tszying813的个人专页

每年夏天都會爭取機會去沙灘曬太陽同游水。星期日見打風唔成又好好太陽就去左香港一個出名既景點 - 黃金海岸。沙灘好大由幾個唔同名既沙灘連住，最方便既一定係黃金泳灘因為跟商場。但原來搵野食唔只係商場，直接沙灘已經望到間高級法國餐廳 - L’atlantis。之前都食過下午茶，游完水行兩步食少少野可以繼續望住個海真係好舒服。今次想試下另一種感覺所以揀左食dinner。同男朋友兩個人去，侍應安排左望到海既sofa位，雖然夜晚黑蚊蚊但都叫望到有海既🤣侍應有介紹生蠔個d，然後就自己望下餐牌，兩個人就直接簡單揀左個二人餐，因為見有齊生蠔海鮮，亦有肉類為主既主菜….仲有龍蝦湯同紅白酒揀。即其實想食既野都齊😆侍應建議由淡味d既扇貝開始食，然後龍蝦仔再到生蠔。海鮮唔掂醬係比較淡味，但龍蝦肉都好爽口，生蠔都好鮮甜。之後食既好似係訂枱同消費滿$600送既鮑魚仔。黑松露汁好多，係食汁為主，送既算係咁。再之後係ham伴哈密瓜，塊ham唔咸唔重口味，油脂分布平均，配合哈密瓜好清爽。都算係開胃菜。湯方面，有幾款揀，但好似都係龍蝦湯最吸引🤣湯黎到見到有拉花覺得餐廳都有心思。湯就滑既味都濃既。飲完湯後，主菜終於都要到啦。我地分別叫左一份羊架7成熟，一份和牛肉眼排3成熟。兩個熟既程度都控制得好好，肉質軟淋冇根好易切同咬。肉類烹調得比較淡味，我見每台都有調味料即黑胡椒之類可能想比顧客自己調味。咁岩我食開淡味野所以接受到，鐘意濃味既可能事先同侍應講聲較好。羊架同肉眼排各有三塊，就算男人食量都應該夠滿足😚 雖然冇澱粉落肚，但食埋主食都已經飽同滿足。畢竟有齊海鮮同肉類。最後仲有甜品同餐茶，叫奶茶時可以揀港式奶茶或earl grey，earl grey 用左個幾大既茶壺上，可以慢慢飲。最後想讚下d侍應，食一兩款菜後都會問下顧客覺得o唔ok，唔係上完菜就冇交流，什至見侍應都有同顧問傾計，可能唔少客住附近同成日落黎飲酒🤣。間餐廳當日都有7/8成滿座，但大家都好乖好安靜咁傾計，如果想嘆下紅白酒同朋友傾下計我覺得都係一個唔錯既選擇。…查看更多

係外送平台叫外賣，只係叫兩個普通飯，一個招牌蔥油豬扒太陽蛋飯，一個炸雞髀煎蛋飯。但車手比原定時間遲了20分鐘才可以取餐。送到後一打開個飯盒，見到個雞髀炸到乾淨淨，好似冇咗忽肉咁，唔知係炸到啲肉縮水定咩事。仲要一食落去勁有油益味。真係同我標題所講，自己都炸得好過佢。依間餐廳真係要blacklist唔可以再比機會佢。凍奶茶普通。唯一可以讚就係送餐冇漏汁等，但其實依樣只係讚緊車手。依間餐廳真係唔知點解可以仲生存到。…查看更多

門口見唔太多人上一上openrice見到評價唔差就排隊試下啦。大熱天時係條街度等位真係好辛苦，到舖頭入面一走走成十幾個人（應該係一齊去睇波）但店員先處理晒其他客人既單據（落左單但比番單d客）同埋慢慢執枱唔知想幾時先比我地入去。熱到發脾氣見佢執左四個位我地兩個人就自己行入去先。到落單又話冇沾麵，出面又唔貼住售罄。排完咁耐隊一心想試沾麵既話真係會講粗口。想叫炸雞又冇，當時只係七點左右。最後講下個拉麵，不過不失啦，但冠軍拉麵真係好普通。紫菜淋蛋一般麵ok.…查看更多

之前一路有買開真心佢以前係好多蒜好有蒜味。但今日買左炒雞腎同牛柳粒，勁少蒜不特止仲要屈我冇比錢。之前一向叫完佢有寫落簿即比錢就等佢炒。今日炒完屈我冇比錢。講番比佢知比左$100佢就要找左錢比我都冇記憶。比多$30佢雖然唔係多但加上食物難食左真係好嬲。今日買個個時段已經好少人咖啦。咁都做錯，以後唔再幫襯。…查看更多