御鐵

營業中

休息中

最近同朋友們去左一間性價比超高既鐵板燒餐廳，晚市$600+/位，餐廳入面有個魚虹養住活龍蝦，食材好新鮮，每一道料理都令人滿足。我同朋友坐係鐵板bar枱，一路欣賞師傅功架，一路享受美食。【極上和牛套餐】 $650/1人前 /$1198/2人前西柚蝦沙律西柚酸酸甜甜，蝦肉新鮮爽口，口感清新，令人開胃。活龍蝦見到仲郁緊，用上西澳龍蝦，大約煎至7成熟，保持龍蝦肉鮮美和彈性，另外加入蝦醬汁一齊煮，龍蝦肉質鮮嫩，蝦醬汁既濃郁香氣增添了豐富既風味。活南非鮑魚鮑魚肉質爽口有嚼勁，鮑肝都食得，配搭海苔醬，海苔醬鹹香味提升鮑魚鮮味。香煎牛舌芯牛舌肉質細膩，煎香之後，外層微焦，內裡保持柔嫩。和牛薄燒用左熊本縣A5和牛，和牛油脂豐富，肉質鮮嫩，夾住蔥花食平衡油脂感。伴碟日式炒雜菜入口爽脆。日高昆布蜆湯湯底清甜，蜆肉鮮美，昆布既香氣令湯的味道更加豐富，食完鐵板燒飲返碗，清爽解膩。海膽醬海鮮炒飯炒飯粒粒分明，海膽醬味道濃郁，每一啖都食到海鮮嘅鮮味。精選甜品薑味雪糕味道好特別，配搭焦糖多士，咬落去香脆，味道甜甜地。

御鐵係一間日式鐵板燒店，星仔生日，我地都唔興送禮物，就食一餐好嘅當慶祝，見而家openrice訂座有8折，就黎哩度試下。御鐵分左兩張曲尺型嘅鐵板燒吧檯，可以容納倒十幾個食客，而唔會太迫。佢地有分一人餐同二人餐，每樣有兩款，人均消費其實唔差得遠，最大分別係主菜唔同，其他沙律、湯、甜品同餐茶都係一樣。我地最後揀左可以一次過食倒龍蝦同和牛嘅Otetsu Special Set($2,288/二人）。季節沙律 - 御鐵嘅沙律都比出面大份，一份等於平時兩份。沙律菜都好新鮮爽脆，仲加左粒龍珠果，沙律醋有三款揀，我揀左芥末醋，食落有少少wasabi恭鼻感，幾開胃刺激。香煎鱸魚 - 師傅喺爐魚煎到半熟時將魚皮起出，將魚皮燒到脆卜卜上碟時再放返上魚肉上面做裝有。魚肉幾滑，吸左下面嘅香橙汁，酸酸甜甜咁幾開胃。澳洲龍蝦 - 龍蝦有成隻打擘咁長，每人有半隻，龍蝦肉好彈牙，食時可以蘸埋旁邊用龍蝦膏整嘅醬汁，味道好濃郁。和牛薄燒 - 和牛係黎自熊本嘅A5和牛，師傅燒到五成熟，口感好薄好滑，中間包住左啲蔥花同蒜粒，令口感更加豐富，伴菜仲有番茄、啡菇同青椒仔，全部都仲好定juicy唔會燒到乾柴柴。鰹魚清湯 - 清湯真

環境5分：西餐廳格局，一啲都唔迫，所有人都係面對住個鐵板燒同廚師，一目了然，非常悅目，滿分。衛生5分：成間舖頭都非常之乾淨，衛生一樣畀滿分。 服務5分：服務員好friendly，加茶快，落單爽，每樣餸上時都會解釋清楚，都係滿分。味道5分：1)      季節沙律D菜非常新鮮，當中包括蘆筍，蕃茄，青瓜，多種外國生菜，配上番茄沙律汁零舍開胃。2)      廚師將塊魚皮切開，煎到好似薯片咁脆，鱸魚魚肉非常嫩滑。3)      超級大隻澳洲龍蝦，廚師先將佢切開一半，然後慢慢响客人面前煎熟佢，非常賞心悅目，半隻龍蝦切成3至4塊，啖啖肉非常爽口好味。4)      大大塊薄嘅和牛入面鋪滿蒜同蔥，捲起黎煎，非常嫩滑同埋香口，和牛油脂非常好味。5)      清湯有粒帶子响入面吊下味，非常滿足。6)      鐵板燒嘅炒飯非常好食，最特別係之後飯上面放滿好多新鮮嘅魚子，又凍又熱非常特別。7)      甜品芝麻雪糕跟紅豆食，又甜又健康。8)      跟餐要杯熱檸水最消滯。抵食5分：由頭食到尾有八款，一千蚊左右食齊龍蝦同和牛，乜都抵番哂。

又係銅鑼灣又係返工時間食晏今次有朋友介紹有一間新開嘅鐵板燒新開張期間做緊七五折優惠午市套餐都有仲話啲料好新鮮即刻book第二日你試一試午市套餐一共有四個選擇A - 有海鮮有肉B - 海鮮C - 升級海鮮升級肉D - 龍蝦餐二人份量因為朋友同我哋講個話鮑魚係喺個魚缸度即撈即燒，所以冇理由唔試啦，揀左C先講一講佢個沙律個沙律兜好大兜個兜放咗喺雪櫃度保持冷凍人客嚟到即刻見到廚師準備切沙律用料亦都好有心思有無花果啦有蕃茄仔啦有竹芋醬汁方面有三個選擇：- 蕃茄蒜汁- 柚子醋- 芥末醋我揀咗蕃茄汁都幾好食食緊沙律嘅時候已經見到廚師落咗條魚廚師將魚皮輕微煎一煎之後就起咗出嚟將魚油壓出然後放喺側邊吹乾令到入口嘅時候好似食炸魚皮咁加上靚靚嘅擺盤配合青檸泡沫同橙味嘅汁好靚好好味享受緊舊魚嘅時候師傅就將仲郁緊嘅鮑魚放落去煎鮑魚好大隻好新鮮仲郁吓郁吓上碟嘅時候侍應簡單介紹話廚師係煮緊嘅時候係冇加鹽所以可以先食鮑魚本身嘅味道旁邊仲有一啲海藻可以配合汁料一齊食鮑魚好嫩口， 而且本身嘅海水味已經好鮮火候掌控得啱啱好，好味之後你都肉嘅部份朋友叫咗豬扒煎完之後仲會有一個煙燻嘅動作廚師用咗荔枝木現場已經聞到好香但係略嫌煙