鮨一日本料理 (翠怡花園)

有時經過尖沙咀都想食呢間搵吓資料 原來大埔都有分店呢間裝修比較復古、溫馨牆上磚砌設計同埋懸掛日式裝飾好營造到日式懷舊風嘅感覺簡單樸素 散發一種自在放鬆氛圍好啱同屋企人或朋友嚟聚聚- - - - - - - - - - - - - - - - - - - - - - - - 1. 秋刀魚刺身見到魚皮呈現閃閃銀色 都幾𥄫睛原條連頭同骨咁上 證明新鮮即劏配咗芥末、醬油 食到佢嘅鮮味肉質鮮嫩 仲帶有少少油脂香淨咗魚頭連骨會拎返入廚房即炸酥脆可口 好啱用嚟送酒食2. 三文魚親子反卷呢碟擺盤好靚 好似藝術品咁精緻入面卷住黃芝士、青瓜絲、橙三文魚視覺望落色彩鮮明 令人好有食慾面頭仲會加多層三文魚 雙重享受仲有三文魚籽點綴 口感豐富同埋都幾鍾意佢嘅芝士濃而不膩3. 西非生蠔生蠔好大粒同飽滿 賣相充滿誘惑平時習慣加啲檸檬汁同紅辣椒汁天然海鮮甜味帶啲酸辣提味兒加Openrice訂座 仲有半價優惠可以趁住咁抵優惠食多幾隻4. 串燒(鹽燒白鱔、黑豚腩串、燒鮮冬菇、免治雞肉)揀咗我哋鍾意食嘅串燒每串都燒到啱啱好微焦火候控制掌握得都幾好鹽燒白鱔外焦內彈黑豚腩串油脂適中燒鮮冬菇保留原汁原味免治雞肉串唔會烤乾水份5. 炸蝦天婦羅炸到金黃酥脆 炸衣都算輕盈入面嘅蝦身都幾長 肉質鮮嫩食落口感就係外脆內嫩配咗蘿蔔蓉沾汁好清新可口6. 櫻花蝦蟹籽炒飯炒飯賣相色彩繽紛 米飯粒粒分明加咗櫻花蝦同蟹籽 令到米飯唔會單調啖啖都有海鮮風味 同埋份量十足7. 日本番茄沙律原個日本番茄放喺中間番茄好甜 加啲蔬菜成個口感都好清新爽脆餐前餐後食佢感覺輕盈舒適…查看更多

約好和朋友聚聚，當然想食得好又舒適嘅環境，慢慢嗒返杯傾吓偈😊 鮨一啱哂我地嘅要求！🥗長崎縣高糖度蕃茄沙律呢款蕃茄係比一般蕃茄嘅甜度高1.5倍, 配搭係新鮮沙律菜一齊食，清新開胃！🍣 特上十貫目10件壽司都好有鮮味！燒過嘅左口魚裙邊真係好夠香😋 。另外，Hamachi 同埋toro 入口即溶，好有魚油香！海膽壽司係有3層海膽做成，一咬落去口感超正又有甜品👍🏻👍🏻👍🏻🐠 三文魚親子反卷呢款反卷入面用了三文魚、青瓜、mozzarella cheese， 配搭新穎，鍾意食三文魚同芝士嘅人不妨一試。🐟 鹽燒白鱔外皮非常香脆，肉質夠厚又彈牙🐔 日本雞尾串、日本雞皮串燒得夠香，保留咗雞嘅香味🐷 豚肉蘆筍卷味道不錯，豬肉燒得剛好，蘆筍夠爽口！🥓煙肉荔枝卷鹹鹹甜甜的配搭非常特別！🧀 日本芝士年糕外脆內軟，煙煙韌韌，充滿芝士香。🧊讚岐冷烏冬冷烏冬整得煙煙韌韌，非常飽肚😝🍶House sake非常之夾以上任何一道菜式👍🏻…查看更多

呢間餐廳走日本簡約路線，有刺身、壽司、熱食、佐酒小食可供選擇🏮💗上十貫目 ($198)三文魚腩肥美脂香；油甘魚肥厚細嫰；海膽Creamy甘甜；火炙左口魚魚油豐富，入口即化；帆立貝肉厚鮮嫩；劍魚腩綿軟細滑；北寄貝爽口鮮甜；鯛魚爽滑有彈性；赤蝦鮮爽黏糯；蟹柳加上沙律醬點綴🍣💗千層海膽飯 ($198/ 細）醋飯放上吞拿魚蓉同多層海膽，用上海苔捲住一齊食，鮮味甘甜係口中爆發🧡💗清酒煮蜆 ($62)清酒煮蜆特別鮮味，粒粒飽滿無沙🐚白蘿蔔煮得清甜入味🥕💗大蔥雞肉 ($25)雞肉嫩滑有肉汁，間住惹味大蔥🐔💗鹽燒雞腎 ($28)雞腎燒得比較乾，食落有d韌🙁💗燒鮮冬菇 ($18)鮮冬菇亦燒得比乾，食落唔夠Juicy🍄💗日本蕃薯拼南瓜天婦羅 ($68)蕃薯南瓜天婦羅炸得金黃酥脆，內裡綿密香甜🍠💗鰻魚炒飯 ($98)鰻魚炒飯炒得乾身粒粒分明，甜甜醬油香包住成個飯，配搭鰻魚粒、蛋花、紫菜🍳…查看更多

我聽朋友講，知道大埔有間日本菜好食，所以放假就同男朋友黎試下，可能我地係平日時間，唔洗等好耐就有位，座位唔多，不過唔算窄，個人認為，就係因為小店，所以先有咁既特式。。如果要去d大大間既，不如我去食放題？先講下食左咩先：壽司： 油甘魚腩 三文魚腩本身我係日本菜粉絲，食到好食既，心情更加靚爆。。壽司好肥美，要腩位就係要有呢種油份，先夠口感。。海膽帶子反卷呢個不得了，帶子雖然唔係原粒上，不過就係因為唔係原粒上，先食到海膽同帶子既鮮味，一啖一件，好滿足。，串燒 : 牛舌 雞腎 煙肉荔枝卷食日本菜，叫牛舌是常識吧。牛舌燒得岩岩好，唔會太淋，唔會太濕，有口感。燒雞腎，好爽，上面落既黑椒粉令雞腎味道更提升。。呢個煙肉荔枝卷，係我地見到枱枱都有叫，所以我地先叫，好有驚喜，我以為會好肥，好普通，但係食落就知我錯了，估唔到煙肉同荔枝可以咁夾，而加當然係無核啦。。。一啖食哂，真係好好味。。實在好耐無食到d好食既日本菜，而加周街都係頂爛市既放題，真係要支持小店，加油丫，我會介紹比多d朋友黎。。。…查看更多