【2021生日優惠】持續更新! 11月壽星免費嘆自助晚餐/燒烤/甜品
2021-11-02

開飯仔每個月都會搜羅全港生日優惠,今次就整合咗11月生日優惠。有啲優惠仲會橫跨幾個月份,細心睇可能有驚喜㗎,等你過一個食得滿足又難忘嘅生日。


百樂酒店Park café 4人同行壽星免費 
生日優惠日期:即日至11月30日

鮑魚盛「燕」海鮮自助晚餐以鮑魚同燕窩入饌,炮製燕窩鮑魚雞粒撻、鮑魚雞粒元貝炒飯、燕窩鮑魚龍蝦粥、牛乾菌杞子鮑魚烏雞湯、燕窩桃膠燉蛋白等滋補美食,重有MÖVENPICK雪糕、無限供應嘅果汁同啤酒。而家每4位同行,1位當月壽星可免費享用1次,而同行賓客都有85折優惠,如提前1日預約更可獲贈指定蛋糕1件。

圖:酒店官網

京都勝牛 壽星免費自選甜品  (銅鑼灣設有網上訂座)
生日優惠日期:直至餐廳另行通知,欲了解詳情可聯絡餐廳。

呢間京都過江龍嘅招牌吉列牛扒,沿用總店「黃金60秒」嘅製作方法,以攝氏190高溫將炸牛排至三分熟,令外層口感酥脆,內裡則保持鮮嫩。而家當月生日嘅朋友,提前2日預訂任何分店4位或以上,喺落單時出示身份證明文件作實及享用正價套餐,壽星即可免費獲贈自選甜品1客。

圖:餐廳Facebook


8度餐廳Café 8 Degrees 自助晚餐半價  
生日優惠日期:即日至2021年12月12日

8 度餐廳嘅自助餐價格相宜,而「8度之秋」自助晚餐每日有2款空運到港嘅法國、美國或愛爾蘭即開生蠔,鱈場蟹腳、即煎鵝肝伴黑松露汁、和牛刺身等菜式外,更加入燒烤區、每日鮮製嘅滋補蟲草花燉老雞湯同即製班戟。而家當月生日嘅朋友預訂4位或以上自助晚餐,壽星可享半價優惠,或免費生日蛋糕1磅,或送紅/白餐酒1瓶。


半島酒店大堂茶座 送生日蛋糕1個 
生日優惠日期:直至餐廳另行通知,欲了解詳情可聯絡餐廳。

半島酒店嘅「快樂生辰獎賞」不時轉換菜式,但以西式料理為主,有齊前菜、主菜同甜品。每位壽星於生日當日惠顧大堂茶座晚市套餐2位或以上,即送你生日蛋糕1個;而4位或以上即可享1位免費同獲贈生日蛋糕1個,不過記得72小時前訂座呀。

大將 壽星免費+生日月份半價優惠(將軍澳店 )(旺角店
生日優惠日期:即日至2021年10月31日(已過期)

大將主打90分鐘日式火鍋放題,有多款牛肉套餐,包括鹿兒島黑毛和牛、美國SRF和牛等;而自助區更有唔同嘅火鍋配料、飲品同甜品。而家當月生日嘅壽星同朋友入座滿4位成人,並出示身份證明文件作實,壽星喺正日即時免費,而生日月份嚟都有半價優惠。

圖:chloeyuen1122一齊食勻全香港

鮨吟 當月生日送壽司蛋糕+清酒
生日優惠日期:即日至9月30日 (已過期)

生日想食好啲,又食豪啲,Omakase係唔錯嘅選擇。鮨吟由日本海産市場直送食材到港,製作各式上等日本料理。而家9月生日嘅朋友惠顧廚師發辦,即送清酒300ml及壽司蛋糕。

圖:ayurain0139

Shining 當月生日送冰鎮鮑魚+西式酒
生日優惠日期:即日至9月30日 (已過期)

Shining係主打潮州菜嘅特色酒吧,由5星級酒店前行政總廚坐鎮,炮製古法滷水及其他潮州菜式;好似烹調招牌艾雷鵝肝就加咗威士忌,而招牌白鹵水海鮮拼盤集合大墨魚、大蟶子及新鮮鮑魚等海產。而家9月生日嘅朋友惠顧晚市,會贈送1客冰鎮鮑魚及紅、白酒或香檳1杯。

鳥居居酒屋 當月生日送清酒1瓶
生日優惠日期:即日至2021年11月30日

鳥居居酒屋主打以日本鹿兒島赤雞製作嘅串燒,啱晒鍾意食特色串燒嘅壽星。而家當月生日嘅朋友預訂4位或以上晚市時段,並出示身分證確認本月生日及消費$2,000,就送你300ml清酒1瓶。

圖:XbabychanxVirgo.W

Mokumoku Yakiton 指定分店各有不同優惠
生日優惠日期:即日至2021年11月30日

呢間由日籍料理達人Kei San監修嘅日式豚肉串燒専門店,引入日本岩手縣嘅白金豚,油花分布勻稱;而豬內臟就用本地限量即日貨,連坊間少見嘅豬腰、豬心同豬肝串燒都有機會食到。而家當月生日嘅朋友預訂4位或以上晚市時段,並出示身分證確認本月生日,就可以享用以下生日優惠:

尖沙咀店
1. 全單9折  
2. 720ml嘅清酒買一送一  
3. 免切餅費

銅鑼灣店
1. 送指定清酒1壺

Mo Mo Kushiage 當月生日全單85折+清酒買1送1

生日優惠日期:即日至2021年11月30日 

日式串揚有唔同口味,Mo Mo Kushiage串揚專門店就走關西風。佢哋8成材料由日本新鮮直送,即點即炸,配自家調製嘅醬汁。而家當月生日嘅朋友預訂4位或以上晚市時段,並出示身分證確認本月生日,即時全單85折、酒類買1送1同免切餅費。

泰.夯蝦 「正宗曼谷流水蝦」4人同行壽星半價
生日優惠日期:直至餐廳另行通知,欲了解詳情可聯絡餐廳。

泰.夯蝦標榜正宗泰國流水蝦放題,設有特長蝦缸畀你即夾即燒,另外仲有多款海鮮選擇。凡4位成人其中1位係8月生日,壽星就有半價優惠,但不可與小童優惠共用。

圖:ki918

Fun Fun 串串鍋 麻辣串串鍋4人同行壽星免費
生日優惠日期:直至餐廳另行通知,欲了解詳情可聯絡餐廳。

Fun Fun 串串鍋由四川聘請師傅坐鎮,主理麻辣串串鍋任飲任食放題,而家夏天仲可以任食雪糕;如果加錢亦可以升級轉鴛鴦湯底,有招牌重慶麻辣湯鍋、藥膳胡椒魚肚湯等6款選擇。不過串串款式只有15款,選擇唔算多,但過下口癮都可以接受。壽星喺生日前後7日嚟享用晚市時段,只要4人同行就1人免費,麻辣控咪錯過喇。

圖:food6850Tears_Tearswujoegame

豊勝手丼 當月生日全單9折
生日優惠日期:即日至9月30日 (已過期)

刺身控嚟到豊勝手丼可以試到多款海鮮丼,好似三國雲丹就有齊紫海膽、加拿大海膽同日本海膽;另外亦有各式壽司、定食同Omakase可以揀。而家當月生日嚟用餐時,出示身分證確認本月生日,全單有9折優惠。

圖:餐廳Facebook

Hungry Monkey 當月生日全單9折
生日優惠日期:即日至2021年11月30日

西日裝潢嘅Hungry Monkey主打日式鐵板燒,有各式大阪燒、海鮮、小食同果味雞尾酒,坐吧檯的話仲可以近距離睇廚師炮製菜式。而家當月生日嚟用餐時,出示身分證確認本月生日,全單有9折優惠。

圖:沛楹

燒肉臻 當月生日贈送清酒
生日優惠日期:即日至2021年11月30日

主打日式燒肉嘅燒肉臻除咗有專人燒肉服務,店內更設有熟成櫃自家低溫熟成牛肉,同埋特別引入嘅自助清酒售賣機。而今個月生日嘅朋友有口福喇,只要晚市嚟用餐時出示身分證確認本月生日,就會贈送指定清酒1瓶(300ml)同你賀一賀。

圖:Taste.n.tell海巷心處

八歌仙 壽星半價嘆和牛燒肉套餐
生日優惠日期:直至餐廳另行通知,欲了解詳情可聯絡餐廳。

呢間日本鐵板燒店主打鐵板燒放題,選擇多樣,肉質上盛,食客能額外追加無限暢飲。而家當月生日嘅朋友嚟惠顧Blackmore M9+澳洲和牛(HKD498)或A5熊本和王和牛(HKD688)燒肉套餐,都可以享有半價優惠。入座時需向職員出示身份證明文件證明。每枱只限一位使用呢個優惠,亦唔可以同其他優惠同時使用。而星期五、六及公眾假期不設此優惠,所有加一服務費會以原價計算。

圖:餐廳Facebook

一幻拉麵 中環店限定正日免費任食拉麵
生日優惠日期:2021年7月1日至31日 (已過期)

以香濃甜蝦湯底做主打嘅過江龍拉麵店一幻拉麵,今個月生日嘅朋友,喺正日生日去中環店都可以免費任食各款拉麵,仲唔限數量,不過會收加一服務費。而本月壽星喺非正日去都有半價優惠,同行朋友就有八折。

寬巷子 打邊爐送粉盒花園
生日優惠日期:直至餐廳另行通知,欲了解詳情可聯絡餐廳。

以藝術手工火鍋見稱嘅寬巷子主打麻辣鴛鴦火鍋,嚟到必點招牌玫瑰松板豬、冬甩子、枝仔冰、墨條牛軋等由外形到餡料都用心雕琢嘅火鍋配料。而當月生日嘅朋友提早至少兩日預訂4位或以上晚市時段,並喺訂位時講明慶祝生日,就會送原價價值HKD328嘅粉盒花園畀壽星,入面結合咗餐廳招牌蔬菜花藝拼盤同麻辣湯底醬料萬用醬。

La Famille 免費嘆戚風小蛋糕
生日優惠日期:2021年11月15日至17日

La Famille嘅戚風蛋糕深受女士歡迎,而每個月都會挑選一日壽星送蛋糕俾佢哋。今個月嘅幸運兒係11月25日生日嘅你!只要喺11月15日中午12時至11月17日中午12時期間,按以下登記步驟,就會免費送一件10cm戚風小蛋糕,活動採取先到先得形式,而成功登記嘅壽星會收到電郵通知。

登記步驟:
1. Follow其的Instagram(@lafamillecake)及like Facebook(@lafamillechiffoncake)。
2. 進入網站 https://event.lafamillecake.com 填寫並提交個人資料,留意返今次門市兌換日期可以選擇11月22日至11月25日其中一日。
3. 成功登記後,你將於48小時內收到成功登記電郵通知。
4. 得獎者將會於11月19日或之前收到獲獎電子換領信。
5. 憑換領信上的QR Code於所選擇嘅日期同La Famille分店換領獎品,並向店員出示有效的身份證明文件核對姓名及出生日期即可以換領戚風小蛋糕。

校長燒肉日韓料理 餐廳專頁留言即送海鮮拼盤
生日優惠日期:直至餐廳另行通知,欲了解詳情可聯絡餐廳。

設刺身、燒烤、火鍋、熟食、甜品和酒類等9個區域任食,連啤酒、清酒都任飲。只要於餐廳Facebook 專頁留言「生日快樂」 並惠顧晚市B至D時段,入座滿2位即送極上海鮮拼盤(一客);入座滿4位或以上,加送拉絲芝士骨(一客)。另外,當日生日者入座滿6位,惠顧晚市7:15黃金時段即可升級無限時任飲任食,及免費追加生日佈置 (此優惠可與生日全單88折同時使用)。

圖:cargo001

優惠詳情:餐廳Facebook 專頁留言「生日快樂」 並惠顧晚市B至D時段,入座滿2位即送極上海鮮拼盤(一客);入座滿4位或以上,加送拉絲芝士骨(一客)。當日生日者入座滿6位,惠顧晚市7:15黃金時段即可升級無限時任飲任食,及免費追加生日佈置。
(優惠需提早不少於一天前預訂。此優惠只限元朗店/荃灣店分店)

真秘鍋 生日月獲贈玫瑰松阪豬一客
生日優惠日期:2021年5月28日 至 2021年6月27日(已過期)

真秘鍋有多款真材實料湯底,開動前一定要飲碗湯暖胃先。6月仲有夏日限定湯底—素翅貴妃冬瓜盅,清甜消暑;招牌湯底就有每日限量嘅九五之尊,係用即撈游水龍蝦、海蝦熬煮。壽星免費獲贈嘅玫瑰松阪豬係招牌配料之一,係豬頸肉連接下巴位,特別鬆化爽口。

圖:kitty1215carmanxchan

優惠詳情:生日月獲贈玫瑰松阪豬一客。

Chalet 送指定甜品及寫祝福語 
生日優惠日期:2021年6月1日 至 2021年6月30日(已過期)

去到門口已見到有格調嘅瑞士小木屋設計,好啱情侶食餐溫馨生日飯。呢度主打高級西式料理,烤加拿大豬鞍配焦糖肉桂蘋果、法式海龍王配麵包、西班牙烤乳豬都好推薦。6月生日壽星獲送指定甜品一客,提早向店家講低寫祝福語仲可以畀個驚喜壽星~

圖:Foodie.therapyyyDaDa.C

優惠詳情:6月生日壽星享用午餐或晚餐,獲送指定甜品一客及寫祝福語。

Tiffany Blue Box Cafe 送Blue Box Cake+Tiffany & Co. 旗艦店導賞
生日優惠日期:直至餐廳另行通知,欲了解詳情可聯絡餐廳。

夢幻藍色玻璃設計嘅Cafe,透光柔和,女生一定鍾意!套餐有前菜、湯同主菜,前菜可揀龍蝦沙律、香煎北海道帶子等;主菜則有黑松露醬烤雞三文治、鹹蛋黃卡邦尼意粉或龍蝦扁意粉等選擇。生日壽星可享一份迷你Blue Box Cake,並免費於全港最大Tiffany & Co. 旗艦店導覽體驗,由專人帶領欣賞店內藝術品及高級珠寶。

圖:yingyo甘甘子

優惠詳情:生日月份內訂座,即可享一份迷你Blue Box Cake 及於Tiffany & Co. 旗艦店導覽體驗。

龍鼓灘海邊BBQ 壽星免入場費+氣球佈置
生日優惠日期:直至餐廳另行通知,欲了解詳情可聯絡餐廳。

自助燒烤提供40幾款美食任燒,有麻辣雞翼、原味牛扒、香茅豬頸肉、蜜汁叉燒等,可以同朋友家人食足一晚。除咗出名靚海景,同場亦有各種玩樂設施,黃昏時段可以睇日落,夜晚亮燈後仲好有氣氛𠻹!

圖:christyc8JessicaLiao

優惠詳情:生日客人出示生日證明,於生日當天或7天前可享以下優惠,包括生日客人免燒烤入場費、提供1套氣球裝飾佈置、贈送生日卡1張、即影即有拍攝1次、生日歌曲點播等。優惠不可轉讓,最新詳情可致電店家查詢。

forte Vivva會員獲生日餐點及氣泡酒或紅酒
生日優惠日期:Vivva會員優惠由2019年7月15日起生效,詳情可向有關餐廳查詢。

餐廳有半開放廳房,環境開揚氣氛輕鬆,係觀塘區高質半自助餐,晚餐自助頭盤有鮑魚、蟹腳、凍蝦、刺身同沙律等,主菜則有威靈頓牛柳、德國豬手等,甜品有各款蛋糕、水果、Movenpick 雪糕等。只要成為如心酒店集團Vivva會員,可於生日月份喺forte 同集團旗下其他餐廳都享優惠。

圖:Lawrence Lau技巧樹熊

優惠詳情:生日月份期間惠顧forte 同如心酒店集團旗下餐廳之早午餐、午餐或晚餐時段,可獲贈生日餐點 (例如:精選甜品) 及氣泡酒/紅酒。

Dodam Chicken 壽星9折生日優惠 
生日優惠日期:2021年3月1日 至 2021年12月31日

韓國人氣店Dodam Chicken 登陸香港幾年,有韓式炸雞、馳名薄餅烤箱脆焗雞等選擇,一直大受韓迷歡迎。店家參考北歐國家特別做法,以27種天然草藥醃製炸雞,食落雞肉嫩滑又帶微微天然草本味道。又特以超過攝氏400度烤爐焗製,迅速逼出雞肉脂肪更健康,食多幾件都唔膩呀。生日優惠暫時去到2021年年尾,韓迷生日不妨考慮吓!

圖:yukiyu105Kwokclaw3

優惠詳情:出示OpenRice 優惠券,壽星享9折生日優惠。

CHEF STAGE de Eddy Chu 生日或周年紀念送寫名甜品一客 
生日優惠日期:2021年7月1日 至 2021年7月31日(已過期)

尖沙咀港鐵站一出行2分鐘就到,係間位於19樓嘅靚景西餐廳,由30年入廚經驗嘅老闆兼主廚主理,擅於將傳統法國料理融入新元素。喺度可以一邊飲紅白酒、一邊鋸扒,由餐湯到甜品都相當精緻,好有氣氛。唔少人鍾意呢度嘅「海鮮拼盤」,份量款式豐富,想食餐浪漫生日飯就啱喇。

圖:enricafafa信我揀呢間

優惠詳情:生日客人獲送寫名甜品一客。

魚鮮生 送西班牙LOLEA有汽紅/白酒
生日優惠日期:2021年5月1日 至 2021年5月31日(已過期)

銅鑼灣登龍街低調小店,不計成本每日由日本直送魚材,堅持唔會畀客人食隔夜貨,魚材真係同日本食嘅一樣鮮甜!特別係北海道海膽,比坊間常用嘅加拿大海膽更Creamy 同重海水味。同場仲有拖羅、喜之次、牡丹蝦等壽司刺身。5月壽星只要提早一日訂位四人訂枱,即送西班牙LOLEA有汽紅酒或白酒。

圖:karitangkk_genki

優惠詳情:5月壽星提早一日訂位四人訂枱,即送西班牙LOLEA有汽紅酒或白酒。

黑木亭 送祝福語甜品
生日優惠日期:2021年5月5日 至 2021年7月31日(已過期)

天后居酒屋主打串燒,同場仲有多款和牛、海鮮主菜,食串燒都可以當晚餐食得好飽!人氣串燒有明太子雞肉、白鱔、黑毛和牛串、厚燒牛舌等。和牛系列有超厚切和牛三文治,特別鋪上海膽、黑魚籽醬;和牛他他則燒至一成熟,軟綿綿又食到和牛原始味。

圖:瑪莉奧娜

優惠詳情:出示OpenRice 優惠券,即享蛋糕一客及免費寫上生日字句。

Plato Cafe & Bistro 送蛋糕一客及免費寫生日字句
生日優惠日期:2021年8月1日 至 2021年8月31日(已過期)

油麻地樓上Cafe 環境好坐,以醒目美國海報畫風做主題,情侶或一班朋友嚟食都好啱。菜式奉行美國風夠大碟,鋸扒、德國豬手、Burger同意粉都有,成班朋友一齊Share食慶生最啱。推介德國脆皮鹹豬手、黑松露牛面頰肉意大利飯同龍蝦汁大蝦意大利飯。

圖:hkerchillcheeseigfoodtaste

優惠詳情:出示OpenRice 優惠券,即享蛋糕一客及免費寫上生日字句。

德家日式燒肉店 壽星任飲任食日式燒肉/火鍋2小時半
生日優惠日期:2021年4月1日 至 2021年4月30日(已過期)

店內有沙律、甜品、雪糕自助吧;飲品區則有啤酒機、汽水、冷泡茶等。有「海鮮刺身盛燒肉半放題」、「刺身盛升級肉類火鍋半放題」等多款套餐選擇,可以食到刺身、海鮮、牛舌、牛肋肉,豬頸肉等,4人同行食燒肉/火鍋放題,1位壽星享免費任飲任食㗎!

圖:步菲foodiemapping

優惠詳情:4人同行惠顧燒肉/火鍋放題,1位壽星享免費任飲任食。

渝味曉宇 白羊座可獲半份紐西蘭精品羊肉卷
生日優惠日期:2021年3月21至4月20日(已過期)

主打重慶火鍋,有重慶出名嘅九宮格麻辣大紅鍋,同場亦有鴛鴦鍋供選擇。麻辣湯底又香又麻,同安格斯肥牛、羊肉卷肉味香濃,同麻辣湯底特別夾。海鮮有桂花蚌、鮑魚等,新鮮爽口;蔬菜則有栗米、蓮藕、手工萵筍等。白羊座朋友於白羊月內(3月21至4月20日)喺堅尼地城分店消費,即可享半份紐西蘭精品羊肉卷。

圖:ccrreamiyanyanyan5252

優惠詳情:白羊仔女於2021年3月21至4月20期間,於堅尼地城分店消費,即可享半份紐西蘭精品羊肉卷。

Pom's Kitchen & Deli 生日送自選甜品 
生日優惠日期:2021年2月26日 至 2021年3月26日(已過期)

呢間佐敦小店係由英國回流夫婦主理,佈置充滿英倫格調。主打新派西餐,將傳統同新式食材融合,以「番茄芝士焗牛尾千層麵」為例,就係以燴牛尾拆肉代替平常嘅免治牛肉,更有咬勁。同場仲有「炭燒美國穀飼連骨肉眼扒」、「龍蝦忌廉汁蟹肉龍蝦意大利飯」、「海鮮拼盤」同「原隻炭燒波士頓龍蝦配松露薯條」等。

優惠詳情:出示OpenRice 優惠券,生日客人獲送自選甜品。

響 - Hibiki 日本燒肉 4人同行.1位壽星免費
生日優惠日期:直至餐廳另行通知,欲了解詳情可聯絡餐廳。

主打日本放題燒肉,一次過食到刺身、和牛燒肉放題。只要生日4人同行,即享1位壽星免費!呢度有任食日本空運新鮮活魚刺身+和牛燒肉放題,刺身包括櫻鯛、金線鯛、深海池魚、池魚、金目鯛、黑鯛等多達40款。甜品仲有Movenpick、Haagen Dazs 雪糕任食,夠晒滿足。

圖:eatneverlateKathyPun

優惠詳情:4人同行,1位生日客人免費。

生日飯局
好友生日飯局的環境、食物質素、驚喜等因素都很重要,開飯仔集合各類最適合慶生的餐廳,方便飯局搞手。
餐廳資料
更多
收起
本月熱門
【2021生日優惠】持續更新! 11月壽星免費嘆自助晚餐/燒烤/甜品
2021-11-02
【隨時更新】零食速報 每周新款零食、酒品點評
3天前
10月份好評餐廳十強
2021-11-04
【2021聖誕】美食多籮籮!4大聖誕市集逐個睇
2021-11-15
【2021聖誕】甜蜜蜜冬日!6大聖誕節下午茶精選
6天前