見佢新開台灣餐廳，膽粗粗去試吓，點知中哂伏🤮🤮🤢🤢叫咗一份鹽酥雞拌面配珍珠奶茶（正常甜，少冰），鹽酥雞外皮跟肉分離，肥膩，食落去啖啖油。珍珠奶茶更加離譜，完全無味，溝咗唔少水，嗌正常甜但一啲甜味都無，唔知廚房做乜嘢。另外叫咗一份鹽酥排骨湯麵手工麵配果茶。果茶深橙紅色，非常苦澀，淨係飲到一啖。湯麵嘅湯底可以揀藥膳牛肉湯，番茄湯或者麻辣湯。我哋唔食牛所以叫咗個麻辣湯底，點知碗麵到咗，一飲啖湯淨係飲到藥膳味，叫咗個負責人嚟了解，佢就話麻辣湯係藥膳牛肉湯加麻辣醬，但係佢又無係menu寫明麻辣湯含有牛肉成份。我哋建議佢應該要係menu 寫清楚，個負責人仲要反䡈話唔食牛就應該一早同佢哋講。站係顧客立場嚟睇，既然你係menu寫有麻辣湯底可以選擇，就自然會認為三個湯底係獨立嘅個體，而唔係以牛肉湯為基礎再額外加麻辣醬落去就叫一個新嘅麻辣湯底。menu上唔清晰嘅指示可引起嚴重後果，其次顧客建議你哋可以menu到寫番清楚，個負責人就一味話唔識點同我哋解釋，態度又差。
總結，四樣食品，無一樣可接受，唔清楚點解食物質素差到咁可以係度開舖。絕對唔會有下一次，伏到爆。
…查看更多
總結，四樣食品，無一樣可接受，唔清楚點解食物質素差到咁可以係度開舖。絕對唔會有下一次，伏到爆。…查看更多
