\r\n《馳名北角的雞蛋仔》 \r\n\r\n\r\n正所謂美酒佳餚, Foodking 也帶來紅酒與好杯中物之人品嘗, 至於其他人也有得著, 皆因麵包超人也帶來極品茶葉來與大家品茗, 各有所好, 各取所需, 亦是食聚的其中一項樂趣也!\r\n\r\n
\r\n是夜負責選擇菜式的, 當然是得高望重的Foodking 來做啦! 共點了十道菜加一客甜品。\r\n\r\n菜式及食味大致如下:\r\n\r\n《乳豬拼盤》 ~ 哈! 此道菜上檯時, 我以為去了喜慶場合呢! 乳豬不太脆口, 只可算是不過不失, 燻蹄不太好吃, 好像沒什麼味道似的, 不過刀功出色, 每片厚薄也差不多呢! 海哲不太爽口, 生腸反而唔錯, 幾爽口, 至於半肥帶瘦的叉燒是整個拼盤的靈魂, 蜜味很足, 而且不太需要和它角力就已經很易咬開, 非常同意Foodking 所言, 叉燒是整個頭盤最出色的食品.\r\n
\r\n\r\n\r\n\r\n《西蘭花炒班球》 ~~ 西蘭花夠味且軟硬適中, 而班球就魚味嫩滑兼而有之, 唔錯.\r\n
\r\n\r\n\r\n\r\n《金錢蟹盒》 ~~ 對於“金錢”兩字, 席上有出席得龍 的朋友, 不知還是否對於趣事仍記憶猶新呢?? 難得大皇不恐懼“果”三腳的情形下, 叫了此道名菜, 惜另外兩位主腳不在場, 不然的話, 又有好戲可看了! \r\n說回食味, 上回吃過金錢雞, 今次捨雞取蟹來做菜, 這菜是屬於香口類, 趁熱食是最佳食用方法, 入口非常熱燙, 宜小心進食, 不過我就在不知菜名情況下, 吃不出內裡是啥? 因為是沒什麼味道可言, 大概是在拆蟹肉的情況下, 鮮味也隨之而走吧!\r\n
\r\n\r\n\r\n\r\n《生炒骨》 ~~ 這菜是每次飯聚的指定動作, 這裡的芡汁做得很好, 酸甜有緻, 惜個人認為骨做得不夠脆口.\r\n
《炸子雞》 ~~ 有說雞味不夠, 亦有食友認為雞皮也是上佳之作, 對於我這位菜鳥來說, 不知何為雞味, 亦不吃雞皮的, 因此不敢發表偉論, 只知道雞肉很嫩滑, 而且濃淡也控制得頗好.\r\n
\r\n\r\n\r\n\r\n《煎鯪魚藕餅》 ~~ 鯪魚稍嫌不太有口感, 不過粒狀蓮藕可補不足, 雖然是煎的, 但一點點油膩感覺也沒有, 都唔錯.\r\n
\r\n\r\n\r\n\r\n《炸鮮奶拼窩蝦》 ~~ 第二味炸物, 之後才得悉, 實際落單時, 是大良炒鮮奶, 而不是雙炸的, 何以出錯就無從稽考……因為我不好奶類產品, 故此前者不予評論, 反而窩貼明蝦, 個人幾喜愛, 蝦膠略帶爽口, 底層的麵包好脆, 兩者加埋可是天下無敵, 惜油膩感也是舉世無雙, 若不是後有來者加油膩感十足, 我肯定食兩件或以上, 熱氣?? 無得食, 就唔慌唔熱氣, 嘻嘻~~\r\n
\r\n\r\n\r\n\r\n《糯米鴨》 ~~ 偷偷地話比你地知丫, 如果唔係之後收到Foodking 所提供的菜單, 打死我都唔信呢個係糯米鴨呀!! 點解? 因為由頭食到落尾, 我都以為在鴨件以下的, 是蠟味芋頭呀, 完全唔覺得佢係糯米囉, 反而覺得似好有質感既芋頭混著臘味; 鴨件應該是炸的, 可能我好彩, 食左三件, 肉質都好似幾易咬開, 不覺得是, 呢道菜, 我最鍾意是下面既糯米, 不過如有機會再食, 我會欺騙同行友人, 那些是芋頸o架,哈哈!!\r\n
\r\n \r\n\r\n\r\n《枝竹燘頭腩》 ~~ 相信食至這裡, 仲食得落既食友, 都無幾多個啦, 我又未至於飽到食唔落, 所以都試下。枝竹, 冬菇等等, 非常入味, 至於頭腩, 滑嫩就有喇,不過食落, 似乎有少許腥味, 所以我食左一件就無食喇.\r\n
\r\n\r\n\r\n\r\n《蒸粉果》 ~~ 嘩!! 莫非主理呢碟粉果既師傅, 大名是吳剛?? 個賣相好令身呀!! 孤陋寡聞的我, 在Foodking 解釋下才知道, 因為係蒸, 而且係碟上既關係, 如果油份唔夠, 咁就真係要上演一幕糖黐豆, 挾起時就大家都要拉拉扯扯喇, 幸好食時也不會成口油, 不過餡料就不外如是, 沒什麼特色; 仲要我呢個死蠢, 比席上其中一壞人老點, 話隻隻都唔同餡料既情況下, 食左兩隻, 下次搵阿水信你呀!!\r\n
\r\n\r\n\r\n\r\n《焗西米布甸》 ~~ 淨看賣相就已經有絲毫失望, 皆因個人認為呢味甜點, 要面層帶脆口才好吃, 但上檯時, 有燒焦的地方已經是分佈不均勻了, 吃時, 果然沒有估計錯誤, 有分到焦黑地方的食友, 也不覺脆口, 而蓮蓉也不是人人有得吃, 比起車品品的, 毫無疑問是後者稍勝.\r\n
\r\n\r\n\r\n\r\n這晚可能太多炸物了, 以致也剩下不少食物, 大家也笑說, 如美食焚化爐 也能出席的, 莫說是檯上食物, 再加多兩道菜, 相信不能難得到他吧!\r\n\r\n無獨有偶, 同一天空下, MM1970 和Gourmet KC \r\n也分別在旺角 和銅鑼灣 的鳳城晚膳, 食評詳見於「 三城記 」, 另本人推測, 既然已經攻打了四城中之三城, 相信餘下一城, 也在不久的將來, 被為食兵團攻陷, 以便為「攻打四方城」 劃上完美的句號, 大家就故且拭目以待吧!!\r\n\r\n不過在攻打最後一城之前, 食家聚會也是連綿不絕的, 本月份還有再闖桃花園 和西頁行山團, 還考慮什麼? 快點去報名,齊來參加美食之旅啊!!\r\n\r\n\r\n\r\n***************************************************\r\n文: 涼拌雞絲伴蜜桃汁 \r\n攝影: 涼拌雞絲伴蜜桃汁 、專食cheap野、FoodKing\r\n編輯: FoodKing\r\n \r\n\r\n\r\n\r\n