RISRISMAN的个人专页

心思思想食撈米線但唔係間間有。特登搵黎去，好彩冇失望！食過其他分店好多次，服務都唔係好，以為里間都係一樣啦，但服務出奇咁好，仲傾左兩咀添。環境有啲奇怪，同我心目中米線鋪嘅概念差好遠。涼拌米線實係不得了，今次叫雞絲炸醬，本身醬汁夠重口味，加埋清清地嘅雞絲真係好夾！…查看更多

星期六中午時段嘅旺角搵嘢食都唔易啊！連喺附近嘅兩間連鎖炸雞店都爆場，唯有行遠少少，見到有四間連住開嘅食店，見個名好似做到專門店咁就入場喇~生龍清湯腩!入到去啲姐姐係咁叫我地落單，俾人睇吓都得卦，見佢態度唔算差我都快手快腳落單啦!一客咖哩牛腩飯，咖哩汁香而且濃味，牛腩多但係碎嘅，薯仔都好入味嘅但啲汁太水汪汪喇，似咖哩水或者咖啡湯，里點扣咗好多分啊！再叫咗個清湯腩湯河，牛腩量少得四小件，冇味嘅?再飲啖湯先，都係冇味喎，我落咗三羹辣油加二羹豉油先食到，招牌就係咁咋!?…查看更多

好新鮮日都唔去一次元朗啊真係!友人話要食放題啊,第一時間當然諗到旺角啦,大家為咗可以食完快啲返屋企,所以決定去元朗一試!講地點其實唔係好就腳,而家要我去多次都唔識去,唔當眼而且門口細!因為我地一行10人所以係大枱,感覺唔算迫!刺身好快到而且新鮮肥美,虎蝦同甜蝦都唔記得翻啅咗幾多次,好鮮甜!之後係烤蠔，有芝士同蒜蓉,蒜蓉好正,夠香又夠重口味!芝士有啲膩！其他嘢都係一般,重點係燒蝦同羊扒無限點!一上枱就要即食,羊扒唔硬燒蝦夠大!佢係新界地區近近地嘅好選擇…查看更多

話說要請食飯,大家都話要打邊爐,做主人家嘅我梗係搵間任飲任食,食得飽班人又慳住個荷包!今次唔揀雞煲,上咗樓上食台式麻辣火鍋,有折又有新鮮感!黎到感覺開揚唔迫,唔錯,點左個鴛鴦鍋,一邊麻辣一邊清湯!原來只有豬牛肉海鮮係點,其他全部自己出去拎,幾好吖,起碼係自己睇過想食先至拎,食幾多拎幾多,讚!因為太多經驗係黎到見到個樣都唔想食同埋數量明明寫一件黎一大盤!出面雪櫃材料非常新鮮而且refill得快!手打墨魚膠,彈牙又有墨魚粒，好味!雲吞好似係自家製,大大粒,爽！豆腐黎啦…一開始放嘅蜂巢豆腐而家食就差唔多喇,入晒味,又香又辣!甜品有幾種,但最正都係有3款味嘅雪糕櫃!2百蚊一個人,可以再黎…查看更多

難得搵咗個星期二晚放工食放題,打電話book枱已經對店舖加分,因為佢任何時間都可以book,唔係得6點同8點9你揀,讚!!!7點準時到達,搵個自己友坐定定落單先,其他人梗係出去睇吓有咩拎!中華沙津八爪魚時冷盤可以自己拎,太餓嘅話仲有香腸章魚燒任你拎。飲品雪櫃都好大個種類多,唔會唔夠凍,而且佢有椰青水,解茶等,貴嘢喎！先黎個刺身,我呢個蝦怪對牡丹蝦甜蝦虎蝦都係得一個感覺,冇味嘅?刺身係失望嘅,但竟然鰻魚有驚喜,啱啱燒到出黎個邊仲有少少脆,燒辣辣,正!炸榴槤波同羊架都值得推介!…查看更多

你話佢平咩,佢又算係平嘅…一個晚餐配凍飲唔駛40蚊(當然有會員卡先有折啦),今晚來一個鹹魚肉餅飯,送個紫菜湯添...仲以為送嘅好飲極都有限,紫菜都幾多喎仲幾好飲添,唔知759有冇里隻紫菜買呢？冇腥味清清地,唔錯!講個飯喇,講真舊鹹魚真係幾香好餸飯,肉餅肉味差少少但加埋薑絲豉油,話咁快就食晒成碗飯,但碗飯嘅質素好差,冇飯味,如果唔係餓真係唔會食晒,凍OT叫左少甜都係好甜!服務一般,唔會吹你走但好阻我收工咁嘅樣,但係仲有9個字先收鋪喎…查看更多

酸辣/麻辣米線一向都係我食極唔厭嘅食路,只要諗唔到食咩好就會食!今次點餐用點菜紙一碗一張,發現點餐紙出奇地清楚,仲可以加至愛嘅莞茜...其實仲可以有其他要求,走油,多酸汁,走x,走x...好貼心!我點左麻辣雞肉菜肉雲吞酸辣中辣!有啲意外...雞肉咁深色?但味道幾好,似滷過,雲吞似全菜餃,冇咩味個皮仲好鬼厚！個湯都唔錯啱我口味,夠酸又夠辣,米線比食開譚仔彈好多,仲有點左鴛鴦雞翼,辣嘅就只有辣味,唔辣都好啲但味道好一般!…查看更多

每個月都總有三兩日會行老遠黎里度食愛食嘅酸辣米線....亦只會食酸辣,麻辣唔係我杯茶。員工唔多理你架,要識做啲一坐低就要快快手手order,如果唔想人地黑晒口面咁對你嘅話...而且冇take2,想再佢,難啲啦!!!今次order豬軟骨菜肉雲吞酸辣中辣米線,豬軟骨淋滑又入味而且有三四件,大件夾抵食,雲吞就失色啲，個皮一夾就散...湯底夠酸唔夠辣,下次要試大辣....愛莞茜嘅可以浸晒佢地落啲湯度,多一種香味…查看更多

上次因為服裝態度差而俾劣,經過一段時間嘅觀察,起碼都有十幾廿次嘅光顧,眼見員工態度都有所改善就再評多佢一次啦...上次豬潤中伏,我到宜家都仲有陰影,今次食炸醬雞肉麻辣小辣,我個人覺得雞肉麻辣配搭最好吃,雞肉好似令湯更香更濃,米線又唔會過淋!覺得太辣就用炸醬嘅甜咪中和一吓，過癮！…查看更多

夜晚9點行到悅湖商場,仲係營業中嘅鋪頭唔多,今晚一於試新野!其實里間鋪頭開業咗好一陣子,不過俾我感覺都係好似甜品店,我係唔會專登食甜品嘅人,所以次次都係行過就算...今次點左雞扒飯,原來佢仲會俾埋肉燥加上甜豉油,令飯粒配炸雞扒感覺唔會太乾,雞扒唔會太油,而且外皮香脆,幾好食,唯一唔好嘅只有蔥!點解要加生蔥上面,一入口就...辣!總之感覺唔好,但可以自己慢慢拎返出黎,整體都唔錯嘅:)…查看更多

星期五夜晚搭電梯上去,好多人,book左枱都要等(里方面有待改善),等左半個鐘入位,放題預左要迫,先黎刺身一般三文魚我已經滿足唔到我…今次主打係大大隻紅海蝦刺身,鮮甜肥美,值得一叫再叫,三叫四叫,我一個人大大話話食左30~40隻,再黎係雞翼,炸得香脆但難免肥膩,好彩有烏龍茶解膩,其他仲有牛柳粒,燒蝦,細細件手卷最後仲有細細甜品,牛奶布甸奶味濃郁而且滑,最好就係每款甜品都係一口一件,每款叫一件都唔覺好左好多…查看更多

身為譚仔粉絲,一星期食二三餐乃平常事。屋企附近開左間,見無所事事一於一條友去踩場。好多人,不過一人位好快有位。一坐落即落平時食開豬潤小辣,細土匪。好快到。但點解啲豬潤仲係粉紅色嘅?算喇!浸一陣食啦唯有,但食晒都仲係粉紅色,成碗豬潤只係食左一口,但見食晒啲米線都冇謂叫人換俾我,見姐姐執枱同佢講聲只係想提一提廚房整熟啲,點知姐姐回我下次落單叫佢地熟啲嘛！又唔早啲講!咩服務態度啊宜家。…查看更多

出面天時暑熱連門口都唔想踏出去，就係order好時刻。一家三口叫左係2-3人餐，有燒烤雞肉普通批，焗肉醬意粉，沙律，豆乳布丁，忌廉湯各一客。準時到達，讚!一到即食，拎起pizza冇油淋淋唔會成手油，醬汁用燒烤醬有別於平時食開嘅茄糕同千島醬底，多左一份惹味同香甜，上面仲加左車厘茄，加熱後嘅車厘茄少左甜味多左酸味更開胃再咬一口批邊，冇油味，正!沙律，意粉一般冇特別。忌廉湯唔似忌廉湯，似加左生粉既粟米水。豆乳布丁冇試，留俾勇者吧啦……查看更多

忽然發神經，一早起身落左深水埗。停一停諗一諗，好耐冇食過豬潤，去維記一轉先。10點就鬼死咁多人，仲以為自己好早，點知都要等等先有位，潤通唔該!好快有得食，有層啡色嘢喺面，有人會覺得好噁心，我真心覺得咁先係正，冇左佢總會覺得少左啲啲。豬潤爽滑冇筋冇腥味，連湯都有潤味配通粉可以飲多少少湯，冇得頂!…查看更多

午膳時間一粒鐘，打個邊爐鬆一鬆!見開左間放題又唔貴就去食一碟牛，運加一都係70蚊，價錢同食個set lunch一樣，里度有得任你食，一定飽…雪櫃set喺正門口，位置唔好，但食物都算多，丸菜麵食都fill得好快。湯底係清湯，焯菜一流，一啲都唔肥膩。拉麵同烏冬都好彈牙。食飽就梗係食雪糕啦，但雪糕雪到硬一硬，無論幾出力都無功而回……最後放棄！…查看更多