Dada choices的个人专页

放假約咗朋友去呢間好cozy嘅cafe!舖頭細細，環境好溫馨，設有戶外座位，秋天坐出去都好舒服～餐廳無限時，可以同朋友坐低慢慢傾偈，感覺都chill!不過座位比較少，建議要book位，而且枱同枱之間距離比較近，大隻男士未必坐得咁舒服🤣今次我哋揀咗兩個lunch set，會包一杯飲品～。新鮮水果乳酪麥片 $108本身仲會擔心食唔飽🤣點知原來好大份，個底有好多乳酪，上面有香蕉、蘋果、藍莓同士多啤梨🍓，另外仲有穀物脆脆，成份整體都偏甜但好食的～(⁎⁍̴̛ᴗ⁍̴̛⁎)。雞肉菠菜意大利飯 $108唔記得咗餐牌上面係咩名🙈大約打住個名先～個飯係白汁底，好creamy，味道都好好，感覺到係有用心製作嘅菜式！🫶🏻仲有菠菜同翠玉瓜粒粒增加口感，但感覺上個白汁都會容易覺得膩～…查看更多

隱世入門omakase！係一間喺太和嘅小店，全間舖都係由三位老闆一手包辦，晚市價錢係$1380+10% 據聞每一季會去一次Menu，而我哋今次去就係秋季menu。松葉蟹牛蒡茶碗蒸真材實料！有好多蟹肉，面頭仲加咗鎮江醋。師傅教要一大啖由頭食到落底，每樣材料都食到😋一開頭會食到比較明顯嘅牛蒡味，但食多幾啖就會慢慢同其他食材混合，茶碗蒸嘅基底加咗好多蟹膏，令到整體顏色呈啡色，質地有啲似cream狀。炸紫蘇海膽卷熱辣辣脆卜卜！外面係好脆嘅網狀卷，包住炸碎咗嘅紫蘇葉，好似食緊脆嘅紫菜咁，入面有海膽，咬開食到湧出嘅滑捋捋海膽。面頭仲有炸香蔥，另外配上嘅薯蓉漿，令到口感更豐富。。花竹蝦真丈 椀物真丈係類似魚蛋嘅日本料理～呢道菜一開頭可以打開個蓋聞吓味先，之後先飲一啖湯，再享用個本體🤣個湯有啖淡嘅青味，而真丈就混入咗好多蝦，好似一個大嘅蛋球咁～質地鬆軟。北海道秋刀魚兩食第一食係刺身，呢條秋刀魚好好食😋食材本身新鮮，口感爽彈，配上薑絲、紫蘇、芽蔥，平衡一下魚平身嘅油脂，亦完全唔會覺得腥，好match!第二食係炙燒，加咗魚肝做醬料，面頭仲有本地嘅菜苗，整體食落有啲苦，另外仲有少少鹹味，都幾特別～。造身 上腹吞拿魚 大拖羅！調味有橄欖油、自家製嘅醃洋蔥、蔥、黑椒，建議食法係全部都用晒😋尤其佢啲洋蔥真係好出色好好食🤣但當然都可以按個人口味調整啦～吞拿魚嘅脂肪分佈好好，油分豐富！。鰻魚手卷完全係呢間餐廳嘅signature ！個鰻魚燒得超級好，燒到個底好脆！咬嘅時候會脆到有咔咔聲。魚肉本身好厚，燒完之後依然好Juicy，而且聞到淡淡嘅檸檬香味，配埋手卷超級滿足😭😭。乳鴿配黑蒜汁乳鴿敲到表面有少少焦糖化，入面嘅肉非常嫩滑，另外有芥蘭苗同埋少少黑蒜汁，中和濃郁嘅肉香。。芒果沙冰 ,柚子慕斯自家製芒果沙冰，配上粒粒芒果肉，面頭仲有柚子味嘅mousse泡沫。食落好清新，而且有自然嘅甜味，係主菜前一個好好嘅refreshment!。魚翅撈飯真魚翅撈飯！超級大嚿魚翅，真材實料，食到一疏疏嘅口感🤤啲飯粒粒分明，仲有瑤柱、青蔥、生薑一齊撈飯，另外加入少量雞白湯，提升香氣同口感～不過爽口嘅生薑喺呢碗飯當中相當出眾，個人覺得口感上有少少搶fo。蘋果,乳酸,芝士雪糕係餐廳老闆自己研發嘅獨家甜品！外層係小蘋果造型嘅脆糖，入面唧咗cream狀嘅乳酸，先由客人扑開脆糖，再加上蘋果肉桂醬同埋芝士雪糕，整個過程嘅儀式感滿滿！味道都平衡得好好，係一個好清爽嘅甜品🍨…查看更多

同朋友去食「南洋暖嶼」雙人套餐（$1188/2人）～講真都唔平，食物質素普通，但餐廳環境非常適合打卡，完全係俾鮮花包圍住嘅感覺！現場見好多枱都係慶祝生日😆，仲可以request生日嘅花材佈置，好有儀式感，絕對可以滿足想打卡嘅朋友！。海陸空高蛋白Taco（A4和牛眼肉/蝦/雞）一份有三件，外層好似大塊嘅脆粟米片，分別包住牛肉、蝦、雞肉，口感感覺清爽，另外仲配有蕃茄牛油果莎莎醬，加埋入去酸酸辣辣咁好開胃🤤。叻沙煎大蝦菌菇配皮塔餅有蝦同埋蘑菇，配上叻沙蝦湯，食得出少少椰奶嘅香氣，不過啲蝦感覺唔係太新鮮，有少少痴殼😂另外跟咗幾塊皮塔餅，係硬硬地咁～不過不失啦。黑松露香草烤三黃雞呢個烤雞表現唔錯👍🏻烤雞嘅外皮微脆，表面仲有少少黑松露，聞落已經好香，入面嘅肉都好嫩滑，而且依然保留住肉汁。另外配埋一大碗南瓜蓉，口感軟滑而味道自然，個人都幾欣賞😆！。桂花照燒菲力牛排喺牛排上面加咗桂花，令佢多咗一種香氣，但係個人覺得會有少少影響口感😂而牛排可能因為煮得耐咗少少？食落覺得有啲韌～整體份量幾大！除咗牛排之外仲配有薯仔、車厘茄、南瓜等蔬果，一定食得飽🍽️。。海鮮辣味咖喱燴飯好食！係唔辣嘅咖喱飯，再加上用咗芝士去煮，令道菜好creamy好香～配飯好夾！不過都容易覺得膩。配料有好多唔同款嘅海鮮，例如帶子、魷魚、三文魚、蝦，不過食落似係急凍嗰啲雜錦海鮮😂，唔好太高期望。斑斕醬抺茶雪糕法式吐司甜品揀咗雪糕法式吐司，等咗50分鐘先送到😣！可能因為係即叫即整？味道主要係靠斑斕醬～甜甜地又好稠身，都ok嘅！配埋有少少椰子幼片，脆脆地咁，口感都幾唔錯！…查看更多

四香重慶老火鍋｜密密翻啅沙爹湯 $258(鴛鴦鍋)打邊爐嚟講湯底一定係靈魂！兩個湯底都好濃味，尤其推薦沙爹湯，偏稠身而且香濃😋，而四香重慶老火鍋就係麻辣火鍋，味道都好好，麻香十足！潮汕手切匙仁 $398手切牛係我出去打邊爐必叫嘅嘢之一，雖然呢間價錢偏貴，但係份量都好足，而且睇得出色澤好靚，食落口感幾嫩，感覺新鮮九節蝦 $138九節蝦每一隻都係用竹籤串住，成枝擺落鍋煮就可以，Size都幾大，但食落口感唔夠彈牙😗脆爆響鈴 $42同平時買嘅響鈴唔同，呢隻入面包咗紫菜，令到口感更豐富！而且放落湯度吸晒味真係好好食🤤哈波子手打蝦丸 $68本身睇已經好大粒，煮完之後仲會再漲大，就咁睇已經超級吸引！食落都好彈牙！金甲炸魚皮 $98勁正！鹹蛋黃外層完整咁包圍成塊魚皮，所以味道好濃🤤而且好脆，就咁食已經好正流沙芝麻球 $48雖然質地唔算超級流心，但係都收貨嘅。芝麻味幾香，但係外層有啲油膩，好似唔係好啱打邊爐嗌😂（尤其我哋個湯底本身都比較膩）黑毛豬豚肉 $198沙嗲牛肉洋蔥餃 $68蔬菜拼盤 $98雜菌拼盤 $88…查看更多

收工之後同朋友去食晚餐，舖頭主打唔同口味嘅疏乎厘pancake，另外都有提供唔同嘅日式主食，整體水準都唔錯，而且地點方便都加咗唔少分😹。蜜糖牛油雞翼（6隻） $68外皮炸得好脆！同時有鎖住入面嘅肉汁，外脆內嫩～而且上碟時熱辣辣，配上蜂蜜牛油，甜甜地咁好好食。四重芝士Pizza $194Pizza 好濃嘅芝士味！雖然冇拉絲😹，但係見到真材實料落足芝士，我本身都係芝士lover，所以食得好滿足！餅底係薄身的，食多兩塊都ok😋。傳統茄汁肉腸貓耳朵 $128比較少見嘅菜式～貓耳朵粉外型係好似一隻小飛碟咁，雖然外型特別，但係食落嘅質地都好平均，煙韌彈牙🥰烹調時間啱啱好。配埋德國香腸&乾嘅辣肉腸，令到口感更多元。提拉米蘇布朗尼Pancake $184舖頭本身招牌食品就係pancake，今次揀咗Tiramisu味，本身見到價錢都有少少卻步，但食完之後就覺得完全值得！pancake一送到已經聞到好香蛋味，質地軟熟，面頭灑滿朱古力粉，而且外面嘅cream好香Tiramisu味，碟上面仲有兩塊手指餅同埋朱古力Brownie，Brownie入面有少少果仁碎，全部都好好食TvT！絕對對得住價錢！…查看更多

今次食芋泥麻糬包，好有驚喜。外面嘅麵包好鬆軟，入面好足料，尤其個麻糬好出色，非常軟糯，甚至乎有少少拉絲咁！奶味又香。而芋泥都好滑，兩樣加埋好夾好好食😆早餐或者下午茶都好適合…查看更多

嗰日去嘅時候係平日夜晚，但都全埸坐爆！現場唔見有香港人員工，但似乎有真泰國人🤣連餐具都令人感覺有泰國style～加上價錢唔貴，味道又好，係適合幾個朋友輕鬆食飯嘅選擇！。醉貓炒河 $108好香好好食嘅炒河，用咗鮮蝦、蒜頭、泰國辣椒呢啲配料一齊爆炒，鑊氣十足！有少少惹味嘅辣，整體偏濃味，真係好似喺泰國食嘅嘢咁，都幾好食😋。啖啖蟹肉奄列 $168網上見到其他人推介，食完覺得名不虛傳！奄列入面有好多蟹肉，半煎炸咁煮到金黃色。真材實料，配上炸蒜同埋蔥令佢更香，味道唔錯，都幾值得介紹😆！。慢煮和牛 $58呢道菜嘅調味相對簡單，食到和牛原先嘅味道～啲牛都好腍，好容易咬開。泰式椰子煎餅 $58推薦！自己係第一次見到呢樣甜品，椰子煎餅煎到外層微焦，入面就係軟糯嘅椰汁糕咁，椰漿味道好出。一份六件，有三個口味：粟米／椰肉／香蔥，幾個味道都唔錯😋，整體食落偏甜但可接受，值得大家嘗試！👍🏻📍 尖沙咀赫德道8號地舖人均消費：～$200推介指數：⭐️⭐️⭐️⭐️⭐️其他美食👉🏻 #cada_尖沙咀…查看更多

雖然呢間日本菜係主打 Omakase，但我今次就試咗午市定食先～主食之外仲包咗一份沙律同味噌湯，整體食物質素都好好！。特上剌身丼 $153呢個丼飯有三文魚、油甘魚、帶子、赤蝦、海膽，各種刺身嘅質素唔錯！食落都好新鮮鮮甜😋，雖然份量唔算好多，但都合理範圍以內啦～醋飯嘅調味都合適，有微微甜嘅感覺。Lunch 可以食到呢個質素嘅一餐都幾滿足！📍 觀塘鴻圖道23號利登中心地下1號舖人均消費：$100-200推介指數：⭐️⭐️⭐️⭐️⭐️其他美食👉🏻 #cada_觀塘…查看更多

🍽️ 八味客棧放工之後去咗呢間新潮中菜廳～裝修有古典風情，每道菜嘅擺盤同器皿都好靚😍可能因為喺酒店入面，人流唔多，環境幾靜，可以同朋友慢慢食邊傾計～食物整體質素唔錯，好食！。蟹粉籠仔蒸飯 $248用原個蒸籠上枱，荷葉包住嘅蒸飯上面舖咗厚厚一層蟹粉🦀蟹肉同蟹膏份量足，食落自然蟹香好突出！。蒜香鮮蝦春卷 $42推薦💯！外層炸得超脆，入面蝦肉滿滿，口感爽身彈牙，一口咬落都好滿足～。大蝦腸粉 $42腸粉皮厚身，唔係傳統滑溜路線食落有啲 QQ 彈牙嘅感覺，幾特別！入面嘅蝦唔算多，不過粒粒都夠大隻🦐。老佛爺杏仁茶 $42份量大而且好香滑，帶住杏仁同豆腐交織嘅天然香氣🥛，而杏仁味都唔會濃到刺鼻，係啱啱好嘅程度😚。紫芋鎏金巴斯克芝士蛋糕 $68非常創新嘅甜品！特別得嚟又幾好食😋算係驚喜之作！！三層口感好有層次！底層係芋頭，綿滑又帶少少芋香；中層係鹹蛋黃醬，質地偏流心，鹹鹹地好好食；頂層係巴斯克芝士蛋糕咁～成件係芝士＋芋頭＋蛋黃，味覺平衡得嚟又新鮮。清潤燉雪梨茶 $58清甜潤喉，仲有雪梨果肉，都幾好飲！。八味水果凍茶 - 荔枝烏龍 $38無糖健康之選✅！荔枝味出又清香，用紫砂旋轉茶壺上枱，好有儀式感～荔枝嘅天然蜜甜同烏龍茶焙香融合，清爽唔膩！📍 銅鑼灣霎東街33號智選假日酒店一樓RHS舖人均消費：$200-$300推介指數：⭐️⭐️⭐️⭐️⭐️其他美食👉🏻 #cada_銅鑼灣…查看更多

🍽️ Y Pastaweekend去食一個輕鬆嘅lunch!餐廳環境幾大，適合同朋友嘅休閒約會，可以慢慢傾吓偈，食物嘅味道都幾好！會想再訪😆。10吋黑松露野菌醬薄餅 $118好好食😋！黑松露鋪滿成個餅底，無論聞定係食都有好濃郁嘅黑松露味，面頭仲有好多芝士，成個Pizza嘅味道都好好👍🏻。雖然好好食，但係感覺就會比較膩，基本上食2塊都開始飽😂。紅酒燴美國牛肋肉配香滑薯蓉 $208牛肋肉都幾多，每嚿都好大件，但肉質有啲韌，食得有少少狼狽😂，下層嘅薯蓉好滑，仲有少量雜蔬，配搭少少香草，味道唔錯～。精選甜品-伯爵茶巴斯克蛋糕 +$25甜品表現都好好！每日都有唔同嘅精選甜品，呢日係伯爵茶巴斯克～份量唔大，但睇落係餐廳自家製，誠意十足！上面有少少粟子蓉，本體嘅伯爵茶味濃，食落微甜又唔膩，值得加配！📍 沙田橫壆街1-15號好運中心3樓3080號舖人均消費：$100-$200推介指數：⭐️⭐️⭐️⭐️⭐️其他美食👉🏻 #cada_沙田…查看更多

🍽️ 紅粧蜀語高質川菜！平時唔鍾意食中式麻辣，因為覺得好多時都係用辣去麻醉味覺🤣，會因為辣而蓋過咗食材本身嘅味道，不過今次完全唔會！食到一啲菜色係有唔同香料，而且係有層次嘅麻辣，會令菜式變得別，好有驚喜～。馬家蒜泥白肉 $108豬肉片中間夾咗青瓜片，食落嘅口感更有層次，配上辣油好惹味！第一下唔算好辣，但後勁嘅麻味幾勁，都幾上癮！。岩鹽燈影牛肉 $168係講求刀工嘅菜式😂將牛肉片變成薄脆！而且仲會透光🤩，口感似比較實在嘅豬肉紙，另外仲有細細塊嘅脆蓮藕片😋，兩個嘅表面都係甜甜辣辣咁！。宮保脆茄蝦球 $288好好食！外酥內嫩，蝦球大大粒，口感爽彈。而且係配茄子球，口感有新鮮感之餘亦更富有層次。味道都幾麻，但唔會太辣～。水煮安格斯牛 $288呢道菜偏辣～選用咗美國安格斯牛小排，相比一般嘅水煮牛，口感更軟嫩唔會韌😋而且呢個菜式的醬汁較為濃稠，建議配埋啲菜一齊食，會更加掛汁同濃味😆。黑糖流心糍巴 $48外層煙韌軟糯，入面嘅黑糖甜甜哋，作為一餐嘅總結就啱啱好！📍 銅鑼灣登龍街1-29號金朝陽中心二期- Midtown27樓人均消費：$300-$500推介指數：⭐️⭐️⭐️⭐️⭐️其他美食👉🏻 #cada_銅鑼灣…查看更多

🍽️ The Spaghetti House 意粉屋自己已經好多年冇食過😂今次經過心血來潮試返，三個人都係叫 lunch set～結論：價錢真係幾平，但質素麻麻，應該唔會再食。餐湯：意大利菜湯 / 蘑菇忌廉湯 （可+$18加酥皮）意大利菜湯好油，一路飲一路見到油浮面😩 入面有紅腰豆同啲似貝殼粉嘅 pasta蘑菇忌廉湯都一般般，雖然有好多菇粒，但味道淡淡地，唔覺有忌廉香。肉醬意大利粉 $98算係最正常嘅一道，肉醬味道可以接受～但意粉質素麻麻，冇乜咬口，好快就斷。。半隻烤春雞配薯菜 $158中伏！隻春雞超級細隻，而且好乾，幾乎完全冇肉。另外有一啲焗蔬菜，有番薯、薯仔、粟米，但係超級鹹！完全唔值個價錢。甜品：蘋果金寶（+$18）呢個可以叫，但要預返時間～外層係牛油撻皮，入面係蘋果肉桂焦糖餡，味道幾甜🙈 最大問題係要等，本身話15-20分鐘就可以，但我哋等咗40分鐘先上枱，時間安排差咗啲…查看更多

🍽️ DONOVAN好好食😋成餐食完有震撼味蕾嘅感覺！超真心推介！weekend long lunch $480 絕對值得！食得出每道菜都好有心思，有善用唔同食材嘅配搭，令菜色有豐富嘅味道同口感～係週未慰勞自己嘅好選擇😌Starter。Japanese hamachi油甘魚味道清新，食到散開嘅油脂香味，配上蘋果蓉爆珠，令到鮮味更明顯，而且仲有幾粒榛子，平衡下刺身嘅口味，唔會對魚嘅質感麻木咗。62-degree slow cooked egg (+$80 for truffle)係鴨蛋嘅料理😆好creamy好滑，蛋黃係濃稠嘅流心狀，入面有少少薯仔同埋辣肉腸粒增加口感，仲可以加配埋松露片🤤，令成件事更上一層樓，個人覺得都幾值得加！Chef's Special。Maine lobster agnolotti (+$198)美國緬因州龍蝦雲吞，每份有4件，雲吞入面食到有龍蝦肉同埋其他香料，表面就有辣椒粉同埋青檸p.s.職員介紹時話係人手新鮮製造，所以數量好有限，建議想食嘅可以預先留定～Main。King salmon大大塊紐西蘭三文魚，淨係睇個樣已經知係靚嘢😍，脂肪分布好靚，食落肉質細嫩，另外配搭一啲法國藍青口、藏紅花和羅勒，令鮮味更出。Slow cooked chicken慢煮雞胸肉外層包咗薄薄一層豬油膏，鎖住肉汁之餘仲帶微微煙燻味🔥，肉質好驚喜地覺得嫩滑。配上迷你羅馬生菜同舞茸菇，食落層次感豐富～Dessert。Valrhona chocolate coulant用法國法芙娜75%黑朱古力製成，流心質感超正！另外有自家製柑橘雪葩，甜得嚟又fresh，兩樣一齊食balance得好好～。Pistachio & Cherry開心果嘅堅果香同雪葩嘅清爽感好match！加埋一齊酸甜軟滑，食完都唔會有好大罪惡感😋Champagne flight (+380) | Wine flight ($280)…查看更多

🍽️ Bistro Hoi An好食而且氣氛好好嘅越南菜🥰！整體菜式都好好食，而且我同朋友去食晚市，見到好多人都會去飲酒吹水，好chill!!而餐廳環境都好靚，裝修都幾有心機，一行入去就feel到種越南風情😂有好多彩色燈籠，營造古色古香嘅氛圍～。越式生蝦刺身 $138清涼醒胃！經典又好食嘅菜式😋虎蝦刺身配上提鮮嘅魚露，酸酸哋咁好開胃，啲蝦新鮮又大隻，好食！。芒果⽜油果素菜⽶紙卷 $82素食友好嘅選擇～呢個口味食落都幾驚喜，牛油果令到米紙卷多咗一種Creamy嘅感覺，值得一試。越南蜜柚燒蝦沙律 $138每次食東南亞嘅餐廳都好鍾意佢哋嘅沙律🤣蜜柚份量唔少，食落清爽開胃，配以脆椰絲、薄荷葉及魚露汁，色彩繽紛😆。特⾊蛋咖喱炒軟殼蟹 $198咖喱都係呢一間餐廳嘅特色之一，可以試到越式咖喱嘅香濃😋見到用咗好多唔同嘅天然香料～軟殼蟹嘅份量都唔少，而且仲會跟埋法包俾大家蘸埋啲咖喱汁😆超級滿足！。⾹芒蜜柚椰⼦雪葩 $72個人非常推薦呢個甜品！個椰子雪葩好闊佬😂俾咗好大碗！而且雪葩嘅椰子味幾自然嘅香，配上芒果、新鮮椰子肉、蜜柚，成件事都好清爽。最令人驚喜係有蜂巢脆糖餅！加埋落去好好食😋。越式⽜⾁三⽂治 $138。⾹茅燒雞⾁撈幪 $115Mocktails。HOI AN CÔNG CHÚA $78 （荔枝、青檸汁、接骨⽊花糖漿、玫瑰花氣泡茶）。PHU QUOC SUNSET $78（西柚蓉、青檸、梳打⽔、煙燻海鹽）…查看更多

位於ICC 101樓嘅新開麻辣火鍋店！一行入去就感受到好豪華嘅裝修😹應該主打商務客～整體食物質素符合預期，但主要都係去食個景，可以對住270度維港海景打邊爐，真係超靚！🥰。手切牛肉吊龍用聖旨盤上碟，好有氣派，好有打卡feel🤣啲肉都好嫩～淥大嘅8-10秒就食得，但就算煮耐咗都完全唔使擔心會韌！（因為我一開始揾唔返嚿肉所以淥咗好耐😂，但都仍然好好食，所以實證左唔會韌）。海鮮拼盤有象拔蚌、帶子、鮑魚、蟶子皇、生蠔，全部都大大件，而且感覺都好新鮮，唔會腥。東星斑 又係一個好浮誇嘅擺盤！用魚片砌到成個摩天輪咁🎡肉質偏結實，魚肉片有細骨，小朋友同長者可能都要注意一下～。烽火戲豬喉 / 冰川鵝腸 呢兩樣都係平時香港打邊爐比較少見嘅食物，兩個嘅口感都有啲相似，都係好脆好爽口😆，本身擔心呢類型嘅食物會有一浸內臟味，但食落都唔太覺～。特色紅糖冰粉口感清涼爽滑，而且佢本身係唔甜，主要甜味來自面頭嘅少量果乾～同埋有少少花生碎增加口感，是好適合嘅清爽解膩之選！概括一下，其實呢類型火鍋主要都係超濃味湯底同埋調味料😂，所以食材嘅味道唔係太明顯、但都食得出口感係唔錯嘅！有得唱K又有靚景，都可以一試！…查看更多