香茅牛肉魚餅飯（$42）魚餅辣辣地，幾惹味
但牛肉真係無咩特別:(.熱奶茶（$14）一向鐘意唔加糖，咁先可以品嘗到真正既茶香同純奶，呢到沖既奶茶不過不失，唔會有苦澀味。.因為2人限聚，成間舖只有5張枱，所以想堂食，真係要有d耐性等位。唔知係太忙定點，見到比我地攪拌奶茶d匙羹有好多茶漬
即刻唔想用，衛生真係一般般！…查看更多
鰻魚飯送味噌湯（$88）
諗起鰻魚一定第一時間諗起呢間，唔係第一次食，次次鰻魚質素都有保證，鐘意呢到既鰻魚條條都好肥美，亦好厚身，咬落去好juicy。飯係用珍珠米，唔會好濕，有好足夠既鰻魚汁撈飯，唔會好甜，好惹味！無論鰻魚或者飯，份量十足，性價比高！海老蝦天婦羅（$48）即叫即炸，仲熱辣辣，睇到吸油紙無咩油，佢冇落好多炸粉，炸得外脆內軟，金黃色，d蝦好彈牙，整體口感好好！燒明太子雞翼（$48）幾特別既組合，咬落去啖啖肉，不過本身雞翼都已經落左d調味，連帶明太子一齊食，咸左少少，最好配個飯或者麵先食。
因為已經係老店，舖頭嘅裝修同枱凳比較殘舊，但絕對可以接受，反而更鍾意佢呢啲似舊式日本風味小店，會繼續幫襯
…查看更多
Little bacon cheeseburger 單層煙肉芝士漢堡（$75）用錫紙包裝，麵包比較濕、淋，牛肉juicy，唔會乾爭爭，Bacon係脆香。漢堡包有15種配料免費任選，我簡左生菜、蕃茄、牛扒醬、茄汁，呢個size已經好足夠，食完勁飽。整體好食，如果個包皮乾身d會更加好！Large fries大薯條（$60)無諗過咁大杯，以為係某間連鎖店果d size🙈，食唔哂，2人建議叫個細或普通就可以了。係粗身薯條，冇乜油，幾好！可能係即炸，仲熱辣辣，好脆。.香蕉oreo雲呢拿奶昔（$55）有驚喜！好好飲，有11種奶昔配料免費添加，覺得自己簡得好好！香蕉、oreo、雲呢拿，撞埋一齊好鬼夾，好香！唔會甜到流.另有花生免費任拎，係好淋果種花生，我比較喜歡食脆花生。…查看更多
水果星球配芒果汁西米($42)賣相好特別好靚，星球咬落去質感似大菜糕，唔會太甜，每粒星球都包住一粒粒既水果，分別有奇異果、西瓜、芒果，咁既配搭幾特別，平時食開甜品好少見，但又好食過就咁食水果。另外仲有椰果，以及其他水果同西米配搭，整體都好足料，全部水果都甜同好大舊。草莓戀人($36）平時食甜品好少簡士多啤梨系列，但一睇到menu，就已經比佢個賣相吸引住，黎到第一個感覺係好靚既少女粉，未食已經覺得應該會好甜。材料有小丸子、西米、士多啤梨、椰果、士多啤梨雪糕、士多啤梨沙冰，呢個價錢有咁多材料，開係旺角真係算抵食！因為有士多啤梨沙冰係底，食落好透心涼，士多啤梨酸酸甜甜都幾好食。整體甜品好食，但坐位比較逼夾，建議比較少人既時間先食。…查看更多
棒棒骨肉骨茶($84）👌🏻好大煲，飲得出肉骨茶有藥材味，相比係馬來西亞既肉骨茶，呢煲唔算好濃，不過可能岩香港人口味。d肉好淋，都入味，吸收哂肉骨茶湯，冇肥膏位椰香咖央多士（$28）見差唔多每枱都叫一碟，所以試下。總共有4小件，多士烘得好脆，食落好重椰香，不過一定要同朋友share食，因為一件都已經有d流。奶油大蝦($148)😿自從去過馬來西亞食當地岀名既奶油蝦後，一直念念不忘，所以見到呢個主菜，已經好期待，但可惜呢間既奶油蝦汁同馬來西亞食既味係完全唔同，當食普通醬汁蝦，其實味道唔算差，但如果想食馬來西亞風味，呢個就有落差了。總括然而，香港唔算有好多間馬來西亞餐廳，有咁多食物選擇既更加少，冇得去旅行嘅情況下，又想食馬來西亞食物，呢個都係第一選擇:)…查看更多
金鶴雞白湯拉麵（$98）首先試一啖佢既湯，奶白色，好濃郁，真係好似飲緊雞湯咁。配料有好大舊炸牛蒡、火炙叉燒、慢煮雞胸肉、糖心蛋等，配料份量好足夠！拉麵軟硬適中，叉燒同雞肉夠淋，但味道無特別，主要係佢嘅湯底出色，佢另外有一款極濃雞白湯拉麵，下次可以試吓！活燒蒲燒鰻魚飯($238)鰻魚係用新鮮白鱔，即叫即燒，所以黎到仲熱辣辣，食落表皮有少少脆身，咬落都算肥美，好香既鰻魚汁味，有2大塊鰻魚，十分足料！整個飯有配埋芥辣魷魚同麵豉湯比你，不過不失！整體價錢比較貴，但值得一試
抹茶軟凍（$33）有4件，抹茶味重，口感煙韌，味道好好！.成間店坐位不算多，燈光較暗，但環境尚算舒服。見佢外賣有折好抵，下次經過會再試。…查看更多
松葉蟹忌廉意粉($198)有crab meat蟹肉、crab roe蟹籽、crab paste蟹膏，未食已經聞到好香，將啲蟹籽蟹膏撈勻d忌廉汁，食落每一啖意粉都好香，好creamy，好濃嘅蟹味，松葉蟹連殼上碟，好鮮甜，好好食！原味班戟（$99）好有空氣感，夠鬆軟！食落好似棉花糖咁柔軟，蛋味好香(呢個好重要！)，加埋啲cream好好味，唔會好漏，甜度適中！最鍾意食原味，唔鍾意加其他配料，呢個班戟無令我失望！Cold Cappuccino ($36)甜度適中，咖啡濃香，好飲過其他coffee shop既咖啡！除咗排隊嘅人比較多，需要等嘅時間長d之外，坐既位置同食枱都夠寬闊，好多食物種類選擇，一定會再encore
…查看更多
Crab meat egg drop香草蟹肉（$92）叫左2份，好食蟹肉鮮甜，加左香草幾fresh，價錢算貴，蟹肉只係表面多，食到包既一半得番炒蛋同菜，有d dry，性價比不高！
Cold Matcha Latte 凍宇治抹茶拿鐵（$55）抹茶味濃，但好少甜，多番少少奶會好d，唔算好岀色，係一杯好普通既抹茶飲品。Coffee combo(Espresso+piccolo )（$50）有兩杯咖啡，店員教先飲espresso，再飲piccolo，咖啡不夠香濃，有點失望
總括而言，無論outdoor、indoor，環境都舒服、乾淨，想帶寵物或打卡嘅話絕對一流，但如果真心想飲杯咖啡，high下tea，就唔推介，試過一次就夠了:)…查看更多
（芋泥肉鬆吐司$40+1外賣）麵包外面烘烤得好脆，好香口芋泥唔會好甜，口感非常綿密，遺憾嘅係，芋頭味唔算重，芋頭控的人期望不要太大！鹹甜既肉鬆會較芋泥岀色，單單食肉鬆都好好食，不過兩者既配搭亦好夾，食完有飽肚感絕對可以再encore，有機會可以試埋另外兩種款既吐司🍞.聽講羅東肉焿湯都係佢地既招牌菜，所以試埋，湯底好濃稠，似碗仔翅既口質，酸酸地有醋的味道，有d肉食下，不過個人就麻麻地佢陣味。…查看更多
5️⃣Lobster Croquettes(入邊係龍蝦肉，外脆內軟）6️⃣Gambas a la plancha(食落係炭燒既香味，好新鮮，好好味）7️⃣Broken Eggs(薯仔、火腿、蛋撈埋一齊，好惹味，有幾啖會食到粗鹽）8️⃣Juicy Lobster Rice(好濃嘅龍蝦湯味，好好味，係食過最好食嘅西班牙飯)9️⃣70%朱古力甜品(少少苦，幾好食）🔟cheesecake(食落有小小羶味).值得一讚嘅係佢哋服務真係非常非常之好…查看更多
我男朋友最鐘意叫佢地既100%鹿兒島黑豚肉(薄皮)(雙拼)餃子，有韭菜同白菜餡，可能因為薄皮，佢一個人可以食哂15隻
就算係水煮，都好有肉汁，唔使點豆瓣醬或者醋。我就鍾意食韭菜餃多過白菜餃，食落香啲。🥩不過比起餃子，我較為喜歡呢間煎既和牛扒，
真心覺得好食過其他高級餐廳四、五百蚊一塊既扒，係雪櫃揀左塊(和牛肉眼)，即煎五成熟，我地試過三種食法: 1️⃣原味2️⃣加少少鹽、黑胡椒3️⃣ wasabi加豉油(店員教我地)最後竟然覺得第三個食法係最好食，其實原味已經好有牛味，好好味，但估唔到第三種食法竟然係咁match‼️亦都從來未試過好有驚喜雖然佢冇華麗嘅裝修，但尚算坐得舒服，我仲同我男朋友講笑咁講，每年嘅紀念日可以喺度食扒慶祝，唔使去啲高級餐廳鋸扒…查看更多
「好好味啊‼️」芋圓真係好Q彈，好煙韌，三款既芋圓都食得岀各自既香味，紫米露甜度岩岩好，好香同有種fresh既感覺，唔會太稠或太稀，超讚.不過有小小彈既係環境有d逼夾，可能太full了…查看更多
