酒店自助晚餐重開!低至6折/龍蝦鮑魚主題/養生主題
2021-02-18

等咗咁耐終於開返晚市堂食啦!各大酒店嘅自助晚餐亦都強勢回歸,各有唔同主題,而且用OpenRice優惠券或者訂座都有折扣優惠。當然都要再提提大家,記得戴好口罩,保持社交距離同個人衛生呀。
 

和牛主題+6折優惠  Le Cafe    


平時覺得和牛有啲貴唔捨得食太多?而家就畀你用一個價錢任食!精選和牛五食包括日式壽喜燒、慢煮醬燒和牛肩胛肉眼、吉列和牛、和牛串燒、鴨肝和牛炒烏冬。另外亦有海膽粒粒籽丼、葉蟹腳,同專人即開生蠔滿足鍾意食海鮮嘅各位。

「和牛日式主題」即開生蠔海鮮自助晚餐
供應日期:即日起至2021年3月7日
供應時間:18:00-21:30
價錢:(星期一至四)成人 $548,小童 $338;(星期五至日、公眾假期及前夕)成人 $578,小童 $358

優惠券:「和牛日式主題」即開生蠔海鮮自助晚餐6折

龍蝦鮑魚盛宴  Park café    


正月當然要食蠔啲,呢間酒店餐廳就以龍蝦同鮑魚為主題,由小食到熱盤都有龍蝦同鮑魚,回本必食花雕鹽漬龍蝦粒蒸蛋、古法竹籠荷葉陳皮蒸鮑魚海鮮飯、鮑魚水蟹粥,同鮑魚野菌撻。其他推介仲有法國生蠔、四重芝士焗生蠔,同地中海千島龍蝦海鮮薄餅呀。

「龍蝦‧鮑魚嚐鮮盛宴」海鮮自助晚餐 
供應日期:即日起至2021年5月2日
供應時間:18:30-21:30
價錢:(星期一至四)成人 $518,小童 $358;(星期五至日、公眾假期及前夕)成人 $548,小童 $368

優惠券:Park café「龍蝦。鮑魚嚐鮮盛宴」海鮮自助晚餐7折優惠
 

滋補養生菜式  Three on Canton    


非常時期大家都想身體健康,尖沙咀呢間酒店餐廳就推出以滋補有益嘅藥膳美饌為主題嘅自助晚餐。特別係主菜以暖胃養生為主,好似當歸肉骨茶 、花旗蔘北菇蒸雞、何首烏黑豆燉肉排湯等。甜品係中西合璧風格,好似菊花香梨意大利奶凍、川椒慕絲蛋糕,夠特別。

藥膳養生自助晚餐
供應日期:即日起至2021年4月30日
供應時間:18:30-22:00
價錢:(星期一至四)成人 $658,小童 $458;(星期五至日、公眾假期及前夕)成人 $698,小童 $488

優惠券:自助午餐、自助晚餐或下午茶自助餐75折優惠
 

韓國主題  The Farmhouse 咖啡廳  


知道大家無得飛又掛住韓國美食,呢間酒店餐廳就推出韓國主題嘅自助餐,大家熟悉嘅韓國炸雞、紫菜包飯、辣炒年糕、海鮮煎餅都應有盡有,連燒肉區都變身為韓燒吧,自選唔同燒肉配搭新鮮蔬菜、韓國醮醬同伴菜!仲有韓國甜年糕同糯米冬甩等甜品,為韓風大餐結尾。

韓國主題自助餐
供應日期:即日起至2021年4月15日
供應時間:18:00-21:59
價錢:(星期一至四)成人 $608,長者/小童 $304;(星期五至日、公眾假期及前夕)成人 $678,長者/小童 $339

訂座優惠:成人自助晚餐八折
 




文:Cathy

關鍵字
酒店
自助餐
和牛
龍蝦
養生
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
情人節愛意滿瀉 甜蜜蜜堂食/外賣下午茶推介
2021-02-01
日本吉列牛排店京都勝牛進駐銅鑼灣 黃金六十秒炸法 推介京都勝牛三味套餐
2021-02-18
楚撚記新line!荃灣新開餃子店 必試黑松露什菌餃+香煎潮汕韭菜粿
2021-02-10
1月份好評餐廳十強
2021-02-09
食肉獸必收藏!牛年到 五間品牛餐廳介紹返
2021-02-11