【訂座感謝祭】 快閃$20餐飲券第三彈 激抵西餐優惠
2020-10-02

--此優惠活動已完結,感謝大家踴躍參與--

今時今日嘅香港,樣樣嘢都貴,連麵包都要成$10個,拎住$20可以食到啲乜?

只要你夠快手,$20,分分鐘就可以食到熟成西冷牛扒甚至成個Lunch Set喇!OpenRice由9月21日起,一連8個禮拜舉行訂座感謝祭,有一連串訂座優惠兼抽獎,總之多訂就多獎啦。嚟到第三個禮拜嘅$20快閃優惠,係約飯局無得輸嘅西餐呀!買$20快閃優惠仲可以獲得3次抽獎機會(詳情按此),頭獎係最新型號Macbook Pro,仲有125份獎等你攞!

即刻睇下有邊幾間餐廳提供激抵優惠,mark實心水、約定朋友飯局時間,10月5日秒搶$20餐飲券啦!

油麻地 慢理牆城


$20快閃優惠:慢落豬(慢煮西班牙冰花酸梅黑毛豬串燒配甜蕃薯角)$268

鄰近油麻地港鐵站嘅Cafe,裝修以森林為主題,以原木同綠色為主調,可以話係鬧市當中嘅一片休閒綠洲呀。環境加分嘅同時,食物亦有水準,今次$20就食到嘅「慢落豬」即係煮西班牙冰花酸梅黑毛豬串燒配甜蕃薯角,黑毛豬肥瘦適中,肉質細嫰Juicy。

旺角 Sky726


$20快閃優惠:精選午市套餐(是日餐湯,是日沙律,慢煮澳洲草飼西冷配紅酒汁,是日甜品,即磨咖啡或英式紅茶)$204

平時去有靚景嘅餐廳怕埋單會肉赤?旺角呢間位於25樓頂層嘅酒吧餐廳就又有落地玻璃畀大家飽覽鬧市景致,同時定價親民,係唔少人慶祝紀念日嘅首選。而家仲要用$20就食到非常豐富嘅精選午市套餐,主菜澳洲草飼西冷特別用慢煮方法留住肉汁,令口感更柔軟甘香。

天后 ROJO


$20快閃優惠:小食套餐(西班牙白毛豬風乾火腿(24個月),炸雞粒配蜜糖芥末醬,紅酒一杯)$208

炮台山人氣西班牙餐廳,裝修走簡約風格又不失情調,招牌菜西班牙海鮮飯相信大家都好熟悉,Tapas就比較多驚喜,因為既有西班牙傳統口味,亦有Fusion配搭嘅選擇。小食套餐就最啱Happy Hour三五知己放鬆下,配搭好晒唔使煩而且廿蚊就食到啦!

觀塘 i kitchen


$20快閃優惠:香煎美國極黑豬肉眼伴北海道刺身帶子及意大利黑醋 $218

幾時都話觀塘工廈臥虎藏龍,好似呢間西餐廳就勝在氣氛浪漫,菜式擺盤精緻,而且價錢合理,所以累積咗唔少好評㗎。美國極黑豬係以天然飼料飼養,肉質特別鮮嫩多汁,肉眼部位就更為柔軟。配以北海道刺身級帶子,盡享海陸鮮味。

旺角 Bellevue Bar and Grill


$20快閃優惠:熟成西冷牛扒 $270

無肉不歡嘅朋友一定有聽過熟成牛扒,旺角呢間餐廳就特別從德國進口乾式熟成肉櫃,自家熟成嚟自世界各地嘅優質牛肉。乾式熟成可以令肉質軟化,同時提升風味,所以熟成過嘅牛扒燒過後更富牛香亦更多汁。今次用$20就食到一份熟成西冷牛扒 ,真係好抵!

尖沙咀 ShowTime Sports Bar


$20快閃優惠:薄餅套餐(巴馬火腿 / 煙三文魚薄餅 + Mojito / Lynch Berg Lemonade)$214

坐落喺尖沙咀諾士佛台嘅酒吧,環境寬敞,有向街嘅露台座位,仲具備Beer Pong、飛鏢機、桌球檯等。食物以日式同西式為主,例如和風串燒、漢堡、意粉等,選擇多元化。薄餅套餐就包一份薄餅同一杯飲品,食飽再慢慢玩返晚。

佐敦、油麻地 Plato Cafe & Bistro


$20快閃優惠:紐西蘭西冷牛扒 $268

呢間餐廳喺油麻地彌敦道同佐敦吳松街都有分店,油麻地店有落地玻璃窗可以睇住街景享用美食,佐敦店牆上有插畫感覺Relax又舒適。主打一系列精心配搭嘅歐陸西餐,招牌菜有德國脆皮咸豬手、炭燒BBQ豬仔肋骨等。而今次$20就食到嘅紐西蘭西冷牛扒分量十足、口感嫩滑,CP值極高!

尖沙咀 Gulu Gulu


$20快閃優惠:小食套餐(牛舌雞翼各一串+ Bombay east gin and tonic )$264

酒吧裝修走現代藝術風格,感覺特別Chill,而且唔少得最新型嘅Beer Pong枱同桌球檯,邊飲邊玩最過癮。食物方面唔少人會推介佢哋嘅串燒,因為選擇夠多,包括燒丸子、大蔥豬腩肉、煙肉車里茄卷等等。小食套餐就幫大家揀咗最受歡迎嘅牛舌同雞翼,同樣即叫即燒,滋味無窮。



記得星期一朝早10點正就開搶喇!
訂座感謝祭 詳情 (按此)



關鍵字
訂座感謝祭
訂座
優惠
西餐
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2021生日優惠】持續更新!9月壽星嘆Omakase送壽司蛋糕+清酒
2021-08-31
【隨時更新】零食速報 每周新款零食、酒品點評
5天前
【特約分享】Happy Hour飲番杯Schweppes®期間限定特飲!9間必去銅鑼灣餐廳(下)
2021-08-31
Chill住嘆Tea!9月份下午茶推介
2021-09-06
8月份好評餐廳十強
2021-09-08