DragonKeith的个人专页

其實唔係第一次嚟呢到食，今日終於有時間喇寫食評，呢次叫左兩個煲仔飯(鴛鴦腸排骨煲仔飯及鴛鴦腸滑雞煲仔飯)及蜜桃生炒骨加五香金錢肚，留意返佢個煲仔飯製作需時，真係要等一陣，佢上煲仔飯時候呢會拎走個蓋，係就唔會畀你焗一焗嘅，個煲仔嚟都時已經有飯焦，咁你落豉油就自己留意下啦，鍾意食多啲飯焦嘅就可以等一等先撈起佢，唔鍾意嘅就要自己適當控制一下時間喇，今次叫嗰個金錢肚，個味有啲淡，而個蜜桃生炒骨呢，我個人就覺得有啲酸囉，但個煲仔飯我就覺得真係幾好食㗎，如果未試過嘅可以嚟試下囉！鴛鴦腸排骨煲仔飯鴛鴦腸滑雞煲仔飯五香金錢肚蜜桃生炒骨…查看更多

其實都係嚟過兩次巴希雅海灣重慶燒烤(地址:大埔汀角路龍尾村103A號地舖)，兩次都係坐屋企人車嚟，呢度有四個小時免費泊車，位應該大把，但都要留意下因為得一條路出入，車出車入就可能要大家就下，等一陣，呢到bbq任食包兩個野飲，好似平日有得加錢任飲，不過我冇試過，你哋自己可以試下，可以留言話我聽。野食方面都幾多選擇，總之豬牛羊雞魚蔬菜樣樣都有，都算多選擇，個package包一份金菇，一份海鮮(幾隻蝦同青口)，仲有菠蘿同兩隻香蕉(我哋五個大人兩個小朋友，人多啲可能多啲，不過我唔知...)，多數係一串串咁嘅，有啲金沙骨同扒類就唔係串好嘅，另外佢仲有蒜蓉包同兩款熟食(燒賣同魚蛋)，未燒好野食都可以頂下肚。基本上呢度算多人多，我哋1月1日嚟見到排長龍，好彩我哋早左少少入嚟先有位，食物質素算唔錯，都係三五知己圍爐吹水姐，嚟到呢度又可以踩下單車，總之可以再嚟…..有車嘅話🤣…查看更多

平日lunch已經好多人，尋日同同事三個人嚟食，叫左幾樣野食，飽到一個點，個羊整到好好味，冇得彈，個pizza有驚起，佢係印度烤雞，味道唔算好重，我個人唔太重口味就ok囉，如果好鍾意重口味嘅烤雞就未必覺得好味，至於個牛扒炸薯條呢，喇薯條就好味道，個牛扒就韌左d, 唔太吸引，最後個Thai Mango Sticky Rice就已經飽到唔個點comment, 唔係飽到咁，應該都ok嘅， 總之份量比想像中多，order時要留意吓。當日開餐list😋Smoked Salmon & Goat Cheese RollFlame Grilled SteakChermoula Roast Lamp Rump💖Tandoori Chicken PizzaThai Mango Sticky Rice…查看更多

其實想嚟呢到好耐，今日趁假期最後一日嚟呢到試吓，因為怕夜晚多人，又唔想夜晚食得太飽，所以去左食過lunch。性價比的確唔錯，只係我個人覺得個日式味噌黑豚五花甜左d, 佢有個燒烤爐上有個蓋，可能對抽氣有幫助，因此我地都唔覺得好大烟，但如果你想係燒緊嘅時候用鹽嚟調味就煩左少少。總結回頭指數高，下次再約多d朋友再嚟。當日開餐List如下😋：厚切沙巴當 $188特大薄切牛舌 $88日式味噌黑豚五花 $68炸入味雞軟骨 $48海虎蝦(隻) + 蟹膏 $60(兩隻價錢) 紫菜月見飯 $28龍鳳可樂 $28杯邊鹽檸梳打 $28…查看更多