瘋狂小面 (佳德商業大廈)

最近一直都好想食辣野，男朋友喺中環番工，見到呢間瘋狂小面，即刻帶我去食辣野，過下辣癮🤣🥰-舖頭好大好舒服😌自己寫點心紙仔落order~如果要加辣要同店員講🤣-今次食左餐牌上面「廚師推介」嘅：瘋狂肥腸面😍啲肥腸真係好肥，好厚肉，有咬口👍🏻而且都好乾淨，口感好軟糯，亦都好入味！面嘅麻辣度，食到好香嘅麻香味，啲面索哂麻辣湯汁🤤🤤-另外，瘋狂牛肉面👍🏻係用左牛𦟌肉，肉同脂肪層比例好靚🥰成舊牛𦟌都香氣十足，好淋但咬落去又唔會散哂，size係一口牛，岩岩好！中間嘅脂肪層係煮到有少少起膠嘅口感！好好食！-鐘水餃🥟好多肉汁，比起普通水餃，肉質比軟實正！加埋啲辣油甜豉油配埋新鮮蒜茸撈埋嘅醬汁，加分加分！！！👍🏻👍🏻🤤成件事都好夾！-柑桔檸檬水🍊可以有效地解一解辣，有啲酸味去平衡番👍🏻好滿足到辣癮！個麻辣唔會維持到好耐，最過癮就係咁🤣正！！！…查看更多

話明係樓上小店當然無咁易搵，係樓下轉左兩圈先搵到間大廈，仲要行樓梯開幾個門先搵到，好彩佢好貼心係每個轉彎位同門口都有貼招牌，留意到就知道點樣行，首先會見到廚房，衛生還可以。聽聞中午時間呢間係要排隊既，都正常因為中環無乜川菜，一係就要高級酒樓，晚餐時間就無乜人，有幾枱都係黎食飯順便飲酒傾計，由於入座時間已經就黎晚上8點，順口問下店員係咪9點關門，佢話營業時間係咁寫，但如果想坐耐啲食都無問題，呢個就係小店既溫情吧。無影到飲品，兩個人嗌左烏梅汁同雪梨汁，兩杯都唔錯。麵叫左兩款，因為第一次黎唔清楚辣度所以全部係正常辣，因為我好食得辣就覺得辣度岩岩好，而同行友人就覺得較嗆不斷要飲野，所以佢既正常辣應該係一般街邊既中辣，唔太食得辣既朋友可以叫少辣。擔擔麵唔係平時食到上海果種花生味濃既湯麵，而係撈麵，麵條做得新鮮唔會一pat pat，根根分明都有沾到辣肉末既醬汁十分惹味。瘋狂牛肉麵，天時凍食最岩，會較擔擔麵辣少少，但佢既辣唔係辣死人果種，而係一啖就飲到覺得成個人都好暖，牛肉都煮得入味又保留咬口。麵整體都做得好出色，下次會想試下鍾水餃、麻辣串串同酸辣粉、蕃茄湯、白湯咸菜豬肚。小食嗌左蒸蛋、紅酒豬耳同蒜燒茄子，蔥都落好多，可能夠新鮮同調味好，平時唔鍾意食蔥既我都食到無停過口。 蒸蛋十分出色，蛋無氣泡十分滑溜又有蛋香味，加埋肉抹醬同蔥更上一層樓。蒜燒茄子都唔錯，紅油豬耳就普通左啲。甜品只有兩個選擇比較少，叫左一個冰粉，本身冰粉份量幾多下，配料如果可以好似蔥咁加多啲應該會好食好多，因為配料少所以多數時間只食到無乜味既冰粉。難得係呢度真材實料無乜手丁手刷言平，真係好好味既小店，呢幾年通常一講到小店多數實際去試都感覺車大左，每次跟言平去食，未必唔好味，但未到好驚艷，加上乜情關係好多已經偷工減料，小店變左只係食情懷，甚至員工服務態度唔好，好彩呢間小店通通都無呢個問題，好食會再回頭。…查看更多

放工約左朋友去中環行下donki， 又吾想食快餐店，於是周圍搵下有咩食。呢間小面係正donki附近，食完去行donki一流雖然要行入去商業大廈上樓先見到間鋪，但是係地下樓梯旁邊就有一張指示入去既牌，跟住行上樓梯再搭1層樓電梯，一出電梯就係呢間瘋狂小面了。呢間瘋狂小面主打既係重慶小面，對於我曾經去過大陸食過吾知算吾算正宗既重慶小面既人黎講，的確係有一定既吸引力，因為都好耐無食過了。碗雜面係我的最愛，但是我今日卻想簡個湯面試下，本來想試下燒白面，因為見到佢講一日限量15碗，然後睇圖好似好好食甘樣，但係今晚去得遲了，應該是中午時間去先有機會試到，下次搵日試下中午黎試下燒白面先~套餐有分三種: (一種係單叫面)A+B 面加飲品A+B+C/D面加飲品加小食或甜品A+B+C+D 面加飲品加小食加甜品我地叫既係ABCD,咩都想試下😂😂面我就簡左個大排面，大排也即係比較大塊既排骨，食落還可以，肉還算多，重點係個面，簡紅湯可以簡辣同麻，由於我怕食吾到太辣，所以只敢試BB辣同BB辣，事實證明我係岩既，佢既辣度相對其他出面餐廳既辣係要再辣一點，平時我食辣可以食到少辣或者係通常講開既5小辣(比大家個參考，到時要叫咩辣度，其實我也沒想像中甘食得辣。。。)麻味相對吾算好出，辣味比較突出，面也可以掛到湯，但吾會話吸曬辣味而食吾到其他味道，咸香之餘，又帶點香辣好岩食得辣既人去食。菜單上面仲可以簡要蔥吾要蔥，要吾要芫茜，岩曬依家香港人未必食芫茜蔥既選擇，雖然我兩樣都鐘意食，不得不提既係，佢哋既青蔥食落感覺吾係平既蔥花，也吾會有種整好左好耐既感覺，食落好新鮮，仲吾辣，青蔥的味道也令我對呢碗面加左好多分，雖然係小小既配菜，但是餐廳也無馬虎處理好值得加分。面既分量適中，吾會好多或好少，適當地掛湯，面食軟硬適中，食落質感順口，吾會有過量麵粉質感，加埋兩條岩岩好熟成既菜心，甜得黎又中和返個辣味，正正係吾會多左一分又吾會少左咩野既感覺朋友食既蕃茄牛肉面係可以簡吾辣，吾食得辣既朋友都可以同食辣既朋友一齊黎😁😁蕃茄牛肉面既蕃茄味吾錯，牛肉也可以，就係吾辣差了點什麼東西似的☺☺小食我地就叫左個棒棒雞(套餐外再加+38蚊)同埋蒜蓉青瓜，蒜蓉青瓜係吾辣既，蒜味十足，如果係蒜泥可能感覺蒜味會更濃郁。棒棒雞相對青瓜黎講就比較濃味，咸味麻辣味比較重，鐘意重口味既朋友仔必試，我就覺得棒棒雞的雞件相對切得比較細，入味程度會比較高，我就比較推薦要同面一齊食會比較好中和兩者既味道，麻味比較辣味重一點，入口感覺麻既味道更多，辣味相對比較低，我比較接受呢種麻麻香香又帶有芝麻香既麻辣味道，份量相對還可以，如果呢個汁加上青瓜一齊又會係一道吾錯既小食😁😁飲品方面我地就簡左相對睇落比較養生既羅漢果冬瓜茶，飲落口順滑，吾會好甜，可惜沒有凍既選擇其他凍飲也是常見的飲品，如果有更有特色既飲品就會更吸引。甜品不得不說，我毫不猶豫的簡了冰粉，我覺得食重慶四川口味的東西係吾可以吾食冰粉去中和返個口入面既辣味，冰粉食落冰冰涼涼甜甜蜜蜜，上面既配料吾算太多，有提子乾花生山楂乾芝麻等等既配料，為冰粉既單調感提高了另一層面上既口感，除了冰粉的冰冰涼涼滑滑同爽口既口感，仲有咬開芝麻既芝麻香味，山渣既酸味中和甜膩，提子乾又增加了冰粉既香甜味。總言而之，總體感覺質量吾錯，份量適中，價錢吾算太貴，去開中環果邊可以再試多次，試下其他未食既過既野，我見到有缽缽雞又有鱸魚下次去可以試下，也希望下次去有新菜單可以試😀😀。…查看更多

瘋狂大排面🌟🌟🌟🌟雪梨汁🌟🌟冰粉🌟🌟🌟🌟瘋狂小面係一間樓上舖， 個舖位有少少隱蔽 ，你唔抬頭望下天空上嘅招牌都唔會留意到佢嘅存在。 入到去見到佢嘅擺設格局裝修，以為係五六十蚊左右就可以落樓， 點知攞起點餐嘅紙仔（ 冇錯，呢度點餐係需要自己用筆去紙仔落單嘅） ，一個set竟然要成九十蚊， 比想像中貴好多。 不過我抱住：（中環區鋪租貴啲嘅）嘅諗法 ，就冇哩會咁多，照落單試下。我點咗一個瘋狂大排面，飲品嗌咗一杯雪梨汁 ，甜品要咗一碗成都冰粉。呢度嘅食物質素令我喜出望外， 大牌麵湯底非常之紅，最初以為會係好油好辣， 但食落竟然冇嗰種令到個口腔好似裹住一層油嘅感覺， 湯底辣得嚟帶有麻香味，非常出色。 大排數量唔多，得三件。但係每一件都炆到好林非常之入味， 亦都係上乘之作。 麵條雖然浸住喺湯入面，但食落唔會過淋有咬口， 口感就好似雞絲涼麵嘅涼麵咁， 亦都深得我心。 雪梨汁普普通通冇乜特別。 冰粉整得幾好食， 配上提子乾花生， 口感非常之豐富。單係評論食物質素嚟講，瘋狂小面確實係非常之出色物超所值。…查看更多

今日收工後買埋外賣先返屋企，見落完雨天氣有啲凉，去左食川菜，叫左個期間限定嘅沸騰二人豐盛套餐，套餐包括沸騰鱸魚或者沸騰牛肉，同白米飯兩碗，多謝$258。我地揀左沸騰牛肉，係即叫即整，都等左四個字先有。牛肉用雙重膠袋放好，而兩兜飯、飲品同餐具就另外用個紙袋裝好，整齊企理。牛肉原來用個類似迷你盆菜兜裝好，熱辣辣，仲配埋個加熱器同加熱架俾你。服務員話扭開加熱器個蓋用火機點火邊熱住盆牛肉邊食，真係外賣都咁有風味，唔怪得叫沸騰牛肉。返到去打開，嘩，個迷你盆菜兜包裝非常高級，完全唔拍漏湯。牛肉大概有10片，非常嫩口。居然有午餐肉4塊，好邪惡。其他配料都好豐富，有大白菜、芽菜、金菇、蓮藕片、土豆片同萵筍，蓮藕片同萵筍非常爽脆，蔬菜吸左個湯，非常入味。辣度得一個，冇得揀，餐廳用新鮮辣椒紅油作為底料，加上唔同乾辣椒、花椒粒，最後用高溫滾油將辣椒爆香，食落都幾辣下。配兩份白飯用膠兜裝好。另外叫左兩罐零系可樂，每罐$12，有雪凍。餐具除左筷子匙羹，居然仲有圍裙同濕紙巾，好貼心。食完居然仲有冰粉食，好驚喜，雖然冰粉暖左，不過一樣滑溜同足料，上面有花生又有提子乾，黑白芝麻粒等等。非常飽肚既一餐。…查看更多

平時晏晝去中環口痕想食川菜，好似冇咩嘢揀，咁你就錯喇！上次去完半山三氣流今次去個平民小小嘅，平民都要爆菊架You know~Lunch time 佢會有唔同套餐俾你揀，喺中環來講我覺得性價比都唔錯，$78/$88/$98 大概就係咁上下。大大話話都食咗10幾次，今次帶埋囡囡去梗係想睇佢食到面紅耳赤啦😏極度推薦擔擔面，同平時食開嘅擔擔麵有啲分別，佢係撈麵黎既，麵質非常有彈性，大少我就叫開小辣多麻 #弱雞，食到成個咀麻哂如果喜歡湯麵都可以叫佢紅湯既，但就要親熱快啲食啦，因為本人唔鍾意啲麵淋 小食方面今次都叫咗幾個：🌫泡椒鳳爪 ｜ 真係辣到喊出嚟仲辣個碗麵，但每次都會好犯賤咁叫因為真係好食，啲口水都會不停湧出嚟好潤滑🌫蒸蛋 ｜ 幾滑🌫鐘水餃 ｜ 真係估佢唔到原來係豬肉餃，個皮幾好唔係一味薄，再加埋啲又甜又辣嘅醬真心正🌫棒棒雞 ｜ 好彩唔係42 老雞，呢個比較多紅油🌫冰粉｜ 四川人食完辣野之後都會食呢樣甜品用黎解辣，啜左入口好涼爽…查看更多

🔹瘋狂缽缽雞 $238(二人份)👰🏻:🌕🌕🌕🌕🌑🤵🏻:🌕🌕🌕🌕🌑缽缽雞有分2,4,6人份，湯底可以揀麻辣/藤椒，亦有分熱湯同溫湯我地揀左溫湯既麻辣，係少少辣多多麻既牛油底.二人份量有30串葷，30串素，大部份款式係2 串，有啲就有4串素類大約有菜心，粟米仔，秀珍菇，雞髀菇，本菇，蓮藕👍🏻， 鮮腐竹，勝瓜， 薯仔👍🏻，青瓜，萵筍👍🏻，鮮淮山，西蘭花👍🏻， 豆乾等等.蓮藕好正好脆好索味， 係有少少薄萵筍脆得來有啲小清新脆到核爆嘅鮮淮山，但中間會有啲好似秋葵黏黏嘅質感大粒嘅菇建議早啲食， 放得太耐索太多味， 有少少咸.葷類有蝦，鵪鶉蛋👍🏻，豬肚， 雞軟骨，豬耳，雞腎牛展👍🏻，好厚嘅牛脷， 鳳爪筋👍🏻，雞翼尖， 鴨舌👍🏻， 黃喉豬耳外面腍到好似豬手咁牛展好香好淋，好重牛展味鳳爪筋夠晒爽脆雞軟骨就腍左少少😥.🔹瘋狂擔擔乾撈麵加肥腸 ($78連飲品，肥腸+$14)👰🏻:🌕🌕🌕🌕🌗🤵🏻:🌕🌕🌕🌕🌗有得自選辣度同麻度，揀左多麻少辣個麻辣味好正，帶少少咸味開頭覺得有啲乾有啲難撈，底度有啲紅油，配上青瓜絲同蔥，有少少似印尼撈嘅感覺最鍾意係啲花生夠晒脆😆個肥腸已經抆好屎，一啲都唔肥，重好香口㖭.🔹冰粉(另外$10)👰🏻:🌕🌕🌕🌕🌑🤵🏻:🌕🌕🌕🌕🌑有山楂片， 炒花生，黑白芝麻，提子乾，同最重要既冰粉只係10蚊，幾值得加甜甜地，又有種冰涼爽感，啱晒食完辣之後解辣…查看更多

前排去完依度食麻辣麵之後念念不忘，所以趁今日同朋友來到中環就再食。今次我同朋友都叫左麻辣湯麵。佢叫左排骨，我叫左牛肉。相比上次食的撈麵，湯麵明顯落得多啲油，所以食落更香。而牛肉餐廳係用左牛腱的部位，食落軟而不爛，亦都好索湯的麻味，口感十足。而大排則因為係慢火燘製，食落既有厚肉的質感，入口又鬆軟，個人認為比牛更好食。而夫婦肺片都係相當麻，而且都大片，值得一提的係個棒棒雞，製作時已經用棍捶鬆雞肉，加上切得非常薄，所以極為入味。…查看更多

星期六中午，人不多，座位闊落，環境舒適，店長非常有禮貌地介紹此店的菜式，在無禮貌下錯單計錯數催催促促是常識的香港飲食業有這樣的服務態度是很難得的。本人和妹妹不吃太辣，叫了一碗BB辣和BB麻的擔擔麵，BB麻的白湯大排麵。擔擔麵醬汁的香濃加上青瓜絲的清新，很合口味。另外大排麵的白湯濃而不膩，加上小小的麻，很適合不太吃辣的朋友。餐後的小食老冰粉是一個驚喜，平時在外吃不到。這間店適合吃辣和不吃辣的朋友，口味可自由選擇，就算叫不辣的，也香濃，是在中環吃東西的超值之選。…查看更多

一入到去瘋狂小面，精緻裝修同埋陣陣香味就覺得去左大陸啲四川食店咁！未食都感覺到應該好正宗！我地分吃叫左套餐A+B+C+D全餐！只係$93再加啲小食！因為好抵呀我個碗係瘋狂肥腸面 紅湯 加左牛舌！湯底好濃，又有辣味又有麻既感覺，仲有足夠既咸味，真係一流！啲送既份量都好多下！媽媽個碗係白湯牛肉面，加左牛舌同埋豬肝！大碗到！白湯係上湯味，好好味！小食方面，夫妻肺片係小小酸，小小辣，有曬牛肚、牛舌！棒棒雞係紅油浸，比夫妻肺片辣小小，雞肉好食！鐘水餃，點個陣唔知係咩黎就試下，食落係甜甜地，小小似抄手既感覺同味道，好特別！雲耳酸酸辣辣好開胃！飲品我叫左紫貝天葵，因為我覺得可以下火、解辣、幫助消化！味道唔錯又大杯，加錢都值！甜品叫四川冰粉同埋己子雪耳紅棗糖水（熱），冰粉係第二次食，已愛上！佢可以任你喜歡如何切割，再撈埋啲糖水同提子乾，好好食！雪耳紅棗好潤好補，岩曬媽媽！好正呢間野！會再黎食！…查看更多

放工唔知食咩好，同事話附近有間川菜小面，麻辣鮮香，受不住麻辣誘惑的我跟著地圖就上左來。餐廳裝修好有復古風，暗暗的燈光都幾有情調。「瘋狂小面」梗係主打「麻辣小面」。呢個套餐安排幾合理，大食細食有得揀，價錢都幾合理。我地兩條友，咩都想食，叫左A+B+C+D😂老闆推介呢個豬手湯，美容養顏，膠原蛋白豐富，份量都啱啱好兩個人食，見到個menu幾吸引，可惜我地想留個肚食缽缽雞。下次再來食呢個晚市推介豬手湯！【瘋狂擔擔麵】配菜豐富，肉末，花生，小菜，同埋各種鮮香麻辣的醬料，撈一撈佢，每一條面都好入味。雖然冇面湯，啲醬料真係神來之筆。【夫妻肺片】+【拍青瓜】滿滿一碗辣油，上面漂著芝麻，賣相滿分！雖然睇黎好似好辣，但食落辣度啱啱好，入面啲牛肉都好足料，薄切易入口。青瓜就係唔辣嘅，蒜蓉淡下口都好，唔係全部都係辣。【成都老冰粉】第一次見有埋黑白芝麻，花生，酒釀，提子乾，紅糖的冰粉，好多料！食落又唔會太甜，解辣正好！終於到了期待已久的【缽缽雞】叫左中辣，雖然睇落好辣，食落卻唔會燒胃，因為係凍食（其實係常溫）所以冇咁辣。特別係，個湯底叫麻辣真係有麻有辣，唔似有啲餐廳麻辣得個辣字。不過要食到最後先發覺，原來都幾麻配菜已配搭好，有葷有素，一支支咁食幾得意。上菜後店員提醒浸多5分鐘再食，會入味啲。呢個缽缽雞我地好滿意，下次再來食過！…查看更多

最近進行辣既特訓，越食越辣係咁追辣野食🌶越食越辣💪🏼。瘋狂豬肝麵 Set $88餐廳有干麵同湯麵，而湯麵就分紅湯同白湯，今次我就試食紅湯，味覺同視覺都充滿刺激🤡 老老實實麵就真係無咩特別，麵質唔算爽口彈牙，口感一般。湯頭非常濃味，而且好油，超級非常極之辣🌶，麻辣味十足，好麻呀😬 鐘意食麻辣既就會好鐘意，但如果可以減少少油就好lu🤔 豬肝就普通，無咩臭味既，可能湯太濃味遮左個陣味。泡椒鳯爪 +冰粉 + 藍蝴蝶花雪梨小食加十蚊，俾得個一隻腳我，仲要開二，有啲小氣啵🙃除左辣味，咩味都無。冰粉好解辣，質地就好似台灣既愛玉咁，加少少糖醬、山楂、提子乾同酒釀，好清爽👍🏼鄉下妹既我未飲過蝴蝶花，其實係唔係葉豆花黎嫁？🤔 唔好問我係咩味，我淨係飲到糖水味🙃不過唔難飲既。砵砵雞 ＄238 （二人前）成晚既主菜出場，好似係成都菜，用竹纖吉住啲菜呀肉呀，再用一盤湯汁浸住既凍食，都幾特別又幾好玩🙂 串串有肉有素各三十串，唔好以為有好多，一串得一粒，好快食完😶好似食左陣風咁😂 我叫左藤椒味(仲有麻辣味)上枱個湯底好似清湯咁白雪雪，但其實又係好辣好麻🌶 食到最後見到有串鳯爪，好似中左化骨綿掌咁💀個樣好好笑😂😂…查看更多

中环的大陆人都去过这家了吧。在香港如果你要把餐厅开在非商业楼内，就只能是会员私厨。所以小面才会要求你每次点单的时候都留一个“会员”信息。店面在中环就不算是小的了。我们试了拌面和五花肉汤面。都很好吃。量不大，尤其是拌面。加钱加了夫妻肺片和棒棒鸡，味道不错。冰粉好吃。吃了满嘴火辣之后吃一口冰粉，还是很爽口的。有不辣的面。…查看更多