就係榛子棉花糖吐司喇，如果你聽個名已經覺得好邪惡嘅話，我話你聽，你現場睇住師傅一層一層Nutella醬搽落塊厚吐司度仲邪惡呀。唔係薄薄地一層喎，厚㗎喎，搽完再搽，搽完面層就再搽側面。一件厚吐司6面，5面都搽晒Nutella，再放多9粒棉花糖密舖晒吐司頂，放入焗爐焗45秒左右，淋煉奶唧忌廉，Devil！棉花糖熰到金黃色，就好似BBQ燒得靚嗰啲咁嘅樣，外層脆皮入面溶化，連埋一角仔Nutella吐司食，堅甜，甜魔實食到講唔到嘢。
除咗呢個新店限定（沙田嗰間冇得食）嘅新menu之外，仲有另一款香港限定嘅嘢食：韓式烤牛肉薄餅。薄薄嘅一塊脆底pizza上面有烤牛肉、洋蔥、芝士同烤醬，簡單得嚟口感都幾豐富，啲芝士仲可以拉到好高添。BTW，嚟咖啡店唔一定要飲咖啡嘅，呢杯漸變藍嘅藍色檸檬汽水都係一個唔錯嘅選擇，說穿了係藍色糖漿加檸檬果肉，飲落好清新，如果頭先啲棉花糖吐司覺得太甜嘅，飲返杯啱啱好，中和返。
詳情
Tom N Toms Coffee
地址：觀塘觀塘道418號創紀之城五期(apm)4樓L4-26號舖Shop L
開張日期：9月1日
文/相/片：Kar
隨時接收最新資訊
讚好OpenRice專頁！