推出過一道「香濃咖啡骨」，但做完推廣後就無再納入正規餐牌中，道菜嘅濃香咖啡味我仲念念不忘，估唔到晌度遇上脆雞版本，咁就一定要重溫啦。依然賣相色澤深到近黑，絕不討好，不過，脆雞非常好食，皮脆肉嫩，但咖啡味似乎無以前咁香濃。 青芥末蝦球 $128 同樣喺尋回滋味，上次晌樂天皇朝試過依道菜式，所以，推介俾朋友試試。一客6隻，沾滿芥末蛋黃醬嘅蝦球咪睇佢青青綠綠，其實芥末味含蓄唔攻鼻，惹味得嚟易入口；蝦球大大粒，爽彈帶鮮，用料絕無欺場，就連脆米盞都脆口又幾好食；伴以蟹籽、蘭香子及芒果粒，好睇、好食、又有特色嘅一道海鮮菜。 家鄉鹵元蹄 $118 百零蚊一份嘅招牌元蹄真喺好抵食，最欣賞喺佢哋連埋熱爐及大盅上枱，令元蹄保持一定熱度，唔怕攤涼咗啲油脂凝固。睇餐牌中嘅介紹，既加入中草藥同香料去熬製，又煮足六個鐘 ，放上芫茜，嚟到已香氣四溢。骨肉被炆到輕易分離，雖然話喺元蹄，亦無想像中咁肥膩，皮下脂肪位入口即化、油潤甘香，瘦肉部份軟腍入味。個滷水汁底稀杰度啱啱好，濃香不濁，點可以唔叫碗白飯（$9）呀！ 雙菇扒西蘭花 $98 樣樣肉，自然要有一道蔬菜平衡吓好啲，菇菌一向都好啱我，雙菇扒西蘭花有益夠健康。雙菇以大花菇及茶樹菇入饌，前者厚肉而菇味濃，後者帶爽，茨汁又煮得啱啱好。甜品一欄，6款甜品中以三色桂花班蘭糕就最有特色、最有賣點，雖然我哋都有啲飽，都仲喺想試一試，況且只喺$26一客，真喺好抵食 ！ 三色桂花班蘭糕 $26 桂花、班蘭及椰汁做成嘅三色糕，一客6件，真喺抵食到無朋友，賣相又精緻，不過，大可放心，唔會得個樣。糕身紥實，各有各味道，夾埋又唔會太古怪，意外哋合襯，又無過甜嘅弊病，有份清爽怡人嘅感覺。除錢茶$7位之外，另收加一，但夾埋除開每人都只唔使百八蚊，就已經品嚐咗多道帶南洋風味嘅中菜，朋友都讚夠特色，有機會都再嚟，加上服務到位，確喺值得再幫襯。…查看更多

今日老媽去朋友聚會，我同爸爸就食自己，唯有雙約去商場行下搵嘢食，老爸比較鐘意食中菜，佢岀錢就佢話事啦！係樓梯下面見到樂天客棧，就好似小說裹面嘅酒家，見時間尚早晚飯人流未算多，就入去坐下先。入到裹面，餐廳空間都幾大，環境令食客有私穩感覺，由四人枱至十人嘅都有，餐枱用上灰白色雲石，配金色燈罩裝飾設計摩登，Menu大多食物都有相片，方便選擇，最好係菜式分別有大、中、細三個size，價格由50蚊起，解決只有二個人食飯嘅最大煩惱，真貼心。頭盤有腌制蕃茄，酸酸甜甜好開胃，舒緩飽咗幾個鐘嘅肚子，經過幾番討論，我哋就點咗三餸一湯唔食白飯，菜式好快就送到，令食客流動性更高，大家又唔洗等咁耐！經典鹹菜鮮鴨湯 $138老爸首選熱湯暖下身，等一陣間就好快到，會隨湯送上小火爐，放係下面幫助保暖，打開蓋時熱辣辣，份量有約6-7碗，鴨肉都煲到好淋，因為要煲湯前先煎好鴨肉，可以去走脂肪，味道又更濃香，鴨肉仍然甘香可口。菜香鐵板豆腐 $84/小小菜用鐵板送上，吱吱聲咁好似食西餐時候，係鐵板牛扒上淋上燒汁，因為熱力發出大量蒸氣，令人流晒口水，餐廳就係豆腐上加入雞蛋及菜莆，一邊帶咸爽口，醬汁味道濃，豆腐就可互相配合，中和一下餸飯一流，令我哋一試再食。酥炸海鮮油條 $72老爸最鐘意食煎炸嘢，佢眼甘甘咁望住餐牌上面呢嗰酥炸海鮮油條，都知佢想食啦！用墨魚滑塞滿油炸鬼炸成，脆上加脆，上枱時唔會油膩。咖啡脆雞 $86/小不得不讚餐廳啲上菜速度，點嘅菜餚都好快上齊，令我哋可以一次過品嚐。最初老爸想揀一啲傳統菜式，就好似咖喱雞，但我就改咗做咖啡雞 嘿嘿，幾特別咁就試吓啦！先將雞炸脆，再匯入咖啡汁幾醒神，但做出嚟比較乾身，令口感硬咗啲。三色桂花班蘭糕 $26三心兩意，絕對係女士嘅專利，仲要係為食嘅朋友，每餐之後揀食咩甜品都有排煩，見到有三色桂花班蘭糕，糕點有桂花、班蘭、椰子味，好似朱古力出奇蛋咁滿足你三個願望，桂花味突出，椰子味若即若離，但班蘭味就少之又少，不過份量價錢都令人滿意。平均消費 $238 /位，2位，1個湯 + 3個菜式 + 1個甜品樂天客棧 Paradise Inn星期一至日: 11:30-22:30大角咀海庭道18號奧海城二期UG樓UG09號舖Tel: 2177 0760…查看更多

Boxing day 來到奧海城， 雖然沒有參與 TOMICA 車仔活動， 亦可逛逛市集，感受一下聖誕的氣氛; 本來想睇史諾比， 怎知道又已滿座!接近晚飯時間， 為免等候多時， 還是快點入座晚飯好了!  一行三人來到樂天客棧，這裡提供具有傳統中國家鄉菜式，結合南洋的食材與嶄新烹調技藝的南洋風味家鄉菜。翻開餐牌，是選擇非常多，幸好，服務員都很樂意的為我們作推介。除了中式茶， 這裡還有多款花茶配龍眼菊花$26 (玫瑰花配勿忘我、薰衣草配迷迭香、茉莉花配桂花、百合花配勿忘我) 供應，精心的調配， 香味濃郁，味道清甜，喝得順喉寧心。手工海鮮豆腐$58， 酥炸的外層不油膩， 口感像蘿蔔糕，但又有墨魚滑的彈口， 加上豆腐香， 好特別!招牌扣肉包$54， 包子軟熟， 扣肉滑溜，鹵得好入味， 連同生菜夾在包子中間， 絕不油膩。燉湯一盅有大約六小碗， 怕太補又要遷就小朋友， 點個乾貝菜膽燉竹笙湯$168就最適合， 料多湯濃郁，竹笙爽脆清甜。黃金鹹蛋蝦球$128， 蝦球新鮮超爽彈，咸香的蛋黃完全把蝦球包圍著， 放入口有爆油的口感，吃兩件已好滿足。咖啡脆雞$86，雖然沒有太濃的咖啡香， 但雞肉卻是滿滿的咖啡焦糖味道， 外層微黏口帶點脆脆的口感， 好正!菜圃蒸銀鱈雪$158，並沒有想像中的鹹， 菜圃蒸後很腍身， 鱈魚實淨清甜， 建議要趁熱吃，味道更鮮甜。南洋參巴空心菜$68， 菜嫩爽脆， 參巴醬有點辣， 但好惹味。不能錯過的有三色桂花班蘭糕$26， 每件都吃到斑蘭、椰汁、桂花味， 而且還有一定的厚度， 好抵食!還有香茅迷必吃的酸甘香茅凍$26， 非常推介， 味道很突出，檸酸與蜂蜜香甜，加上黑珍珠增加口感，好醒神又清涼潤喉。…查看更多

繼早幾個月前開幕既「樂天皇朝」之後，「樂天客棧」最近進駐奧海城成為東南亞以外第一間海外分店。既然佢講到乜野一次過滿足晒「餐館、茶樓同甜品屋三合為一」咁巴閉既餐飲概念，我當然要喺佢開張冇耐就黎呢度試下到底呢度係龍定係蟲！可能係剛剛新裝修好既關係，整體格局非常光猛乾淨，枱與枱之間既距離都算闊，用餐既枱都十分寛敞，感覺非常舒服。服務方面，可能因為重係新開既關係仍然有少少位有D「甩碌」，不過整體都在中上之上，感覺到佢地真係有心去做好每一件事，算係唔錯！食物方面，主打東南亞菜crossover中菜呢個concept喺香港較為少見，鍾意試新野既朋友可以留意一下。要留意佢地有部份食物係有分大/中/小三個size，價錢方面亦都相應調整，適合大家喺portion方面可以flexible一D。腐乳空心菜 ($62)︰炒通菜鑊氣十足，抵讚！除左腐乳之外，亦都食得出用左好幾種唔同既香料既炒，所以口感非常之香口，非常特別，值得一試！四川擔擔拉麵 ($48)︰雖然份量好似細左D，但「麻雀雖小，五臟俱全」。拉麵非常爽口，唔會好似其他擔擔麵咁好多時overcook到淋晒。雖然冇落肉碎，但用左花生碎反而可以增加口感！湯底方面，果種微辣之餘卻帶點麻既味道真係夠晒特別！泰式海鮮炒米粉 ($88)︰米粉用左大蝦、魚片同埋尤魚等等既材料一齊去炒。除左夠晒鑊氣之外，米粉亦都用左好幾種東南亞常見既香料同埋鹹魚一齊去炒，入口時感覺非常香口，同平時食到既米粉好唔同，值得一試！咖啡脆雞 ($86)︰非常有特色，係當晚幾乎每枱都會點既一道菜！整體感覺有D似近日大熱既韓式烤雞店出品。可能因為用左咖啡去炮製，所以咬落去時除左隱隱感受到咖啡既味道之餘又食到雞肉既味道，crossover到剛剛洽到好處！整體黎講，作為剛到香港既「過江龍」能夠有咁樣既食物質素同服務水平絕對值得表揚。不過，如果佢地可以推出多D「期間限定」、又或者專為香港而設既特色菜去吸引貪新忘舊既香港人就更好喇！…查看更多