初秋又嚟喇，最啱就係約埋閨蜜朋友慢慢嘆個下午茶～今次就幫大家精選咗幾個別具特色嘅下午茶，有充滿舊香港情懷嘅復古格調，又有以可可入饌嘅主題下午茶，總有一款啱你～
「縈香・港韻茶敘」下午茶 國金軒 
以復古餐桌佈置重現舊香港茶樓氛圍，將懷舊情懷與現代精緻餐飲完美融合。精緻點心與打卡元素並重，例如盛裝於鳥籠嘅吉品乾鮑魚酥、煙霧繚繞木盒呈上嘅特大叉燒包，視覺與味覺同樣驚喜。點心師傅將傳統港式點心昇華至藝術層次，帶嚟芥末子母蝦餃、瑤柱鵪鶉蛋燒賣等巧思之作；茉莉茶煙燻珍寶金瑤菠蘿叉燒包更以巨型菠蘿包外皮、茶香與煙霧效果成為全場焦點。甜點方面，仲將陳皮、桂花、紅棗等中式食材融入西式甜品，例如香梨枸杞桂花慕絲、陳皮焦糖燉蛋，東西交融，別具心思。
供應時間: 即日起逢星期一至周五，下午3時30分至5時30分
花園絮語下午茶 海岸扒房
同澳洲香薰護膚品牌CANVAS合作推出嘅下午茶，以木盒優雅呈現，宛如將繁花盛放嘅花園搬到餐桌。鹹點之中，茉莉花茶燻三文魚煙韌鮮香，配搭清新花香令人印象深刻；而煙燻和牛胸配上醃黃瓜同辣根忌廉，口感層次豐富又帶少少辛香。甜點方面，朱古力紅桑子蛋糕酸甜交織，濃郁不膩；茉莉花茶忌廉泡芙則將茶香同奶香融合，輕盈細膩，充滿驚喜。
供應時間：由2025年9月6日至12月28日
午後花語下午茶自助餐 Park Café 
週末限定午後花語下午茶自助餐，一系列以花卉入饌嘅精緻鹹甜美點，為賓客織就一場視覺與味覺並重嘅午茶盛典。由清新嘅綠茶冷麵伴櫻花蝦、玫瑰什果鮮蝦沙律，到香甜惹味嘅桂花蜜糖雞中翼、吉列蝴蝶蝦配洛神花乳酪汁，鹹點滋味各具特色。甜點方面同樣驚喜滿滿，櫻花乳酪芝士蛋糕、薰衣草士多啤梨慕絲蛋糕、茉莉花奶凍、玫瑰花荔枝凍、洋甘菊柑橘啫喱杯等，每一款都如花瓣般綻放，層層交織出優雅氣息。另外無限供應果汁、咖啡或茶，讓你同摯友悠然共享一個寫意靜謐嘅午後時光。
供應時間：即日起至2025年10月2日
甜蜜可可下午茶 大堂酒廊
鍾意朱古力嘅朋友留意！可可主題下午茶，將濃郁朱古力融入鹹甜茶點之中，演繹多重滋味。鹹點有迷你牛肉芝士漢堡，以及瑞士風乾火腿配蜜瓜酸瓜撻，鹹香清爽。甜點方面，朱古力咖啡酒芝士蛋糕口感絲滑香濃，榛子泡芙焦糖燉蛋撻香甜有層次，而薑味朱古力芒果慕絲更以辛香襯托果香，帶嚟驚喜組合，每一啖都散發朱古力魅力，為午後添上幸福甜意。
供應時間: 由2025年9月1日至10月31日
更多OpenRice詳細推介：
► 飯局訂座優惠低至37折 龍蝦/和牛/Omakase/薄餅等任你揀！ (按此)
► 名古屋百年雞肉料理店登港 必食交趾雞親子丼．賣逾10億碗！ (按此)
► 2025秋季自助餐合集！海鮮與大閘蟹主題/豪華澳洲龍蝦刺身拼盤 (按此)
文：Yanica
編：Cathy
