S_H's Profile

上星期四響公司叫呢間外賣，揀咗豬頸肉炒公仔麵。D麵黎到，隔咗十分鐘就開餐，點知一打開就見到D麵發脹哂，而且好淋，對我黎講只係醬汁撈麵，完全冇炒嘅感覺，另外汁唔夠，食落冇咩味，D豬頸肉得三四片，仲要又乾又硬。唔明塊生菜做咩要墊底，索哂D油叫人點食？總括黎講係好難食！…Read More

前後來過兩次，頭一次是平日來吃晚餐，點了鐵板餐，質素跟連鎖快餐店集團相近，價錢也是差不多，不過這裏比較容易有位，而且環境比較舒適。這次光顧我不用等位，不像新都那邊的「大」集團每到晚飯時間總是人山人海。鴛鴦扒鐵板餐是雞扒和豬扒，不會煎得太乾，味道不錯，這個10分的話我會給7分。牛扒鐵板餐很好吃，這個10分的話我會給8分。味道比上水廣場那間cafe只差一點點，但其實不應這樣比較，因這個鐵扒餐的價錢是那邊的一半而已。第二次光顧是午飯時段，可能已開業了數天，而且質素還不差，所以人潮多了。這次我等了約十分鐘才能進去。由於我十分喜歡吃海南雞飯，所以一看見餐牌有它便二話不說點了。雞肉很滑，只連著少許骨碎，醮醬汁配油飯非常好吃。這個10分的話我會給8.5分。…Read More

以為上水呢間新開冇幾耐應該唔會太多人，點知未到七點已經好多人等位。叫左..1. 上湯小籠包：平平無奇2. 醉雞：有苦澀味3. 酸辣湯麵：酸辣度剛剛好4. 乾蔥牛肉撈麵：d麵黐埋一舊，好難同d汁撈勻5. 豆沙鍋餅：皮很韌，而且太早上，凍哂所以唔好食環境方面，被安排坐出面，冷氣唔夠，越食越熱。服務方面，竟然上左d冇叫到嘅嘢，有d亂。而且冇人加水。隔離枱打爛嘢，服務員反應迅速，執拾之餘不忘關心客人有冇受傷，加返d分。…Read More

去左Yamm食Dinner Buffet，貴唔係一個大問題，但唔好食就係一個好大嘅問題。麵包我冇乜點食到，因為想留肚食其他嘢。刺身甜蝦都係要落order先有，但質素連板前都不如，因為唔新鮮。原來唔係淨係我咁樣覺得，隔籬枱有位女士直情向侍應生投訴ｄ嘢唔新鮮。全晚最失望係生蠔，雖然係即開，但個size竟然好細，而且d肉非常薄，食唔出咩味，仲要排好耐隊先有，因為個師傅開唔切。海鮮拼盆已經係全晚比較正常嘅食物。繼剛才左邊果位女士投訴完之後，竟然輪到右邊果張枱又有人投訴唔好食，其實我地中間呢枱都好想投訴呢，不過要投訴嘅嘢都俾佢地投訴哂。我睇Openrice前一排嘅食評應該有主菜可以選擇，但而家竟然冇左，所以覺得更加唔抵，永世blacklist呢間酒店嘅自助餐。就算將來佢改善左都唔會再去，因為佢已經帶俾我一個好壞嘅回憶。…Read More

這間餐廳是我第一次光顧，之前並沒有看過這裏的食評。今晚七時左右入座，吃了個多小時。回家後看ｏｐｅｎｒｉｃｅ，驚覺原來有這麼多劣評，和我這次光顧的經驗是兩回事。先說食物，我點的是「酥皮忌廉焗三文魚」。薯菜的份量不少，賣相亦不錯。薯塊炸得很香脆，酥皮三文魚和忌廉汁很配合，而且又大又厚，感覺很抵食。環境是一般西餐廳那樣子，侍應安排我們坐卡位，很舒適。服務方面，我們要的東西都很快送到，朋友問侍應要茄汁，不用十秒便拿了過來。加水很密，而且每次跟侍應說話，她們也有微笑。這一晚坐無虛席，難得服務仍可以這麼殷勤。希望這篇食評可以給她們一點鼓勵。衛生亦不差，我光顧過很多椰林閣旗下的餐廳，不時都有被蒼蠅或蚊子纏繞，但這次沒有。價錢加一後大約六十多元一個人。這個價錢能吃到大大塊的三文魚或西冷扒，算是抵食。…Read More

次次食Mos Burger都係食海鮮珍珠堡因為佢真係幾好食今次去見佢做緊特價但我就想試下第二ｄ所以我叫左個黑醋SakuSaku雞肉漢堡ｄ醬汁嘅味道唔錯蝴蝶蝦同埋薯條嘅味道就一般…Read More

去奧海城睇完戲，去左別府駅前料理食晚飯。揀佢係因為佢個官網話壽司有八折，而且三文魚刺身有買一送一。好好彩唔駛等即刻有位，入到去被安排坐卡位，都幾舒服。由於朋友唔太肚餓嘅關係，所以點左唔係好多嘢。首先點左個買一送一嘅挪威三文魚刺身（＄３８）質素一般，冇特別。跟住點左吉列廣島生蠔（＄３２）一共有三隻，影相前我已忍唔住趁熱食左一件，咬開後發覺入面夠熱，不過味道唔夠，面頭果ｄ沙律醬變得好重要，仍然覺得和花亭同埋板前嘅炸蠔最好食。最後一口氣點左四款壽司：珍寶蝦蟹籽腐皮壽司（＄２２）：唔識欣賞，食唔到蝦味玻璃蝦壽司（＄１６）：一般，冇驚喜，相信甜蝦壽司會好食ｄ鰻魚壽司（＄２０）：冇食到，朋友鐘意食，所以俾哂佢食鰤魚壽司（＄２８）：初放入口果陣覺得只係一般，但食落又覺得味道幾特別呢餐飯覺得有ｄ失望，明白點解唔駛等位，相信短期內都唔會再幫襯。…Read More

上個月年初四去左奧海城大食代食lunch，可能好多人都開始返工，所以人流唔多，都幾易搵到位。 行勻咁多檔，最後決定幫襯「飯BOWL」。我見好耐冇食過蛋包飯，所以點左雞扒蛋包飯套餐。個餐包括忌廉湯、沙律同埋一杯汽水。ｄ雞扒唔錯但撈飯個汁唔係咁好味，所以ｄ飯冇食哂。個沙律幾好食，湯就一般。…Read More

九龍城素有「食城」的美譽，這頓晚飯我選了洋一居食屋。我們坐在較近門口的位置，旁邊的電視播著日本頻道的節目。甜蝦壽司：味道鮮甜吉列蠔吞拿魚壽司：炸蠔不夠熱，咬開後並沒有冒煙廣島蠔懷石燒：汁多味美，原以為是芝士汁，但原來是混入了沙律醬的蛋漿，比芝士汁更美味，蠔身有點脆口子牛柳炭火燒：上面鋪滿了蘿蔔蓉，非常濃味，剛好可以用來送鰻魚飯滑蛋鰻魚飯：我覺得蛋不太夠，而且鰻魚太多骨，所以減了點分數海鮮燒餅：把沙律醬拌勻燒餅上的醬汁後，真的很好吃，即使吃到這裏已很飽，但還是吃得下…Read More

於九龍城吃晚飯後轉戰隔兩條街的「金滿堂」，我點了他們的招牌甜品咖啡果凍伴雪芭，有三球雪芭和一個果凍，售２８元。我覺得雪芭做得比果凍出色，果凍味道略淡，不太甜，原因是這裏以低糖少甜掛帥，但也做得好吃。意想不到的是，看上去完整的果凍原來早已切好，所以吃得很容易。另有Q版的咖啡果凍伴雪芭，只得一球雪芭和果凍，售１８元，如果晚飯吃得太飽但又想試這個甜品，吃Q版便最好不過。…Read More

和朋友到了九龍塘又一城吃午餐，我選了利華超級三文治店。人人都說好吃，但我卻沒吃過。我點了A01的套餐，有一個肉醬焗薯、一塊碎蛋沙律鬆餅以及一份凱撒沙律。而飲品則選了柔情蜜意，其實也不知道是什麼，總之是甜甜的一杯飲品，好喝但不解渴。食物很好，我最先吃的是碎蛋沙律鬆餅，鬆鬆軟軟的，很好吃。接著吃的凱撒沙律，它的靈魂來自於醬汁，很清爽美味。最後才吃的肉醬焗薯，濃味的肉醬包覆著一條肉腸，我一來喜歡吃焗薯，二來也喜歡吃肉腸，這個組合對我來說實在太棒了。４６元的午餐，有這樣的水準算是很抵食。而朋友點的煙鴨胸茄醬扁意粉也不錯，美中不足是只得三片，下次來會再試試其他菜式。…Read More