judy614chu的个人专页

舖位前面仲有街泊，真係方便，想掃街又想安全出去食好西既揸車友，絕對方便黎搵食😍望到前面幾個客都一買買幾樽，照版煮碗跟，熱情果梳打有無花果乾脆卜卜係裏頭，裝飾不計成本好bling bling 🤩 另加了珠珠增加口感，店員幾貼心先叫搖匀再飲，有氣勁消暑，熱情果甜甜酸酸有嚼勁，冰凍得來是碎冰大細啱啱好，幾易撈平均入面啲料。攪拌完之後，甜味唔會聚曬係個底，成杯黃色靚靚仔仔。飲品設計樽口係便𢹂式擰蓋，非常方便一下飲唔曬都可以扭返好擺入手袋咁，而且個樽幾靚，打算重用多兩次先掉。…查看更多

今日契爺生日，同佢係附近搵食。比我搵到原來博文街Orange elephant 搬左黎利奧坊。環境舒適而不失泰國風情。我哋2個人嗌左3樣野2杯凍飲，簡簡單單咁過左個開心滿足既一晚！原個菠蘿海鮮焗飯份量適中，份量唔會太大兩個人絕對食得晒！焗飯配料有肉鬆、腰果、青口、蝦、魷魚鬚等。幾好食，味道唔會過咸！岩曬要食飯填肚既朋友！冬陰功湯底明爐烏頭魚嘩！一上台好大條魚，份量充足。另外仲有一碗冬陰功湯以供後加，條魚超級大條，肉質鮮甜滑流，冬陰功湯辣度適中，非常惹味，酸辣開胃☺️泰式海南雞係三個餸之中最好食！冇得頂！唔係講笑，海南雞完全唔使咬都吞得到咁濟！配有兩個調味汁，辣汁超惹味醒神！番石榴冰清新可口！珍多冰清甜解渴！…查看更多

著名私房菜由觀塘搬到大角嘴一段時間今日同老公一於試下首先午餐送老火湯，今日係老黃瓜南北杏煲豬尾骨湯，未飲之前以為普通野啫，點知....先飲一口，嘩....好濃味，完全飲得出煲咗好耐，口𥚃面就好似有幾隻豬係到游走，而且係無味精，簡直去濕一流！$55。叉燒炒滑蛋飯 寶哥擔心蛋太生會對陪份人腸胃唔好，已經炒熟d，但蛋仍然非常滑，叉燒粒又夠林。寶哥重點提示佢係用天然糖再加秘方去調配叉燒，天然糖唧係咩糖？其中一種係甜菊糖，豉油都係由寶哥自己調較，出面其他店絶對食唔到！廚師寶哥私人醒咗兩舊暗然銷魂飯嘅叉燒俾我食，今次唔係叉燒粒啦，係2大舊叉燒呀，可以再試真d啦，叉燒有種好特別嘅甜味，類似生果甜味但又帶點花香味，而且肥瘦均勻，好夠林，好味呀！$58 。果醋果肉豬扒飯首先佢個汁好開胃，又唔太酸喎，食一口飯，嘩...好味喎！再食一啖豬扒，好鬆軟喎，個種鬆軟係完全無肉鬆粉或梳打粉拿過個種鬆軟，既係咩？天然鬆軟囉，食得出廚師嘅心機呀！重點係食完成餐飯一d都唔口乾，好明顯係無咩甚至係無落味精，可以感受得到廚師對食物嘅熱誠同執着，非常難能可貴…查看更多

屋企人生日🎂特別book好台去慶生。呢個家庭成員最鐘意食蟹，令我第一時間唸起蟹慶。侍應安排左我地係卡位坐，餐廳上既野食係形形式式圍繞蟹呢主題既餸菜小至前菜壽司大至鍋物丼飯，品種花多眼亂，於是拜托左侍應姐姐重點介紹。嗌左個力二御膳蟹御膳，入面包括：天婦羅蟹棒烏冬，蟹肉蒸蛋，忌廉蟹肉薯餅，松葉蟹甲羅，蟹羔豆腐天婦羅蟹棒烏冬，是有昆布手打烏冬，煙煙靭靭。炸物粉皮都幾薄食既時候，個咀無乜油膩。蟹肉蒸蛋，蟹鮮有層次，包含三文魚子小元貝蟹籽等等，使超滑蒸蛋蟹香提升。忌廉蟹肉薯餅卜卜脆粒子幼細，點了吉列醬食夾一點。松葉蟹甲羅個樣好靚，係成餐飯最新鮮拆左既蟹肉，蟹羔海膽一併交融乳化。蟹羔豆腐上有啲三文魚子，鹹鹹地，使蟹羔豆腐的豆味大大突出。追加了一份三文魚刺身，擺設上幾好睇，鮮味中上，亦算肥美。菜式採用既碗碟盤同上台既食物匹配日本菜就係講夠，連餐具也一絲不苟。家人滿意七月份銅鑼灣食蟹既安排。價性比中上，耐唔耐一次黎食飯都係值得既…查看更多

天氣有啲凍好大藉口去打邊爐，今晚去左間樓底好高，地方好寬敞開揚又通風既酒店餐廳靜靜地食下嘢傾下偈通常仼食放題都好嘈但呢度完全唔會。自家調了個無敵醬汁，開動喇😂😂😂叫左呢個肥牛餐，可以係咁叫啲侍應唔會上菜好慢係無停手咁上，動作好快手。啲肉好高質，完全唔似出面嗰啲放題咁濫於充數黎左幾碟前後對比都無乜唔同。掃左大量腸仲食左好多其他蝦呀丸物同蝦棗貢丸等。有個一舉兩得的隔油網篩👏🏻👏🏻👏🏻西柚汽水🥤好掂檔⋯⋯肥牛追加後的級數少左肥:)反而更適合me仼食項目仲有Häagen-Dazs 雪糕柚子味正斗，一人食左2杯可以係酒店舒舒服服咁靜靜地歎靚牛邊爐，放題先248蚊真心值職員唔多但服務態度👍🏻👍🏻👍🏻👍🏻…查看更多

香港家下極舒服除咗去商場行街唔洗下下同人迫，無晒俾坦克碌過隻腳既畫面。放假有乜做？梗係去書局睇書飲嘢扮文青，買完雜誌即興口痕想食啲熱野！近來返工超忙碌，好耐無的起心肝寫下食評記錄下食飯精選好味道餐廳用的碟幾靚，盛住的日本珍珠蠔蠔肉肥美，味道激濃熟後的生蠔充滿肉汁，配料含煙肉脆脆蔥粒櫻花蝦乾蒜等炒得香入口一脆一軟的模樣。蟹肉炒飯下的料特多，飯粒每粒都企身，看到炒得卜卜跳食落一啲都唔油魚干仔教蟹羔雞蛋蔥及甘荀面豉炒的飯脆口再下一成。大大大隻既清酒煮蜆有海帶和海苔甜又有蜆肉的鮮，湯有酒味和胡椒香湯也不得不掃清。柚子及芝麻雪糕前者淡香清新，有果味有柚皮，帶消濟的酸。後者味濃密重芝麻味，冰凍甜度適中。我又大頭蝦電話唔夠電影相，好彩廚房師傅幫忙借奶媽才能成功拿下所以呢？服務你問我會話係滿分💯…查看更多

平時有上開飯官網網頁尋找地方去食好西的習慣，看到這篇介紹：https://www.openrice.com/zh/hongkong/article/%E5%B0%96%E6%B2%99%E5%92%80%E6%96%B0%E9%96%8B%E6%8A%B5%E9%A3%9F%E6%97%A5%E6%9C%AC%E8%8F%9C-%E5%89%B5%E6%84%8F%E6%96%B9%E5%BC%8F%E9%A3%9F%E6%B5%9C%E7%87%92%E3%80%81%E6%B5%B7%E9%AE%AE%E4%B8%BC%E3%80%81%E7%87%92%E7%89%A9%E3%80%81%E5%88%BA%E8%BA%AB-a5941就連什誌都採訪：因此而慕名而來～餐廳佔地全層好容易就搵到。和風既佈局座位舒適。職員做事好爽快，食物黎得高速肚餓啱曬⋯⋯刺身四點盛合的三文魚足料很厚，赤蝦巨型大大隻，帶子都幾甜油甘魚都一樣好厚，亦係最鮮嗰樣。三文魚手卷同吞拿魚手卷入面涵大約相似，一樣有青瓜甜蛋蟹棒只係刺身唔同。吞拿魚切得不完美，可改善，味道比外面佳。三文魚顏色幾好另外可能因我講多過食，所以紫菜變得不夠脆，幸好涵充足，實屬飽肚之選。同場有人生日，氣氛超正的，人人唱起生日歌助興，大家都過了個開心夜晚。…查看更多

開始入秋一大清早已是間竭性刮起大風，去完Sogo同 auntie買披肩，係呢頭搵下食先。夜晚的銅鑼灣，四處卷起涼涼的秋意希望來些熱辣辣的食物，暖下身子。俾menu入邊既磯燒嘢食引起左高度關注，不時不食暢快並短暫既季節，卻係美食大道既開始。鐵罐酒蒸岩蠔，D蠔熱到不得之了連蠔汁一齊食，肥美鮮甜。汁燒赤鯥魚魚皮跟肉柔軟滑溜溜的。姜絲醬料甜甜地，帶肉味，同豐富實在既魚肉勁夾，旁邊既大根則無渣甜又帶幽香，好少我會食咁多熟既魚，不能言喻的新鮮。呢頭係YouTube 睇完人地點捉龍蝦，嗰頭見呢度有得食就即刻落order，呢道就有活龍蝦食，佢成隻咁拎去濱燒，彈牙又大件，醬汁甜中夾雜龍蝦羔之咸鮮大海確實係人類既寶藏。係居酒屋，好難唔叫番枝酒飲下既！呢枝易入口偏甜，女仔一樣好啱👄 飲我地嗌既幾個菜唔止惹味，地段黎講價性比都唔錯。香港人都好識食下，係全場爆滿既情況下，浜燒速度花時，吃到忘記時間，不過，可以放慢腳步，徐徐食個慢飯，咁都唔錯…查看更多

好耐無食過日本菜，金巴利道原來開左一間新餐廳，我未試過，見唔太貴，咁今晚就揀佢啦，對自己好啲，生活有意義。門面和地方唔大但設計不遜，樓底高無壓迫感。牆上寫了每日日本直送的新鮮海鮮，要了魴鮄魚刺身，挺身的白身魚點酸汁食相對清新 ，鮮磨的山葵豉油食就鮮味倍增。把目光慢慢移到閃閃令的魚肉身，咀嚼黏稠的魚肉，口中盡留下細又香的油脂，當中的鮮味，乃難用筆墨去形容。魴鮄魚魚頭亦不浪費，一魚兩食，還滾了海帶豆腐魚湯，甜甜咸咸地，量大份，飲完身體變和暖。浜燒海鮮要了帆立貝及蟶子，前者肉很大，香噴噴，蔥調味，有啖啖鮮味。後者有嚼勁和彈性，也用蔥同蟹籽煮理裝飾，讓大家極滿足。邪惡的甲羅燒，係由蟹羔蟹籽蟹肉三種組成，乃是溶黏化不開又有卜卜爽脆的感覺，有加蔥段，使其濃厚也未致咸。蟹控姐姐不怕三高，豪邁要開動品嚐了。…查看更多

吃飯時間，人客簡直車水馬龍，幸運的我在八點多去到，等了幾個客也到了！愛吃吞拿魚的人，一到這家平實的日本菜餐廳必然先留意刺身，好～今晚有定案了！我想不到如此的貼地價錢，已經可以一下試曬唔同部份既吞拿魚，係抵既🤗刺身切得厚薄適中，米飯顆粒黏而不散，飽滿美味。赤身顏色鮮豔富光澤，中拖羅肥美半化半溶，質感一絕。大拖羅簡直就是一块肥豬肉，閃閃生輝，真是令人心動，無論賣相還是味道，都肥美得無得彈⋯⋯出色的壽司很得我心，非常滿足的一餐。…查看更多

我向來不支持節食減肥，強調飲食最重要是均衡，食得是福呀😊想吃得健康，可以吃脂肪含量較少的白肉，例如：海鮮拼盤🦐🦀蘊含不同海鮮的Seafood Platter，品種共有七個款式，蝦🦐爽口，當中的蟹肉鮮味，有豐富的膏。翡翠螺巨型，海膽入口即溶，蠔看似不大，但吃起來肥美飽滿，有青瓜味。運動完，記得為身體補給蛋白質，吃含大量鐵質的紅肉，對於製造肌肉會是事半功倍的。主菜香燒美國頂級肉眼扒配野菌汁，五成熟，外邊煎成微香，中央全是粉紅又有肉汁的鮮嫩牛，不僅是香噴噴，而引人入勝的不止是牛扒，汁料有濃烈的菇味，還有蒜子，不折不扣的錦上添花🤩二人餐的價目更經濟優惠，可是彼此都是鳥胃。燭光晚餐加歌曲均動聽，眼見氣氛良好，下次會帶老公共晉晚餐👏🏻…查看更多

家務繁重，實在遠的地方經已唔想去，於是在家附近，選取酒店食夜晚飯，間唔中chill一chill，都係必須既。於雅緻既酒店環境食，衛生似更有一份信心保証。第一次幫趁壹壹漁一，出奇優惠既價錢，食到上品既quality同享受，酒店果然就係寧舍不同。中日泰的fusion omakase廚師👨‍🍳選了新鮮的蕃茄，做羽衣甘藍豆腐沙律🥗，脫皮的蕃茄汁多肉甜，拌上黑白芝麻和泰式元素，洋蔥青木瓜青蔥芹菜青瓜絲檸汁等，加上有營養的羽衣甘藍so fresh👅豆腐又重豆味，全部撈起吃到我大開胃。上菜有次序，完全不是催趕客人用餐的那些餐廳，食得無壓力，吹水都開懷D👀冬陰公大根有櫻花蝦點綴下的白蘿蔔，索了少少辣的冬陰湯，帶酸辣清爽，加上香茅，食慾大大上升。…查看更多

在登龍街上的豫園，榮獲米芝蓮推薦餐廳，今天專誠去看看是否實至名歸。龍鬆鮮魚絲師傅把鮮魚肉🐟完全起肉，花心機做得一柳又一柳細絲般，再把銀芽一起炒，爽爽脆脆，比起豬肉絲更清更可口。龍井炒蝦仁不會太清淡👁清炒後，嚐到鹽味，咸中帶茶香，茶味亦算明顯，至於蝦仁是細細的密集小伙子，量多而夠嫩，就連茶葉都可一併吃哎～清幽之環境，令客人可飽覽維港境色的菜館，吃著水準佳的菜式👍🏻感覺真好。午市價性比更高！😋…查看更多

今日嚟到九龍珀麗酒店食晚餐自助餐，位於大角咀繁榮位置。入到去好光猛，抽風系統好足夠，座位之間唔會太迫，食物選擇唔少！冷盤有長腳蟹、蜆、青口、龍蝦仔、麵包蟹好豐富新鮮，特別係長腳蟹好鮮美👍🏻沙律吧選擇都唔少，全部食材都好新鮮，適合健康人士Movenpick雪糕有草莓、焦糖味👍🏻西冷、豬鞍都好正，肉質嫩滑，不會過熟👍🏻煙三文魚蟹肉慕絲卷 清甜可口 細細件 👍🏻胡椒吞拿魚配芒果沙沙 胡椒味同吞拿魚好夾 再加上清甜芒果 中和整體味道 是不錯的前菜👍🏻台式麻辣肉鬆皮蛋豆腐皮蛋豆腐本來已是不可分割的拍檔，配上麻辣肉鬆有另一番風味👍🏻豆腐花 滑流，另有幾隻芋圓、地瓜、紫薯黑糖珍珠、彩虹珍珠，煙糯有咬口，不會一團粉！👍🏻飲品有自助咖啡、檸茶、檸水，另外仲有自制彩虹珍珠綠茶👍🏻每台有一鍋海鮮豆腐煲，有鮮蝦、蜆、豆腐、海帶、紹菜、雜菌等材料，海鮮大大隻又鮮甜，啖湯無得頂丫😇店員有禮，收碟速度快，成晚用餐感覺一流～另外一讚，其出品補貨速度快！…查看更多

👏🏻剛去完小旅程🏖2月新年把利是🧧錢吃頓高檔次的和風料理👍🏻當是2019年好開始😆在附近等待⌛️突然意識到涼風徐徐，天色漸冷，等人食風食得避無可避。率先有芝蔴裙邊及脆青瓜🥒打響頭炮，濃淡剛好，細緻優雅。新鮮刺身是由日本直送的🇯🇵黑鮭魚火灸後特別帶那種香魚味😎葉血引魚肉油香，肉脆無得彈。金目鯛灸後，爽直的內涵表露無遺，沒有失望。海膽白身魚卷的海膽甜到無法言語表達，外面魚有得意的清脆。一直下來，感覺芝士年糕當中燒是最好，涵心是熔岩的芝心，太吸引美味。又點了一份鹽燒銀杏，帶有少少甘香，外面用牙齒撕開，真是小可愛。好嫩好嫩口的海膽松葉蟹蒸蛋，辣手的溫度，放入口卻剛好，海膽豐富吸睛，雞蛋滑得要命，松葉蟹鮮味十足(⁎⁍̴̛ᴗ⁍̴̛⁎)…查看更多