yan815的个人专页

呢間餐廳應該冇人唔識, 兒時成日去据扒, 大個每次去開都大排長龍, 今日放假, 行開d2, 6點, 人未放工就衝入去食左先. 我同老公每人都叫左一個扒餐, 一個牛柳餐, 另一個係貴族牛扒餐.湯方面我地一紅一白, 紅湯係一貫水準, 好多材料, 而白湯就有驚喜, 初頭仲以為係普通忌廉湯, 但原來佢係周打魚湯, 湯除左有粟米同洋蔥, 仲有魚塊, 好味. 餐包叮熱左, 一放入牛油立即溶化, 正.我地2個扒餐都係鐡板上, 本身我地係叫7成熟, 但職員好細心, 佢話因為鐡板有熱力, 如果平時食開7成, 可以叫再生少少, 因為怕牛扒過熟, 唔滑身, 我地就改為5成了.牛柳餐牛柳好厚身, 切開仍然嫩粉色, 唔會過熟, 重牛味, 薯菜方面, 除左薯條仲有翠肉瓜.貴族牛扒下次必叫, 比起牛柳更重牛味, 重點佢好滑身, 食得出牛的質素係高級過牛柳餐, 不過, 牛柳餐都好好味, 只係貴族牛扒更加好味. 唔怪得價錢方面都貴d 而薯菜都有所不同，貴族係用我最愛的薯格.…查看更多

1128係我同老公的結婚周年日, 老公一早就book定餐廳同我慶祝. 一開始佢帶我上樓, 我有少少唔開心, 因為唔係酒店, 感覺唔太高檔. 誰不知入到餐廳係有另一番景象. 一入去待應就殷勤地帶位, 講解今日的餐湯係咩, 我地靜靜地聽着開心的聖誔歌揀嘢食. 我地揀主食加飲品都揀左超過20分鐘, 但待應唔會迫你快揀, 唔會比一種似普通餐廳無形的壓力比你. 好好. 點了主菜後, 隨即上了2個酸種麵包, 麵包係焗過, 熱熱地, 外脆內軟, 配上香滑的牛油, 已經感覺好幸福.烤豬架提一提前提, 待應係我地點餐時介紹豬係用黑毛豬, 慢煮, 豬架可能會有少少血色, 正常的. 豬架係我食過最好味的豬架, 佢肉質的非常juicy , 真係未食過咁好味, 唔係誇大, 每一啖都有肉汁, 同平時係餐廳食的慢煮好唔同.  我平時食嘢好快, 但今次我閉上眼慢慢品嚐, 每一啖都好好味. 比起五星級酒店更好味. 伴碟的薯蓉蔬菜都好新鮮, 薯蓉非常滑.煎帶子伴蒜香意粉帶子亦係我食過的最好味的帶子, 佢的鮮甜味無得輸, 大大粒, 超厚身, 雖然得2粒, 但我地都好满足, 因為真係好好味, 蒜片係薄切, 辣辣地, 蒜味好突出, 意粉軟硬適中, 好啱我地口感.我地唔太識飲酒, 所以2個人叫左一杯white sangria, 呢杯酒好易入口, 佢浸住生果粒, 有好香的生果味, 此外, 我食埋佢的生果粒, 每一粒都有好香的酒味, 好似酒釀果粒, 超正.總括, 呢間餐廳雖然貴, 但值得, 無論食物質素, 水準服務都超水準, 我可以話係高過好多4-5星級的酒店.   …查看更多

見到呢間餐廳的文青格局比佢吸引住, 見價錢唔貴, 就同朋友一試.餐廳的格局好文青, 拱門的設計好特別, 加上左右2邊係園林的特色牆, 顏色好柔和, 好舒服. 由於我唔太肚餓的關係, 所以叫左蝦蟹子蛋沙律牛角包配Green Tea Latte. 朋友就擇左盲曹魚墨魚汁飯配朱古力.先講蝦蟹子蛋沙律牛角包, 牛角包係焗過, 外脆外軟, 配上蛋沙律好好味, 蛋沙律份量適中, 唔會令牛角包淋左而蝦係煎香, 有4隻, 好味! 值得一提係沙律菜新鮮, 配上好好味的黑醋. 感覺好健康.  Green Tea Latte 牛奶同抺茶配合得好好, 抺茶控必選. 至於朋友的盲曹魚墨魚汁飯, 我都試左少少, 盲曹魚都煎得好香, 飯就粒粒都充滿著墨魚汁, 似意大利飯, 加上少少的什菌, 唔會太單調. 一開始以為份量唔多, 但原來隻碟都好深, 裝得好满, 抵食. 朋友話朱古力好香濃, 好好飲.…查看更多

一直都知道呢間居酒屋好多人幫襯，今晚預早book位去食一入居酒屋，就見到好多日式擺設，仲播住日本歌，好似返左鄉下咁我地2個女仔叫左一個牛肉火鍋，原因係見枱枱都有人叫，應該好味，所以叫牛油果軟殼蟹沙律，同少少壽司牛油果軟殼蟹沙律份量唔少，有3大隻蟹件，炸粉唔多，好味，沙律係配上胡麻醬加柚子醋，牛油果都有半個，夠熟，好味，沙律菜好fresh, 2個人食啱啱好牛肉壽喜燒好似吉x家咁，但好大份量，大約2-3人食，有大約6片牛肉，牛肉正常，但值得一提係佢入面的配菜超多，食極都食唔完，除一般有的娃娃菜，豆腐外，仲有粉絲，秋葵同羽衣甘藍呢d貴格材料壽司就叫左一客帶子同八幡鯛帶子唔腥，八幡鯛就第一次食，夠爽口…查看更多

豬頸肉蛋飯豬頸肉多，係烤香過，唔太肥又唔太瘦，好味道牛骨湯底生牛肉蘿蔔湯河湯底香濃，河粉夠滑，蘿蔔好入味，生牛肉都唔少，仲有好多香草同芽菜比你選擇加唔加。炸蝦餅即叫即炸，食時小心熱親個嘴仔，蝦餅爽口彈牙。無骨鳳爪係我的至愛，無骨可以大大啖食，酸酸甜甜，十分開胃，配上少許芫荽同青瓜絲，令鳳爪更加fresh 熱柑咭蜜呢杯我覺得係鎮店之寶，唔係平時沖開的韓國柑咭蜜，呢杯係喉嚨痛飲開嘅鹹柑桔，但冇咩鹹味，但加上蜜糖，唔太甜，仲要係跟餐配送，飲完喉嚨好舒服，超值…查看更多

今晚約咗朋友去九展睇show，我地一早去到九展諗住食完野就上去，見到呢間餐廳好多人like, 透過OpenRice 訂位仲有九折，所以就決定食呢間.餐廳位置好方便，一落shuttle bus 就到，唔洗搵.佢的環境仲有一種童話式的公主王子feel我地2個叫2個set，有2個餐湯加2杯飲品！我同朋友都叫左士多啤梨藍莓奶昔！超超超好飲真正用莓打成，有好香的莓味，酸酸甜甜，好開胃，雖然打得好滑，但飲得出有莓籽，係用真材實料！餐湯係用蕃茄湯，唔酸但有蕃茄味，加上cream ，好好飲芝士烤雞白松露意大利飯松露味好香，烤春雞都唔細隻，不過就有少少難切（本身我地唔係煮開飯，）唔太識點分開一件件但雞有芝士的香味，連雞皮都好好味！意大利飯冇得輸！海鮮菠菜扁意粉，用左紅菜頭黑醋做裝飾點綴，賣相一流海鮮有青口，大大粒帶子同虾，忌廉稠度啱啱好，濃得嚟又唔流，好味！…查看更多

之前同老公喺呢間餐廳慶祝過周年紀念日，好想重溫，所以就決定去返呢間高質素嘅西餐廳試食多一次.先講環境，環境一如既往的有異國風情，座位數量雖多，但如果係7:00嘅時間去，咁就要記得book位，因為當日平日去都已經full House.我哋叫咗一份8oz肉眼扒，忌廉汁青口，海鮮龍蝦汁配意大利飯，全部都轉晒set，餐要咗一個餐湯一份燒牛肉沙律一杯凍朱古力同一杯凍cappuccino.餐湯係椰菜花湯，椰菜花係搞爛加cream, 口感好滑. 燒牛肉沙律份量唔少，鍾意佢係本身黑醋感覺,更加fresh又唔肥. 重點係沙律菜好新鮮 😍忌廉汁藍青口超好味, 揀咗刁草忌廉汁係絕配，藍青口好嫩口，我同老公計過total有18隻一啲都唔小，意大利麵包有好香嘅牛油味配上忌廉汁食簡直係一流.肉眼排我哋叫咗七成熟，有好香嘅炭燒味，七成熟真係七成熟唔會太熟又唔會太生煎得啱啱好. 好鍾意佢嘅配菜，佢哋配菜好機心意，係用意大利醬加新鮮嘅配菜去煮，好好味. 佢嘅薯條唔油又脆，好得.海鮮意大利飯，有一隻龍蝦尾，兩隻青口兩粒好大嘅蜆肉同一粒好香嘅帶子，而意大利飯唔會太硬，而且它有好香的龍蝦味.凍朱古力凍cappuccino 係我飲過咁多間餐廳喺邊最好飲嘅一間，朱古力味好濃，唔係普通一杯用水溝，cappuccino 有好香濃同滑，唔甜，但如果兩者一定要比較一定係recommend 你哋叫做凍朱古力,因為真係好好飲.總括，過咗差唔多一年再返食，無論佢嘅食物，環境質素同服務水準仍然係高. 咁嘅價錢絕對係物超所值！…查看更多

好耐冇食過印度嘢, 平時食咖哩都係食茶記或者大家樂的香港咖哩, 今日難得老公接我收工, 我地索性去公司附近的印度小店刺激下消費薄餅係必叫, 我見其他枱有叫蒜茸薄餅, 好香, 所以我地都唔執輸, 叫了一份, 但由於我唔鐘意食herb的關係, 問待應可唔可以走herb, 佢話可以, 由呢點可以證明佢係即叫即整唔係整好晒咖喱就叫左普通的咖喱雞, 雞有好多件, 大約有6-7件, 雞件唔老, 咖喱超好味, 正宗印度咖哩, 我想食左好耐, 唔似香港咖哩表面好多油, 咖哩又香又好味每餐都一定要食菜, 我地就叫左個蒜茸抄菜芯, 印度的煮法同中國真係好唔同, 佢地係切佢細細條炒, 雖然唔似中國菜炒得咁乾身, 但由於細細條的關係, 框又唔硬, 一啖一口, 別有一番風味.仲有, 未嚟主菜前佢會送薄脆, 薄脆好重胡椒香味, 但唔辣, 配上薄荷乳酪醬, 好好味.…查看更多

搬左嚟荃灣住咁耐都未食過呢間雞煲，今日限聚令後可以盡情試下雞煲加打邊爐。我地叫左個微辣雞煲, 微辣真係好微辣唔食得辣的朋友都可以試下, 建議食得少少辣的可以試小辣!2個人半隻雞，唔算太多，當然也唔算少、雞滑身，吸收晒少少麻辣的香味，好正。由於疫情的關係，而家才用了QR Code落單，大家仲可以用餐廳提供的wifi, 咁就唔會話冇data啦!我地叫左成枱都係邊爈的配料，我同老公覺得必食有自家制響鈴，香脆可口，平時去開打邊爈散叫的朋友都知道自家制響鈴好貴，$30-40得幾件，而家大家可以盡情，唔洗慳住個荷包! 蜆好正，隻隻都冇沙，仲有海水味，花膠超養顔，滑滑lu lu。 仲有我叫左好多瓜同菜，可能大家覺得係蝕本貨，但我反而覺得佢吸收晒雞煲的香味，入味，好正!仲有值得一提係佢地的飲品區，記得有幾個凍櫃，個個凍櫃都唔同飲品，除左汽水外，大家都可以飲自家制的飲品，冬瓜茶同桂花烏龍茶都好好飲， 桂花烏龍超香，唔怪徥咁多人encore!…查看更多

荃灣西多左好多餐廳，我同老公行完激安當然係附近搵好西食，見到呢間餐廳價錢中等，環境唔錯，就決定試下.由於疫情關係，門口正中已經有部消毒手液機，消毒多次，感覺上安心d.餐廳的氣氛慳唔錯，可能因為商場好新，餐廳都係開左冇耐，枱面，櫈子，牆身，玻璃窗等等都好乾淨，而且見到佢的枱面係用雲石面，櫈子設計特別，應該花左心機去設計沙律加什菌湯值得一講佢賣相好靚，質素也唔錯. 黑醋不會太酸，什菌湯好足料，好香，自己打出嚟，好飲，其實飲完湯都已經飽飽地蒜片辣肉腸意粉好重蒜片味，辣肉腸正常，揭開意粉，還裏面仲有好多辣肉腸..意粉好好味，軟慳適中，唔同平時係茶餐廳食果d, 應該係自己用機打或貴格食品，正！老公叫左牛扒都好香，我食左一少件，似6成熟，好juicy …查看更多

今日返完玫瑰堂，想近近地喺附近食餐好嘅！經過玫瑰堂後面見到有一間佈置好有聖誕氣氛嘅西餐廳，見到餐廳裏有好多人，感覺上應該不錯，就決定試一試！我哋兩個人叫咗一開始叫左個沙律同兩杯白酒，皇帝蟹沙律好特別，皇帝蟹肉一啲都唔小，而且仲食到佢嘅海水鹹味！我好鍾意去嗰熱情果汁酸酸甜甜，好好味！配合沙律係絕配！當然唔少得係個蜜糖味嘅合桃好好味！西班牙紅蝦意粉蝦好大隻，而且仲煎得好香好香，一上枱已經俾佢的香味深深吸引住，意粉軟硬適中，配上佢嘅自家製汁好好味😋黑毛豬黑毛豬好厚而且好淋身，唔知佢係咪用慢煮鍋整好再煎，煮得恰到好處！除咗主角黑毛豬好味之外，仲好欣賞佢嘅配菜，佢嘅配菜有紫薯蓉，紫薯蓉好好味，大愛！紫薯蓉食多啲都唔會肥，簡直係女性嘅恩物，最重要係佢煮得好好味。仲有蘆筍雖然唔係太多，但都好好味好爽口嘅！黑松露芥茉醬好香！金箔蘋果酥甜品我哋就叫咗一個蘋果酥配雪糕，蘋果酥嘅蘋果蓉唔太甜，恰到好處，配上佢嘅鬆化酥餅好味。我好欣賞佢嘅紅豆雪糕，我哋影相影左好耐，但佢都唔溶！但你唔好以為佢好硬喎，佢係入口即溶，嗰種感覺太正啦！總括，所有嘅前菜、主菜、意粉同甜品都好好味，而且好值得一讚嘅就係佢哋好用心佈置每一碟菜，好似食緊法國餐咁。但當然啦法國餐嘅份量係好少，但呢度份量一啲都唔小，而且可以話係色香味兼備. …查看更多

鵝肝壽司一上枱已經聞到好香, 可能係火焰的關係, 香味更濃. 鵝肝分別係放在鰻魚, 帆立貝同三文魚上面, 配上甜甜的鰻魚汁, 超好味.  鵝肝的分量也配不少, 咁的價錢食到咁高質的壽司, 我覺得好抵食.3點刺身盛三文魚厚切, 雖然不是魚腩位, 但何其肥美鮮甜, 拍得住魚腩位的好味, 甜蝦大隻彈牙, 章紅魚.. 本身我唔食, 但朋友話好好味, 唔係淋身, 有少少咬口, 好味, 未食過的朋友可以值得一試. 食完佢個刺身後, 明白點解咁多人嚟食刺身丼左口魚邊牛油果沙律超大碗, 上面有好多黑松露醬, 配上少少醋, 味道超夾. 左口魚第一次食, 好特別, 配上佢的自製汁, 好夾. 沙律有好多配料, 食材新鮮, 必食推介. 鯛魚湯泡飯精緻、特別~~~ 一上枱連旁邊的顧客都比佢吸收住, 石頭窩上, 加上魚湯, 勁吸晴. 魚湯好味. 大家仲可以加上3個配料. 綠色的係波菜, 熟左鯛魚都好甜, 好鐘意佢冇骨, 但建議要盡快食, 否則好快比飯吸收了魚湯, 會漲大, 咁食少少已經好飽, 會食唔落其他嘢.電擊雞翼、薯條電擊雞翼其實係蜜糖雞翼凍食, 夏天食係一流. 而且仲係單骨, 方便食. 薯條配上奶油粉, 好味特濃牛奶芭菲必叫牛奶雪糕勁濃, 好似食緊係K11好出名果間"百x堂" 的雪糕咁, 我地影左好耐相至食, 但佢都唔溶. 此外佢仲有好多丸子,  蕨餅, 紅豆等. 超超超好味. 最後一提, 1. 待應們手腳快, 有笑容, 有禮貌... 呢間餐廳值得推介....2. 建議早去，因為我地7點到已經開始要等位了，好多人呢！…查看更多

揀呢間拉麵的原因, 主要係因為有隻大叮噹係店內, 好似陪住你食拉麵咁，充滿着細個時的回憶！2個女仔, 本身已經食完tea,但行行下又覺得有少少肚餓, 就叫左一碗拉麵加小食.海鮮拉麵 拉麵一上枱, 嚇親我地2個, 拉麵好大碗, 海鮮也唔少, 有3隻虾, 2隻大蜆, 幾塊魷魚同好多好多菜 鼓油湯底啱啱好, 麵底有咬口. 值得提下大蜆，充滿着海水鹹鹹地的味道，冇沙，好正，一碗大拉麵我地2個女仔食啱啱好.自家餃子拉麵加$28就有3隻大大隻餃子, 餃子係用豬肉加好多菜用饀, 煎到餃子皮底脆卜卜, 好味.串燒雞腎雞翼好好味, 燒得唔會太多油, 雞翼皮脆卜卜, 雞腎爽口, 配上檸檬汁冇得頂. 串燒係必叫. 係屋企絕對做唔到呢個效果. 超好味.我地叫完後才發現原來場身仲有好多選擇，決定下次再試過！…查看更多

之前去開觀塘club one飲宴, 都必會經過呢間餐廳, 每次都見到好多人食嘢, 又好似好好味, 今次經過開, 決定要一試.2個女仔, 叫左豬手沙律, 半份炸雞, 牛骨湯鍋, pork rib 芝士飯同埋2杯飲品.豬手沙律好好味, 豬手一d都唔肥, 但好有趙口, 好好味, 沙律菜好多, 喜歡佢的沙律醬並唔多, 唔會比沙律醬張住個口. 此外, 呢條白色長條好好味, 我唔知係唔係沙角, 佢好爽口, 好開胃, 仲有加上脆米, 絕配半份炸雞2個人食, 啱啱好, 咁就可以叫多D嘢, 炸雞脆而不膩, JUICY. 原味雞仲可以配2 款醬, 包括甜辣醬同蜜糖芥辣醬, 我本身鐘意食蜜糖芥辣醬多d.豬肋骨芝士飯豬肋骨夠淋, 但重點係芝士, 芝士好多, 芝士迷必叫.牛骨湯鍋呢個超有驚喜, 必叫牛骨湯超好味, 我好鐘意食佢的配料, 配料超多, 有瓜, 菜, 粟米芯, 菇, 粉絲, 年糕等.... 仲有小火係煱底下面, 好似打邊爐等. 提子, 蜜桃疏打少冰, 少甜, 好飲.…查看更多

今日同家人去食放題，決定食極上大瀛喜，三小時任食，價錢才200蚊左右一位，非常超值。一黎到首先整啖熱湯先，係花膠湯，幾好飲不過有少少腥餐前小食都好多，芝士撻係ok的，好濃味，不過食一件好啦，太多會heavy！海草都好新鮮！由於魚生最近有蟲，所以都少食，食左蝦，呢隻都正，又鮮又爽口，可以食多d！呢度有大喜x集團無既雞軟骨串，所以呢度係喜愛雞軟骨既朋友必黎既地方，不過佢燒得一般，因為有d燒得唔夠乾身。改善左一定更好！鰻魚又係另一回本位，加上鰻魚汁令你食完一舊又一舊！ 叫左5-6round阿！！呢個鰻魚玉子燒，當然無蒲燒鰻魚咁好，建議一舊起兩舊止。而家有得電話落單功能，非常方便。但午餐放題沒有迷你心太軟，有點失望，唯有食多2條mega補數！…查看更多