468
37
10
港鐵觀塘站 B1 出口, 步行約6分鐘 繼續閱讀
電話號碼
27119777
開飯介紹
觀塘工廈餐廳,室內設計及食物水準均令人有驚喜,不設入座限時,適合友人飯局。 繼續閱讀
營業時間
今日營業
12:00 - 15:00
星期一至日
12:00 - 15:00
*午餐最後落單時間: 14:30 晚餐最後落單時間: 22:00
付款方式
Visa Master AlipayHK 支付寶 現金 OpenRice Pay
座位數目
60
其他資料
支持防疫 詳細介紹
網上訂座
Wi-Fi
酒精飲品
自帶酒水 詳細介紹
泊車 詳細介紹
電話訂座 詳細介紹
外賣服務
加一服務費
電視播放
當面支付
有關獎賞計劃
食評 (541)
等級4 2020-12-13
496 瀏覽
之前聽舊同事講呢間餐廳唔錯,所以今晚同我的他嚟試吓☺️嚟到工業大廈,入到餐廳係另一個世界,裝修簡約舒適☺️似回到家有溫馨的擺設🧸本來諗住點2款主菜加甜品,原來加$58可以轉餐,包括餐湯、前菜、甜品同飲品,都幾好喎,一於轉餐啦😝餐湯係紫薯湯,我自己未試過,湯上到枱,好香紫薯味喎!夠熱,甜甜哋都幾得意,係值得試的👍海膽忌廉海鮮撻。面層係酸酸的泡泡,空氣感滿滿,小小的盒內有乾坤,有蝦、帶子同海膽忌廉汁,又香又好味,牛油皮嘅盒脆脆的,成件事非常匹配,好開胃啊😍香煎厚切鵝肝伴紐西蘭牛柳$208。主菜到了!嘩!我最愛嘅鵝肝真係厚切㗎😍仲有2件牛柳,牛柳嘅特點係比較腍、無渣,餐廳完全做到喎,我都係一貫點5成熟,因為鍾意茹毛飲血嘅感覺🤣餐廳嘅牛柳牛味香濃,鵝肝煎到脆脆,內裡好香滑,正啊🤤燒日本水飼豬豚腩肉配蜜糖芥末醬$148。呢款主菜令我哋好驚喜!一切之下,非常非常腍,一絲絲嘅豚腩好易分開,因為係腩肉,所以中間係隔沙肥膏,肥膏同豬肉係一層一層咁隔開😍😍😍但食落半點不膩!仲有啲汁襯埋個豬腩肉,好有梅菜扣肉feel🤣🤣🤣但呢款主菜真係整得好好味😋仲有一樣要讚,餐廳整碟邊嘅配菜都好有心機,整到幾配菜個樣靚靚咁👍飲品並不單純只有咖啡或茶,仲有其他特飲可以點,我同我的他,分別點咗特飲(雜果汁)同蜜桃雜莓紅茶😌甜品係抹茶紅豆蛋糕,食埋呢個甜品就完美作結了☺️ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-13
243 瀏覽
餐廳在工廈內,電梯門一出轉左便到,已經有聖誕佈置,很有氣氛,餐廳的座位寬敞,枱與枱之間的距離較遠,感覺安全。我們點了兩款主菜,加$58升級為套餐,有湯、飲品及甜品。.是日餐湯- 甘筍湯湯充滿了甘筍味道,湯比較稠,綿綿的,充滿了甘筍蓉,少少粒粒有些口感,加入忌廉更加滑溜。頭盤- 海膽忌廉海鮮撻上面是帶有酸味的泡沫,吃起來幾有趣,泡沫下面有帶子仔及蝦,撻皮是我很喜歡的曲奇皮🤩,焗得十分脆。輕煎北海道刺身帶子,黑松露意大利飯 | $128意大利飯上面鋪滿了芝士,黑松露及芝士的味道十分香濃,意大利飯好creamy。🤤🤤有三粒帶子,大粒夠甜。厚切美國安格斯肉眼 | $208點了七成熟的牛扒,裝飾得幾靚,配有燒汁。牛扒中間部分有些油脂好香,肉質幾淋。棉花糖鮮奶朱古力 | 跟餐加$8朱古力上面有幾粒棉花糖,鮮奶朱古力味道不會太甜。甜品- 檸檬芝士餅擺碟畫上了幾朵花好靚,芝士餅有檸檬的酸味,十分開胃解膩,如果有多件食就好了。 繼續閱讀
(以上食評乃用戶個人意見 , 並不代表OpenRice之觀點。)
一年一度同💁🏻‍♀️女神食生日飯,我地連續幾年都係揀啲好味😋,又岩傾計同抵食嘅地方。今年都一樣,我地搵左觀塘一間工業大廈入面嘅餐廳。佢呢到係區內都算幾受歡迎,😎我地平日黎,都差唔多full house, 好在我地有book 枱。今次食過之後都好明白點解呢到咁受歡迎。🤔我地叫左兩個main 之後加$58轉左做set!😊👍🏼佢個set係包左前菜、餐湯、甜品同飲品啊!⭐️前菜 - 忌廉海鮮tart🦐一黎到賣相一流,上面有蛋白泡泡,吉爆左之後就有忌廉、蛋、海鮮tart!⭐️我地另外仲加左$68 要左個厚切鵝肝😍呢個極度推薦要加埋!超好味😋,鵝肝厚切,一啖鵝肝,味道濃郁,再配埋鮮甜嘅菠蘿🍍!正!⭐️餐湯 - 大蒜忌廉湯🧄蒜味又唔係好重炸,幾好飲同易入口。⭐️北海道刺身帶子黑松露意大利飯😍推薦呢個啊! 好creamy, 帶子同芝士嘅份量又夠。👍🏼⭐️芝士海膽醬焗龍蝦🦞伴龍蝦汁天使麵呢個就比較普通,個人認為龍蝦焗完之後有點乾身。同埋本身都唔係幾鍾意食幼面。⭐️甜品 - 檸檬🍋批作為是日甜品黎講,算係唔錯啊。唔係太甜,小清新嘅感覺。🎉因為女神生日嘅關係,我地升級左個是日甜品做⭐️鏡面伯爵茶朱古力蛋糕🍫配雲呢拿雪糕。🍦上面嘅鐘面有淡淡嘅伯爵茶味道!仲有餐飲啊!⭐️荔枝草莓綠茶🍵 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-03
164 瀏覽
想再一次回味煎刺身帶子,食過無數西餐廳,只得這間既煎帶子令我神魂顛倒這間餐廳位於觀塘工廈內,一出𨋢周圍只有寫字樓,唯獨只有這間餐廳,感覺隱蔽,一入餐廳內被書架吸引著,放了兩隻熊啤啤,浪漫氣氛帶一點淘氣喜歡Menu 內加錢$58可以轉套餐,套餐包括頭盤,湯,甜品,咖啡或茶,套餐真心抵食先上餐湯頭盤,海膽忌廉海鮮撻餅撻底出色,忌廉打出來泡沫賣相很吸睛,味道亦一流,雖然食不出海膽味,但新鮮蝦夠彈牙另加$38 輕煎刺身帶子這碟是我最期待既皇牌菜,煎香帶子面層,咬入口內裡半刺身帶子夠彈牙,超好味,忍不住order了2次主菜:煎鵝肝意大利飯鵝肝煎得香口,意大利飯夠煙韌,正宗意大利飯口感主菜:香煎美國黑豚豬肉眼煎豬扒最考廚師技巧,太熟會韌,太生又會有血水,但這個豬扒煎得恰到好處,肉夠juicy惹味,大愛餐飲可以轉特飲荔枝梳打荔枝肉夠大粒甜品:抹茶紅豆糕碟上畫花很靚,抹茶夠濃,搶了筆少紅豆分埋單都只是每人$270, 每樣菜式好食,環境又浪漫,價錢又吸引,沒有挑剔可言,無試過係你嘅損失! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-23
402 瀏覽
🎊OpenRice活動開賣,今次熊妹又搶到特價西餐,以$20價錢享受到原價$218香煎美國極黑肉眼配北海道刺身帶子給意大利黑醋。📌熊妹神不知鬼不覺,捕捉樹熊收工帶佢去到觀塘工廈的《i kitchen 》試吓呢個晚餐。‪📌晚上7點‬嚟到,都未算好多人。餐廳燈光柔和,營造暗暗浪漫的氛圍。📌餐牌就係大路西餐食物,有頭盤、 小食、湯、意粉、薄餅、主菜都有齊。而凡惠顧主菜、意粉、飯、薄餅類都可以加$58轉套餐包括有海膽忌廉海鮮撻,是日餐湯,是日甜品同餐飲。海膽忌廉海鮮撻黃甘甘嘅海鮮撻,賣相幾吸引喎。味道方面,熊妹認為有點腥,唔知係咪因為有海膽嘅成份,入邊仲有隻蝦同埋帶子仔,連埋稀稀忌廉汁易入口,牛油撻皮都幾鬆化,不過熊妹真係唔係幾好海鮮,所以都係俾晒樹熊食啦。是日餐湯今日嘅餐湯係紫薯湯,好少餐湯會用紫薯,都幾特別。紫薯料好足,啖啖綿綿嘅紫薯蓉好緩胃,仲跟咗條麵包乾,點湯嚟食最岩。樹熊就麻麻呢個湯啦,今次輪到熊妹清晒。香煎美國極黑肉眼配北海道刺身帶子給意大利黑醋,$218一心嚟試呢個優惠價嘅西餐,就睇吓餐廳的功架喇。黑豚肉眼兩邊煎得金黃的,可惜黑豚肉質比較鞋口同乾身,無論乜肉汁,要咬得比較有嚼勁,老實點講,熊妹同樹熊就真係唔係幾識欣賞。而且份量比較少,大概手掌心咁大,如果原價係$218來講就真係唔係好抵啦,定係因為優惠價而將貨就價呢?反而香煎帶子就幾唔錯,帶子有三大粒,肉質都幾冧,唔會煎得過老變成瑤柱,亦都唔腥,係帶子可以挽回一點分數。醬燒美國豬仔肋骨,$148黑毛豬咁細份又唔係咁啱食,都係要叫多款主菜啦。豬仔肋骨得半份,有四條,肋骨肉質超冧,燒烤醬好濃但又未至於好入味,感覺上就好似肋骨恰完煲熟之後再塗上燒烤醬然後上碟,熊妹覺得味道都還可以,但樹熊就覺得唔係焗豬肋骨係恰豬肋骨,無咁入味,欠缺誠意。扒德國肉腸拼盤,$158樹熊最鍾意食腸仔,仲要鍾意係叉住成條腸,一啖啖係咁咬,所以佢一見到呢個肉腸拼盤即刻心心眼。肉腸拼盤有豬肉雞肉同牛肉,不過味道就唔係好分別到咩肉打咩肉啦。每條腸都好粗好大條,腸皮煎得脆脆地,叉住一條食真係啖啖肉,仲有芝士心好滋味,熊妹都係跟住樹熊先會咁食,始終餐桌都要有禮儀嘛。拼盤真係好多條,兩個人食真係食唔晒,連大食樹熊都話食淨算數。配碟一兜炸薯條,係幼身的,所以炸得比較脆口,幼幼地一條無多薯仔肉,好快就被樹熊清晒。是日甜品最後上埋甜品,芒果慕絲蛋糕。身為蛋糕妹的熊妹對呢款蛋糕真係有啲失望,芒果慕絲層太實,魚膠粉太多,芒果味又欠奉,只係靠色素上色。蛋糕層質地好乾好鞋,成個蛋糕就好似做咗好多日然後擺喺雪櫃好多日咁,真係好難入口,最後好少浪費食物的熊妹都係放棄咗。📌整體來講呢間西餐廳《i kitchen 》嘅地理位置,食物質素都未至於呢個價錢,簡單啲來講,係有啲偏貴,或者係樹熊同熊妹都唔識食好野,都係寧願食返茶餐廳好過。 繼續閱讀
(以上食評乃用戶個人意見 , 並不代表OpenRice之觀點。)