沾仔記 (威靈頓街)

這天來到中環覓食，想吃清淡一些及快一些，於是鎖定了吃雲吞麵。碰巧路過這家麵店，門口貼著多張米芝蓮推薦的宣傳品，價錢也相宜 ，鋪面光潔整齊，於是便鎖定沾仔記醫肚仔。雲吞麵印象中我吃過最大的雲吞，比乒乓波再大一些，入面大約有兩三隻蝦和豬肉配料，口感比較實，滿滿的一口，只咬到三份之一，一碗有三大粒雲吞。與傳統大小的雲吞相比，這個大雲吞的鮮味比較遜色 ，可能要分幾口咬所致。鯪魚球麵兩大粒鯪魚球，吃落有驚喜，陳皮配搭恰到好處，陳皮香味輕輕帶出鯪魚球的鮮味，鯪魚球口感彈牙，沒有一般魚球的小魚骨。大地魚湯底比較清淡，麵質爽口彈牙。由於不吃牛肉，所以沒有試牛。總括而言是一個值得再去的地方。…查看更多

中環午餐時段那裡都多人，這家也是要排隊的。不過店裡實行一種方法，就是食客一吃完，碗就被收走。想要再坐一會，基乎是不可能的。因此稱之為「速食」。這種食法服務自然好不到那裡去，所以不要太高要求哦。點了碗雲吞麵（$30）中環的平民價位哦！因為份量還挺正常的。雲吞三顆，也是有良心的份量，蝦相信是新鮮的，挺彈牙。麵沒有鹼水味，很易入口。湯不濃，但又不至於無味。不過吃雲吞麵很少在意湯啦我另外叫了一個豆漿（$10）是凍的。由於都是一支一支包裝好，所以沒有熱豆漿哦！不過也就方便喝不完，可帶走。總結：價格在地段上算平民化。只是真的不要期望有好的服務！…查看更多

今時今日好多食肆拎米芝蓮，但其實一般人都唔太關心，只係在意收費、味道，三十零蚊碗麵，連鎖店、快餐店都要啦，人生苦短，冇咁多時間研究人地值唔值得獎，咁大家對每樣食物，心目中都有個價，我淨係睇值唔值個價啫。平日早上十點鐘左右，全店爆滿，上班嘅都已經上班，所以在座有好多係外國人、遊客。搭枱係常識，唔會太介意。餐牌供應雲吞、鯪魚球、牛肉三款，可湯可撈，價錢三十零蚊，叫到最貴嘅三寶，都係$48，喺中環區差不多啦。假日要我咁有恆心排隊食，又唔會，好在當日係平日:)雲吞麵 $30上枱時雲吞墊底，最後先加麵底、蔥花，麵冇咁易浸腍，保持爽彈。見部分評語話有鹼水味，個人就完全唔覺，始終係個人口味，或者我味蕾唔夠敏感啦。雲吞三大粒，皮薄餡靚，蝦肉明顯，新鮮爽口:)肉嘅比例唔多。…查看更多

去中環做嘢，行經沾仔記，有D吐餓，於是行入去試佢地招牌雲吞麵，座位不算太迫，可接受，點左麵2分鐘就到，D雲吞只得三粒，不是一口雲吞，但好好味，在口裏不會一咬就散晒，包得好有功架，蝦好新鮮，大小適中，麵都不差，盛惠$29, 系中環咁嘅質素簡直超值，對面麥奀都要$40，大家水凖差不多，沾仔更抵食。…查看更多

今非昔比的香港, 租金貴, 想在附近搵碗雲吞也不多.今日去到中環, 見到沾仔記麵家, 還是米芝蓮連續推介數年的食肆.沾仔記麵家裝修得有別於傳統麵家, 裝飾古色古香, 黑色中式黑木桌椅.一碗雲吞麵有三大粒雲吞, 每粒雲吞內的份量十足的蝦及豬肉, 爽口, 麵餅份量大, 麵條彈牙, 配合用大地魚熬的湯, 湯鮮甜, 嚐到啖啖滋味.最難得在中環還可以食到$27一碗麵. 希望傳統美食可以流傳下去.…查看更多

經過呢度都會想吃的雲吞麵，平靚正！蝦肉好爽口，必加醋一起吃，好味道，湯底唔好咁咸就更加好啦！大大粒鯪魚球，一碗有兩大粒，入邊有D果皮，好爽口有滿足。加錢要個菜心就豐富好多啦，所以咁樣吃系中環算抵！…查看更多

我都仲係唔明點解明明我D相係正常orientation的但係一post上來openrice就會調轉左...anyway, 成日經過沾仔記知道呢間野好出名, 但係成日都冇食~呢日行行下個同事話想食所以就突然入左去雖然只有三粒雲吞, 但真係好大好大粒!!好好味!!菜都幾好味~~其實佢的雲吞麵絕對可以翻兜不過成日覺得我唔會夠飽所以都冇乜點再返來食過~見到隔離"木台"的鯪魚球好似好好味咁下次都可以試下…查看更多

中上環食市多不勝數，午食時間要搵食一點也不難，最難是找到一間座位尚不算太窄、味道要好、價錢要相宜、還要不用等位，實在有點登天的感覺~ 有天聽同事說在佐敦試過沾仔記不錯，記起威靈頓街有一間，於是便決定一試~舖內不算很大，但也不至於背貼背坐，尚算不俗吧﹖很快便找到個位置坐下，發現這裡只賣三款麵：雲吞麵、鯪魚球麵及牛肉麵，實在很難想像一間食市只賣三款麵仍能客似雲來~ 每碗麵均盛惠$23。心想，以現時的物價，相信這碗麵必定很細吧﹖意想不到的是，每碗麵的份量也不少，而且不消2分鐘便奉上熱烘烘的麵，效率果真快，難怪不斷有客人卻不用等位。聞說湯底是用大地魚、蝦米、豬肉及羅漢果熬製而成，入口雖沒有魚的甜味，卻驚喜地沒有一般麵店的梘水味、不油膩、也不會感到口乾，相信味精落的較少吧~麵的份量也不算少，起碼相比起麥奀記的份量多一倍~ 除了麵的質地重要外，煮麵的也需要功架，這裡的麵入口沒有梘水味，麵條煮得剛好，麵質也比想像中爽口，若麵條能較幼身更理想，唯一美中不足處是麵沒有蛋香~雲吞麵有3粒雲吞，但已店了大半碗麵，雲吞皮尚算薄及滑，蝦均為細至中蝦，入口頗爽，較意想不到的是與蝦一起的肥瘦豬肉很有香味~ 鯪魚球麵只有2粒鯪魚球，奉上時我實在嚇了一跳，從來未吃過如此巨大的鯪魚球！鯪魚球不會太軟身，頗彈牙有口感，亦吃得到很香的陳皮味~ 牛肉麵裡有很多牛肉，起初會有點擔心靭，後來發現自己想多了~ 牛肉入口相當嫩滑，有少許牛肉味，以現時牛肉的價格來說，這碗牛肉麵實在是超值了~三碗麵的麵質均能保持相同，再配合這裡的辣椒油，$23一碗麵實在很難抗拒呢！…查看更多

男朋友接放學，本來去食勝香園，點知身水身汗行到上去，先知今日公眾假期冇開呀....行番落o黎，好啦，食沾仔記，反正我都未食過入面坐滿人，但都唔駛點等位，因為客流都去得快男朋友要牛肉雲吞雙拼麵，我就要雲吞麵，再加腐乳通菜和 2 支豆漿雲吞大大粒，我個碗有 3 大粒每粒雲吞有 2 隻大蝦，很爽口湯也不算味精重，不錯呀!中環區來說真係抵食!…查看更多

10年1月30日（星期六）中午，是日放假而女友要返半晝，又難得知醒起身，所以去接女友收工順便吃午餐。突然間想起，星期六下午的中環，上班一族的人數應該比平日少，可以選擇去些平時會大排人龍的食肆去吃，第一時間我就想到這裡，親身試試到底如何憑乒乓球般大的雲吞摘下米芝蓮的一星榮耀。我們約一時多來到，見門外還有幾個人在排隊，不過此店人客流量極高，很快就可以入去坐，來這裡吃撘檯幾乎是必然的事。其實坐下可以不用看餐牌就可以點食物，因為這裡祇賣約數款的食物，雲吞、牛肉、鯪魚球配麵、米或河粉，又或是淨食，以及油菜和豆漿。在門外等候時，阿姐已幫我們寫好單，兩人合共點了雲吞麵和鯪魚球麵各一碗，再加一碟油菜。雲吞麵很快就送到，每粒雲吞的確比坊間一般大，形狀祇比乒乓球略少，至少要分兩、三次吃才能吃掉一祇雲吞；雲吞皮很薄，餡料蝦多肉少，蝦肉爽口鮮味；若說這裡的雲吞有如乒乓球般大，那麼鯪魚球麵的鯪魚球則是兩個乒乓球連在一起，鯪魚球鮮味卻不醒，肉質爽滑彈牙，但要吃掉一粒鯪魚球真的要花點時間。兩碗麵的的麵身都爽口，有嚼勁，最重要的是沒有鹼水味，湯底清甜溫和，卻不像是蝦籽湯底，看了KC兄的食評才知道原來是羅漢果湯底。油菜是菜心，新鮮清甜，爽脆無渣，就算不下蠔油也很美味。我倆吃完也不敢久留，立刻動身付錢離開，埋單共四十一元，終於解開了這裡如此受歡迎之迷了！…查看更多

同老婆去沾仔記食早餐..我們叫了雲吞麵和魚球米粉...雲吞: 鮮蝦大隻, 鮮,爽, 皮薄鯪魚球:有魚味,大粒麵: 彈牙，沒有鹼水湯: 沒有什麼特別…查看更多

10月4日, 又去到中環食晚飯, 其實都好耐冇去過沾仔記食雲吞麵, 我諗都有4-5年喇~ 尚記得當時沾仔記為咗同對面既麥奀記競爭, 佢地既雲吞麵賣$10碗而且勁大粒~ 從而打出名堂~ 今晚去到門口感覺完全唔同. 坐低一睇, 乜解得番幾種野食, 雙拼價錢仲要$2x, 猶疑咗一陣, 算, 都係食啦~::: 鯪魚球麵 ::: $16都唔可以叫做球, 直情係餅! 同個麵餅比較, 食咗一’粒’就已經食晒個麵, 相對個麵就真係的骰咗d… 鯪魚球就真係讚, 唔知係咪自家製~ 湯底都好味 食得出係有加d藥材, 甘甘地~::: 雲吞麵 ::: $16雲吞麵有三粒潛咗水既雲吞, 硬係覺得冇以前咁大粒~ 不過咬落依然係好食既, d蝦都新鮮彈牙! 麵呢走唔甩有陣鹼水味, 不過個湯就幾好味, 應該同楊記一樣, 落咗大地魚同羅漢果~::: 油菜 ::: $9要咗碟通菜, 份量ok多, 而且真係好翠綠架, 不過太乾爭爭, 普普通通~冇咗舊時沾仔記既味道, 走咗高檔路線, 始終大大粒又平既雲吞先係沾仔記既招牌……查看更多

七月十五日(星期二)因為plan左做gym, 所以之前決定食得輕一點, 早前看飲食雜誌, 睇到原來沾仔記都係香港米之蓮候選之一, 所以順道來試試…我食左呢度最出名既大大粒雲吞麵, 雲吞的確好大粒, 每粒雲吞入面都有兩隻蝦, 但正宗的雲吞就唔係咁既size, 當係一個創新之作la…唔錯la老公仔就叫左鯪魚球加牛肉米粉, 鯪魚球兩大舊, 幾彈牙, 又唔腥, 係賣相差點, 而牛肉就不過不失la…我地仲食左腐乳通菜, d菜好似有點營養不良喎…論價錢, 其實已經不可多強求, 不過真正論味道, 似乎未必係米之蓮之選呢…查看更多