【特約分享】新年去始創 食盡中、日、國際賀年佳餚
2020-01-13

新年最重要係團團圓圓,約齊親朋好友聚首一堂食餐好!食飯選址交通便利好緊要,位於旺角嘅始創中心就夠晒方便,交通四通八達,商場除咗匯集約200間唔同類別嘅商舖,仲齊集中、日、國際美食佳餚,選擇多多,梗有一間啱大家口味,而家仲要有唔少食肆都推出新春優惠𠻹!

坐得舒服 簡約風高質西菜
鍾情西餐嘅朋友有口福喇,始創中心內嘅西餐廳喺呢個新春就推出超值著數優惠,以下介紹嘅兩間食肆,都係HK$200就有找嘅高質西餐,小家庭或情侶們係新年想食得划算就啱晒啦。

Amica(3樓315-317號舖)

餐廳光線開揚,座位舒適闊落,畀到你有種酒店級嘅感覺。一問之下,原來真係由前酒店大廚主理,食物質素有保證,價錢親民,除咗咖啡、特調飲品、意粉同漢堡外、仲有潮流大熱嘅慢煮菜式𠻹。

慢煮西班牙伊比利黑毛豬鞍扒係以較低溫度用長時間慢慢煮熟肉扒,令肉扒更鮮嫩多汁,今次更用上西班牙黑毛豬,特點係以橡木子為主飼料,令肉質無豬肉羶味之餘仲帶有榛果香味,入口唔覺油膩,營養價值高而且健康,只需HK$198就食到,真係非常超值啊!

而家Amica仲推出冬日限定優惠,奉送鮮果朱古力火鍋(價值HK$128),鍋底係55%意大利黑朱古力,將配料棉花糖、餅乾條、士多啤梨、哈蜜瓜同藍莓等沾上朱古力同食,甜而不膩,滋味無窮。


Amica新春優惠詳情

慢煮西班牙伊比利黑毛豬鞍扒 HK$198(優惠期︰即日起至 2020年1月31日)
冬日限定朱古力火鍋(需惠顧晚餐滿HK$500,每日限量10份)(優惠期︰即日起至 2020年1月31日)

(訂座電話2338 6828 )

RBTea(2樓232號舖)

簡約森林系嘅RBTea 以淺木色為主調,清新雅致,充滿大自然氣息,店內仲有特式鞦韆座位,又好玩又可以影相,同閨蜜、伴侶或者小朋友嚟必定開心。食物方面主打Fusion 西餐,菜式種類多,除咗必有嘅靚扒、意粉、薄餅外,女仔一定鍾意嘅鬆餅更全日都有供應,有鹹有甜超多配菜選擇,成班人歡聚一齊Share 就最啱。

而家RBTea仲推出新春優惠,只要HK$139就食到紐西蘭黑安格斯西冷,黑安格斯牛以天然草飼飼養,西冷扒足8.5 安士,相當厚身,肉質鮮嫩,微微焦香,牛香味濃,呢個價錢仲包埋沙律/餐湯、脆薯角/飯/意粉 同餐飲,份量十足,真係相當抵食!

RBTea 新春優惠詳情

紐西蘭黑安格斯西冷(8.5安士)HK$139
優惠期:由2020年1月24日 至 2月2日

(訂座電話 2625 1833 )

喜慶團圓 豐盛中菜
農曆新年係一家人團聚嘅大日子,食一餐豐盛嘅團年飯自然唔少得,而熱鬧喜慶嘅中菜往往係最佳選擇!始創中心其中2間人氣中菜館就特別推出新春優惠,海港酒家推出嘅12位全包宴最啱大家庭熱鬧開心一齊食;而小家庭就可以揀夏麵館,有2至6人賀年套餐,菜式豐富,用料新鮮,絕對值得一試!

海港酒家(4樓401號舖)

一直走大眾化路線,價錢實惠選擇多,食物質素亦唔錯,馳名全港嘅燒鵝皇、游水海鮮都做到質優價廉,人人讚賞。海港酒家係今個新春推出珍超值全包宴(12位用),包括有夠晒好意頭嘅金豬全體賀新春,超鮮味西蘭花帶子炒珊瑚蚌古法蒸花尾斑同甘香鬆脆嘅脆皮醬燒雞等,8款精選菜式加埋甜品棗蓉糕同2渣橙汁都係HK$2,988(星期一至五),三千蚊有找就食到一圍豐盛晚宴,份量連大家庭都夠食,絕對物超所值!

海港酒家優惠詳情

珍超值全包宴(12位用)HK$2,988(星期一至五)、HK$3,388(2020年1月24日、星期六、日及公眾假期)
8道菜式:金豬全體賀新春、西蘭花帶子炒珊瑚蚌、脆皮奶百花球、原隻鮑魚扣花菇、竹笙海皇燴燕窩或魚翅、發財好市瑤柱脯、鴻運古法蒸花尾斑、新春脆皮醬燒雞、鴻運年年棗蓉糕
優惠期:即日起至2020年2月9日

(訂座電話 2369 6380)

夏麵館(1樓115C號舖)

新年除咗粵菜之外,上海菜亦係唔錯嘅選擇,夏麵館以自家製麵條打嚮名堂,麵條清淡爽口,軟硬適中,並主張少油少調味,煮出食物嘅真正味道,十分常適合現代健康飲食新潮流。佢哋更由2006年起連續三年獲得「上海最佳食府」嘅美譽,盡顯正宗滬式傳統風味。


今個新年夏麵館分別推出2人、4人或6人新春賀年套餐,價錢由HK$388至HK$1,080,2人套餐嘅菜式有齊湯品、主菜同甜品,當中包括有招牌酸辣湯芙蓉賽螃蟹鮮肉小籠包,款款美味可口,食得豐富又飽足。至於6人套餐,要特別介紹其中一款上海名菜—砂鍋餛飩雞,係用原隻靚雞同金華火腿熬製成奶白色嘅上湯,再加皇牌雲吞吸收湯中精華,滋潤無比,冬天食好暖胃。至於大小朋友都鍾意嘅松鼠桂魚,魚肉外酥內嫩,加埋秘製甜酸醬汁,十分醒胃!套餐仲包括鎮江肴肉虎皮素鵝黃金蝦球津白肉絲炒年糕等多道上海經典菜式,非常豐富。每款都係用心製作,用料充足,令人回味無窮。

夏麵館優惠詳情

新春賀年套餐 2人餐HK$388、4人餐HK$738、6人餐HK$1,080
優惠期:2020年1月17 至 1月31日

(訂座電話: 2111-3998 / Whatsapp: 6734-0290)

健康好意頭 精緻日本菜 
日本菜一向被認為係一絲不苟、十分精細嘅美食,並善用四季嘅新鮮食材,發揮食物嘅天然味道。今個新年嘅團年飯,若想食得清新健康,不妨一試始創中心嘅日本菜餐廳,必定令你耳目一新。

元気寿司(3樓334號舖)

呢間壽司店開創迴轉壽司先河,將日本壽司文化發揚光大,並致力以優質食材、物有所值嘅價錢同不斷創新嘅精神,為顧客帶嚟正宗嘅日式餐飲體驗。

元気寿司喺今個農曆新年,除咗為大家送上外賣新年盛外,仲繼續送上好意頭嘅「風生水起有撈起」HK$198,材料有三文魚刺身、椰菜絲、紫椰菜絲、青瓜絲、甘筍絲、中華沙律、薑絲、紅薑絲及白蘿蔔絲,加上花生碎及鬆化薄脆,再配以特製梅子醬汁、調味粉,然後一邊撈一邊說吉祥語,祝大家愈撈愈旺、風生水起!

元気寿司優惠詳情

2020年1月21日或之前訂購「風生水起有撈起」外賣自取,可享85折優惠。取貨日期由1月22至29日。

(電話 2399 7178)

居食屋「和民」(地庫B01A, B10-12 & B14號舖)

裝潢休閒簡約,座位舒適,以和食料理嘅方式烹調,食材用料新鮮,更喺日本當地開設和民農場,以便第一手得到最新鮮同優質嘅食材。

冬天成日心郁郁想食鍋物,今個新春居食屋「和民」就特別推出北海道牛乳忌廉牡蠣鍋,就算只係一個人食都得,1人前只需HK$99!想熱鬧啲約埋三五知己齊齊食亦可選2至3人前,只係HK$149。湯底加入咗由日本北海道出產嘅牛乳,日本嘅空氣同飼料都極佳,出產嘅牛乳自然高質啲,湯底更特別香滑Creamy 。而牡蠣則來自廣島,肥美鮮甜、入口爆汁,加埋新鮮蔬菜,健康養顏。


居食屋「和民」優惠詳情

北海道牛乳忌廉牡蠣鍋 1人前HK$99、2至3人前HK$149
優惠期:即日起至 3月上旬

(訂座電話 3167 7426)

始創中心「金『鼠』迎福」幻彩利是封

食固然重要,但農曆新年嘅主角又點少得「利是」!想搵啲靚靚嘅利是封?始創中心推出咗「金『鼠』迎福」幻彩利是封,以幻彩鐳射燙金、3D立體凹凸壓印技術印上金鼠同賀年字句,設計得體又有質感。而家仲可以免費換領𠻹,快啲留意以下換領詳情啦!


換領詳情

日期:2020年1月10日至1月24日
時間:(首輪)中午12時至晚上6時30分;(次輪)晚上6時30分至9時
地點:1樓顧客服務中心
換領方法:始創中心Fun享卡會員消費滿HK$50 + 1,500積分或顧客消費滿HK$300,即可免費換領「金『鼠』迎福」幻彩利是封乙套,(一套共8個,每款2個)。每日數量有限,先到先得,換完即止。

始創中心

www.pioneer-centre.com.hk
地址:九龍彌敦道750號
交通:太子站B2出口

利是封換領須受有關條款及細則約束,詳情請參閱場內有關告示。

客戶專訊
餐廳資料
更多
收起
本月熱門
【隨時更新】最後倒數!即將結業的老字號及人氣小店
2020-07-21
【隨時更新】零食速報 每周新款零食、酒品點評
2020-07-31
全城抗炎!屋企都嘆到三層架下午茶 Tea Set外送/外賣自取推介
4天前
全城抗炎!北角酒店最新應變 自助餐都有得外賣?
2020-07-17
全城抗炎!送上門懶人煮食包及套餐大合集2.0 花膠燉湯/火鍋/鐵板燒
2020-07-30