ggouhk的个人专页

今日在官塘APM做完運動，下午茶時段突然好想食素食，就喺openrice度隨便search一間，見到呢一間評分都算高嘅，就即管嚟試下。舖頭位於東廣場地下，坐位唔太多，大概20個位，有堂食有外賣，菜單望落唔算貴嘅，一般係50蚊左右，包一個正餐同埋會送一碗素湯。本人好鍾意食酸酸甜甜嘅嘢，所以我就叫咗個素咕嚕菇菇飯 。上枱賣相都ok嘅，但食落口呢，係好酸！得過酸字！嗰個咕嚕醬，真係大失所望，個廚只係將啲茄汁再撈咗啲醋同埋加啲鹽，所以成個整體上好酸囉！我完全食唔到我平時最鍾意食嘅咕嚕味囉！ 好難捱先食完嗰碟飯， 嗰啲素肉係冇問題嘅，但係個醬就破壞咗成個感覺 ！ 咕嚕醬根本就唔係咕嚕，只係茄醬， 完全唔係嗰回事囉。我會再去幫襯，再畀多次機會，下次食第二樣嘢，睇下有冇機會評分上，畀返佢高分啲， 唔想對呢間舖頭一錘定音！…查看更多

一年容易又老公生日，keep住繼續同老公食Omakase 慶生。今年撰擇咗同事推介嘅鮨鳶日本居酒屋。地點在尖沙咀加拿芬道近諾士佛臺 。 此店位於地牢  ，內分兩部分，外邊係食串燒和食嘅日式居酒屋，似深夜食堂，感覺就像身在日本。再往內轉，原來內有乾坤，別有洞天， 禮貌女店員引領我們進入一個可容納八位客人嘅房間，一張長長嘅bar枱，就係呢度為招待廚師發辦嘅顧客而設。 房間環境舒適，一邊進食嘅時候，廚師哥哥會不停介紹每道菜嘅煮法，同埋食材來源，又好留心客人嘅反應，非常貼心，店姐姐亦好殷勤在附近不停添上熱茶。不過美中不足就係如果你隔離坐咗一啲鍾意高談闊論，嘈吵自私嘅顧客的話，咁其實耳仔都幾受罪亦破壞咗享受美食嘅舒適寧靜環境!  本人其實非常厭惡此種行為嘅人在用餐時間，坐在我附近的。當日都發生類似咁嘅情況，不過廚師哥哥好快已經制止咗高談闊論嘅顧客，示意佢哋放輕聲音講嘢 ， 以免影響其他食客 ，呢點都係值得稱讚嘅 。 最近店舖有半價優惠給第二位顧客，所以美食加上舒適環境，性價比都相當高。當日我們 選擇咗Omakase 午餐<和 >,第一位$880, 第二位半價，還有全單九折，激安！海膽豆腐魚子醬靈目魚裙邊和魚身鷹倉魚兵庫県生蠔安康魚肝八爪魚茶碗蒸帆立貝深海池魚池魚仔赤貝壽司沙甸魚中大拖羅醬油漬拖羅馬糞海膽手握壽司兵庫縣香箱蟹手握壽司麵豉湯抹茶奶涷…查看更多

咁快又一年，12月16號，老公牛一大日子，去年慶生飯選了官塘菊月町食Omakase, 今年再接再厲，encore Omakase 。同事推介西營盤神川日本料理，店子唔算大，全店共六張枱，不設吧枱，未能與廚師互動，亦未能一睹廚藝神粹，不過每端上一度又一度嘅食物上來時，店長會好細心介紹及分享泡制過程，所以也可算是另類Omakase新體驗。店內擺滿林林總總的清酒 ，目不暇給，不過今次到訪，適不逢時，因酒牌續領仍在進行中，今次無緣淺嚐眼前美酒。由於座位有限，我一個月前已致電卜枱，到接近用餐前兩天，店長阿Yin聯絡我，問我有無特別想食和唔食嘅食物，是日有否慶祝事宜，預算budget等等，非常貼心。16號當晚準時六點半到達，開始大快朵頤之旅。神川跟之前吃嘅Omakase最大分別是大部分刺身都經過aged處理，吃落份外鮮甜，滿口魚油香，還有大拖羅，中拖羅，火灸銀雪魚壽司，鮮甜無比嘅Hokkaido 象拔蚌刺身，還有約十吋長嘅印尼斑馬瀬尿蝦，灼得剛剛熟而肚裏充滿軟綿綿嘅蝦膏，yummy yummy，還有與別不同嘅手磨Wasabi 加入大根碎，辛辣得泥又帶少少甜，淨食都覺得好好味😁。由頭盤到甜品，近廿道菜，一路慢慢品嚐，細意欣賞，不經不覺，接近用餐四小時，晚上十點半抱著暖暖鮑鮑的身軀回家。最後一提，當晚發生一段小插曲，隔離枱三位姐姐，應該之前也幫襯過此店，在用餐期間跟店長理論了一陣，話說她們今次付回上一次價錢，食唔到象拔蚌刺身，店長亦好有耐心解釋番，因為成本問題，之前付出同一價錢，今日未必吃到同一樣嘅食物，預算budget時，一定要講清楚特別想吃嘅食物，有可能要提高budget 才能享用到心儀嘅食物，店長會按指示採購和keep住新鮮貨品供客人享用，現場若想即時追加，有機會無多餘存貨提供到，呢一點大家要注意啊! 當晚見店長處理得相當得體，解釋安撫完三位姐姐後，送多一道菜式給她們享用，讓她們在開心氣氛下繼續享用晚膳。期待此店酒牌續領完後，再來大吃大喝一餐🥰…查看更多

十二月十六號老公生日飯，從open rice找到呢一間居酒屋，其實路過已數次，今日才方正式入座。疫情控制下，全港六點後不設晚市堂食，原先打亂陣腳，幸好，一星期前打電話來訂位，女店員Pat Pat非常友善告訴我，午市可以為我安排晚市嘅menu, 真是喜出望外！當日準時十二點到達，Pat Pat 非常貼心，為我們預留了Sushi Bar 較入嘅位置，除了對正Sushi 師傅在我們面前表演細膩刀功，送上一道又一道美食外，還可以靜心享受呢一餐Omakase. 我們點了爍雨廚師發辦，當中包括七款非常鮮味嘅刺身，白魚仔配柚子汁，深海鱸魚卷，烏魚白子，鯛魚，牡丹蝦，安康魚肝，蘋果木煙燻大拖羅。燒物也一樣出色，龍蝦配稻庭烏冬，燒鮑魚，燒鯛魚，呢一件連魚鏻燒嘅燒物，香脆到不得了，還有日本和牛及野菜，其實食到呢度已經八成飽，大師傅表哥問我哋手握壽司駛唔駛轉細飯糰，我當然選擇左轉細，我老公就正常。但其實即使係正常，飯糰size都唔係太大舊，完全無阻礙好好享受飯糰上那一片刺身。飲完一碗熱騰騰嘅安康魚湯後，正式進入手握Sushi 環節 ，安康魚，石鯛，吞拿魚赤身，深海池魚，中吞拿魚，接近尾聲係師傅精心炮製，充滿魚油香嘅海膽魚子壽司飯，吃埋日本時令蜜瓜，簡直完美到無懈可擊，已經講唔出說話，內心充滿感激，呢家小店，無論員工上上下下，食物嘅質素，都係超水準，值得俾滿分。…查看更多

見open rice排行榜都好高分嘅餐店，上星期六晚，同老公也來趁熱鬧食晚餐。時間6點鐘，屬於早嘅時段，所以唔需要等位。坐低無幾耐，店員送上兩碗蘑菇湯，同埋類似西多士嘅麵包，呢兩樣係唔需要另外付費，不過湯和麵包都係唔熱，心裡面已經打左一個折扣。 當晚order左一個蕃茄水牛芝士煙三文魚披薩，咸旦薯條， 秘製醬汁西班牙豬肉，仲開左一支智利紅酒， 最後再點了兩杯份子料理乳酸果汁，兩件甜品，特濃朱古力cake 同埋熱情果撻，埋單接近九百元。除左披薩同甜品我覺得好味之外，西班牙豬肉完全無味，咸旦薯條亦不外如是，整體來講只係可以話okay. 唔會再幫襯，亦都唔會推薦給朋友。…查看更多

昨日妹妹請我來銅鑼灣KURA吃慶生飯，整個過程，感覺良好，食物很新鮮，環境很優雅，服務亦好貼心。我哋選咗同一款，接近一千蚊嘅Omakase, 亦選擇了坐近吧檯前，睇住廚師將一份一份好新鮮嘅壽司刺身端到我哋面前，細細聲介紹返壽司刺身嘅名堂。當中包括北海道鮑魚，甘鱸鯛壽司，好肥美嘅拖羅，帆立貝，海螺刺身，爆羔蝦壽司，中拖羅壽司，完美嘅海膽壽司，我特別留意到廚師哥哥喺海膽上邊刨咗少少柚子皮，將整件好新鮮嘅海膽壽司鮮味層次提升到更高境界。還有入口即溶嘅頂級和牛，油花恰到好處。仲有煎得好香甜美味juicy嘅鵝肝。一共吃了多款刺身壽司之後，臨尾嚟一個濃海鮮麵豉湯，最後甜品係一口濃厚芝士蛋糕和清甜蜜瓜。整個過程中，廚師哥哥一路留意住我哋進食嘅速度，每一次都係時間啱啱好，當我哋清空碟上美食，佢就不偏不倚接住送上下一道美食上來。週邊嘅服務人員亦都好貼心，不停幫我哋加添熱茶。偶然廚師哥哥會同我哋講下笑，不經不覺，接近兩小時嘅午餐就喺咁愉快嘅氣氛之下finish。實在係超開心，值得推薦。臨走嘅時候我哋仲留意到KURA入口掛咗一幅大概一米乘一米嘅叮噹掛畫，原來係1000張限量版，左下角仲有藤子不二雄嘅親筆簽名，十分珍貴！所以如果去幫襯，記得去呢個位打番個卡喲…查看更多

Yesterday, 16/12/2019 first time come up with my family to Scarlett, the atmosphere is so warm, the staff are all friendly.We order :South East Duck RillettesBeef TartareScarlett boardCarbonara PastaMonday Special : one dozen Oysters with one bottle white wine (Two set)La Cote de boeut 1 kgReally full our stomach, all the food are delicious with nice decoration.Also thank you for the birthday surprise to my husband with small homemade lemon tarts, very lovely.Once again,thank you to all the Scarlett staff, especially Lisa who served with us, she is so nice and helpful, we sure will come again.…查看更多