校長燒肉日韓料理 (觀塘廣場) (已結業)

位於觀塘巿中心的日韓式放題，一出地鐵站行3分鐘就到，交通好方便。日式刺身琳琅滿目，包括三文魚、吞拿魚、甜蝦、八爪魚、帶子，每片新鮮，入口鮮甜，仲有三文魚壽司、鰻魚壽司和加洲卷等。喜歡韓燒的客人，可在座位餐枱上進行韓燒。韓燒食物選擇豐富，例如香辣厚切五花腩、大大塊的日式雞扒、牛五花、三文魚骨腩和豬腩片。餐廳仲奉送一盤新鮮高質的A4北海道黑毛和牛、日本北海道千歲米豚豚腩和美國頂級手切牛。日式火鍋都好吸引。湯底有三日式豬骨湯和壽喜湯。日式豬骨湯夠味又唔會太鹹，豬骨香四溢。火鍋材料有各式丸類，仲有好多蔬菜！有多款特式飲品，例如百里香沙冰，配上芝士奶蓋，好味又特別。蘋果酒都好有韓式風味。甜品有豆腐花、 雪榚和雪條等。餐廳提供各類日韓食物，使人目不暇給！服務員服務良好，定時收拾碗盤及更換韓燒爐的吸油紙。如果餐廳能提供日式甜品或韓式前菜，就更吸引！…查看更多

餐廳開揚，劃分了多個食物區，座位相當寬敞。每張枱都備有燒烤及電爐，可同時吃火鍋及燒烤。設有多個食物，種類繁多，琳瑯滿目，非常豐富。“刺身區”有多款新鮮刺身選擇：三文魚、吞拿魚、希靈魚、八爪魚、海蝦.......等，鮮味十足。“壽司區”也有多款壽司選擇，我選了燒鰻魚、三文魚和赤蝦，吃得滿足。“沙律區”有新鮮沙律菜、粟米、車厘茄、菠蘿、泡菜、雲耳、海帶..... 等，加入日式芝麻醬最滋味。“花茶區”數十種花茶，如茉莉花、菊花、玫瑰花、山楂、香片.....等，讓顧客自己調制合自己口味的花茶，好有特式，我最欣賞。“飲品區”飲品柜有多款日韓罐裝或紙包飲品任飲。“燒肉區”多款醃製好的豬牛雞魚，我最喜歡牛肉、魚柳、秋刀魚和雞軟骨等，燒香後加上韓式辣醬份外惹味。“火鍋區”自助自選火鍋湯底，我選了日式豬骨湯，火鍋食材有各式丸子、多種菇菌、生菜、黃芽白、白菜仔、豆腐、豆卜.....等。吃完一輪烤肉再配上火鍋蔬菜最合適。“熱食區”熱葷： 有滷水豬手、炆雞、煎餃子、丸子、炸物及中式點心......等，即取即食最方便。“甜品區”西式：多款味道布甸和啫喱、棉花糖，中式：番薯糖水、羅漢果水、涼粉......等。原來晚市還設有生啤放題任飲，下次再約同朋友來暢食暢飲。…查看更多

位於觀塘市中心的「校長燒肉」，絕對是一個長期推薦的任食放題餐廳。大部份都是家庭聚餐，一班年輕朋友傾計聚會，非常熱鬧。有時候來到放題餐廳，除了食物之外，那種烘烘喧騰的感覺亦非常有feel。校長的中日韓式任食放題，不僅種類繁多，而且質素保持穩定，價錢又非常吸引，真的沒有其他餐廳可以做到同一價錢同一質素。校長燒肉的最大特色是其多元化的菜式，從韓式烤肉到港式火鍋，甚至刺身或小菜小食，應有盡有。⚭ 韓式烤肉首先要提的是韓式烤肉區。校長提供的肉類選擇十分廣泛，有醃製雞翼、豬扒、叉燒、三文魚、魚柳、雞軟骨等。每一款肉類都經過醃製，味道入味，特別是醃製雞翼，燒得外焦內嫩，帶有微微的甜味。豬扒吃上一口讓人感受到肉的豐富油脂和香氣，而叉燒的焦香味道和微甜的口感，亦係讓人忍不住一塊接一塊。三文魚和魚柳的質量也相當不錯，雞軟骨脆口的口感讓人感受到不同的風味。老實說，食材質素絕對無問題，好食與否是在乎你燒烤的功力。⚭ 港式火鍋火鍋湯底有壽嘉燒、豬骨湯可供選擇。火鍋區的選擇同樣令人驚喜。肥牛、芝士腸和各種丸類、蔬菜等一應俱全。芝士腸是一種享受，當咬下去時，濃郁的芝士瞬間流出，令人驚喜不已。各種丸類的選擇也相當豐富，魚丸、蝦丸等，蔬菜的選擇也不容小覷，清新的口感能平衡烤肉的油膩，烤了一段時間淥條菜確實舒服。⚭ 刺身任食對於喜愛魚生的，刺身任食區亦是不能錯過。有三文魚、鮮帶子、赤蝦、吞拿魚、馬刀貝、赤貝等，選擇比起酒店自助餐更加多。三文魚的脂肪含量適中，入口即化，而鮮帶子亦富彈性和鮮味。⚭ 小食區小食區提供的選擇同樣可口，炒菜、炒蜆、四季豆炒燒肉、咕嚕肉、炸雲吞和豬腳薑等，不過這些小炒都是視乎當日食材供應。我就主力推介炒蜆，大排檔食一碟都差唔多$100，所以先拿一碟都是基本吧。⚭ 養生花茶區我特別欣賞的就是花茶區，任食都要食得健康。養生花茶區有普洱、菊花、陳皮、紅棗、玫瑰和柑桔等，可以根據個人口味調製。十分適合用餐後飲用，助於消化，可以降一降火。⚭ 飲品及甜品區餐廳的飲品區同樣豐富，包括啤酒和各種汽水，亦有供應生可樂、日本啤酒。而甜品區亦有多款雪糕雪條，喜歡食甜品的真的要先留肚。這個價錢和質素，只能夠說校長實在太佛心了！…查看更多

疫情前與家人於觀塘廣場慶祝生辰的一放題原來已變成另一燒肉火鍋自助餐餐廳環境偌大舒適，枱上有燒肉爐及火鍋用電磁爐門面有個一比一的鐵甲奇俠，漫威漫畫迷必定要來打卡晚市豪華刺身燒烤火鍋自助餐平日兩小時成人$238，生日月份更可享全單人頭費八八折8:30後入座宵夜時段成人只須$178，難怪人頭湧湧校長燒肉烤肉類選擇超多，雞扒、牛扒、豬扒、雞翼應有盡有燒爐上面已先預備吸油紙，毋須擔心燒至黏底火鍋配料丸類、蔬菜等任取任食，認真超值有多款湯底於自助區供應，日式豬骨湯味道鮮甜日韓料理區供應多款刺身、壽司！赤蝦大隻又新鮮點心區有多款精美點心及諜師傅燉湯，長者食客亦照顧周到飲品區令人花多眼亂，選擇超多，梅酒清酒也是任飲…查看更多

喜愛放題的朋友找到一間鄰近觀塘港鐵站的燒肉放題店，交通便利，邀請我一同前往。座位安排後，即到食物區走一圈。刺身壽司、新鮮沙律和涼拌小菜。熟食有蒸籠點心、炸物和中式小炒。自選燒烤和火鍋食物選項真不少，牛、豬、雞、魚、蔬菜，樣樣均有。火鍋湯底可自行選擇，更可做到鴛鴦湯底。自助醬料吧。我們來來回回取了幾回，食物質素不錯。爐上放置了牛油紙，燒烤食物時沒那麼容易烤焦。飲品方面，雪櫃放置了很多不同種類的飲品。另外還有一個花茶區，標示各種花茶配搭及其功效，這個頗為特色。甜品櫃、雪糕、雪條和生果冰櫃，選擇款式不少。還有不同味道的奶凍和雜果粒，可隨意配搭。另外有熱芋頭西米露呢。想一次過品嚐每一款食物和飲品，真是不可能任務　價格親民，遲些會跟家人來試試。…查看更多

提早慶祝母親節，問媽媽想食什麼，她又沒有什麼意見。對我來說，這個情況我一律建議去食放題，保證大家一定有啱食的東西。家人又不想去得太遠，不如就在觀塘附近食吧。位於觀塘廣場的校長燒肉日韓料理就非常適合我們。位置方便，上網更可以先買優惠卷及訂座，一舉兩得。以前覺得任食放題店坐得非常逼狹，但想不到校長的環境非常寬闊，幾乎都是卡位，校長果然重視每位食客的身心感受。餐廳提供的食物比起其他放題店的更加多元化。話明餐廳叫做燒肉日韓料理，所以在這裡可以嚐盡中式、日式、韓式的各種料理。⮬來得就當然要食個要包括刺身的任食套餐吧。校長的刺身有多種選擇，包括赤蝦、虎蝦、赤貝、吞拿魚、希靈魚、三文魚等等。如果你以為校長燒肉的刺身都是一般的，那真是大錯特錯了。我特別喜歡這裡的三文魚腩，師傅幾乎每次必出來的都是三文魚腩的位置，新鮮肥厚。赤蝦、虎蝦都是非常出色。⮬作為重點主角的燒肉，當然不會令人失望。我們是自助形式去到食物區自己夾取，無論是肉類、菜類都是非常多選擇。豬、牛都是燒肉之燒，我就推介大家要encore 韓風大醬牛肉片、孜然香辣厚切豬腩片、一口牛、雞軟骨、雞翼等等。校長非常之貼心地在燒爐上加上一塊牛油紙，變相我們燒肉時可以避免燒焦，控制火力更加容易。家人亦很喜歡午餐肉、漢堡扒，他們都說可以一次過食盡不同款式的肉類。⮬我接著說，除了燒肉之外，這裡還有火鍋食的，家人都大笑起來。但我們都是主要將蔬菜、蘑菇等等放入去，因為這些都很難燒烤的。有另一個好處就是食完燒肉後，用鍋烚菜來清一清是非常舒服。⮬家人對於自助區感到非常興奮。校長準備的熱食是非常吸引，我相信是不停輪換，我看到的就有大阪燒、燉牛腩、紅腸豬耳、燒雞扒、茶蛋還有些點心。想食奶黃包、燒賣、小籠包等包羅萬有。同家人來食餐好必定能滿足一家大小。⮬另外都要一提甜品區，校長燒肉除了主打燒肉，但甜品方面無論是選擇還是創意、質素都是好用心。當然有基本的雪糕雪條、糯米糍等，更有蛋糕類、一系列的自家製果凍、布甸和中式熱糖水。小妹更被有心思的甜品之一，各式各樣生果冰而吸引，就似士多賣的菠蘿冰、哈密瓜冰、西瓜冰。天氣熱，食過燒肉馬上食一塊菠蘿冰，簡單透心涼。⮬飲品區除了不同紙包飲品，汽水果汁茶飲，還有一個DIY泡茶區，可以按你想要的功效及味道自製花茶。好有養生效果。要聚餐？一於搵「校長」 啦！…查看更多

🌕Hello我係Moon🌕話時話，真係好耐冇食燒肉啦！😛講緊嘅係燒肉放題呀！😂今次嚟到觀塘食燒肉放題，😌其實依間餐廳有好多分店，😍母親節嘅時候我就同我嘅母親大人喺觀塘分店呢度食啦！😋話明係母親節依度，梗係全場滿座啦，🤩好彩我哋有一早訂位咋！🤪我哋食午市嘅時間，😌真係座無虛席！🥹食物嘅款式真係有好多，😏肉類蔬菜類，甚至一小食都有！😤一坐低梗係去食刺身先啦！🤩我最鍾意嘅就係佢哋嘅三文魚，😋厚切之餘，🥳仲好新鮮，食到好香嘅魚油香！😛食完刺身就去咗拎肉類啦！🥰肉類嘅選擇真係有好多，雞肉牛肉豬肉都有！😗醃製類又或者係原汁原味都有！😉我每一樣都拎咗啲，五花肉同埋牛五花，🤪我都encore咗幾次，😏香辣豬頸肉同埋韓風大醬牛肉片醃得好入味，😍唔會太鹹 食到肉嘅香味！😆如果想有一啲刺激嘅味道，🥰又或者想辣啲就可以喺調味料區加一啲辣椒粉，😚咁樣又有唔同嘅風味啦！🤓蔬菜類，海鮮類，丸類都可以喺自助區夾！😏呢啲嘢食可以燒嚟食，😜都可以整返個火鍋湯底，打邊爐！😝打邊爐最後嘅滿足一定係來自於碳水化合物，😉呢度有唔同嘅麵類，可以自由選擇！😌係咪估唔到燒肉店都有點心呢？🤪其實我都估唔到！😂不過佢哋幾點心款式都幾多，😌燒賣同埋奶皇包都係值得推薦嘅！🥰食到最後食埋甜品先走，就啱啦！😙呢度嘅甜品選擇真係大人細路都啱食！😎我幾鍾意奶凍，冰冰涼涼仲好smooth添！😏🌕最後MoonMoon好滿意依間烤肉店，款式多又有質素，埋單嘅時候，人均都係200左右，間唔中食返餐，夠晒滿足啦！🌕…查看更多

喺觀塘呢一度，除咗有密集嘅商業大廈APM之外，餐廳食肆更加係多到數之不盡，不過最受歡迎嘅始終都係所有放題，無論係打邊爐，韓燒定係日式放題，基本上都絕對係香港人鍾意嘅😛，所以而家市面上多咗唔少二合一嘅放題餐廳。例如觀塘啱啱新開嘅校長燒肉，絕對係觀塘區另一個福音。呢一度主打嘅除咗有燒肉之外，仲可以自製火鍋湯底同配料，一個價錢兩種享受，價錢方面都係非常親民，基本上分咗幾個set，但即使係最貴嗰一個到仍然係非常高性價比😎刺身— 🍣未食燒肉未打邊爐之前當然就用刺身嚟作一個好開頭，呢一度嘅刺身款式基本上集中喺某幾款，🍣例如大家都非常熟悉嘅三文魚，希靈魚，𩶘魚，仲有原隻牡丹蝦，八爪魚同埋墨魚，🦑基本上呢幾種已經係普羅大眾最鍾意嘅頭幾款，每一款夠新鮮，冰凍爽甜嘅牡丹蝦，令人一試入魂，🦐八爪魚同埋墨魚到傾向爽脆，🐙魚類亦都要追求新鮮然後輪到主題時間，當然就係大肆燒肉，款式亦都非常多，所以重點揀幾款係最高讚賞嘅肉類🥩土匪雞中翼— 🍗平時食就食得多，但自己落手燒嘅成功，咁點都會大啲嘅，雞翼本身調味料已經醃晒喺裏面，🍗所以食到非常嫩，而且皮呈現焦糖化嘅外皮，特別香，燒完之後亦都令到整體更加鮮甜🍗豬五花— 🥓豬嘅五花腩亦都唔係稀有部位但由於油脂豐富，🥓加上燒完之後更加產生一種彈牙，唔又唔嚟嘅，層次感十足五花腩，可以燒亦都可以打邊爐🥓金沙骨— 大大條嘅金沙骨，亦都非常適合燒烤，🍖骨頭包住啲肉確保唔會Overcooked，每一啖都係品味精華🍖牛五花— 🥩除咗打邊爐要肥牛，燒肉當然都要肥牛，🥩藉住側邊嘅油脂部位可以燒出緊香嘅味道同時為成塊肥厚保濕，🥩然之後就要配埋自己口味嘅乾碟或者醬料來享用，直頭係一試難忘，🥩論肉質雖然冇和牛咁誇張，但比起正常嘅燒肉已經係有個之而無不及🥩一口牛— 🐮設計成一口嘅size，又方便又減少烹調時間，點埋蒜蓉一齊食，絕對係鮮味大增🐮食得燒肉打得邊爐，當然就係要配合一罐有一罐嘅飲品啦，🥤汽水應有盡有🥤仲有茶，咁就根據返自己，連瘋魔一時嘅OJ都係呢一度搵得返，真係夠晒經典🥤當然飲飽食聚之後就係時候來一個甜品環節，🍰甜品選擇亦都幾多，單單係雪糕都好有好幾款， 🍰當然有放題最常見嘅coco berry , 另外都新增咗大阪牛乳，有好幾款味道，款款追求奶香，另外仲有一包包嘅韓國朱古力脆皮雪糕，🍫一啖一個令人上癮，咁稀客都搵得到，真係令人非常佩服。🤤校長燒肉日韓料理 (觀塘廣場) (觀塘)觀塘開源道68號觀塘廣場15樓B號舖…查看更多

週末最需要好好獎勵自己，可以大吃大喝😝老公最近工作好辛苦，所以要求想去食燒肉同打邊爐!🔥🥩一次過食滿足2個願望😆我揀左去位於觀塘既校長燒肉日韓料理📍觀塘分店真係交通便利的!✅-環境方面好闊落，有左右既用餐區域♥️中間就係可以去拎食物既地方💡除左燒肉同火鍋配料，仲有小食、甜品、刺身、熟食、炸物🥬🥒🥞🧇🌮🍕真係有好多唔同既選擇呀!📝岩晒鍾意食同食物，想咩都試下既朋友!😁-刺身方面，以任食泥講都唔少選擇😍我地分別試了 🌟三文魚刺身🌟八爪魚刺身🌟生蝦刺身🌟墨魚刺身🌟吞拿魚刺身🌟三文魚壽司🌟熟蝦壽司壽司係自取，刺身可以每次點三款👯‍♀️刺身新鮮，而且唔會太細同太薄，所以口感剛剛🧡-另外，燒肉當然係必試之選🔥🥩其實真係好多款可以揀，不過我同老公食量唔算好大，所以都係揀左d自己鍾意食既款😆分別試了🌟五香豬肉🥩美國肥牛片🥩一口牛肉🥩粟米🥩日式餃子牛肉同豬肉真係燒肉經典之選✅配埋泡菜同燒肉汁，正!🤩今晚不斷燒，食左好多!😜-當然火鍋又一定要試，仲可以有唔同湯底揀呢!我地揀了壽喜燒同清湯呢!🥘因為食左好多肉，火鍋就想清新一點🥬🥒🥦🥒🫑主要係蔬菜為主，包括🌟金菇🌟冬菇🌟生菜🌟包心丸-熟食方面，都幾有驚喜呀! 好多唔同類型，我地食左🌟潮州粉果🌟碗仔翅🌟香蕉年糕🌟沙津等!我最推介係香蕉年糕🍌好驚喜呀!好岩QQ控，而且唔會太甜，外脆內軟，估唔到有禁高質小食，必試!💯-甜品同飲品都有好多選擇🎂🍿🍰🍧我個人最鍾意啫喱配花奶，食左好多!😍整體泥講係好滿足既任食之選，真係好多唔同款，每樣試一個都已經好滿足❣️不過要留意呢間係位於樓上店，所以等電梯時間比較長，呢點的確係要留意呢‼️…查看更多

舊同學聚會，想唔洗兩舊水任食，食燒肉食壽司食火鍋呢樣個樣，唔洗諗啦，又黎老地方，特價時段少啲款式但都多到揀唔到。必食除咗燒肉，我個人鍾意刺身同甜品，三文魚、螺肉、希靈魚，鮮甜架！Brownies 有d水準，朱力味濃又唔過甜；同好粉好香嘅椰汁芋頭西米露好似幾受歡迎，多人攞。各類炸野好食，有薯角同煎堆仔等等。燒肉類、火鍋類，貴價豬、牛、羊都有，有熟食最岩懶人，都幾多款，菜心、魚、牛腩蘿蔔、豬紅、點心（有上湯小籠包幾好食！）。飲品熱茶、凍飲、汽水隨便揀，所以真係唔洗煩，多人黎呢度一定有野岩食！…查看更多

今餐係開關以後嘅第一餐韓燒，我緊係揀間好食又任食嘅去啦(捱左太耐啦係喺屋企）！！首先一嚟就揀咗一大盤肉，我覺得必食嘅係牛柳粒同魚柳！特別推介嘅係白色條腸，好食，有驚喜！牛柳粒肉質好嫩，咬落去好淋好入味，燒到8成熟倒食啱啱好！呢個白色腸出面比較少有，但係有少少芝士熔熔哋咁超正！另外仲有魚生所刺身任食，雖然選擇上未算好多，但勝在新鮮，特別係個蝦絕對係回本必食之一。 其實佢肉食嘅選擇都好多，而衛生程度都算乾淨，值得一讚。 食到咁滯有杯茶真係必須，而佢自助茶區真係不得了，選擇超多，個人揀咗山揸茶，消滯必飲！嘢飲都多選擇，但食燒肉飲啤酒是常識吧！其實佢200幾蚊嚟講真係好唔錯，又有得燒嘢食又可以打甂爐，仲有沙律吧，刺身，熟食等等，好啱一大班朋友嚟食，絶對值得推介。…查看更多

今日同老公閒逛童年成日去嘅官廣，發現上面食野個層而家開左間任食燒肉，仲好平下，就膽粗粗幫襯一下～原本諗住食燒肉，點知入到去d食物種類多到選擇困難症發作。攞完燒肉，經過仲見到有熟食、刺身、壽司，返埋位見老公未返黎，刺身壽司都幾新鮮，食左先。燒定肉大家食，雞翼、燒菠蘿、三色椒都好味，燒燒下塊牛油紙燶咗，職員都好快幫我換，服務ok。原來老公去左攞火鍋料同湯底….太多啦，點食得哂？但包埋喎，點都食d唔好蝕！黑豚肉、蘿蔔、同菜都好甜。熟食嘅炆豬手夠腍，淺嘗小龍蝦亦幾入味。呀！仲有沙律都幾新鮮嘅～雪條同甜品款式都好多，但真係太飽啦，所以只係share左支椰汁黑糯米雪條，都幾好味～性價比高又夠貼地，回頭率高～…查看更多