1010
16
11
等級4
161
0
又到月頭!姐係又係出糧既時候!每次出糧都覺得要去食下好野先對得住自己咁辛苦工作。今個月一於善待自己去食貴價鐵板燒!鉄人旨花為上樓餐廳,裝修高級得黎唔會好浮誇,環境十分舒適,另設VIP房。餐廳分為壽司吧同鐵板燒枱兩部分,規劃夠清晰。 雖然係鐵板燒餐廳,但坐左成晚都無乜油煙味,証明抽煙系統做得好好。值得一讚!睇完個MENU一大輪,我同朋友決定要伊勢海老鉄板燒二人餐。無幾耐廚師係鐵板燒枱既前方就位,店員亦準備好我地今晚既一盤盤食材。全晚睇依廚師係你面前表演,又炒又切都真係幾精采! 廚師每煮起一道菜,都會好用心咁整靚埋個擺盤,令到成個造型更加精緻,絕不馬夫!然後另一位店員就會為你端上,並用心介紹菜名同特別之處。 店員服務有禮,值得加許。總括黎講,食物品質一流,份量足,真材實料。環境、服務亦為餐廳加左唔少分。雖然價錢未算好平民,但對於小資女間唔中豪一次都係唔錯既選擇!______________________________伊勢海老鉄板燒 (二人前) $2,288🔸 汁煮白鱈魚以第一道菜打頭陣,真係好有surprise! 白鱈魚煎得剛剛好,無骨之餘,魚肉嫩滑。魚皮部分特別煎至脆身,插係魚肉上
更多
又到月頭!姐係又係出糧既時候!每次出糧都覺得要去食下好野先對得住自己咁辛苦工作。今個月一於善待自己去食貴價鐵板燒!

鉄人旨花為上樓餐廳,裝修高級得黎唔會好浮誇,環境十分舒適,另設VIP房。餐廳分為壽司吧同鐵板燒枱兩部分,規劃夠清晰。 雖然係鐵板燒餐廳,但坐左成晚都無乜油煙味,証明抽煙系統做得好好。值得一讚!

88 瀏覽
0 讚好
0 留言
142 瀏覽
0 讚好
0 留言


睇完個MENU一大輪,我同朋友決定要伊勢海老鉄板燒二人餐。無幾耐廚師係鐵板燒枱既前方就位,店員亦準備好我地今晚既一盤盤食材。全晚睇依廚師係你面前表演,又炒又切都真係幾精采! 廚師每煮起一道菜,都會好用心咁整靚埋個擺盤,令到成個造型更加精緻,絕不馬夫!然後另一位店員就會為你端上,並用心介紹菜名同特別之處。 店員服務有禮,值得加許。


36 瀏覽
0 讚好
0 留言

總括黎講,食物品質一流,份量足,真材實料。環境、服務亦為餐廳加左唔少分。雖然價錢未算好平民,但對於小資女間唔中豪一次都係唔錯既選擇!
______________________________

伊勢海老鉄板燒 (二人前) $2,288

汁煮白鱈魚
103 瀏覽
1 讚好
0 留言

🔸 汁煮白鱈魚
以第一道菜打頭陣,真係好有surprise! 白鱈魚煎得剛剛好,無骨之餘,魚肉嫩滑。魚皮部分特別煎至脆身,插係魚肉上面。咬落去就好似食緊薯片咁一樣脆!配上醬汁同洋蔥,好想加碗白飯哈哈!

海膽汁煮龍蝦
56 瀏覽
1 讚好
0 留言

🔸 海膽汁煮龍蝦
龍蝦勁大隻又生猛,落鐵板既時候仲郁緊。 龍蝦煎香之後拆肉上,岩哂唔鐘意剝殼既朋友,啖啖肉!就咁食都夠哂鮮甜,肉質彈牙。另外醬汁加入海膽,味道濃而不重, 龍蝦肉沾醬太正喇唔夠喉!

奶油煮白蘆筍
19 瀏覽
1 讚好
0 留言

🔸 奶油煮白蘆筍
奶油一D都唔膩,淡身得黎好香。白蘆筍爽口,沾滿奶油依個配搭幾新鮮!

熊本縣產A5和王牛
38 瀏覽
1 讚好
0 留言

熊本縣產A5和王牛
32 瀏覽
1 讚好
0 留言
🔸 熊本縣產A5和王牛
廚師煮之前有問想食幾多成熟,好細心。作為和牛之王既和王牛切成粒狀煎香,油脂分怖得好好,一D都唔肥,好食!碟邊配上炸蒜片,店員建議連同Wasabi一齊食,的確味道出符意料之外,好特別。

和牛炒飯
19 瀏覽
1 讚好
0 留言

59 瀏覽
0 讚好
0 留言
🔸 和牛炒飯
和牛切碎加人炒飯,油膩感無上一道菜咁重。白飯粒用上日本產米,炒既時候見到粒粒分明。加上蔥、蛋、蘿蔔粒,完美既配搭。

清酒雞湯
14 瀏覽
0 讚好
0 留言

🔸 清酒雞湯
睇住廚師用錫紙兜係枱上面煮,仲要有火焰升上黎,不禁哇左一聲!清酒味加上雞湯味道好鮮甜,超易入口。仲有幾片鮮帶子點綴,好好飲!

枇杷香橙杯
11 瀏覽
0 讚好
0 留言

🔸 是日甜品 - 枇杷香橙杯
有諗過會唔會係雪糕,點知原來係水果杯!好健康,仲可以平衡返以上食左咁Heavy既鐵板燒菜式。

by VIN
環境分數: 8.8/10
食物分數: 9.5/10
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-04-30
用餐途徑
堂食
人均消費
$1250 (晚餐)
推介美食
汁煮白鱈魚
海膽汁煮龍蝦
奶油煮白蘆筍
和牛炒飯
清酒雞湯
枇杷香橙杯
  • 熊本縣產A5和王牛