麻市滋味館

黎佐敦呢區搵食有時都幾頭痛, 唔係無選擇, 而係太有選擇, 好彩今晚一早諗好去呢間小菜館, 唔駛煩惱........哈...哈........店內有魚缸養住各類生猛海鮮; 亦有電視直播, 送多一樣比你送飯 (哈....哈....)菜式選擇都幾大路又多款再唔係亦有大㕑推介當然唔少得係抵食嘅滋味孖寶 (A至L)參考網上食評話呢客椒鹽豆腐 ($42)好得, 作為前菜份量都幾對眼, 炸至金黃色嘅豆腐粒面頭灑上炸蒜粒, 大大增加香味!細細口嘅豆腐粒外皮相當脆口, 加上有少少黑芝麻及調味粉, 好鬼惹味; 入面嘅豆腐就嫩滑無比, 兩種口感果然好味道呀,  無論送啤酒或凍飲都非常岩數!選擇用粗身品種作為椒絲腐乳通菜 ($68)嘅材料, 口感食落較幼身嘅黎得爽脆!  食落無渣, 腐乳煮成嘅醬汁"賜予"通菜生命, 份量夠2-3人分享!酸酸甜甜嘅冰梅肉排 ($98)好岩呢D初夏日子食, 選用新鮮豬肉, 每件肉排肥瘦適中, 食落肉質有少少嚼勁, 周邊帶少少焦香, 被醬汁所包圍住, 梗要叫碗白飯黎食啦!  若然少返D油就仲好D!滋味孖寶 I ($188) 出場啦..........................孖寶1有清蒸沙巴龍躉 1 條, 目測大約1斤零, 蒸嘅時間控制得幾好, 魚皮帶點膠質, 魚肉軟硬度岩岩好, 一D都唔嚡口起渣, 配埋蒸魚豉油及芫茜蔥, 又係加多碗白飯嘅時候啦!孖寶2有滋味燒乳鴿1隻, 正常體型, 斬開4份, 肉嘅份量都唔太少; 炸至皮香肉仍然Keep到肉汁, 滷水汁浸得幾入味, 唔點淮鹽加味都可以!呢度嘅食物味道唔錯, 有大排檔感覺, 份量又足, 價錢又夠大眾化, 好岩三五知己黎開餐!…查看更多

近排食得多西餐，好掛住中菜既鮮甜惹味既味道，記得之前係佐敦麻市滋味館用膳，無論小菜定係海鮮，味道都非常出色，菜館乾淨俐落，侍應招呼殷勤，趁今日同老公撐枱腳，一於再去麻市滋味館encore。從佐敦砲台街向後行大概五分鐘便到, 地點方便易找。上次揀選了海鮮滋味套餐，今次決定散叫，叫了三款海鮮，一個小菜，一個清炒時蔬， 菜館還送了兩碗紅豆沙做飯後甜品，全部都食到我倆舐舐脷。白灼蝦($118)， 採用鮮蝦為原料，經過"白灼"技法烹製，然後蘸醬油食用， 特別味鮮，肉爽，完全保留蝦嘅原味。蒜蓉粉絲蒸蟶子皇(每隻$45)， 蒜蓉味道深入蟶子之中，蟶子鮮味被粉絲充分吸收，啖啖鮮甜無比。冰鎮鮑魚(每隻$65)，size大隻之餘，好腍易咬，凍食更顯得鮑魚鮮甜美味。冰梅肉排($98)，這是我同老公初嘗此菜，味道酸酸甜甜的，開胃下飯， 吃起來爽口，超正。蒜茸炒芥蘭($68)， 炒起來少油，芥蘭鮮嫩，不錯不錯。我和老公巳食得好飽，菜館還送上紅豆沙做飯後甜品，真係超滿足。…查看更多

今天經過佐敦搵食，見到有間小店一入店內，近門口有個魚缸，有多款海鮮白鱔、鮑魚、聖子、海蝦及海班聖子好大隻，鮮味彈牙，蒜蓉好惹味，配上蕃茜，味道更突出果皮蒸鮑魚，喺南非鮑魚，果皮味香，鮑魚蒸既時間啱啱好，唔靭，肉質鮮甜可囗令人回味鴨舌吃唔出有酒味，不過，有少許蔴辣味道，令人一試難忘青瓜吸收左曬鴨舌味道，好惹味冰梅肉排（店員推介），味道咸咸地，又幾得意喎，肉排唔肥，外面微脆，肉汁豐富，可以試下店員送上芒果布甸，免費…查看更多

今日去咗佐敦揾食 揾到依間店 心諗應該都係大排擋既質素 姑且入去試試佢 入到去 有別於一般大排擋 燈火通明 地面都唔濕唔滑 心底已經俾咗個good 佢冰梅肉排雖然價格有啲貴 但係堅值 因為個汁做到甜甜酸酸 仲有少少辣口 因為用咗薑落個汁到 一口咬落去 仲要脆脆地 肉排處理得好好 唔會好熱氣 但又好夠鍋氣 個人認為冬天食仲可以暖胃😂奇味粉絲蝦煲有大細揀 我要咗大 有6隻蝦 蝦夠爽 並有走過下油 所以啲殻都幾得 但最畫龍點睛既係啲粉絲 粉絲雖然腍咗啲 但係好夠味 好香好正✨南非鮑魚65蚊隻南非鮑絕對超值 仲要唔係敷衍你既細細隻 而係幾厚肉既 果皮蒸完 都唔會韌 易入口又爽👍🏼最後食完 店員仲俾芒果布丁我地食 飽到我呢 服務同食物都咁正 超抵食…查看更多

差不多每1-2個月一次嘅生日聚餐，每次要諗食乜真係頭都大埋。今次壽星指明要食中菜，上Openrice搵到呢間一致好評嘅海鮮菜館，立即訂枱試一試!地點真係有啲隔涉，喺佐敦同油麻地中間，油麻地街市隔離。店面倒係好光猛，鋪頭細細，但係我哋張圓枱坐位仲好闊落嘅。蝦多士沙律同冬瓜盅必須預訂，要食上兩至三斤海魚都係要訂，否則就靠運氣睇當晚有咩魚貨喇。當晚有條海方利游緊水，不過成$30/両，貴咗少少冇食。蝦多士沙律，冬瓜盅，冰鎮南非鮑，汁燒牛肋條，冰梅肉排，酥炸桶蠔，魚子醬酥炸蠔，奄仔蟹蒸糯米飯; 點嘅大多數係signature items, 全晚食得招積、出色。連個楊州炒飯都炒得乾爽香口，用料十足; 龍鬚豉油皇炒面就普通啲，因為頁面限制只有12張相，擺唔到上嚟。雖然係小店，但係員工都好有禮貌，提供唔少意見協助心大心細嘅我哋，師傅功力深厚，聽聞蒸魚火候更加係一流，下次一定要試試。是晚有兩位壽星，由我哋7個請食飯埋單$2418，都係每人$367，真係扺到爛，所以一定會複桌啦!…查看更多

行開廟街附近，見餓餓地就上openrice搵食，無意之中搵左呢間小菜館食飯見到佢地招牌菜有冰鎮鮑魚，好似好正咁wo叫左2隻試下隻鮑魚都幾大隻喎點wasabi豉油食，嘩！好鮮甜呀！而且咬落好爽口一d都唔韌豉椒炒蟶子皇炒得好惹味呀！唔會太咸而個蟶子炒得剛剛好，保持到爽口o既口感仲好鮮甜！黃金蝦一黎到已經聞到勁香蛋黃香味d蝦炸到脆卜卜脆到可以原隻連殼食個蛋黃好香，同蝦味好夾冰梅肉排見佢話係招牌菜，就叫黎試下，個肉排好新鮮呀！好嫰好多肉汁冰梅醬甜甜酸酸，好醒胃啫啫通菜呢個菜有驚喜wo! 平時d啫啫菜通常用蝦醬果d整，好多時都會太咸，而呢個完全唔會入面仲有蝦乾，好香又唔會過咸，d菜仲好爽口飯後仲有甜品送，係芒果布甸，唔係紅豆沙…查看更多

我同我既姊妹們好趣怪, 人地鐘意幾個少女去High Tea, 食下西餐girl talk。但我地卻特別鍾情食小炒, 雖然有點「麻甩」, 但卻可以不帶面具做個最真實既自己!今日, 就有個姊妹帶我黎油麻地既一間小炒店食晚飯。店舖鄰近玉器街, 感覺頗為隱閉, 路痴如我, 要靠朋友帶路才找到。裝潢以藍白為主色, 而且竟然還有梳化卡位可以坐, 比我想像中要乾淨舒適。點完菜後就可以飲住鐵觀音食住花生同朋友傾下計。冰鎮鮑魚 $130 好快送上枱既有呢個冷盤, 冰鎮鮑魚。好少小炒店會有冰鎮海鮮食, 而呢個鮑魚絕對無令人失望。光看外面已經見到鮑魚肉身非常雪白, 洗得好乾淨, 感到好安心食用。而且份量不少, 差不多有我一隻食指甘長, 手指公甘厚。經過日本清酒醃過既南非鮑魚, 入口覺得好鮮甜, 有淡淡酒香。口感非常清爽, 絕不煙韌, 肉質彈牙, 好喜歡!黃金海中蝦 $160小時候最喜歡吃黃金蝦, 因為鐘意佢有陣咸蛋黃香味, 好惹味。但大個怕肥就對佢既熱量敬而遠之, 不過今晚難得同姊妹相聚, 唔理喇, 我要食黃金蝦!呢到既海鮮全部都係新鮮活海鮮煮成, 所以鮮味十足, 肉質都好爽彈。大大隻既海蝦, 外表被咸香蛋黃封鎖, 咬入去仲有膏, 真係好邪惡既滋味。聖子皇 $105好滿足之際, 聖子都送上, 平鋪既聖子殼被滿滿既聖子肉同三色椒所掩蓋。聖子用肥大肉厚來形容絕不為過, 最鐘意食聖子群邊, 又甜又腍又入味。聖子肉質地比較彈牙, 同樣能夠食到鼓椒炒海鮮既獲氣。冰梅肉排 $98呢個冰梅排骨十分有驚喜, 原本以為只會食到梅子酸甜, 但醬汁竟然似薑醋味!炸過既排骨好酥化, 梅子醬汁好掛身, 沾滿在排骨上。酸甜味依然係我既最愛, 好送飯。黃金翠肉瓜 $38曾經係內地一家餐廳食過一個黃金南瓜, 味道好出色, 令我回味至今。所以當我見到menu上有黃金翠肉瓜時, 真是立刻變成「心心眼」, 立即落單。不過上枱後發現同我想像中的有出入, 原來這道菜是以有咸蛋黃的炸漿包著翠肉瓜炸成。所以炸漿比我想像要厚, 不過味道依然不錯, 外脆內軟。金銀蛋浸莧菜 $68吃了這麼多煎炒炸物, 還是要吃吃菜平衡一下。金銀蛋好足料, 莧菜翠綠, 份量亦多, 味道不錯。甜品 紅豆沙食完晚餐還有甜蜜紅豆沙作結, 不會太甜, 而且紅豆顆顆飽滿幼綿, 好滿足的一餐。食飯時留意到這裡的客人都跟店員們很熟, 一坐下就能閒話家常, 看來都是熟客再光顧。的確, 這裡地點頗為穩世, 吃過這家餐廳後有種在舊街找到寶的感覺, 以後熟客就多我一個吧。…查看更多

Daddy 話想食吊燒雞 (真係炸子雞) 所以叫我訂位黎呢到食飯其實本身全家人係好小會係廟街食飯的, 所以除左知道呢頭食煲仔飯出名外, 真係唔知呢到仲有咩食7:30黎到, 起初都冇咩人....但...食食下成間餐廳都坐滿唒架 ! 餐廳雖然唔大...都係普通既地道小菜館咁, 但d 伺應們都好好人, 態度又好又nice !我地9個人食, 食數比較多, 所以差唔多叫唒貼係牆上面既出名菜式1)先黎冰梅肉排, 好味 !!! 其實佢係用酸梅醬去煮呢個肉排, 咁本身我係好鐘意食酸梅醬既, 所以呢味肉排我覺得好好味 2)魚子醬焗桶蠔  超大隻 !!!! 佢既炸漿又唔會太厚身, 岩岩好, 就咁食會有d乾, 但...襯埋上面既魚子醬, 再用生菜拎住黎食 ! 絕配 !! yummy !!!  3) 黃金蝦, 呢一味又係點都唔會有錯既一味送! 一樣好味, 但...今餐更好味既野太多啦... 4) 其中最好味既一味 ! 超級極之滑既蒸魚 ! 因為我對魚係冇咩認識...我唔知呢條係咩魚, 只知佢滑到好快比人食唒 ! d蔥都超好味~!!!  5) 其中一味主打菜式, 糯米飯蒸蟹 ! 其實呢間餐廳蒸野真係有一手 ! 上面條魚又岩岩好, 呢個飯又係岩岩好 ! 最怕食到糯米飯係好硬既...呢個蒸得夠軟身, 但又唔會lum唒~ 蟹肉都好鮮甜, 成個飯都好香蟹味 !  6) Daddy 最愛既炸子雞, 我係有訂既...因為聽聞一日只賣3-4隻...皮真係好脆 ! 可惜今次好似咸左小小... 7) 金字塔 ...呢個送比較賣樣...我覺得味道一般, 或者係其他太出色 又係比較咸....手工菜, 但味道冇咩特別  8) 燒汁牛筋骨, 好味....雖然比較遲上...但佢係用牛腩?! 所以d肉好lum ! 味道都好好 最後...仲送甜品, 今次係mango puddling ! Yummy !! overall ..呢間野每樣菜式都有驚喜 ! 差唔多每一味都覺得好好食 ! 同埋價錢都比較大眾化 ! like ! 9個人..都係食左$2xxx 魚蝦蟹蠔都食埋~算係咁啦!仲要大大碟 ! …查看更多

座落於鬧市背後的一間滋味食店, 門面裝橫沒什麼特別, 可稱得上平平無奇, 但是食物質素卻出乎意料之外的好味!上星期和朋友在油尖旺行完街想找間食店舒服食番餐,但唔係等位就係坐得逼逼的,行行下走到內街,突然眼前有間很光猛的"滋味館",平日不是日本料理就是雞煲邊爐, 於是就來個叫小菜食飯,最重要不用等位!哈哈!金牌金子塔 外形很特別, 估佢唔到原來係梅菜扣肉,聽說廚師花了2日時間去處理,真不容易,比起傳統的梅菜扣肉味道唔太咸,配白飯一流!冰梅肉排雖然賣相沒什麼特別,但食落去有很濃郁冰梅醬的甜醱味,非常可口!真的很開胃!蒜蓉蒸海蝦開邊海蝦非常新鮮,而且仲有很多蝦膏的,白灼其實而經夠鮮甜,但我們選用最簡單傳統的用蒜泥去蒸,好好味又不用落手剝!哈哈燒汁牛筋骨牛味非常濃郁,牛肉煮得很考功夫,不會韌而很"林"身,加上燒汁配搭牛肉,非常夾!O者O者芥蘭平時很少在餐廳吃到這麼鑊氣十足的炒芥蘭這一道菜滿滿大排檔風味,而且加埋蝦乾一齊炒,惹味非常!紅燒乳鴿我對乳鴿不怎麼喜好,總覺得沒什麼肉食,但今次有驚喜,點解可以外皮香脆,肉質又保持到有汁又不老?!整體而言, 我是覺得喜出望外, 沒想到一間這麼不起眼的食店, 食物質素這樣好!店員又很落力向我們推薦菜式, 介紹的都很對我們的胃,哈哈,下次要再找多幾個朋友試試這裡出名的海鮮!…查看更多

佐敦一帶有不少主打海鮮的食店，深受本地人和遊客歡迎。有朋友是海鮮的愛好者，不時光顧那裡的食店，他說不久之前經過這家叫「麻市滋味館」的餐廳，看見店外貼滿招牌菜的相片，甚是吸引。只聽店名，還以為這裡是吃麻辣菜式的四川菜館，但原來這裡是主打海鮮小菜的餐廳。朋友說想試一下，我們就選了今天Happy Friday，來試試這家餐廳，盡興一晚！餐牌有多款小菜選擇，明碼實價，只有海鮮是因應來貨價格而定，即俗稱的「海鮮價」。侍應姐姐說他們其中一個老闆是做海鮮批發的，所以可以用較低廉的價錢入貨，故海鮮的售價會合理一些。侍應姐姐也不忘推介一些招牌菜式。最後，我們點了以下數道菜式：魚子醬焗炸桶蠔($188)：這是我最喜歡的菜式。本身自己喜歡吃蠔，而這裡的蠔碩大飽滿又沒有腥味，外表香脆，內裡仍有少量水份，蠔味十分突出。蠔面添加了略帶鹹鮮味的魚子醫，大大提昇了炸蠔的鮮味。而蠔的下面有一塊生菜，伴以炸蠔同吃，可以減低炸蠔油膩的感覺。整道菜的材料配合得很好，值得讚賞。金牌金字塔($108)：這是店家的特別推介，叫我們一定要點一客試試。我們都因為它的外表感到好奇，因為它真的是一個有紋理層次的金字塔。侍應先端上金字塔，再在我們面前剖開！原來那外層一塊塊的是薄切豬肉，內裡是既熱騰騰又惹味的梅菜，很特別！豬肉腍滑，放在口中細嚼一會便溶化，而且充滿肉香，令人驚喜。那鹹鹹甜甜的梅菜和汁醬用來送飯十分合適，一會兒已經把這道菜吃個光光了。燒汁牛筋骨($108)：本身很怕吃韌的牛肉，不過這個牛筋肉脂肪的比例合宜，質感腍得令人難以置信，竟與豬肉不相上下，但卻無損它的牛肉香味，叫人嘖嘖稱奇！配合惹味的黑椒燒汁，十分好吃！冰梅肉排($78)：又是一道令人滿意的小炒，那醬汁帶微酸的十分醒胃。肉排炒至漂亮的金黃色，切得大小適中，肉質當然沒有金字塔那樣軟腍，而是有肉排應有的嚼勁，不錯！紅燒乳鴿皇($68)：乳鴿略嫌燒得過火，外皮色澤已偏黑，肉身亦略乾。幸而乳鴿本身夠熱，外皮香脆，肉味亦算突出。啫啫芥蘭(78)：這晚唯一的一道菜蔬，選了這道較為濃味的啫啫菜煲。芥辣菜味濃郁，鮮甜無渣，配合惹味汁醫，已是合格有餘了。整體而言，這晚的數道菜式，無論是海鮮類或是非海鮮類，水準都令人滿意。是晚一行四人，埋單不過二百元，可謂物超所值。個人特別推介「魚子醬焗炸桶蠔」、「金牌金字塔」和「燒汁牛筋骨」這三道菜，因為真的較難在其他餐廳吃到這個水準，絕對值得一試。…查看更多

今日同團長兩個人食飯，咁食好呢？兩條麻甩傻更更喺佐敦行咗好耐，搵到間專做海鮮小炒嘅特色小炒專門店！依間小店雖然冇富麗堂皇嘅裝修，但環境整齊清潔乾淨，門口更設有多層魚缸，為客人提供生猛海鮮！聽間待應姐姐講，原來佢哋老闆同香港魚市場有生意來往，所以攞到好多靚海鮮！諗住今次又有口褔啦！不過兩個麻甩食唔到乜，無理開條魚咁浪費！所以叫咗幾樣招牌菜算！麻甩佬平時無乜湯水飲！所以我同團長一人一盅，叫左《螺頭燉水鴨湯》，依個水鴨湯其實都唔止喺水鴨湯，而且仲有雞腳、蔘片同其他藥材！聽返待應姐姐講，每盅喺燉出嚟，唔喺煲出嚟！兩個人叫咗兩個餸，第一個喺《金牌金字塔》！嘩，依舊咩嚟架？我真係好好奇！而且每層都切到咁薄，師傅喺點做到呢？原來依座金字塔其實喺梅菜扣肉！真喺估佢唔到！可見個師傅超有心思，而且刀功一流！跟住待應姐姐慢慢將佢切開，有好多肉汁流咗出嚟之外，仲有好多梅菜！其實我都幾怕食梅菜扣肉，因為太肥，冇口感！但依座金字搭就唔同，有口感之餘，仲唔太鹹，送飯真喺一流！聽返待應姐姐講，正常平時要準備兩日時間，先可以入味，而且仲淋身好多！但我依舊只喺準備一日，但已經好好食，真喺唔錯唔錯！另外，我哋仲叫咗第二味餸《冰梅肉排》！依個《冰梅肉排》喺熱食，賣相唔算特別！但味道唔錯，甜甜酸酸咁！送飯又喺一流！而且最重要有口感，彈牙！唔似一般嘅排骨死死實！依餐食咗每人130左右，真喺益街坊！唔錯唔錯！…查看更多