michristian的个人专页

叫咗一個沙爹牛肉麵餐火腿炒蛋、一個火腿通粉餐煎雙蛋，係外賣，在家打開嚟食又好味又大盒，牛肉又滑沙嗲又香，丁也剛剛好不淋不硬，蛋也是煎得好靚大大隻。我晌火炭用外賣App落Order，今次送貨嘅外賣員係第一次送所以走錯路遲晒大到（佢送到時不停道歉），店長見啲麵擺耐咗，主動重新煮過新嘅比外賣員，佢地好重視食物質素同埋口啤，呢份誠意真係好配得上佢地嘅名「香港味道」。下次再WFH或放假，會走過去試吓堂食，同埋見吓呢個咁好嘅老闆。太好味好快食晒，忘記影相。…查看更多

食物還可以，去過幾次，下午茶幾抵，鱸魚唔錯、酸菜深海魚好味、鴨腿湯都好味、雞煲就一次好食一次難食。員工態度有待改善，無論係黑衫經理定係綠衫伙記都不友善，去食飯變受氣（不過有一個綠衫姐姐是正常的）。幫襯同集團嘅魚米旺角店，員工好好多，大圍店湯加黑面加晦氣，未見過連鎖店會咁，已經客唔多成日有得抖仲要咁態度，譚仔阿姐比佢地忙十陪都仲係好好脾氣，呢方面真係要改善，希望集團加緊培訓大圍店嘅員工態度。如果想食我寧願去旺角間店，唔駛受氣。…查看更多

星期日去D2行，行完想食埋飯返屋企，就見到呢間「燉」入去睇睇齋見啲湯名就覺好健康，就決定坐低試。啲燉湯真係超香，真材實料，無落味精，出街難得有咁嘅店仲係有枱凳。講返餐飯，叫咗2個湯，海底椰花旗參川貝嗰個好好味（$58），蘋果雪梨就清啲（$48），都係香濃，唔會稀new new，有火喉、多材料，好健康。另外我叫咗個飯，係釀涼瓜飯（$38），同相片有分別，涼瓜都出晒水淋晒，味道一般啦，都係燉湯強啲。好希望多啲分店，最好我樓下開返間，可以隨時幫襯。…查看更多

我見都幾多人幫襯就入去試吓，不過食物一般，豬軟骨不太軟，有點韌。後來先知道原來新港城食肆範圍大裝修，難怪咁多客。不過服務態度好好，親切又細心，有如台灣的小店一樣。…查看更多

當日天氣好熱，我同一位同事專程由金鐘去光顧，不用等位就好快有得坐。點了一個咸蛋肉餅和瑞士雞，上菜時肉餅是微暖而雞是凍的，但不要緊，好好味。肉餅微暖，好奇怪，堆到咁高中間咁厚都可以熟，有少少馬蹄，爽口好味～隻咸蛋一般，因為我自己蒸肉餅時係用開順興號的咸蛋，會起沙，更好味。瑞士雞真係唔錯，比起好多聲稱自己係馳名瑞士雞的店更好味，不過就凍嘅。結帳時竟然可以用八達通，算作驚喜。可惜驚喜卻是一浪接一浪，我當晚作悶，之後痾咗六天直到今日（星期日），請了兩天病假（有醫生紙），幸好到了今日母親節終於無事。而我同事點？都係由佢自己上親自來寫。雖然好好味，但我估我地應該唔會再去光顧。:(…查看更多

我是訂了枱的，所以不用排隊。吃過之後，覺得很不值得！烏冬只是普通的烏冬，豬骨湯底也不見得特別好味，甚至比不上味X拉麵。我和女友吃完也完全不覺得有特別，湯一般、烏冬也一般、豬骨和豚肉也是沒有味，我很不明白為何會有人寫好評， 難道他們從來未吃過好味的東西嗎？正如我樓上的幾位師兄講，不值得去等，我甚至想說不值得用七十幾蚊食一個無特色的烏冬，自己用＄20晌屋企整，一定好味過佢。唯一好味係個＄56嘅蟹肉沙律，其他係零分。今天又上了一課，叫做「切勿人云亦云」。…查看更多

不太好吃，原因如下：西瓜不新鮮，凍的水果涼粉不凍，熱的豆腐花又不熱，糖水又太甜，水準未能及格。不過收費很實惠，而且在繁忙時段也不用等位，這是一個選擇和取捨。希望甜品店以後在質素方面有改善。…查看更多