名館 (已結業)

話説阿爺生日，諗住帶佢食好d，所以就黎左呢間餐廳！其實平時行過都見到好多人等位，所以唔訂定位都唔知要等幾耐。呢度d環境都幾舒服，座位寬闊。見到旁邊仲有d對住窗既2人座位，既有私隱又可以睇到銅鑼灣鬧市既景色。一入座既時候仲有杯小麥茶，聞落有淡淡的麥子香味，飲落味道甘甜。芥末咸水角咸水角食就食得多，有芥末既真係第一次，但係又意外地好夾。芥末份量拿捏得好好，唔會話好辣，但你係食到個芥末味。咸水角餡料亦都好足。厚切叉燒皇都幾大碟，而且真係好厚切，大約有成寸厚，完全對得住個價錢。味道都幾好，外面焦香，入口鬆軟，味道香濃。雞翼釀糯米首先雞翼整得好靚，表面呈金黃色。表皮香脆，内裏肉質嫩滑，仲食到有肉汁。不過令我最意想不到既係，糯米係脆既。其實我本來好怕食糯米，因爲食少少就好膩好飽，不過呢個糯米炸完之後就完全無呢個問題。茉莉花蟹棒炒滑蛋蟹棒炒滑蛋都係成日都會食，滑蛋的確炒得唔錯，夠嫩滑。 加左茉莉花令個滑蛋更清香，幾特別。魚米之鄉原條Sea bass拎去炸，然後將魚肉加入飯同配菜炒，d飯炒到粒粒分明，夠乾身同有鑊氣，條魚都炸到好金黃香脆。七彩不切糕首先個賣相係幾好既，味道清甜，又唔會話太甜好膩，都幾適合做飯後甜品。網紅小白兔賣相精致，隻兔仔整得好似。味道有d似糯米池，眼睛同内裏既餡都係紅豆蓉，口感軟熟。好少食中菜都會相機食先，賣相精致之餘，味道都好好，連菜名都係別出心裁。最重要係呢個價錢有呢個質素，其實性價比都幾高。…查看更多

莫非香港人好鍾意飲夜茶?  呢間食店除左提供廣東/上海菜外, 仲有點心, 位置坐落於商場頂層, 可給納埋遊客呢度係窗口位置設置高卡位, 適合兩口子一邊欣賞街外景, 一邊食嘢, 特別得黎又好似有D"私隱"咁喎餐具顯心思, 碗中有條金魚裝飾, 中國風味濃!參考完餐牌, 可用落單紙落單今晚一於又小菜, 又點心先...........厚切叉燒皇 ($78) - 半肥瘦厚切, 食落肉質鬆化又夠口感, 熱度十足仲零舍好味,  若然加少少燶邊就真係無得輸 㰖角肉崧蒸秋葵 ($58) - 惹味嘅㰖角肉崧醬為無味嘅秋葵賦於味道, 而採用蒸呢個方法方便得黎又食得健康, 但建議要趁熱食, 唔係D"潺"會走出黎, 影響口感!蜂蜜柚子蝦球 ($88) - 清新柚子味代替傳統嘅香檸味, 味道更為吸引!  炸漿薄身令到蝦球食起黎更脆口, 而蝦肉本身口感幾爽口, 夏天日子食呢D酸甜炸物都幾唔錯!金黃球泡飯 ($68) - 原火爐上保持熱度, 賣相討好以蕃茄, 菇及蔥粒再加上肉碎煮成嘅湯底, 味道幾好, 湯中間有個炸左嘅飯球, 整開後連湯一齊食飯球外脆內藏飯粒, 食起黎兩種口感, 有D似食緊飯焦般煙韌!另外唔好忘記呢度有點心食, 叫左呢客大良鮮奶脆網卷 ($48) 作為甜品外面炸至相當脆口, 熱度十足, 食時要小心; 而內裏釀入甜滑鮮奶為餡, 一啖有2種口感, 好快已被我地KO晒!呢度係以麥茶侍客, 有別於傳統中國茶葉; 食物份量精緻, 價錢以地區黎講算頗親民, 下次想食點心, 知去邊度啦?!…查看更多

銅鑼灣希慎廣場向來都予人高檔次的感覺，而內裡餐廳的價格也通常較一般的為高，但驚喜地當中的一間新派中菜館，環境舒適之餘，定價也相對親民，而且質素還算不俗，筆者之前就跟家人來到品嚐了一頓豐富的晚飯。餐廳的裝潢設計採用了年青中帶懷舊的風格，門面以霓虹招牌襯上灰綠色的主調，落地大玻璃滲入天然光，營造出室內和室外用餐區的錯覺。店內佔地頗廣，時尚簡潔，天花掛滿了帶點殖民味道的大型吊燈，燈火通明，份外搶眼。入座後店員先端上兩杯味道獨特甘香的茶品，據說是高原野生蕎麥茶，具降脂降糖的功效。蕎麥茶茶色清澈，滲著淡淡的麥香，回甘突出，清甜解渴，讓客人先清一清味蕾，為往後的佳餚作好準備。這裡的菜色覆蓋範圍甚廣，由老火燉湯、京滬前菜小吃和主食包點，到粵菜小炒、點心麵飯都一應俱全，部分更是大廚的創意菜式，風格遊走於傳統與創新之間，務求為客人的味覺帶來新刺激。筆者率先點來了兩款燉湯，大廚以中式茶壺盛載著燉湯上枱，賣相精緻，飲用時將湯汁倒進小杯之中慢慢享用，有助保溫之餘亦方便品嚐清湯的原味，跟日式的土瓶蒸有異曲同工之妙。溏心黑蒜燉響螺，湯汁亮麗金黃，清香濃郁，入口鮮甜富膠質，帶著淡淡的黑蒜獨有香氣，打開茶壺發覺原來十分足料，黑蒜、雞肉、響螺、瘦肉、雞腳、紅棗和雲耳等等放得滿滿的，難怪湯汁可以這樣的濃甜幽香。天山雪蓮燉海星，整隻海星和天山雪蓮、雞腳、豬肉一起放到在壼內清燉，同樣的足料，湯汁清澈，味道鮮甜，帶著少許海洋氣息，在外邊較為少飲到，和黑蒜燉響螺相比，多上了一份清潤，一濃一淡，各有捧場客。接著點來幾款涼菜…陳醋珊瑚紅海蜇頭，爽脆厚切的海蜇頭拌上青瓜，帶有淡淡的陳醋酸香，清爽開胃，是道很到位的開胃前菜。和麻醬雞絲粉皮，選用了紅薯粉粉皮，口感較一般的來得煙韌，撈上青瓜、雞絲和胡麻醬，爽口軟糯中帶著濃濃的芝麻香，味道雖不至於十分突出，但還算中規中矩，帶來了一點小清新。鎮江水晶肴肉，肴肉晶瑩剔透，層次分明，啫喱凍入口清爽軟韌，慢慢化開後滲出了鹹香肉香，感覺骨膠原滿滿，蘸上黑醋同吃，添上酸香，更顯滋味。歎完靚湯涼菜，跟著便來點小食，鮮蝦野菜春卷，春卷皮放上切碎了的蝦肉和野菜捲成幼長條，炸得乾身酥脆，不太油膩，細嚼間釋出淡淡蝦香，菜蔬亦添上了幾分清新，唯個人覺得欠缺了蝦肉應有的爽脆，缺少了那令人滿足過癮的口感，但尚算香口味美。鑊仔生煎蓮藕餅，一客三件圓渾厚實，肉餅以鯪魚肉撈上豬肉，並加入蓮藕粒和香蔥打成肉餅煎香，因蓮藕粒份量夠多，口感爽脆彈牙帶著濃濃肉香，算是貼題之作。厚切叉燒皇，色澤紅潤肥瘦相間，燒得少許焦香，肉質鬆化多汁，半肥瘦脂香濃郁，質素出色。蜂蜜柚子蝦球，爽彈蝦球上薄粉炸脆，酥化彈牙，沾上蜂蜜柚子汁，入口酸甜帶著淡淡的柚子清香，減去了炸物的油膩，雖不算太特別，但勝在香口醒胃。拾味椒鹽龍脷柳，薄薄脆皮裹著嫩滑的龍脷柳，唯調味不夠濃香有點失真。鮑魚汁扣柚皮，柚皮是傳統的民間食品，但因製作工序繁多，又賣不起價錢，所以現在都比較少食店有售。這店的柚皮煮得尚算酥化軟腍，沒有苦澀味，以鮑汁調味後，甜香中帶回甘，頗有驚喜。小食過後，當然要點小菜、主食和包點填填肚。蜜椒土豆安格斯牛柳粒，安格斯牛柳粒鬆軟濃香，薯仔粒經油炸過後，入口帶點酥脆，配上蜜椒拌炒，濃香爽口兼而有之。蝦球蟹子銀絲煲，熱烘烘以砂鍋上枱，六大隻蝦球排滿在粉絲上面，賣相誘人，蝦肉爽口彈牙，粉絲炒得乾身入味，灑上蟹籽添上爽彈鹹香，就個人口味而言粉絲調味如能濃香一點會更滋味。小肥腿，其實是脆皮鹹豬手，伴隨著炸薯條一同上枱，一端上來肉香滿滿，豬手外皮香脆肉甫鬆軟，鹹香而不臊，香口惹味，佐酒一流。紅油抄手，脹卜卜的菜肉雲吞皮薄餡爽，佐上甜甜的醬油濃香滑溜，唯個人覺得紅油辣度不夠，稍嫌欠上了一點剌激。鮮肉一口小籠包，一籠五隻，屬湯包類型，薄薄外皮包著熱燙燙的湯汁，肉餡相對較少，蘸上鎮江醋，略為放涼後原隻入口，湯汁在口腔中洶湧爆出，鮮味肉香瞬間佔據味蕾，感覺過癮滿足，質素不俗。黑松露小籠包，同樣皮薄餡靚湯汁多，黑松露的幽香淡淡的滲出，與小籠包的肉香頗為搭配，另有一番風味。生煎韭菜餃，餃身脹卜卜，韭菜餡料十足，但略嫌煎得不夠香口乾身，口感頗油膩。手工蔥油餅，外面撒滿芝麻炸得金黃微脆，內裏鬆軟夾著大量翠綠蔥花，入口酥軟中帶著淡淡蔥香，有著傳統上海包點的味道。石窩鮑魚雞粒炒飯，份量頗多，以燒熱了的石鍋盛載，熱辣辣吱吱作響甚是誘人。炒飯以鮑魚汁調味炒香，粒粒油潤分明，配料有五毫子大小的迷你鮑魚仔和雞肉粒，還算Q彈入味，唯如真的想品嚐鮑魚的質感的話，就會有點未能盡興，但論味道談鑊氣卻是交足功課，甘香濃厚，醬香四溢。吃到石鍋底時還有點烘得焦脆的飯焦，香口惹味，記得不要錯過。吃了這麼多肉食，最後來點菜蔬平衡一下。金銀蒜蒸娃娃菜，一棵棵的娃娃菜排列整齊，上面放上大量金銀蒜同蒸，清爽多汁帶著濃濃蒜香，味道卻偏向清淡，突出了娃娃菜的清甜可口，惹味得來又健康。值得一提，這裡的自家飲品也著重清潤保健，檸檬薏米水味道清新酸香，開胃祛濕。蜂蜜杞子菊花茶清甜滋潤，降火明目。豆漿帶著濃郁豆香，以燈膽瓶裝著玩味十足。這店的出品總括來說還算不錯，大廚在傳統味道上滲上了點點創意，而食材方面亦有注重滋養保健，務求讓客人食得安心健康。餐廳環境舒適，價錢亦算合理，難怪晚膳期間座無虛席。整晚大家都吃得開心滿意，眼闊肚窄叫得滿枱皆是，為免浪費最終部分都要打包收場。難得一家人聚餐，也不會計較那麼多，珍惜歡聚時光便是了。…查看更多

是日約咗家人去銅鑼灣行街，阿妹話食過呢間唔錯，於是我哋齊齊拉大隊去呢度試吓。入到去坐低，店員就送上蕎麥茶，有濃濃蕎麥香味，亦可中和油膩感，大愛~~ 陳醋珊瑚紅海蜇頭，海蜇頭爽爽脆脆，酸酸哋，底下墊有青瓜好清爽。厚切叉燒皇真係厚切，一啲都唔肥，肉質鬆化，好 juicy! 鑊仔生煎蓮藕餅食到粒粒蓮藕，仲食到芫荽香味，正好平衡肉膩感。胡麻醬鮮淮山好特別，喺芝麻醬中加入芥辣調味，淮山係淋滑，夏天食呢個好開胃。大良鲜奶脆網卷有別於傳統做法，係用一塊厚厚嘅網紙包住啲鮮奶炸好，鮮奶唔會過甜，但又有好濃鮮奶味，食完2件都唔覺膩，好好味! 名館蝦餃皇好足料，好大粒，勁多蝦肉，蝦肉又爽又彈，好滿足! 欖角肉鬆蒸秋葵啲秋葵吸晒啲欖角啲咸香味，蒸得又淋又入味，平時最怕食到佢陣青澀味，呢個完全無嗰陣味，好正! 和風樱花蝦炒飯有激多櫻花蝦鋪面，撈完之後都仲見到粒粒蝦乾，入口勁香蝦味，飯底本身都炒得夠乾身，而且好夠穫氣，好食! 蜂蜜柚子蝦球嘅蝦肉好彈牙，炸皮薄薄一層，夠脆夠香口，撈埋甜甜哋嘅柚子醬，好惹味! 蜜椒土豆安格斯牛柳粒嘅土豆食落似焗薯口感，食完一粒又一粒，牛柳粒以黑椒爆炒，都好香口。總括而言，呢餐唔貴，食物質素又高，家人都好滿意阿妹嘅好介紹，下次去開附近都會再 encore! …查看更多

今日同朋友食飯,朋友選左銅鑼灣名館 好悻就安排左入去店員好快拎左蕎麥茶黎飲蕎麥茶真係好正呀,又可以消下脂個環境都幾好喎跟住我地就叫左陳醋珊瑚紅海蜇頭,厚切叉燒皇,胡麻醬鮮淮山,名館蝦餃皇,鑊仔生煎蓮藕餅,大良鮮奶脆網卷,欖角肉崧蒸秋葵,和風櫻花蝦炒飯,蜜椒土豆安格斯牛柳粒,蜂蜜柚子蝦球陳醋珊瑚紅海蜇頭--海蜇頭夠晒爽口彈牙,陳醋酸酸地野味可口厚切叉燒皇--夠晒正.蜜汁燒好香又唔燶仲有半肥瘦,真係好好食胡麻醬鮮淮山-個淮山好粉好正再加埋個漿好開胃名館蝦餃皇--入面好足料,皮夠晒薄而蝦好鮮味鑊仔生煎蓮藕餅--好香口,蓮藕味都好重,好又好在唔油膩大良鮮奶脆網卷--外面脆入面熱真係心好食欖角肉崧蒸秋葵--欖角隻味幾好,秋葵入口都爽口和風櫻花蝦炒飯--櫻花蝦好香,這樣的炒飯令人胃口大增蜜椒土豆安格斯牛柳粒--個牛好香好有咬口,而個薯仔配合黎食就好好食,一口牛一口土豆唔會膩蜂蜜柚子蝦球--蝦好鮮味爽口彈牙,配合埋個酸甜汁真係好好食…查看更多

今晚同朋友諗住去食生日飯,朋友介紹食名館好彩我地早,好快就有位可以食食到去飲下茶先有喬麥茶飲,幾香口講多無謂,點野食最實際今日點左以下食物陳醋珊瑚紅海蜇頭,厚切叉燒皇,胡麻醬鮮淮山,名館蝦餃皇,鑊仔生煎蓮藕餅,大良鮮奶脆網卷,欖角肉崧蒸秋葵,和風櫻花蝦炒飯,蜜椒土豆安格斯牛柳粒,蜂蜜柚子蝦球個碗都幾靚環境都幾好陳醋珊瑚紅海蜇頭--個海蜇頭幾好咬口厚切叉燒皇---夠晒淋,咬入叉燒味都幾出個味胡麻醬鮮淮山--淮山幾好食,再配合埋個醬令人更加開胃名館蝦餃皇--非常足料,蝦味鮮,皮夠薄鑊仔生煎蓮藕餅--熱辣辣又香口,個藕味好香大良鮮奶脆網卷--脆身,入面奶香味濃,外脆內熱,正欖角肉崧蒸秋葵--秋葵咁整都幾得意和風櫻花蝦炒飯--好香,一放低就已經聞到櫻花蝦既香蜜椒土豆安格斯牛柳粒--牛柳重牛味又口即溶蜂蜜柚子蝦球--蝦好正,真係必食呀 ...好新鮮好味…查看更多

今晚和家人吃晚飯，選擇了位於希慎的名館。晚飯時間，餐廳已有不少顧客。餐廳裝潢得體，以彩色為主調，青綠色的窗框，黃、暗紅和綠色的座位，呈現活力的一面。單人以至多人座位一應俱全，能滿足不同的顧客。茶位$15/位，用的是高原野生蕎麥茶，香氣迷人，入口甘香味醇。餐牌所見，除了點心，還有不同地區的特色小菜，價格也十分合理。⭐️厚切叉燒皇$78厚切叉燒偏瘦，色澤自然亮麗，入口軟韌適中，肉質鬆軟沒有渣，不過個人較喜歡肥一點的叉燒。⭐️鮮肉一口小籠包$58皮薄餡美，咬下去，鮮甜的肉汁在口腔迸發，慢慢咀嚼，一口小籠包真的無法滿足，要整碟吞進肚子裡！⭐️大良鮮奶脆網卷$48外皮炸得非常酥脆，裡面包裹著大良鮮奶，鮮奶甜甜的，口感新鮮。外脆內滑，奶味不算濃郁，所以吃多了也不覺膩。⭐️自製菌皇醬蒸鮮腐竹$58將腐竹切成條狀，入口滑溜溜，配上菌皇醬調味，吃起來很惹味！⭐️和風櫻花蝦炒飯$98這道炒飯非常出色！也是今晚的亮點呢！飯粒粒粒分明，跟櫻花蝦一起吃，櫻花蝦的脆感和蟹籽為炒飯加了不少分數呢！使炒飯更有口感。⭐️蜜椒土豆安格斯牛柳粒$98牛柳粒醃得入味，小小一塊，肉質飽滿香醇。還有炸薯仔粒，淋上醬汁後，外脆內軟，還有點焦香，實在有驚喜！…查看更多

打風先黎落雨，唔通連個天都想我出街食？收工仲掛緊三號波但無阻同朋友嘅飯聚，朋友又去完日本旅行，大家相約老銅飯聚順便拎手信，所以食中菜就最啱了。呢度雖然位處銅鑼灣，但食物價錢非常親民！柚蜜炸蝦球。醬汁味道略酸偏甜柚子味好清香，炸皮好薄所以唔吸油，加上蝦仁大大粒又爽口。雖為油器但不油膩。和風炒飯。炒得乾身所以飯粒食落彈牙，調味用上照燒汁之類嘅醬料，味道唔會好重／咸（雖然睇落好濃味）春卷。炸得好香口同乾身，入面嘅蝦肉餡調味重啲啲，平衡返春卷皮清淡嘅味道。蒜苗蒸勝瓜。雖然用左幾多蒜泥鋪面，但味道唔嗆。勝瓜本身好甜加上少少上湯調味，好好食。同埋唔可以錯過墊底嘅金針菇，佢吸收晒勝瓜同蒜香味，入味非常。厚切叉燒。色澤紅潤肥瘦相間，蜜糖上色得均勻，一睇就知道係靚叉燒。入口肉嫩多汁仲有少少燶邊，就正正係燶左嘅部分增添左叉燒嘅口感同味道，正。有時食飯唔需要大魚大肉嘅，同朋友簡簡單單食個飯就係生活中的小確幸。…查看更多

是日同老豆兩個人撐枱腳，老人家比較傳統比較鍾意食中菜，幾經挑選揀左銅鑼灣希慎樓上呢間名館，由於要就番放工時間所以book左7:30去到發現人流唔算多，但都係book左枱安全啲裝修比較清新簡潔，完全唔似一般傳統式既中式酒樓，感覺係似新派現代中式菜，所以都好適合一家大細老中青入到去無問飲咩茶因爲佢只有一款熱蕎麥茶，幾特別，飲落去清清地幾重蕎麥味，唔錯唔錯連平時只飲中式舊茶既老豆都仔細啲睇原來隻碗有條錦鯉menu整得幾靚，封面好似道門咁打開，款式好多有點心、小炒、海鮮、燉湯、甜品等等⋯⋯最後我叫左個炒飯，一個燒味，一款點心同燉湯。先上一個厚切叉燒肉質好幼嫩有肉汁多又唔乾甜甜地味道適中。糖心黑蒜燉響螺：一個黑鐵茶壺上，用品茗個啲小茶杯慢慢品嘗，一壺兩人份量岩岩好，入面都好足料，有黑蒜、響螺、雞腳、豬肉。味道好濃黑蒜味但又唔覺得油膩，燉得岩岩好連啲湯渣都食埋。再上一個和風櫻花蝦炒飯：飯炒得夠乾身一粒粒咁面頭鋪滿好多櫻花蝦，食落味道唔會太咸適中，食得岀廚師個炒功了得最後甜品：銀湖天鵝酥。入面係紫薯蓉，唔會太甜，好濃紫薯味鍾意紫薯既朋友一定會好鍾意，外形真係幾似天鵝，個頭用面粉整都食得。真係內外都咁得整體黎講各種菜式好精緻，味道好好，內外都值得一讚老豆食完都話呢間啲菜色『不錯』…查看更多

名館位於銅鑼灣希慎廣場，交通方便，非常就腳，是晚就相約了幾位舊戰友來聚腳。名館的裝潢走新潮的路線，就連食物的盛器別樹一幟。餐廳的菜式種類多元化，包攬粵菜、川菜和滬菜等，切合不同人士的口味。鮮肉一口小籠包小籠包的皮做得很薄，咬開外皮，內裡是裹在豐富鮮甜的湯汁內的細嫩鮮肉，整體質素不錯。鮮蝦野菜春卷春卷剛炸好熱騰騰上桌，皮脆肉嫩，口感滿分。姬松茸燉花膠湯吃過兩款點心作頭盤後，店員端上一壺姬松茸燉花膠湯。湯品以金屬茶壺盛載，又以小茶杯作湯碗，非常別緻。湯品以花膠、姬松茸、雞肉等材料熬製，味道鮮甜又養生。蒜泥白肉蒜泥白肉的蒜味十足，辣度適中，可以調味偏咸了一點。如果肉可再薄切一點，口感風味會更佳。厚切叉燒皇叉燒保留住豐富肉汁，肉質嫩腍，水準之作!沸騰水煮滑魚片水煮滑魚片以銅鍋盛載，魚片上面被重重的辣椒覆蓋，賣相吸引。魚片肉質相當嫩滑，辣油辣勁十足，跟嫩滑魚片在一起簡直絕配。翻開魚片，原來下層尚有薯粉和金菇等配料，最出奇的竟然有豬紅和午餐肉，感覺很有港式風味。川辣小炒王小炒王以魷魚、豬膶、薯仔和大蔥作材料，用辣醬炒成，甚具鑊氣。辣味不會太強，口味大眾化。欖角肉鬆蒸秋葵秋葵的常見煮法都較為清淡，這款秋葵菜式以濃味的欖角肉鬆來蒸煮，味道都頗匹配。貓耳百合炒勝瓜「貓耳」是指木耳，配合勝瓜和百合來炒，成為了一道清新健康的小菜。蜂蜜柚子蝦球蝦球的脆皮外層經過蜂蜜柚子醬的點綴，味道和視覺效果都很紮實。和風櫻花蝦炒飯炒飯上面被櫻花蝦覆蓋，把櫻花蝦拌入炒飯中，感受到櫻花蝦的鹹香味漸滲到炒飯中，味道相當吸引。最後一讚的是熱米茶，味道甜香，可消除飽餐後的膩感。…查看更多

假期前夕，與友外出飯聚，選擇了地點方便的「名館」用餐。「名館」是一間多元化的中菜館，同時提供粵菜、滬菜、川菜等美食。甫入座，店員便送上一壼滾「熱米茶」，味道甜香，是比一般茶葉茶或花茶特別的安排。 首先送上的是兩客點心，「鮮肉一口小籠包」一籠五件，出品皮薄肉嫩，湯汁份量足夠，但仍有空間再添一點。「鮮蝦野菜春卷」的賣點當然是熱辣香脆的食感。因晚市菜式選擇豐富，這些香口炸物大多即叫即製，只要控油得當，不難給予一份脆香享受。「蒜泥白肉」本屬合意冷盤，只可惜蒜泥過鹹，影響了評分。小編喜歡喝湯，當然不會錯過品嚐燉湯的機會。這客「姬松茸燉花膠」以金屬水壺盛載，十分「墜手」。湯料除姬松茸及花膠外，亦加入了鮮雞瘦肉等一同肴製，味道濃香。唯一要挑剔的地方，是每份燉湯的份量太少，難言滿足。 「厚切叉燒皇」外觀紅潤，紋理清晰，肉味肉質俱佳，讚！接下來是兩道川菜「川辣小炒王」與「沸騰水煮滑魚片」。前者以魷魚、豬膶、薯片等等雜炒製成，辛辣感不過份，適合只嗜小辣的朋友。後者以明火待續煲煮，麻辣感俱重。魚片雖滑，但魚味很淡，只靠辣油上味始終差一點點。翻開魚片辣椒，除了有常見的薯粉外，更有金菇、豬紅、午餐肉等配料，令人聯想起「部隊鍋」的影子。 吃過刺激辛辣的食品，換換口味試試相對清淡的「欖角肉鬆蒸秋葵」。秋葵黏滑爽脆，十分健康。「蜂蜜柚子蝦球」味道甜蜜，蝦球經過炸煮處理擁有一件金黃帶脆外衣，內裡爽實。 以「和風櫻花蝦炒飯」作主食，既香且甜，又有櫻花蝦的鹹脆風味，是一碟可口的炒飯。「蜂蜜杞子菊花茶」以燈泡型杯盛載，賣相特別。菊花花香芬芳，以蜂蜜取代部份的糖，甜得來也較自然。伴以辣食品嚐也很合適。在「名館」飲食，可一拼嘗到多個地方的菜餚，由點心、燒味、燉湯，以至水煮川菜也可一拼品嚐，特別適合三五好友的聚會，各人自選一兩道小碟已可拼湊成一頓豐富及多元化的飯餐。 …查看更多

今日約左長輩食飯，佢唔係甘中意西餐或日式野，所以就揀左食中菜既名館。上到黎因為係晚飯時間，所以已經好多人係度等緊位，好彩兩個人好快就有位啦。一坐低，職員就上茶，佢唔係酒樓甘俾你揀飲普洱水仙果啲，而係佢地主打既蕎麥茶。飲落唔算好濃，但好香，淡淡既蕎麥味。:)其實係門口都見到佢個招牌，岩飲既仲可以買走添架！個碗好得意，有條立體錦鯉係度，用黎裝湯時好似有魚游緊甘，哈哈，好搞笑。聽講呢度既湯幾出名，所以就叫左碗平時少飲既炖鱷魚湯。材料好足！有雞、椰子同懷疑係鱷魚肉既肉，唔識分！而味道就好香椰子味，湯夠火喉，好甜呢個推薦大家一定要食！炸鮮奶！米紙炸得好脆，但唔油膩。鮮奶好滑，軟棉棉又熱辣辣！好食！送如其名，厚切叉燒！熱辣辣啲！好香蜜汁味，甜甜地，個汁滲透每一舊叉燒。肉好林，有少少肥肉痴住，更惹味！厚切，啖啖肉，正！小籠包一籠五只，皮薄餡靚，豬肉夠稔，咬開啲肉汁標晒出黎！好味，諗起都流晒口水！粉絲入面有好多蝦籽，炒到好乾身，味道剛好，因為有蟹籽又乾身，加埋蔥，所以好香口。蝦球好大只，爽口！現場見到好多人叫呢個。幾好既一間中菜，啲菜好好味，價位唔算貴，值得再去！…查看更多

坊間要找到好味的中菜館不難，但要環境企理加上味道出色的，目前名館是我的心水之一。一年前曾光臨，今天再度蒞臨回味。餐館的座位放置於館外和館內，其中有部分可望街景，尤其館內有大型梳化對正窗口，望住個景享受食物，一定很爽。平日人客也相當多，是晚和好友被安排梳化附近座位，可望到部分點心廚房。餐牌幾乎有大部份的菜色相片，不過正式落單還是要用上點菜紙，上面會有標示價錢。點好菜後，茶剛温了，先喝一口高原野生蕎麥茶，賣相就麻麻架啦，不過沒想到味道很吸引，淡淡蕎麥味微微甘香，喝起來很香醇順口，令人回味。蕎麥茶具有維生素和礦物質等，可「降血脂、降血糖、降尿糖」，難得愛喝，當然要喝多幾杯，同時可中和菜餚的油膩感。不過要留意，脾胃虛寒和過敏人士未必適宜多喝呀。不久，菜式隆續送到，起筷！麥冬雪梨燉鷓鴣 ($56)燉湯眼看已非常足料，湯料都不會燉到爛掉，一爐火燉制而成，味道確實相當清甜，非常滋陰生津。厚切叉燒皇 ($68)名副其實的厚切！肥瘦適中，而且蜜汁相當之甜，豐腴叉燒很入味不鞋口，啖啖肉，香口得很。自製菌皇醬蒸鐵棍淮山 ($52）淮山相當可口，口感綿密帶沙，微爽，甜甜香香的，而自家製醬味道很濃郁，鹹鹹的，同淮山好搭。此藥膳入饌既補且滋養脾肺腎，當然要吃完整碟～蜂蜜柚子蝦球 ($72)這款菜式相非常清新，有柚子蜂蜜的清甜，再有青檸的微酸，味道豐富，而蝦球與我想像中不同，原以為是一球球，但呈現眼前的並不是，而且相當有驚喜，先是外層並不厚帶微脆，然後蝦肉相當爽彈，無論味道或是質感都很滿意。石鍋鮑魚雞粒炒飯 ($98)中餐食米飯少不了(米飯很飽肚嘛)，用石鍋一定可以保持熱力，飯粒全都混滿醬汁的鹹中帶甜的味道，而鮑魚雞粒size剛好，令每一口都能品嚐得到，實在太好吃！果然今次也沒有令我失望，吃得肚子脹脹的，滿足啊！…查看更多

天氣乾燥飲啖湯潤下 希望唔同體質嘅人都可以飲呢個湯水 因為真係好清甜 毫無油脂。叉燒我影得較黑 實際一啲都唔燶 半肥瘦🐖。雲吞整體感覺似抄手 少了份辣油 多了份辣椒。辣要keep 住黎 跟住個牛仔骨就啱哂🐂濃度如果稍為輕手啲就仲好 咁就可以食到牛香。蒜蓉蒸勝瓜呢個家常菜無人不知 好多時會用粉絲墊底 呢間店改用金菇 又好得喎🍄調味可以另一道菜嘅風格改寫 柚子蜜汁骨就食唔少，柚子蜜蝦碌真係第一次 好脆好柚好甜 已經馬上將呢個餸加左落屋企個menu入面😂噢呢杯水果茶係重點推介 全部新鮮水果配茉莉花茶 唔會成杯冰 用黎餸飯又減油👍🏽隻叉篤生果用啦。想食啲飯 經理話好多人都鍾意食呢個焗飯。真係唔錯 雞扒好滑 似洋蔥汁嘅牛肝菌汁又好味😎食埋個滋陰甜品 大滿足！鍾意食雪蛤膏嘅一定要試 口感彈滑配埋椰汁，lovely💄…查看更多

平日都少食中菜，但今日朋友話想食就試下。希慎最高果幾層都幾多餐廳，見到呢間都幾多人幫襯，抱住應該無死既心情試下！場內都幾大，被安排左坐係門口近窗住置。食中菜點會無老火湯呢？所以就叫左個花膠松茸燉烏雞。個湯好足料，湯名上有既材料都可以係湯度見到，湯好甜，好濃，唔覺有味精，飲完好滋潤既感覺！望下啲材料！叉燒皇我見好多食家都有叫，果然係招牌菜！雖然唔係好多件，小吃多滋味！叉燒好淋，厚切有口感，每一件都沾有蜜汁！甜甜地，有少少肥，食落更好味！相都見到面頭有幾只鮮蝦，幾大只下。薄餅底面都脆脆地，有香蔥味，又有薯仔既淋，食兩件都幾飽肚。食小籠包最驚拎上黎果下爆左，好彩呢個無！一籠五個，你會見到佢個皮好薄，有啲透明甘。一咬開入面啲湯汁就爆晒出黎！內裡肉質嫩滑，師傳做得唔錯！好味！蒜蓉勝瓜金菇個底係金菇，上面係勝瓜同好多既蒜蓉！個人好鐘意蒜蓉，見到好開心！成碟都好香，勝瓜夠淋，無渣，好似bbq 蒜蓉燴金菇既味道！鐵板治味鳳尾蝦上枱時仲好熱，塊板芝芝聲。蝦撈左胡椒去煮，所以好香胡椒味，有啲辣，喜歡食辣既應該會喜歡！蝦去殼，大只，好爽口！飯焦炒飯炒得好香口，加埋啲蔥更香。因為飯焦撈混左成個飯，所以食落會有啲硬。榴蓮雪媚娘，好正！！呢個時候啲榴蓮應該唔係當造，所以好珍惜有得食榴蓮既機會！！大大舊肉，好正！！皮薄，軟棉棉！桂元紅棗茶一睇就知健康又保身！杯野甜得黎又好香桂元同紅棗味！好適合女士飲！差不多價錢，飲呢啲好過咖啡奶茶汽水啦！正呀！！呢杯又係好好味！唔會太甜，好香柑桔味，又有蘭香子咬下口，推推推！！！:)呢間中菜館好多食物選擇，每樣都真材實料！雖然場大又多人，但上菜都好快，會再黎！銅鑼灣食野又多一選擇啦！！…查看更多