Yeah Yungsin的个人专页

見今日咁凍，想去食火鍋，呢度附近二百左右嘅有兩三間揀，諗住過黎望望先，之前食開lunch,有埋點心任叫幾開心雖然夜晚冇點心，不過見佢有新嘅魚火鍋放題(魚冇得追加，但好大條)，下面寫住可以追加肉類但冇寫係咩，然後問極都問唔到內容，於是放棄，照點咗餐，scan QR code睇，原來都有好幾款肉揀，好抵食，仲要d肉都唔差，$138/人 加一，任食120min，唔會要求太多(**係個樓面阿姐有d牛頭唔搭馬咀，問佢係咪有免費牛肉追加，佢不停同我地講，點咗餐後就會俾QR code我地，到時就見到問題係。。。我地想知有咩食係個餐包咗再決定要邊個餐。。。。)追加menu rink好似冇之前咁多咁好，雪糕都係，之前黎有雀巢甜筒，mega雪條，而家見到嘅都冇特別想食(牛奶公司雪糕，旺寶雪條)，唔知係咪晚餐時段唔同不過個位係舒服嘅，料又唔錯，整體好滿意仲有佢地嘅糯米飯好味，encore咗一次…查看更多

一行六人去咗呢間德國因為未黎過+未齊人, 我地睇得可能有d耐，加上我地想等齊人先，期間個待應係咁喺我地枱隔離行出行入，問咗好幾次需唔需要點餐，又係咁俾drink menu我地，想我地order drink嘅感覺好啦，齊人，我地已經傾到差唔多，待應又埋黎催，問我地要咩，我地點餐中間搵緊食咩時佢又係咁幫我地翻本menu, 真心煩，其實又唔full 有咁趕咩我地叫咗pizza *2 , 一個加火腿，一個加蝦 雞翼薯條籃，豬手，腸拼盤另外點咗啤酒，酒精飲品，橙汁 凍檸茶我飲嘅凍檸茶唔夠凍同冇糖漿食物ok, 雞翼勁香，剛好一人一隻pizza都唔錯，係太多洋葱，咁啱我又唔太食腸拼盤 我唔太分到佢拼緊d咩，但味道ok豬手最遲先到，都差唔多飽晒，佢會幫我地切埋再上枱，呢樣幾方便我地差唔多食完佢地又黎問我地要唔要再order drink, 同埋佢地都係咁sell我地$540/10杯 drink, 其實要我地會order ga la....唔洗成日係咁問呢間總括食物ok, 但連水都要order， 加上待應咁樣，真係扣晒分唔係一間會encore嘅店…查看更多

難得早咗返到黎大埔，見呢間話好味又冇人排隊就同老公去試呢間叫咗Fat belly burger原來有跟埋牛膏薯條，好大份，burger好大份好厚，肉都厚又香薯條有香牛油味…查看更多

一行六人諗住趁平日會少人d, 點知都一樣好多人叫咗set c $308/人，另外長者有得平，openrice book枱免加一一入去同我地講六個人揀四個湯底，我地都諗緊，明明話一人一湯底，不過都由佢，點知又話我地要分開二人四人咁坐，因為留咗枱俾九人，當時即諗，咁book咗枱唔係就有位架咩？可以話有九人要枱就讓俾人，然後話因為分開坐，可以一人揀一個湯底(我懷疑係咪一開始就係一人一個湯底，但佢呃鬼我地話得四個，然後我地肯分開枱就俾六種湯底我地)跟住坐低果下。。。佢所謂嘅分枱只係隔開勁少位，真心O咀，如果係咁其實佢可以唔洗特登講分枱講返環境，現場睇d樹係幾靚，枱就細咗少少，至於食物，肉好正，一入去就話會幫我地order頭一轉先然後就用QR code自己order野，上枱速度都快又冇漏單外面有d小食同火鍋料可以拎呢兩款好好味，encore咗兩次，脆皮香蕉同地瓜，香蕉似似地甜品，少少煙un嘅面再加蕉湯底揀咗沙茶，蕃茄，椰子雞，壽喜燒蕃茄勁濃味，完全唔洗點醬壽喜燒就同預期一樣，好味好濃椰子雞好香椰子味反而甜品有d失望，奶凍唔夠濃，唔夠滑，比較接近啫喱感覺，窩夫話即整，但黎到凍晒又唔脆，本身鍾意食窩夫但都唔想encore雪糕就正常發揮另外屋企人都叫咗冰食，評價不錯，但幾大碗，如果可以細碗d就好至於飲品，水果茶唔錯，冬瓜茶唔夠黑糖香，鳳梨綠茶好香茶味同埋佢可以揀凍熱，要幾多冰同甜度，算唔錯，但大家都覺得正常甜會甜咗少少，少甜又變咗唔夠甜(我螞蟻人唔怕甜, 覺得正常甜度剛好)120min本以為會好趕，但結果都夠時間，因為上食物速度快，個鍋又好快滾，職員都好主動咁幫我地加湯整體好滿意，難怪平日lunch都咁多人去食…查看更多

本身book咗枱，一行六人去食父親節dinner點知一入門口，有個waiter話我地分開針卡同安心出行兩個apps唔俾入，原因係佢地冇另一部機去scan然後建議我地裝返針卡去安心出行嘅電話度先俾入。。。最後我地冇入到去，改咗另一間，好彩呢邊附近都好多選擇我唔肯定咁出食評得唔得，但只係希望大家如果book呢間嘅話要注意下，佢因為自己冇機可以scan針卡，所以如果安心出行同埋針卡係分開手機嘅話，最好問清楚再去。。…查看更多

上完堂想食麵，咁啱見佢有全日麵餐就入咗去叫咗沙嗲牛+餐肉 公仔麵+熱啡不過餐牌價錢唔update嘅，明明寫$35, 但落單時話係$38雖然都抵食，但連個label都冇貼上去嘅熱啡好快到咗，冇乜特別，正正常常，唔會係勁熱果d 對我黎講啱啱好可以即飲等咗兩啖麵都到咗餐肉好麻麻，有少少怪味同冇煎過但沙嗲牛好夠味，餐肉都靠沙嗲汁一齊食先冚到個怪味不過假日咁嘅價錢算正常有卡位坐都幾舒服，一點鐘時間都多人，今次好好彩有卡位，坐得舒服d百搭麵餐個價錢仲係寫住$35…查看更多

今日lunch兩個人去左試呢間泰菜，叫左兩個餐: 青咖哩豬頸肉飯，辣肉碎蛋飯，每個餐包餐飲(加$2就有青檸梳打)，有前菜(可揀沙津或湯，我地要左沙津)，仲可以用平嘅價錢加小食，我地加左$8要4件炸蝦餅上餐速度好快，會先上前菜，個沙津少少辣，酸味為主，好好味好開胃然後主菜同小食都好快到左先講我自己最愛嘅青咖哩，佢嘅味好好，係感覺多粉左少少，但咁嘅價錢，絶對抵食，食過好多青咖哩都係椰味勁重，或勁多粉，呢間我覺得啱啱好，如果可以少d粉就更加正 佢d豬頸肉其實比青咖哩蓋過左d味，唔知係冇烤過(可能就咁煎)？定係唔夠，總知冇乜香味,但整體真係好滿意，好好味辣肉碎蛋飯，肉碎好香，如果再多少少咸味會再正d蛋我冇試，本身唔太鍾意食生蛋黃青檸梳打冇影相，但佢都幾好飲，夠凍又唔會太多冰，好解渴炸蝦餅，原來佢講嘅四件係一開四，難怪咁平，餐+$8就有，炸蝦餅幾香幾好味呢間唔算貴又幾好味，今日兩點幾黎，所以唔洗排隊，可以好舒服咁慢慢食呢度d位係比較細，所以人多如果又拎住好多野，可能冇咁方便，但總體黎講，平民價錢，質素好好，抵食…查看更多

星期日lunch 12:45左右去到，唔洗等位，叫左我地上二樓，位置算ok, 唔係好闊比你慢慢坐果種，但如果只係普通食一餐，位置算可以，我地叫左五個餐A 正常幾好味C 算係五個中最好味，有四隻蝦，又好夠味，麵勁好咬口D 呢個都好好味，但要等勁耐E 泡菜好夠味，屋企人話辣，但我覺得好香，只係唔太有Risotto煙un口感，牛小排都偏乾，但味道夠H 漢堡本身要左五成熟，結果太熟，而且個包(面果塊)超厚，呢樣麻麻地，薯條好粗好夠香雖然味道可以又唔算貴，但有樣野好反感有其中兩杯野飲等多差唔多一個鐘，本身CD兩餐已經比較耐，估唔到兩杯凍啡可以仲耐過d餐，甚至食晒都未黎，中間問左佢兩次，睇佢係咪漏單，個女職員同我地講洗緊杯，其實已經夠奇怪，乜杯都唔夠？？跟住發現有好幾枱都同一情況，凍飲冇杯，不過人地有冇我地等咁耐就唔知啦，但後來開始見佢有杯，有凍飲出，但點知都係出左汽水先，我知汽水係方便快手d, 但唔係應該跟返次序咩？見住佢比左幾枱汽水，而我地等左成個鐘都遲遲未比我地，要我地繼續等，終於屋企人已經冇耐性，帶返晒口罩準備走其中兩個人落去同佢傾，話太耐未黎，佢地職員竟然想我地就咁埋單走就算，最後先比左兩個外賣凍啡我地其實如果杯真係咁唔夠，點解唔一早就用外賣杯？雖然唔環保，但唔係只係等十幾分鐘，而係要等成個鐘。。。到我地埋單仲要等佢地得閒先計錢，過程又亂亂地(不過都冇計錯錢)出到門口見到已經有十個左右嘅人排隊，其實為左兩杯凍啡要我地霸住咁耐張大枱都幾攪笑雖然係黃店，但係咁我真係支持唔落，呢間應該冇下次…查看更多

黎食lunch, 兩個人叫左一個鐵板，一個炒公司通炒通粉真係第一次食好快就上左個炒通，好大碟，仲咩餸都有，腸仔，餐肉，豬肉，牛肉，芽菜，洋葱。。。仲要勁大碟，正常女仔應該唔會食得晒，男仔應該食得晒嘅，但估都會好飽炒通冇餐飲，但鐵板有，鐵板加左$12要奶茶紅豆冰試下佢奶茶紅豆冰menu係分開，差d見唔到個鐵板等左陣，都好快就黎左，好熱又好多d肉仲要唔錯比較奇怪係呢間竟然唔太多人，坐得幾舒服，有卡位坐奶T休紅豆冰又係好香茶味，呢度似乎d茶類飲品都唔錯…查看更多

第一次黎坪洲見唔少人都推呢間蝦多士，亦有唔少人話唔特別，不過既然黎左就試下兩個人只當食個小食，叫左蝦多士餐$47(本身只要蝦多士$39)等左陣就到，有四件，啱啱炸起好熱入面算足料，好清楚見到有蝦，另外似加埋好滑嘅薯蓉，加埋沙律醬，好味見人地話呢間要排隊，我地可能早(10:30左右)就去食，唔洗排隊但都算ok多人，起碼唔見有吉位，不過好少見人叫蝦多士咁，可能都係原居民，見佢地都係叫麵餐為主另外呢間嘅凍檸茶唔錯，好香茶味，唔係咩特別茶，但佢唔會加太多水，夠香呢間嘅蝦多士下次可以再encore…查看更多

今晚去大圍食飯，想搵間坐得ok又好味嘅黃店，最後搵左呢間先叫左個二人餐，再加一個意粉，一個pizzapizza係cheese pizza,幾好味，係薄脆果款pizza黎，一個有6件意粉叫左卡邦尼溫泉蛋意粉我覺得好夠粉，意粉又煮得啱啱好另外個二人餐，包兩個小食，揀左花甲軍沙律花甲我冇食，但其他人話冇乜味，比d火腿絲搶晒d味沙律唔錯，如果真係兩個人食嘅話，呢兩個小食好滿足(不過我地係5人share,每人試少少)main我地揀左意大利飯同埋牛扒牛扒有薯條放底，雖然大件，但比較薄幾好味，薯條都好香好夠薯味佢另外仲有兩款湯，一個係海鮮蝦湯，一個係松露湯，兩款湯我都冇試，但睇落好杰好足料(湯唔記得影相)另外每滿$200可以加$10一隻蠔，本身以為每人一隻，點知可以每人一打，我地咁叫，妹似話可以叫3-4打，不過最後只叫左兩隻，但似乎蠔就只係一般，不過$10隻都唔可以期待太高啦最後嘅甜品拼盤都比想像嘅多，有窩夫+雪糕，細細杯燉蛋，細細件朱古力蛋糕不過甜品等得有d耐…查看更多

因為今日冇返工，lunch去左呢間店食，去到已排晒長龍第一次黎，其實見到d位係麻麻，逼逼地，不過逼有個好處，係大家都唔會食完慢慢坐 XD三個人去食，分別叫左午餐1-3號，水門雞飯，水門炸雞飯，水門雙拼雞飯(即雞+炸雞),我要左杯泰式奶茶同炸雞飯$55冇加一，仲包埋drink, 算抵食好大碟炸雞飯，有個醬，同糊椒湯泰式奶茶幾正宗，唔係茶餐廳奶茶，真係平時泰國店嘅奶茶，大大杯，唔會好多冰炸雞唔會好油，雞唔乾，仲要好多件飯係雞油飯，好香不過炸雞要點醬食，本身係偏淡糊椒湯啱啱上枱時好熱其實碟飯係大到食唔晒，所以覺得呢間真係抵又好味，CP值高期待下次再黎食**見到三點後仲有下午茶同咖喱麵都好想試下，但好似大家都係叫雞飯多另外我地仲$18加左碟菜，我唔太啱食所以冇試，但碟菜都幾大碟…查看更多

放工黎食晚餐，見到人唔多，但有人介紹就試下有驚喜，佢價錢唔貴，有兩個晚餐，$55包熱飲，不過今日唔係試晚餐兩個人，一個叫生熟牛肉河，一個叫香茅雞翼凍檬，叫多個蘿白小食，唔係餐就冇另外再加野飲白蘿蔔好甜(唔記得影相)生熟牛肉河d湯好好味，甚至我覺得只係湯同河粉我都可以食得好開心香茅雞翼凍檬一上枱，覺得佢擺得好靚，香茅雞翼好香，仲熱辣辣,檬入面有好多脆花生，好好味晚餐呢個價算抵食，又大份…查看更多

同屋企人黎左慶祝生日，夜晚入去唔算太多人，本身睇餐廳嘅樣，似乎係快餐類咁，點知d食物有驚喜，樣都幾靚，仲要好味，野飲又正常size但野食就唔係正常size, 係偏大份我叫左豬肋骨+紫薯紫薯勁香又大件，有兩件，鍾意蕃薯類嘅話真係要試下豬肋骨屋企人話偏咸左少少，但我覺得啱啱好，d肉又夠林，好好味，好似有六條骨d野食都熱辣辣，雖然我呢個要等，但oder果陣佢地已經話左要等廿分鐘，結果都應該唔洗廿分鐘就到前菜我揀左沙律(可以揀湯，今日嘅泹係粟米忌廉湯)，沙律又係好好味，竟然有螺絲粉喺度 屋企人叫嘅餐都好大份，特別係個魚，一上黎嚇一跳，超大條今餐食得好滿足，每人百幾蚊左右埋單…查看更多

今日去左試呢間新新地嘅車仔麵，見冇乜人都諗緊會唔會麻麻地，不過之前聽人講話好食，就入去試下叫左紅腸，朱扒，牛腩，要腩汁就係咁就中招佢個腩汁係面鼓汁黎，超奇怪，再睇多次張紙，根本冇面鼓呢個選擇牛腩比較硬，但係正常嘅腩汁煮，唔明點解湯底會咁奇怪$38+2(朱扒加$2) ， $40冇野飲水都冇杯(應該可以問佢，但果陣只想食完出去買野飲)係個朱扒唔錯，唔會乾，幾香但除此之外真係冇乜特別食野前仲試左菜脯，正常，所以後來我放左好多去麵度，想遮左面鼓味如無意外，呢間冇下次唔可以話難食，但大埔好多更好嘅選擇…查看更多