鉄人旨花

話說最近愛上左龍蝦🦞剌身。咁啱係社交平台見到鉄人旨花係四月做緊優惠活動，所有二人前套餐另外多送龍蝦🦞1⃣️隻。(可選鐵板料理或刺身)。終於book左係4月最後一日用餐，係WhatsApp訂枱，服務員答覆係可以晚上隨時入坐，適逢本人4月30日外遊回港，真係唔知幾點先可以入座。啱啱入境就收到來電，原來又要確認時間，咁都可以confirm 時間既，服務員話如果唔confirm 可能要等枱。用餐時，每位都好細心招待，幫助倒酒。鐵板師傅仲一路煮一路同客人有交流，見我地等得耐仲送左一客鱈魚乾，謝謝😊希望有機會再來支持…Read More

𝗼𝗻𝗲 𝗼𝗳 𝘁𝗵𝗲 𝗯𝗲𝘀𝘁 𝘁𝗲𝗽𝗽𝗮𝗻𝘆𝗮𝗸𝗶𝘀 𝗶'𝘃𝗲 𝘁𝗿𝗶𝗲𝗱 𝗶𝗻 𝘁𝗼𝘄𝗻😍 @shika_teppan_yaki 𝗼𝗳𝗳𝗲𝗿𝘀 𝗽𝗿𝗲𝗺𝗶𝘂𝗺 𝗶𝗻𝗴𝗿𝗲𝗱𝗶𝗲𝗻𝘁𝘀 𝘀𝘂𝗰𝗵 𝗮𝘀 𝗔𝟱 𝗷𝗮𝗽𝗮𝗻𝗲𝘀𝗲 𝗯𝗲𝗲𝗳 𝗮𝗻𝗱 𝘀𝗲𝗮𝗳𝗼𝗼𝗱. 𝗮𝗯𝘀𝗼𝗹𝘂𝘁𝗲𝗹𝘆 𝗹𝗼𝘃𝗲𝗱 𝗴𝗮𝗿𝗹𝗶𝗰 𝗳𝗿𝗶𝗲𝗱 𝗿𝗶𝗰𝗲 𝗮𝗻𝗱 𝘁𝗲𝗽𝗽𝗮𝗻 𝗹𝗼𝗯𝘀𝘁𝗲𝗿 𝗰𝗼𝗮𝘁𝗲𝗱 𝗶𝗻 𝘀𝗲𝗮 𝘂𝗿𝗰𝗵𝗶𝗻 𝘀𝗮𝘂𝗰𝗲 𝗮𝗻𝗱 𝗯𝘂𝘁𝘁𝗲𝗿😋.二訪銅鑼灣人氣鐵板燒，記得上次晏晝嚟人均二百幾蚊兼幾好食，今次夜晚嚟就試吓貴啲嘅龍蝦鐵板二人前，前菜福袋以龍蝦膠釀入腐皮，配甜醬油幾特別～ 白鱈魚勁厚身又嫩滑，魚皮另外拆開再壓扁煎至薄脆，配埋甜豉油同洋蔥一齊食好滿足😋 另外龍蝦爽口彈牙，配海膽龍蝦汁香濃甘甜超正！最後一定要留肚食炒飯，炒得粒粒分明仲有超多唔同嘅蔬菜碎，係滿分嘅炒飯，整體嚟講推薦✨…Read More

每年的三月份又是我大一歲的時候， 朋友們 都會相約我出來慶祝生日， 昨晚朋友帶我到 位於銅鑼灣謝斐道的鉄人旨花。 餐廳是一間日本高級鐵板燒店， 環境寬敞， 空間感十足， 提供壽司吧檯和半圓形的鐵板燒座位 ， 配上很多粉紅色的櫻花擺設， 充滿日本風格色彩。鉄人旨花提供正宗日式鐵板燒，多款嚴選新鮮食材， 專業的大廚表演即叫即做。 當晚我們選象拔蚌鐵板燒$2688（沙律，紅酒煎鵝肝，象拔蚌，季節料理～ 白蘆筍椰菜仔配忌廉汁，熊本縣產A5和王牛， 和牛炒飯， 清酒雞湯，甜品）。沙律～ 第一道送上的菜是藜麥蔬菜沙律， 配上清新的柚子醋， 甜甜酸酸入口很開胃。紅酒煎鵝肝～ 肥尾厚切的鵝肝， 煎到金黃色的，吃起來口感很鬆軟，細膩，配上紅酒煎起來味道就更加鮮美了。象拔蚌～ 用鐵板燒烹調的象拔蚌口感上比較爽脆，鮮嫩滑溜， 絕對是一道極鮮的美味。熊本縣產A5和王牛～ 一聽個名和王牛就知道勁！ 意思是「和牛之王」，是要經日本食肉格付協會(JMGA)評選，飼養28個月以上並獲得最上級A5或A4等級認證和BMS (Beef Marbling Standard油花標準等級)。 五成熟的和牛，裏面還帶粉紅色，一口咬落去，感受到豐沛的油脂和肉汁在口腔爆發，香潤柔軟，入口即溶， 實在人間美食！配菜有大啡菇、 南瓜和 茄子也毫不遜色！大啡菇香軟，南瓜甜美，茄子軟腍， 還有附上香脆蒜片、 薄荷葉、芥末和鹽巴，但建議先食和牛的原汁原味， 然後再試其他配料， 最後先食蒜片，因為蒜片的蒜味太香濃會影響味蕾。季節料理（白蘆筍椰菜仔配忌廉汁）～ 白露筍爽口， 椰菜仔香甜， 兩者配上忌廉汁， 食落更加creamy惹味。和牛炒飯～ 炒飯採用了日本珍珠米，粒粒 精瑩通透，飽滿圓渾有口感。再加入洋蔥，香蔥和胡蘿蔔， 令到整碗炒飯的口感和香味更加豐富。清酒雞湯～師傅在錫紙湯碗分別注入上湯和清酒，再用火煮出鮮甜美味的湯。 肥美新鮮 的帶子， 配上酒香味的清湯， 暖胃又好味。甜品～ 朋友一早已同餐廳講是慶祝生日的， 所以師傅細心地做了一個有生日快樂字的黑芝麻丸子做甜品， 黑芝麻丸子有微微燒過， 令到外層更香更脆， 一啖咬落去黑芝麻流出， 滋味無窮。鉄人旨花絕對是一間高質的鐵板燒餐廳 ，經驗豐富的大廚， 高質的食材，合理的價格，店員親切有禮， 令到我過了一個開心美味的晚上。…Read More

用餐的驚喜感和幸福感, 就體驗於花時間在高質素食物及服務上。對自己好一點, 來一個單身的浪漫, 就到此放慢吃一餐。這兒不只環境別緻, 服務亦周到! 有專屬廚師在眼前創造食物, 由主食到伴菜到上碟, 精巧有心。他們亦會逐一介紹食物, 讓客人知道自己要放咩入口👍今晚選了個白象拔蚌鉄板燒餐, 頭菜是酸汁wasabi 麥沙律, 清新開胃, 為整餐打開了振奮的心情。接著的鵝肝很鮮香, 配上脆牛油飽, 其極軟滑身的鵝肝在上, 每咬一口, 口感一流, 啖啖好味上心頭。繼鵝肝, 燒象拔蚌是呢餐重點之一, 其鮮味就是鮮甜, 口感爽口, 配上檸檬汁及秘製醬汁, 味道提升了。在旁看魚籽一口放在口中, 又換上另一滋味! 來了個白汁蘆筍椰菜仔, 採用法國白蘆荀, 有爽脆外身, 內裡多汁。然後其波子椰菜, 完全把濃郁白汁混在每一口中, 健康惹味。之後再有A5 和牛粒, 融化在口中。 由只放一粒牛入口, 到加鹽, 加wasabi, 加燒汁, 再加炸蒜片, 循序漸進的加濃, 愈吃愈好味! 喝碗鮮帶子湯清清口腔, 它的鮮甜簡單刻畫出海鮮的滋味。再來和牛炒飯, 味道又出一點, 惹火味香, 好吃! 甜品是由石榴, 橙及蜜瓜組成的水果杯, 夠哂健康, 也能中和整餐, 減低油膩感! 全餐都看見精心配搭, 很滿意既消費, 值得再來😋😋…Read More

與好友相聚，黎咗公司附近呢間「鉄人旨花」試下鐵板燒，成日路經門口，終於有機會上去食啦！門口啲花花裝飾好靚，入到去仲聞到淡淡的花香味，首先有一列壽司吧，轉角仲有三大張鐵板燒枱，店內仲有兩間VIP房，適合和閨蜜密密斟密密食，不過今日我哋食鐵板燒，梗係坐喺枱前邊望住師傅燒啦！我哋揀咗個「伊勢海老鐵板燒」（ $2288/2人）套餐，先上個沙律，除咗菜仲有可愛嘅車厘蘿蔔和健康嘅藜麥，配上醋，清新得來又酸酸地好開胃。跟住見到侍應把一對食材放在我們前面，很期待師傅開始表演啦！先來一度「汁煮白鱈魚」，師傅用純屬嘅手勢將白鱈魚煎得外脆內嫩，用煮魚汁加上魚油本身十分香滑，好好味。師傅煎塊魚皮都好細心慢慢煎，將乳豬皮一樣香脆。先好過主角，師傅仲好細心咁切靚個裝飾，放上溫室培育嘅坂本菊、玫瑰花瓣和薄荷葉，店員提醒原來連塊花瓣都食得，好有趣啊！第二道菜係龍蝦，醬汁用咗龍蝦膏加海膽去製造， 十分鮮甜，龍蝦起肉方便進食，很喜愛那種煎過嘅燒烤味道，龍蝦肉彈牙爽口。伴碟有海草，爽口有招投，可以撈埋啲海膽汁食，一滴都唔浪費！跟住嚟一個忌廉白蘆筍配波子椰菜，白蘆筍爽脆多汁，波子椰菜細細的很可愛，索咗啲忌廉汁入去好好味，好鍾意佢呢個汁。熊本A5和牛，師傅都會問你想要幾多成熟。店員教我地跟次序食首先食原味，第二片點岩鹽，第三片加少許wasabi 帶點酸汁，最後連蒜片一起吃。四款食法的味道也不同，首先和牛本身已經好好味，入口即溶，好多油脂口感豐富。我自己喜歡用Wasabi加酸汁的食法，可以解油膩。蒜片好脆，蒜味不致太濃。加上伴碟嘅日本水茄、日本南瓜和荷蘭菇，食完肉有啲蔬菜，不錯。:)轉眼就黎到最後嘅和牛炒飯，師傅都會細心問你要唔要蔥花，兩個人嘅選擇不同也可以，炒得乾身好味。仲有漬物附送，可以撈落飯裏面一齊食，幾好味。還有一碗清酒雞湯，淡淡的清酒味，還有三片帶子一起品嚐！不錯的結尾。最後嘅甜品，唔知點解我哋兩個係唔同款式，我食咗個雪芭，冰凍清新。朋友則由個生果杯，都好豐富。呢餐飯食得好開心，食物美味之餘，我很喜歡看師傅表演，熟練的手勢把煎板上的食物甚至是油左撥右撥，很快就變出美味的一道菜，犀利呀！而鐵板前還有一個吸油煙位置，所以坐鐵板燒枱都唔會一身鐵板燒味！:)…Read More

上次食完"鉄人旨花"的鐵板燒，意猶未盡，回味無窮 。今天相約朋友再次品嚐，來到店內已高朋滿座生意十分好，今日坐在靠邊的扇形鐵板吧台，再次欣賞師傅的功夫。今天我們食這個伊勢海老鉄板燒 二人前 $2288沙律沙律菜新鮮清爽，配上藜麥、芥末柚子醋，開胃。汁煮白鱈魚擺盤漂亮，最特別的是魚肉中夾了一片厚脆魚皮，魚味濃；魚肉鮮甜厚實。伴碟有溫室玫瑰和日本板本菊海膽汁煮龍蝦龍蝦肉厚彈牙，簡單的用上白酒煮已可，配上鮮甜的海膽汁，帶出龍蝦的鮮甜，蝦膏配蝦肉再加上海膽汁，相信不用多說了。白露荀、溫室椰菜仔配忌廉汁白露荀輕脆爽口，還有椰菜仔，忌廉汁不會膩，整體不錯。熊本縣產A5和王牛熊本縣產A5和王牛，代表無急凍過，十分高質，牛味較濃，入口即化，油脂香極豐富。第一塊直接食用，之後可點胡椒岩鹽，輕輕帶出甜味；再一種食法是加上wasabi，wasabi一點不辣，會有意想不到的化學作用，我最喜歡；最後一種是加岩鹽，當然是最重口味了；而蒜片建議放到最後單獨食用。和牛炒飯(日本產米)炒飯好干身，米飯粒粒分明，一點不油膩，蛋香葱香，還有一粒粒濃郁牛味的和牛還帶點筋，一碗也不夠。清酒雞湯雞湯清甜，配上帶子，配搭不錯。甜品紅豆雪糕…Read More

閨蜜的生日飯💕👯‍♀️今年是第九年同閨蜜慶祝生日所以決定返去食豐富一啲鉄人旨花有omakase同鐵板燒今次就選擇咗鐵板燒😝✨白象拔鐵板燒 $2688/2ppl✨🔺沙律沙律當中加咗藜麥 有助降血脂醬汁亦都好特別 帶有wasabi嘅辣味 先開開胃先👍🏻🔺日本白象拔師傅先在旁準備伴碟先 好精緻之後就開始整白象拔 好想快啲有得食呀先試原味 象拔好爽口彈牙 勁鮮味之後再加埋芥末忌廉醬 更提鮮👍🏻🔺紅酒煎鵝肝呢個不得了呀🙈鵝肝超厚身 煎嘅時候見到好多油岀唒黎 好邪惡呀‼️醬汁係蜜糖黑醋醬 幫助中和油膩感鵝肝入口即溶 外脆內軟 太吸引了食完飽左一陣😂 休息下先🔺季節料理 - 奶油煮白蘆筍第三道菜係季節料理 係白蘆筍呀之前喺德國嘅時候成日都食 估唔到返到香港都有得再品嚐😛奶油夠晒creamy 白蘆筍亦都多汁爽脆 正🔺熊本縣產 A5和王牛呢款和牛攞過獎 稱為和王 好開心可以食到甘高級嘅和牛呀🥰嗌左五成熟 和牛油脂分佈好平衡師傅教落 先試原味，再點玫瑰岩鹽，加wasabi，點酸汁，最後加埋蒜片一齊食，循序漸進我就最喜歡點酸汁食 減少左油膩感亦都令和牛嘅鮮味更加出✨伴碟嘅蔬菜好味道 南瓜夠晒甜 冬菇同茄子就夠juicy🔺和牛炒飯食完之前嗰幾道菜其實已經開始飽最後仲有一個炒飯 食完飽到上心口🙈係鐵板上面炒嘅炒飯 有焦香嘅感覺而且粒粒分明 乾身而且唔油👍🏻 🔺清酒雞湯清酒味不會太搶戲 反令雞湯更清甜 非常順喉🔺甜品 - 生果拼盤甜品有四款選擇 我就揀咗生果拼盤清甜有新鮮嘅生果完美結束左呢一餐豐富嘅鐵板燒💕🔺 呢度嘅環境舒服 好適合同閨蜜一路傾計一路享受美食 大家都好滿意呢一餐生日飯🍽 鉄人旨花 🔎 銅鑼灣謝斐道477-481號肇明大廈2樓…Read More

出糧日子就當然食豪啲啦！今次係我第一次食OMAKASE，見識到好多之前聽朋友介紹過呢間餐廳所以就一於試一試！一打開menu就比龍蝦吸引住，就嗌咗呢個餐喇首先上嘅前菜係素菜沙津，除咗一般食沙律必有嘅菜之外面頭仲有好有營養嘅藜麥，而且有Wasabi喺裏面，同啲沙津汁融合得好好，令沙津更開胃更清新汁煮白鱈魚白鱈魚皮煎得好香脆，睇住師傅好有耐性反反覆覆咁一次又一次將魚皮嘅油脂全部逼曬出嚟，真係好犀利！白鱈魚厚身，滑嫩多汁，層次分明，魚油鮮甜下面仲有洋蔥，煮到好淋好入味，醬汁甜甜鹹鹹再加埋薄荷葉一齊食又係另一種新感受海膽汁煮龍蝦龍蝦好生猛，師傅整嘅時候仲喐㗎！醬汁係用海膽同龍蝦膏而成，非常甘香！龍蝦結實飽滿，爽口彈牙，外面被醬汁裹住，每一啖都食到醬汁同龍蝦嘅鮮味，好幸福奶油煮白蘆筍呢個係特別菜式嚟，奶油好純，好重奶香好creamy不過一啲都唔會膩，而白蘆筍爽脆清甜，係個好特別嘅組合亦係個好好嘅"中場休息"熊本縣產A5和王師父教落幾種食法，可以點喜馬拉雅岩鹽、wasabi、蒜片、最後三樣加埋一齊食，不過個人覺得所有將加埋紫蘇葉一齊食又係另一種滋味！旁邊嘅蔬菜都好出色，菇味濃郁，南瓜甜蜜軟淋，茄子爽脆師傅建議A5和王熟少少，因為佢嘅油脂分佈比較高和王軟嫩，色澤紅潤，牛味香濃，香味一直喺口腔裏面徘徊，真係好想不停encore和牛炒飯炒飯係用日本米， 師傅將飯炒到完全乾身，粒粒分別，好似沙咁，而且充滿蛋香炒飯仲可以加埋漬物一齊食，啱晒我呢啲唔中意食飯人！清酒雞湯帶子鮮甜得嚟清酒味亦重，而且清酒唔會遮蓋帶子同雞湯嘅味，飲完暖笠笠凍天飲一流！柚子雪葩最後甜品有紅豆、芝麻雪糕同柚子雪葩揀，果然我冇揀錯柚子味重而清甜，口感順滑，唔會好似其他地方咁有冰粒，好滿意呢個價位咁多嘢食都抵嘅！不過真係唔好眼闊肚窄，本來menu仲擔心緊怕唔飽，點知最後勁飽…Read More

今次嚟到鉄人旨花搵食！ 一入門口就有櫻花裝飾～和風味十足闊別一年多～menu 好似有唔同咗好厚嘅menu呢鉄板燒有4個set分別為白象拔、伊勢海老、蝦夷鮑魚和鱈場蟹沙律以wasabi醋調味～加上各種新鮮蔬菜最好味係甜甜嘅車厘茄立即開胃起來❤️紅酒煎鵝肝好誇張！係比多士還要厚的鵝肝！首先試了試蘆筍是最嫩的部分～另外還有食用花～菊花隱約有菊花香氣呢接下來就是主角鵝肝！味道十分醇美、一吃就知道是純正鵝肝！油份充足～怕油亦可以多士和意大利黑醋減減膩日本白象拔最期待的白象拔～佢比巿面常見嘅加拿大象拔蚌細～但肉質豐厚～入口爽脆～鮮味係蚌類之首！以牛油煮香的蚌爽口鮮甜～已經美味無比而且佢個醬又係我至愛嘅wasabi!!!加上三文魚子一起食簡單升價十倍！特別菜品：奶油白蘆筍一向也喜歡吃蘆筍、但白蘆筍就沒吃過原是非常珍貴～食感也更鮮嫩～好食到差點連個醬汁都飲埋！熊本縣產A5和王牛非常美麗的和牛！熊本縣的頂級品牌「和王」，是熊本縣生産的極上牛種～只有經過精心挑選的飼料飼養28個月以上、並獲得A5或A4以上等級～且BMS (油花標準等級)需達到6以上～才能夠稱之為「和王」大廚提議我們吃7成熟～就聽他說吧～厚厚的和牛慢慢變成深啡色～越看越想快點吃店員介紹食法有4種：1）原汁原味2）沾少許岩鹽3）沾wasabi 4）和蒜片一起吃4個食法都不得了！個人認為和蒜是最好吃的～伴碟的茄子，南瓜和大啡菇也是美味至極！和牛炒飯不要以為炒飯就是平平無奇餐廳用上日本產的米，配上和牛一起炒和牛的油香不會令人覺得油膩～清酒雞湯最初看餐牌以為真的只有雞湯～沒想到是有我至愛的帆立貝！先喝一口湯、濃濃的清酒味立即湧出～再嘗嘗帆立貝～鮮甜滋味竟然沒被清酒掩蓋～可見其鮮味不平凡芝麻雪糕雪糕有柚子、紅豆和芝麻可選我選擇了味道濃郁的芝麻沒想到還加上了脆米增加口感、不錯！…Read More

就黎又到父親節，為咗避開人潮同埋比較貴的節日餐單，今年決定提早慶祝，到鉄人旨花食高級鐵板燒。套餐的選擇不多，但全部都是珍貴食材，極度吸引，思前想後最終還是點了白象拔蚌二人前套餐。鐵板燒都比較肥膩熱氣，先吃沙律就最好不過，蔬菜切成細片容易入口，健康的藜麥増添口感，調味加了少許芥末配合沙律醋更突出了蔬菜的鮮甜。紅酒煎鵝肝勁厚勁大件，入口即化，紅酒香帶出鵝肝的甘甜味，配合多士及碟邊的意大利黑醋，完全減退了肥膩的感覺，而且擺碟好靚，色香味俱全，連花瓣都係食得架！日本白象拔蚌將內臟拿走，取其最鮮嫩的部分切片，其實所剩下的份量不多，十分矜貴。師傅用小許醬汁快炒，盡量保持原汁原味，咬落肉質脆嫩，味道鮮甜。最驚喜的是碟邊的特製醬料，由鮮磨日本芥末加忌廉及三文魚子而成，突顯了象拔蚌的鮮味又加添了一個味覺的層次，超好味奶油法國白蘆荀由成長到採摘都不能受到陽光照射，數量極稀少，所以擁有’貴族白美人‘的稱號，顏色越白、荀身越粗就越珍貴，口感細緻，營養價值極高，是法國的頂級食材之一。師傅用簡單的奶油煮已經非常好味，白蘆筍超級鮮嫩爽甜，而奶油中暗暗滲出薄荷葉的香味，更清新脫俗。熊本縣產A5和王牛堪稱為和牛之王，從品種、飼料、飼養方法及時間、到生產出來的肉質和油花分布都受到嚴格管理及驗證。因為油花比較豐富，師傅推薦七成熟，可以優化口感，減少油膩增加咬口，至於味道不用多說，綿化濃郁，齒頰留香。師傅還提供幾種調味的食法，喜馬拉雅山玫瑰岩鹽、日本鮮磨芥末、烤蒜片，全部都可以提升肉味，芥末更可以解膩，超好味。其實旁邊的配菜都唔講得小，茄子仔、南瓜、大啡菇，優質蔬菜，鮮甜多汁。和牛炒飯採用日本產的米，粒粒飽滿而香甜，師傅的功架炒到每粒飯都沾滿蛋漿、乾身而粒粒分明這些不在話下。重點是炒飯用了鵝肝及和牛釋出的香油，絕對係夢幻組合。清酒雞湯起初以為雞味會很濃主導了這個湯品，誰知一入口立即感受到醇厚的清酒味揮發出來，伴隨著回甘散去才慢慢地細味到清澈的雞湯，幸好有帶子的鮮甜美味至令我沒有醉意柚子雪葩甜品的選擇經常會轉換，我喜歡清新的柚子香甜味，雪葩入口即溶可以簡單直接將甜味轉送到味蕾，缺點是太快食晒。其實都不是第一次來這間餐廳，環境、服務、上碟等等的細節都做到一絲不苟，而且一直有進步，值得推介。…Read More

又到月頭！姐係又係出糧既時候！每次出糧都覺得要去食下好野先對得住自己咁辛苦工作。今個月一於善待自己去食貴價鐵板燒！鉄人旨花為上樓餐廳，裝修高級得黎唔會好浮誇，環境十分舒適，另設VIP房。餐廳分為壽司吧同鐵板燒枱兩部分，規劃夠清晰。 雖然係鐵板燒餐廳，但坐左成晚都無乜油煙味，証明抽煙系統做得好好。值得一讚！睇完個MENU一大輪，我同朋友決定要伊勢海老鉄板燒二人餐。無幾耐廚師係鐵板燒枱既前方就位，店員亦準備好我地今晚既一盤盤食材。全晚睇依廚師係你面前表演，又炒又切都真係幾精采！ 廚師每煮起一道菜，都會好用心咁整靚埋個擺盤，令到成個造型更加精緻，絕不馬夫！然後另一位店員就會為你端上，並用心介紹菜名同特別之處。 店員服務有禮，值得加許。總括黎講，食物品質一流，份量足，真材實料。環境、服務亦為餐廳加左唔少分。雖然價錢未算好平民，但對於小資女間唔中豪一次都係唔錯既選擇！______________________________伊勢海老鉄板燒 (二人前) $2,288🔸 汁煮白鱈魚以第一道菜打頭陣，真係好有surprise！ 白鱈魚煎得剛剛好，無骨之餘，魚肉嫩滑。魚皮部分特別煎至脆身，插係魚肉上面。咬落去就好似食緊薯片咁一樣脆！配上醬汁同洋蔥，好想加碗白飯哈哈！🔸 海膽汁煮龍蝦龍蝦勁大隻又生猛，落鐵板既時候仲郁緊。 龍蝦煎香之後拆肉上，岩哂唔鐘意剝殼既朋友，啖啖肉！就咁食都夠哂鮮甜，肉質彈牙。另外醬汁加入海膽，味道濃而不重， 龍蝦肉沾醬太正喇唔夠喉！ 🔸 奶油煮白蘆筍奶油一D都唔膩，淡身得黎好香。白蘆筍爽口，沾滿奶油依個配搭幾新鮮！🔸 熊本縣產A5和王牛廚師煮之前有問想食幾多成熟，好細心。作為和牛之王既和王牛切成粒狀煎香，油脂分怖得好好，一D都唔肥，好食！碟邊配上炸蒜片，店員建議連同Wasabi一齊食，的確味道出符意料之外，好特別。🔸 和牛炒飯和牛切碎加人炒飯，油膩感無上一道菜咁重。白飯粒用上日本產米，炒既時候見到粒粒分明。加上蔥、蛋、蘿蔔粒，完美既配搭。🔸 清酒雞湯睇住廚師用錫紙兜係枱上面煮，仲要有火焰升上黎，不禁哇左一聲！清酒味加上雞湯味道好鮮甜，超易入口。仲有幾片鮮帶子點綴，好好飲！🔸 是日甜品 - 枇杷香橙杯 有諗過會唔會係雪糕，點知原來係水果杯！好健康，仲可以平衡返以上食左咁Heavy既鐵板燒菜式。．by VIN環境分數: 8.8/10食物分數: 9.5/10…Read More

伊勢海老鐵板燒 (二人前) $2288餐前沙律蕃茄 + Frisse + 羅馬生菜 + 芥末沙律汁 = 清爽開胃汁煮白鱈魚師傅一開始先處理洋蔥，因為洋蔥要煮至焦糖化需時較耐。之後略煎魚的表面，再用鐵板鑊鏟將魚皮切下，個別將魚皮煎香。完成煎香魚皮後，再將已略煎表面的白鱈魚放回洋蔥湯汁內煮熟。魚肉本身的鮮味，再加上洋蔥被煮出的甜味…… Wow 煎香的魚皮睇得又食得，香脆可口。海膽汁煮龍蝦先將龍蝦煎香、起肉，再配合用龍蝦膏及海膽製成秘製醬汁淆煮。想唔好食都難。 師傅提及他們選用印尼龍蝦，取代常見的波士頓龍蝦，因為印尼龍蝦纖維比起波士頓龍蝦更有彈性。 食用玫瑰花有畫龍點睛效果。奶油煮白蘆筍忌廉汁充分帶出白蘆筍的鮮甜。熊本縣 A5 和牛高級牛肉, Less is more, 完全唔需要複雜的香料或任何醃製，師傅將牛肉表面煎至微焦，封鎖肉汁。Medium 剛剛好。配合一點點岩鹽, Perfect! 伴碟茄子、南瓜、Portobello, 極端新鮮，全部食原汁原味已經好好食。和牛炒飯日本米飯 + 和牛 + 鮮雞蛋 + 蔥花 + 洋蔥 + 海鹽 + 胡椒… 米飯充分吸收和牛油脂，無得輸 !清酒雞湯鮮味! 但喜歡濃味的我還是覺得有一點點淡口。柚子雪葩有柚子皮增加口感。好食!…Read More

昨晚輪到我同番友人慶祝生日🎂，所以去左間好評唔錯既鐵板燒食番個日式dinner! 店員好窩心咁安排左靚靚座位（對正師傅既位）比我地坐，仲提供埋個箱比我地放個袋，真貼心！我地叫左個伊勢海老鐵板燒2人前$2288，真好意頭！之後師傅係我地面前拎左我地今晚新鮮既材料比我地影下相打下卡先🤣🤣，首先店員送上前菜比我地醫一醫肚先，好新鮮既沙律🥗菜加埋些wasabi汁，酸酸辣辣咁好開胃！之後大廚開始展示佢既實力刀法，佢用刀將新鮮既龍蝦🦞完美咁除左件蟹衫，將龍蝦肉煎一煎，再用紅焗一焗d 蟹肉，味道更加提升更鮮美，伴碟更有朵紅玫瑰🌹（可食用）同蟹鬚作擺盤，超靚！龍蝦🦞肉超級鮮嫩，少少呈現透明狀態，配埋海膽汁更加oishi 😋 ! 之後大廚同時預備第2道菜式，將魚皮輕輕慢慢咁切開，再將魚皮輕輕力壓扁再燒一燒下佢！之前大廚已經準備好d 醬汁加洋蔥，把白鱈魚煎到好甘香！白鱈魚索左d 洋蔥醬汁超香甜，跟別的鱈魚味道不一樣，魚肉更加鮮嫩同白滑！魚皮更加煎得好甘香同脆口！大廚等待我們差不多吃完就預備好下一碟菜色，用錫紙把白色鮮露荀再加奶湯，用埋火槍透大個火，個奶湯好鮮甜，而個露荀更加爽脆香甜！到今晚我最期待既菜式熊本A5和王牛，一睇就知會好好食，雪花❄️分佈平均，大廚建議我地叫5成熟，大廚將和王牛買邊都平均煎一煎,之後擺盤也十分精緻，和牛入口即溶，超嫩滑！再加上有乾蒜片、即磨wasabi、柚子醬汁同喜馬拉雅山岩鹽，有各種唔同既食法！食完和牛就上埋個清酒雞湯，內有幾塊鮮味帶子，味覺不會太濃味！之後大廚將和牛用來炒飯（日本米），顏色鮮豔，最尾加埋蔥一齊炒，炒得很甘香，飯也炒得很乾爽，不硬也不軟，食完都好飽肚。最後甜品上場：分別有紅豆雪糕同奈良士多啤梨，紅豆味很濃厚，雪糕也很香滑，士多啤梨又香又多汁，店員都好用心不停咁倒茶比我地飲同講解每道菜既食法，服務態度一流，最愛食鐵板燒既餐廳🍴！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊…Read More

日本菜向來是筆者至愛的菜式之一，無論刺身壽司甚或串燒天婦羅均不會過！而今趟較為特別，和朋友來到銅鑼灣一間樓上日式食店，享用了一頓久違了的鉄板燒。小店裝潢不算華麗，就是帶著清新的和風感覺。店内座位不多，分為廚師發辦和鉄板燒兩個區域部分，間隔寬敞舒適，私人空間充足，在柔和的燈光映照下滿有情調的。筆者點了伊勢海老(龍蝦)鉄板燒二人前，首先來的是雜菜沙律，翠綠爽脆的沙律菜、車厘茄和秋葵配上酸汁，清爽開胃，為之後的盛宴打開了序幕。接著即送上是當晚的主角之一，黃金伊勢海老，即海膽汁煮龍蝦，大廚巧妙地將原隻青龍蝦煎得剛熟起肉，配上金黃濃香的海膽汁，中間還放上一朵食用的玫瑰花，賣相精緻，鮮甜味美，爽彈甘香，火候控制得恰到好處，盡顯大廚的功架。跟着再來第二道海鲜，汁煮白鱈鱼，店家選用了犬牙南極魚入饌，是一種産於無污染海域的深海魚，以肉質白嫩少骨而見稱。大廚先起出魚皮將之煎得筆直香脆，之後再將厚厚的魚肉煎得僅熟，並把洋蔥炒成焦糖色做成醬汁及灑上食用花瓣作裝飾。魚皮酥脆得像在吃帶魚香的薯片一般，魚肉則雪白結實，幼嫩肥美啖啖肉吃得過癮，配上甜香的焦糖洋蔥更顯鮮美惹味，難得煎魚能做到這樣嫩滑的口感，實在是道不可多得的美味佳餚！在嚐過兩道濃香鮮美的海鮮過後，大廚帶來了一點小清新，以時令珍貴的白蘆筍配上淡忌廉汁。白蘆筍佐上淡淡奶香的忌廉汁，突顯出其原有鮮味，清甜爽脆帶Creamy，有助減輕之前的濃膩感。中場休息過後，又到此餐的另一位主角出場，熊本縣產A5和王牛，一般大眾所聽過的和牛等級都是A4/A5的等級，但其實在A5級別之內，日本還會跟據和牛的雪花分佈(霜降度)再細分12級BMS指數，據店員透露今次大廚選用的A5和牛BMS指數達到12級，即最高級別，而且熊本縣的和牛屢獲殊榮，筆者難免有所期望，但在品嚐之前當然先要欣賞一下大廚的高超烹調技藝，手起刀落之間已將雪花分佈極美的和牛煎香至五成熟並切粒，還同時一絲不苟地將茄子、南瓜和蘑菇等配菜排開以牛油煎香，嚴謹地將最美的烹調過程在客人面前呈現出來。當店員將粉嫩的和牛端上來時筆者已萬分期待，觀其擺碟精美之外，大廚還細心地提供了喜馬拉雅山粉紅岩鹽、炸蒜片、山葵蓉和自家調製的酸汁讓客人嘗試不同調味下的分別，筆者當然不甘後人率先試一下和牛的原味，一啖入口果然不負所望，近乎入口即溶，和牛脂香在味蕾間縈繞不散！點上少許岩鹽之後更是突出了牛香，而蘸上山葵蓉或酸汁則有助減輕油膩感，各有特色，已很久沒有嘗過這樣高質的和牛，在執筆之時還在回味呢！除了和牛出色之外，配菜的美味亦值得一讚，粉軟多汁之餘亦滿有牛油香，讓一向對菜蔬興趣不大的筆者也一啖不漏的全部清場。在頂級美味之後再來一下休止符，大廚以錫紙摺成美觀的煮具，倒入清酒點起熊熊烈火讓酒精揮發，再加入預先熬製的清雞湯和帶子同煮，湯色奶白，味道清甜帶著淡淡酒香，頗有特色，對於偏好濃味的筆者未必是那杯茶，但在品嚐濃膩的和牛過後來一口清香淡麗的熱湯以清一下味蕾，其實也是頗有心思的安排，而偏愛清淡飲食的客人，相信亦會喜歡這道湯品。最後師傅還即席在鐵板上炒製了一道和牛炒飯，粒粒飽滿的珍珠米裹上蛋漿，拌上牛肉和菜粒炒香，雖感覺不是太乾身但仍粒粒分明，而且鑊氣十足很有炒飯的風味，如味道和肉香能再濃多一點點將會更貼題和美味。熱食過後還有芝麻和紅豆雪糕作甜品，為這餐寫上完美的句號。整晚出品的味道和用料均屬上等級數，加上大廚和店員的專業講解和招待，就算收費屬高檔定價也算合理(鉄板燒的定價一向不會便宜，今趟還有齊一整隻青龍蝦和頂級和牛等高檔食材，實算抵食)。其實吃鉄板燒除了品嚐美味之餘，能欣賞到大廚專心一致為客人烹調的過程與技藝，也是一種享受，堪稱食之藝術！間中食好西獎勵一下自己也是必須的。…Read More

第2次食鐵板燒！期待期待！睇住師父炒炒炒！先黎沙律前菜！幾開胃 個汁係用醋調出黎跟住就開始啦！I am ready! 我地今次叫龍蝦果個餐因為呢個月份係龍蝦季，所以會靚d d 龍蝦🦞大家見到果d汁係用蝦膏同海膽一齊整成架！食落個味都幾濃！仲要賣相幾靚！跟住係一個煎魚加湯！先講下塊魚，佢係比銀雪魚再高級d嘅白雪魚，魚上面有塊魚皮係煎香過架！不過個人覺得係幾脆架不過燶味太重！而個湯就正啦，洋蔥味幾出！另外好嘅係 計d伴碟都食得全部都係溫室嘅有機花瓣可以睇又可以食架食完呢個 就會食個白荀清清味蕾！黎一個奶油白荀，係法國架！食落脆脆地加埋d奶油汁，妙啊！煮得剛剛好，而奶油又唔會好膩準備煎熊本縣嘅A5和牛啦⋯⋯ 呢個真係超級超級超級大愛！師父會教埋我地最好食嘅食法就係牛加wasabi 加一片烤蒜加鹽！食落就係最正！我會叫咗師傅唔好整到咁熟怕影響口感！呢個真心正！因為有果種好「林」有dd 容嘅感覺！跟住就係和牛炒飯！幾惹味架！而且真係炒到d飯1粒粒！清酒雞湯！最讚係粒帶子！勁鮮！湯清清地！幾好，而且好有酒味最後叫咗生果杯！我幾鐘意d紅石榴！會爆汁！貴就貴咗d 不過真心超水準 絕對配得起呢個價錢…Read More