chingjaiyuen的个人专页

聞名不如一見，今日終於試到啦！之前想試呢間好耐不過都冇機會，今日試咗佢嘅蛋餅再加佢嘅套餐果然佢將啲牛都整得好腍好好食！啲拌麵都好彈牙，好有台灣嘅風味啊！本來呢排都好想去台灣！佢嘅價錢都好合理！好推薦大家去試吓…查看更多

今日經過試咗佢個芋泥波波鮮奶！夏天熱辣辣飲都幾好飲，不過覺得佢啲芋泥比較少感覺就淡啲唔夠濃郁，如果芋泥可以再多啲就好啦！鮮奶味就正常！ 整體不過不失啦！下次有經過都會再試吓佢其他產品嘅！…查看更多

平時好少見有專食印度嘢嘅自助餐，所以今次特登book嚟試一試，有12:00食到2:30 ，一入到去聞到好香嘅咖喱味，最鍾意食嘅係佢哋嘅羊架真係非常之軟熟，煮得啱啱好另外亦都有唔同嘅肉類牛肉雞肉蝦等等，全部咖喱都唔係真係好辣啱香港人口味，在場亦都見到好多印度大廚，感覺都真係好地道啊，完咗之後仲拎咗唔同嘅甜品同生果食，款式唔多，不過已經好夠啦，另外要一讚嗰度嘅侍應服務態度都好好，果然係五星級酒店整體都好推薦大家去試吓，平時食一個印度餐一碟餸都要百幾蚊啦呢個真係好抵…查看更多

今日下晝去咗食下午茶 😛叫咗個炸雞髀再加燒鵝瀨粉餐！本身跟餐都會送一杯凍低糖綠茶炸雞髀好大隻好抵食，啲皮好脆卜卜，好夠味，以前細個食嘅味道！自己覺得好食過茶餐廳添😛另外燒鵝瀨都幾大碗！ 自己覺得$47都OK！ 非常推薦，大家嚟試吓…查看更多

前2日去食 d麵又淋 覺得好次食緊bb麵咁未去過咁差既麵店 自己煮仲好食 真係無下次！ 服務態度已經唔好 👎 比錢買難受建議大家千奇唔好去 未試過咁差既體驗屯門有更多好店 ！！…查看更多

突然間好想食台灣嘢，就嚟咗呢一間食啦😆叫咗個鹽酥雞肉燥飯😛😛鹽酥雞打得好脆，肉燥亦都好林，送飯一流！加配咗個小食甜不辣，都炸得好香口，平時食台灣嘢一定會叫嘅嘢食😝😝⭐️⭐️⭐️平時大家經過都可以試下 ，性價比都唔錯！食物質素都幾好，下次會再食其他嘢 …查看更多

呢間雞係平時幫襯咗好多次嘅宵夜😝平時真係覺得好好食呀不過今次唔知點解好似比較淡味，唔知係咪調味料落得唔夠🥹🥹 雖然下次都會再試平時最推薦嘅係隻雞再加三個配菜$80 再配冷面+$8推薦嘅配菜係甜不辣，鳳梨，百頁豆腐😛呢個配搭真係非常好食！！希望餐廳下次調味可以落返足啲😆…查看更多

呢間越南餐廳真係好推薦🥳 今次同啲朋友食得好開心海防蟹膏濃湯飯 $78 蟹膏味重 勁大碗 呢個真係必食招牌生牛肉湯河粉 $68 湯底完全係越南味道 有香草味有青檸味 牛肉好鬆化完全唔煙韌 勁大碗 海蜇扎肉沙律 $48 正常味道 海蜇爽脆紫米乳酪沙冰 $32 甜度適中 夾埋紫米好有好感真係一定要黎試吓😝😝😝😝下次我一定會再試其他嘢，冇諗過間餐廳都真係幾好食。 …查看更多

今日總共四個人一齊去咗尖沙咀食呢間泰國嘢，總共計埋嘢飲食咗$600，但係令我有啲失望啦🥺🥺🥺本身都期待咗好耐因為餐廳睇落都幾靚平時最鍾意食嘅青木瓜沙律唔辣又唔酸，平時最鍾意青木瓜沙律嘅酸酸甜甜辣辣，但係呢間餐廳做唔出呢種味道😭 另外生菜包亦都冇乜味道，食落好淡，炒金邊粉亦都好普通😭😭唯一好食啲係個串燒，飲品就正正常常啦！總結都期待咗幾日嘅泰國餐廳覺得有啲普通，下次就應該唔會再黎了🥺食完都唔飽…查看更多

今日經過見到呢間，就試一試佢既飲品😆叫左杯草莓之奶飲落又唔算好特別，上邊係牛奶，下邊係一啲草莓嘅jam，我覺得太甜🥹 同埋都比較普通。因為太甜所以飲唔晒一杯，下次應該就唔會試呢一款啦。…查看更多

今日嚟到銅鑼灣，經過時代廣場，突然好想飲啲台式飲品，見到呢間就一定要試一試啦。❤️❤️同朋友一齊分別叫咗一人一杯蘋果脆脆楓糖堅果奶蓋茶❤️ 好好飲😝 個奶蓋好特別同好厚，同平時嗰種係唔同嘅，呢個飲落冇咁膩🥰茶底好香，同朋友食完晚飯飲真係一流❤️🥰四季春堅果奶蓋茶❤️ 呢杯茶比平時其他店香，像落好清新！感覺上堅果奶蓋好健康🥳其他飲品都好吸引，所以下次經過一定會試埋其他！ 😆😆😆 …查看更多

今日同朋友食飯 決定食放題😆😆六點至八點$268加一時間其實有啲趕，我哋一去到就即刻落單啦，刺身都幾新鮮，最鍾意食三文魚刺身都幾肥美❤️❤️🥰🥰 炸物都唔錯，係即叫即炸，亦都唔使話等好耐， 甜品有幾款雪糕揀，dadalce 呢隻就可以唔駛拎了 因為唔好食的😅😅總結 都正常價錢 正常放題質素😝😝😝 開心晚餐…查看更多

今日午餐去咗九龍灣搵嘢食，去到淘大見到牛角次男坊，試咗佢signature嘅次男坊丼，價錢係$86冇嘢飲,介紹寫到有16 cm高， 黎到賣相的確係幾靚，亦都幾高，不過原來下面嘅飯就比較少🥹🥹個汁夠味嘅，只要你唔係肚餓，其實都好夠食嘅，但男仔食應該都唔夠，性價比都係一般。但有機會下次都會再嚟試吓其他嘢嘅！…查看更多

Nene chicken 我喺將軍澳最鍾意食嘅炸雞店！貪佢口味夠多，又辣，不過因為成日食所以今次唔叫炸雞😝😝🤩明洞小食派對$128 呢個好抵食！有4款小食 ，最鍾意食魚糕同埋年糕！咁樣除落都好似好平😆迷你雞蛋卷 泡菜味$80 雞蛋卷係其中必叫嘅食物，總係覺得出邊食好食過自己整😋脆炸紫菜蝦卷$90呢個係第一次試， 好好食！！ 下次一定會再叫，炸得鬆脆👀👀❤️❤️❤️❤️總結佢真係冇令我失望！ 依家諗返又想去食啦😝😝😝🤩🤩…查看更多

今日突然經過MOS Burger，見到有一款係辣味摩斯漢堡，因為未食過所以就決定試一試！識落比想像中好食，辣辣地，配埋牛肉蕃茄原來係咁夾😛😛加埋漢堡包皮煎得好香，我下次都一定要再試！朋友試咗雙層嗰隻，更加惹味！推薦大家要試呀❤️❤️❤️❤️❤️❤️❤️諗起都想食呢🥰🥰🥰⭐️⭐️⭐️⭐️⭐️⭐️…查看更多