鮨一 (厚福街)

營業中

休息中

三重桃取生蠔生蠔肥美，質感爽口，適中海水咸味，上面青檸啫喱，更突出生蠔的鮮味。吞拿魚牛油果手卷軟滑牛油果配吞拿魚，一淡一濃，味道有層次。蟹肉蟹膏手卷大量的蟹肉絲配鮮甜的蟹膏，新鮮無腥味，美味。辛辣油甘魚薄切油甘魚爽口，微辣配上炸蒜粒，配搭新穎。鮨一千層海膽飯坐在吧檯，見到師傅不停將海膽疊上，好吸引。海膽上有金箔點綴，閃閃發光。先品嚐甜美的海膽，後再跟吞拿魚蓉、壽司飯，口感豐富，每口鮮味。日本白粟米，可以生食，味道相當清甜，清新。炸澤蟹，要趁熱食，脆卜卜夠香口。豚角煮蘿蔔入味，半肥瘦的豬五花腩，炆煮得夠腍。日本九肚魚天婦羅香口不油膩，佐酒一流。雞皮餃子雞皮脆卜卜，炸得乾身無油，點醬汁幾開胃。鹽燒三文魚鰭魚肉剛熟嫩滑，加上檸檬汁味道很配搭。生蠔、刺身、海膽杯等食材相當新鮮，而熟食、炸物即煮上檯好熱，價錢經濟，我們好滿足捧著肚子離開。

呢間日本居酒屋，我已經幫襯咗好多年食物質素同服務一直都唔錯曾經有一次，我唔知刺身生日飯要提早預訂即日去詢問，佢地都肯做俾我壽星女冇失望，值得抵讚🩷食物方面，我最愛佢嘅千層海膽飯同埋清酒煮蜆每次嚟食都必點！🔥其實鯛魚奶湯都好正，不過太飽～今次冇叫🥹千層海膽飯 $298海膽超鮮甜，冇苦澀味，舖滿喺最頂層，中間係吞拿魚蓉最底係有輕微醋及醬油味嘅飯，配有紫菜，大大匙𢳂落去紫菜夾住嚟食，超有滿足感！特上八貫目 配細烏冬 $138八貫目係午市套餐，包括八件壽司，蒸蛋，沙律，螺肉，麵豉湯以及細烏冬。至於壽司，分別有海膽、三文魚、赤蝦、帶子、火炙蝶魚邊、劍魚腩、深海池魚及玉子。甲羅燒 $98濃濃蟹膏同蟹肉，混合麵豉醬及淡淡嘅清酒味，配有日本蛋黃，沾係脆卜卜多士，一塊又一塊，停唔到口！🦀清酒煮蜆$68呢一道菜係我favourite，每次都推介呢一個俾朋友。大大隻又厚身嘅蜆肉，滑嫩鮮甜，啖啖肉都充滿清酒香味，下邊墊底嘅蘿蔔，吸晒蜆肉同酒味嘅精華！我連啲湯都飲埋😛鹽燒牛舌 $38厚身牛舌，燒到面層焦香，鹹味恰到好處牛舌厚肉，略嫌有少少韌，不過不失

今日朋友帶我食呢間日式居酒屋，作為聚會地方🫂。環境裝修是木系日式風格，人流算旺，晚市坐滿了客人。✨千層海膽飯（細，$198）上菜的時候後悔了，Size比我想象中小太多了🙈，應該要點大份的。不過海膽的份量確實很多，海膽味道濃郁口感順滑，下層有吞拿魚蓉，味道來說很棒👍🏻，記得點大份的就好。✨芝士年糕（$45）炸得不錯，外皮沒有一點焦，芝士年糕帶有咬勁🤤。上菜速度我覺得有點慢，可能是客人太多了，價格我覺得偏貴了一點，整體來說還好。

千層海膽飯（大）😋😍🤩.日本醋飯上面加左吞拿魚蓉，之後上面就係有足足8格大海膽🤩上枱時小編真係嘩左好多聲🤭食完成口都係海膽既鮮甜味😍無得去日本，去食呢個當去左啦😊.強油烈建議因為苦甘而唔食海膽既朋友仔，可以去一嚐，包你會對海膽改觀👍👍同埋一定係叫大，因為細同大碗飯係一樣size,但細既得4格海膽，其實價錢唔差好遠，大既有8格海膽會開心好多🤭另外要特別介紹既就係鹽燒油甘魚鮫🐟因為真係燒等好香，每啖都食到好香既油脂😋有唔會燒到乾晒，啲肉仲係好juice2個人食得唔太多野，但就好多野都仲想試，有機會會再去試埋其他，應該都會有驚喜👍

食飯記得book位 次次都幾full 是次order左一個千層海膽飯🤣如圖一樣 爆多海膽 好新鮮🥰一開始以為份量好少 但一上到黎有種爆丼感推介 下次會再encore👍🏻整體滿意

位於尖沙咀美食集中地厚福街藍馬商大廈 18-20樓佔據3層 可以睇得出佢人氣之高嚟咗幾次今日終於的起心肝打食評.提供嘅日料選擇齊全由炸物 串燒 飯麵類 壽司 刺身 丼 到廚師發板 應有盡有🍣🍱食過幾次 絕大部分都係滿意嘅✨.對我嚟講海膽係必點item千層海膽飯 原隻海膽 火山卷都試過每次都係咁鮮甜😋一啲都唔會苦無令我失望過甲羅燒都係招牌菜🦀大多同行朋友仔讚不絕口值得一試.個人私心推薦鵝肝壽司 食過一次 之後再嚟都會點單食鵝肝覺得太膩嘅話壽司款啱曬你 壽司飯中和鵝肝帶嚟嘅油膩感一啖食落口 香而不膩一個字.炒飯類非常一般味道淡 唔夠香建議留番quota食其他菜式.環境嚟講枱之間嘅距離較近枱都比較細如果一次過嗌得多嘢食有時會出現擺唔曬食物嘅情況.價錢略貴 份量偏小勝在食物質素好同隱定啱曬重質不重價嘅朋友

大埔分店食過幾次lunch今次去尖沙咀試下Menu有少少唔吅尖沙咀分店有更多食物選擇不過都係試一次就夠當支持下良心小店.🍱千層海膽飯 $298超澎湃海膽多到瀉咁滯每次用匙羹想分開幾份都驚啲海膽會跌落嚟海膽之下有呑拿魚茸墊底海膽味道正常唔腥臭但唔係鮮甜嗰種入得口+份量搭夠另配壽司紫菜紫菜夠乾夠脆好好食令個海膽加咗分.🦀甲羅燒 $98失望呀味道還可以但蟹膏本身好稀加上生雞蛋黃太大隻(唔係應該用鵪鶉蛋黃咩溝匀之後蛋液太多搞到成個甲羅燒都好水.要注意用餐時間1.5小時餐廳Booking好full基本上要預早埋單準時交枱

同朋友食生日飯，朋友鐘意食日本野，就簡左依間餐廳。我地雖然有bk枱，但去到都幾full ，得番bar枱，所以就坐左係bar枱我地嗌左千層海膽飯三文魚腩手卷牛油軟殼蟹反卷鹽燒牛小排串豚肉蘆筍卷鹽燒油甘魚鮫清酒煮蜆鯛魚奶湯稻庭烏冬千層海膽飯我哋叫咗細，但感覺海膽唔係咁新鮮，但海膽數量都幾多，都係純粹過吓口癮。鹽燒牛小排串及豚肉蘆筍卷，覺得豚肉卷好食過牛小排，雖然兩個都好香但係豚肉卷mix蘆筍好似冇咁油膩。牛油軟殼蟹反卷，出其不意地好食，係咁多食物中，個人覺得最好食嘅一樣清酒煮蜆，一開始我以為成碗都係蜆，勁吸引，但原來下面係一啲白蘿蔔，但總括嚟講成碗都係好好食因為啲蜆夠大，而且蘿蔔都可好甜好淋，但係唔夠清酒味未夠濃。鹽燒油甘魚鮫，都燒得比較香口而且燒到啱啱好都吾錯。三文魚腩手卷同鯛魚奶湯稻庭烏冬其實都ok，烏冬好有魚湯味，而且好滑身，可以一試。

好彩有訂位, 如果唔係都冇得食! 今次我哋準時去到, 不過18樓都冇位啦, 要去20樓食!間舖其實唔係好大, 侍應安排咗我哋坐喺壽司吧檯, 雖然座位比較窄, 但勝在可以望到窗 外高樓大廈, 又望住幾位靚仔壽司師傅做壽司, 感覺好似去咗日本!講返正題, 話明係挑戰膽固醇, 當然會叫呢度嘅招牌千層海膽飯。 三文魚蓉配海膽, 再加埋佢哋特製嘅啡色壽司飯, 用紫菜包住一口食落去, 回味無窮! 雖然加拿大海膽味道不是特別濃郁, 但勝在份量夠多, 非常滿足!當然海膽上面嘅金箔 令到成件事高級十倍!叫埋個 午市定食招牌魚生飯, 兩個人分, 一定夠飽。 值得留意佢嘅帶子非常厚身, 兩隻大蝦亦都好新鮮, 飯上面都有海膽; 只係啲吞拿魚顏色有少少暗黑, 但食落去係非常新鮮, 解凍亦都非常之恰當!雖然跟餐嘅沙律菜有少少黃, 麵豉湯亦都好普通, 但份量十足嘅魚生飯, 加埋咁嘅價錢, 無需多講, 尖沙咀區我敢講佢最抵食。今次挑戰膽固醇成功!

約咗靚女舊同事晚飯，求其揀咗間尖沙咀日本料理。間餐廳細細哋，可能我哋遲訂枱，所以安排我哋坐吧枱。為咗爭取時間傾計，我哋好快決定咁叫咗刺身拼盤(朋友唔食蝦，叫咗師傅轉其它)丶千層海膽飯(配紫菜)丶燒雞泡魚乾丶荔枝煙肉串丶免治雞肉棒(自家制)丶粟米丶清酒煮蜆及炒什菜。食物味道及份量都唔錯，人數小小傾計嘅好地方。可能當晚係星期四，餐廳沒有滿坐，我哋兩個嘅immediate sides都冇人坐，所以傾得幾自在。大概10點幾吧枱開始清潔，我哋先發覺啲客走得七七八八，於是埋單走人，下次再約。

呢到嘅格局有小小日本居酒屋feel, 地方唔大但裝修雅致本來想坐bar枱可以睇住師傅整野食 不過bar台坐滿晒人唯有坐其他位作為海膽愛好者嘅我一打開menu就比佢個千層海膽飯吸引住 我地叫咗個細嘅千層海膽飯，特上十貫目同什錦天婦羅碗細嘅千層海膽飯真係人如其名，都真係幾細碗下但細碗還細碗，份量係非常足嘅最上層鋪滿咗大量海膽，下面有拖羅蓉同壽司飯另外會提供紫菜比你包住d海膽嚟食海膽就咁睇都覺好新鮮，食落去好香甜好濃海膽味 加埋拖羅一齊包住紫菜食，絕配特上十貫目我估係用上時令新鮮食材, 所以每次叫都有機會食到個期當造嘅魚，今日食就有幾款係我未見過嘅魚嚟，呢到嘅壽司全部都係用赤醋壽司飯嚟整，食落比普通壽司飯更加香醇同濃味，魚生亦好新鮮，真心好食雜錦天婦羅除咗有大蝦仲有茄子，南瓜之類嘅蔬菜炸粉厚度啱啱好,上枱熱熱地食落去外脆內軟，表層好香脆而入面又唔會炸到乾晒，幾好食 不過掛住食野唔記得影天婦羅

千層海膽係「鮨一」招牌之一。亦因為電視節目重點介紹，各食評亦大讚話好，今日就到此嘗嘗。亦想在此推介一下😊海膽面層舖了少許金箔，令人觸目；份量亦十足。下層有吞拿魚茸，最底層應該係赤醋飯，醋味更能提升海膽嘅鮮甜味😋魚生刺生，擺盤優雅又精緻。全部魚生都是師傅發板，海膽，拖羅和生蝦都非常甜美。比較起外面的廚師發板，份量算大。而且亦不是低次檔的海產。蠻有心思👍🏻大家想食魚生刺生周圍都有，但宮崎縣既粟米，每年只有年中先至有，生食不用烹調，鮮甜多汁。咬一口，玉米汁都爆發出來😋不過好多人亦未必肯食$98份粟米，實在奢侈😅不過當你試過一次，就太難忘，又點捨得唔叫一份。至於黑鮪中拖羅，比起拼盤的拖羅確有區別，不知道是什麼回事。老實評價就只算普通。雖然新鮮，但沒有入口融化嘅口感。不爽🙄大蝦反卷外觀別緻，蝦肉結實，面層香脆，而且在卷外沾滿了天婦羅脆片，額外脆口，真係好有誠意嘅卷物👏🏻👏🏻吃完不夠喉，再散點了火炙蝶魚邊和三文魚腩壽司，水準亦不錯😊

同男朋友一齊既第一個聖誕節❤️ 男朋友一早就問我想食咩菜色 想傳統食西餐定日式💁☺️我就揀左日式唄☺️ 之後揀食邊間就交俾佢負責唄😚 男朋友好用心咁做資料蒐集 search openrice☺️揀好之後仲去埋餐廳俾定訂金 讚一讚佢先😚❤️當晚到左餐廳之後 本身男朋友request咗坐吧枱最入面（total吧枱可以坐八個人) 仲係按金單嗰度寫明 點知上到去個職員安排左張二人枱俾我地 而張吧枱就留左俾第二個客人 男朋友就同佢clarify啦 連按金單都係我地早落先 到達餐廳又係我地早d 咁點解唔係安排吧枱俾我哋嘅？🤔個職員check完之後都解釋話唔好意思啊搞錯左 但張吧枱留咗比第二位客人。。😅 我地嬲左一嬲🤷‍♀️不過既然係我地第一個聖誕節就免得破壞氣氛 我地就算啦 坐二人枱💁不過唔該餐廳下次Booking check好啲 今次就唔計較啦🤷‍♀️餐廳地方唔算好大 入面仲有兩個細獨立房坐窗邊就可以睇到街景既 吧枱就望住🍣師傅 聖誕裝飾就有少少 靜靜地都幾好😘講番食物先💁男朋友一早已經鎖定左要叫千層海膽飯 d海膽好鮮甜但唔係漏/濃郁果種 配個脆紫菜食超正😍 叫個大size既先夠喉🙈 個三文魚腩刺身同錦刺身賣

上次晌銅鑼灣嘅「鉄人旨花」食過一次「廚師發辧」，確喺一次難忘體驗；最近，嚟到尖沙咀嘅「鮨一」，品嚐當造時令嘅魚生，亦喺一次難忘體驗，皆因睇住師傅切魚生、擺盤，已喺一種視覺享受。位處藍馬商業大廈18樓嘅「鮨一」，地方唔大，裝修主要喺日系淺木色嘅慣常配搭，表現出親民、暖和嘅感覺。記得訂枱就最穩陣，我哋都嚟得早，眼見已經坐滿晒。我哋訂枱時已要求坐晌吧位，既可欣賞師傅做菜，佢哋個嘅位枱面又比較深長。餐廳內嘅花巧嘅裝飾唔太多，較得意就喺吧位一角放置一大籃新鮮日本蕃茄、迷你招財貓、小型日本郵筒及狸貓仔。翻一轉餐牌，選擇多多，由佐酒小食、沙律、刺身、壽司、手卷、卷物、串燒、爐端燒、一品料理、揚物、炒飯、茶漬飯、冷麵、湯品、啤酒、清酒及汽水、梳打……等等，如居酒屋般應有盡有。而亮點嘅千層海膽飯就額外另一張餐牌列印出嚟，當日所見，為打卡又好，呃讚又好，抑或真正享受海膽嘅豐腴又好，確喺有唔少客人落單，我哋坐晌吧位，睇住師傅密密手唔停咁做。鮨一沙律 $128今次我哋主要目標喺刺身，所以，海膽飯就無刻意去試。先上場喺鎮店沙律，其實喺以魚生做底，內有好多魚生角切、八爪魚，再加埋蟹籽、沙律菜、日本蕃茄，所以，入口

這間餐廳最出名的一定是千層海膽丼，這次朋友生日，特意訂座，還留了海膽飯，事關不預留不能會沒有呢！除了海膽丼，還嚐了一些刺身及定食，不得不說這裡的定食很抵食，絕對值得Encore～這個真明鰹薄切是Menu上沒有的食品，碰巧當天來有這種白身魚吃，薄切可以看得出師傅的刀功，面頭有金箔、魚子、蔥粒以及一些帶微酸的醬汁，一次過捲起所有材料吃，配合得十分好。刺身不是爽口的感覺，但魚鮨十足，醬汁的酸令刺身味道更新鮮，讓人停不了的一口又一口的吃。刺身定食百多元原以為只會是普通的質素，怎料完全超乎意料，甜蝦相當大隻，十分鮮甜。帶子厚肉，每一口都是幸福的感覺。終於到主角千層海膽丼上場，果然名不虛傳，海膽鋪滿了整個飯上面，中間還夾著一些吞拿魚蓉，海膽有紫菜伴著，還我可以手拿紫菜包著海膽以及飯，海膽完整新鮮不會苦，但一個人吃的話會太膩。