麻市滋味館

差不多每1-2個月一次嘅生日聚餐，每次要諗食乜真係頭都大埋。今次壽星指明要食中菜，上Openrice搵到呢間一致好評嘅海鮮菜館，立即訂枱試一試!

地點真係有啲隔涉，喺佐敦同油麻地中間，油麻地街市隔離。店面倒係好光猛，鋪頭細細，但係我哋張圓枱坐位仲好闊落嘅。

店面光猛

蝦多士沙律同冬瓜盅必須預訂，要食上兩至三斤海魚都係要訂，否則就靠運氣睇當晚有咩魚貨喇。當晚有條海方利游緊水，不過成$30/両，貴咗少少冇食。

蝦多士沙律，冬瓜盅，冰鎮南非鮑，汁燒牛肋條，冰梅肉排，酥炸桶蠔，魚子醬酥炸蠔，奄仔蟹蒸糯米飯; 點嘅大多數係signature items, 全晚食得招積、出色。連個楊州炒飯都炒得乾爽香口，用料十足; 龍鬚豉油皇炒面就普通啲，因為頁面限制只有12張相，擺唔到上嚟。

雖然係小店，但係員工都好有禮貌，提供唔少意見協助心大心細嘅我哋，師傅功力深厚，聽聞蒸魚火候更加係一流，下次一定要試試。

是晚有兩位壽星，由我哋7個請食飯埋單$2418，都係每人$367，真係扺到爛，所以一定會複桌啦!

有魚缸，上面明碼實價，店員都會詳細介紹當日魚貨海鮮，任君選擇。

要影相就同侍應講一聲，否則會分上。夏天最好嘅消暑湯品，賣相好睇味道清甜材料足。 好味過大酒樓!

$148

1

蝦多士香脆鬆化，蝦肉爽甜食得出係新鮮貨。令人驚艷嘅係個沙律，蔬菜生果薯仔比例剛好，唯一稍嫌沙律醬重手咗，少啲會仲好食。

朋友上菜前話南非鮑大隻，上枱一望冇令我哋失望，而且差不多枱枱有叫，必食推介。

$65

肥大肉厚，爽口彈牙，點wasabi或辣椒豉油均可。

$65

朋友都讚嘆牛肉惹味而且肉質香軟

虎皮椒唔夠辣，所以一致評價普通。

$68

1

都話係招牌菜，喜酸甜者可以一試，可能其他菜太出色，所以相形見絀。

$88

因為9個人但係冇例半，所以點咗兩款。外脆內軟多汁，火喉剛好，不過呢一桶只有5隻，但係蠔肉唔係太大......唔.......

$158

因為有魚子醬襯托，所以食落好似更香甜，個人較喜歡呢個。

$188

而家正值奄仔蟹季，朋友話好想食。$16/両，兩隻大約斤二。糯米飯另加: 細=$30，大=$50。係貴啲，不過唔食你就真係走寶喇。奄仔季過後，可以用羔蟹代替。膏香肉甜，調味過嘅糯米飯都係上上之選，用蟹膏伴住食真係升仙咁。

$338