onkik的个人专页

因為公司係附近，所以由佢開業已經斷斷續續飲過幾次記得啱啱開張時服務唔錯，有笑容，會提你叫少冰少甜，第一次叫係芝士奶蓋朱奶，朱古力奶就係平時普通屋仔奶甜少少嗰d味道，奶蓋正正常常，因為是啱啱開張仲未有大杯裝，呢個份量呢個價錢有少少貴 （之後大杯係要加5蚊）然後第二次飲都係飲奶蓋（烏龍茶），但叫咗少甜都係勁甜:(之後諗住試吓佢d珍珠，所以有一日就去試了復刻珍珠鮮奶茶，點知係大伏，問過店員係加焦糖，冇得走甜，於是叫咗少甜，但係一飲係甜到痴線，飲完有少少手震，然後珍珠是硬的（不過當時同事叫了熱飲，佢話珍珠正常，可能係雪得太耐我唔好彩）之後就冇再飲過，直到上個月因為想拎應援而飲，發現店員已經換了人，比較冷漠，其中一個語氣較差，今次係試應援特飲蜂蜜鮮奶（少甜），就係加了糖水嘅牛奶，因為大杯裝有手繪杯，最後飲淨了半杯其實中間有試過士多啤梨牛奶（冇影相）味道正常，應該話係我飲過茶伴入面唯一覺得好飲嘅，如果之後唔係應援，我應該唔會再飲了…查看更多

第一次幫襯，本身想試雞捲，但今日冇，於是揀咗蚵仔麵線，買嘅時候淨係問我加唔加大腸，冇問我加唔加酸打開之後到幾香，睇落好大碗同好多蚵仔，但係一食落口係好酸，成碗淨係食到酸味我諗如果佢如果唔係落得太多醋應該會好味嘅…查看更多

網上及餐廳門口都寫是開11:00，但星期六大約10:57去到，已開閘，亦一直有員工返工，但等到11:15都還沒有開門….......唔知幾點先會開，沒有繼續等了…查看更多

四人叫了雞翼、沙律和3個主菜1. 雞翼睇落好脆，但不知是否放了一陣先食，食落沒有很脆。蜜糖芥辣汁好味2. 牛油果燒雞沙律沙律醬汁太少，雞燒得較乾3. 大力水手正常pizza味，如果多啲蛋黃感覺應該會更好4. 香辣蝦炒意粉味道好好，但好辣，如果多啲料就好5. bbq豬肋骨全份本身想食原隻燒春雞，但朋友想食豬肋骨，個汁係好味，但肉質有啲似煲湯豬肉，反而一齊上嘅薯條好好味，炸到啱啱好最後想講，服務好好，不斷加水，見我地想影啲食物又幫手移下隻碟，見冇人仲拍多張枱等我地由四人枱變六人枱，又好禮貌👏🏻總的來說，這一餐幾好，價錢又唔貴…查看更多

前一日先bk，食六點，好彩有bk位，原來入面好細，得十二、三張枱，唔bk實有排等一坐低冇幾耐就會加蛋漿，上泡菜、粟米、芝士、生菜。我地兩人叫了四樣野同一杯飲品燒肉叫了五花腩和牛舌就係咁用個熨斗壓住塊肉，每邊壓兩至三分鐘，再剪開燒一開始佢見我地唔識，都有過黎幫手和教我地。肉是沒有掩過，可能我燒得太耐，有點老，但有豬味牛舌嘅牛味好足，正叫了泡沫炸雞呢個好好味，雞係去了大部分骨，還加了芝士係入面，好味，紫薯都唔錯，好夠甜，可惜佢個汁好重咖啡味，我唔多鍾意，鍾意飲咖啡嘅應該會超愛另外叫了冷麵同平時係其他韓國餐廳食到嘅唔同，佢係唔酸嘅，只係有少少咸咸地，有時時生果味，但成個味道好豐富，如果再濃味少少同凍少少就perfect la仲叫了cider special荔枝味好好，一杯夠兩個人飲好大杯…查看更多

下午買了個蛋糕做tea啲cream好夠綠茶味，入面嘅綠茶蛋糕就差少少如果可以多啲cream就好。入面有紅豆，寒天(定啫喱），黑芝麻醬，紅豆同寒天都同個蛋糕好夾，但黑芝麻醬就好無厘頭，個味又唔出，唔落好過落P.S 除左芒果流心同牛乳芝士，暫時最好味係呢隻，miffy同哈密瓜都好唔得…查看更多

椰韱果蘭香子，鮮果明珠，三色涼粉，薑汁撞奶都好伏，蜜瓜西米露較好可能係的本人不喜歡蘭香子，我試左一啖，友人說尚可蜜瓜西米露最正常所謂的明珠就好似發左幾日的西米，好彩D生果唔酸三色涼粉都好差，三隻色都冇涼粉呼，特別是白色和透明，似大菜糕，但冇味薑汁撞奶伏中之伏(可怕冇影相)，好水，成唔到形咁濟，店員話食時要逐層逐層慢慢"筆"，唔好攪，唔係會變番水，但即使逐層逐層慢慢"筆"，仍然係好水…查看更多

知道只有一至四先有得bk位，就約齊人星期四食啦。點知早三日前打落去bk，佢話一早已經full左 :( ，咁於是就剩係訂左一份醬油蟹。不過好好彩，星期三夜晚佢打返俾我，問我會幾點去食，啫我bk到位 ，依家諗番起真係超好運!!!!(我估可能係佢見我訂左蟹，又算多人食，先俾位我)我早左到，不過未齊人，就上去探下路先，原來佢離地鐵站好近，不過門口排左好多人，再一次慶幸bk到位。到左7:30，我地一行五人便坐下(原來bk左6位)開始點菜。一共點了六樣: 醬油蟹，鐵板牛肉，芝士海鮮年糕鍋，炸醬面，石頭鍋飯(雞肉)，鍋巴海鮮湯，大部分都沒沒拍照，因為太餓了一開始有四小碟，泡菜好味，另外的都很淡最快到的是醬油蟹，樣子不錯，很鮮味，必食之選芝士海鮮年糕鍋亦好好味，芝士和海鮮都頗多，必食之選鐵板牛肉只布一個字形容--甜。牛肉份量都算不少的，可是都黏在一起，而且偏甜。配一白飯及湯(海苔)石頭鍋飯的雞肉很少，味道一般，不過店內的辣椒醬味道不錯。炸醬面我個人認為不錯，不過同桌的朋友不太喜歡，入面沒有很多配料，以洋蔥、脆肉瓜，及一不知明蔬果(朋友認為是紅棗)為主，味道酸酸甜甜的，很開胃。鍋巴海鮮湯與餐牌的照片不同，上枱時只是一個普通海鮮湯的樣子，原來鍋巴都浸淋了，有點像泡飯，味道跟樣子一樣好普通。…查看更多

11號嗰日超凍，去到餐廳大概十二點半，一入到去就有人黎serve我地，俾我地嘅係熱水，貼心!我地揀食物(set lunch)就揀左石斑魚和牛柳(圖)，至於前菜就有是日餐湯或沙律揀，由於天氣凍的關係，我們都揀了餐湯(是日是龍蝦湯，冇影相，極濃和香，但咸了一點。)石班魚就一般，有點太冧，牛柳就唔錯，可惜冇西冷 :( 有甜品，當日係紅莓朱古力蛋糕，正正常常啦!最後有個餐飲，coffee or tea，一般貨式。值得一贊係服務好好 …查看更多

七點三四去到，見到門口企住好多人，以為要等位，點知行到去又唔洗，超好彩 我們五個人叫左六樣野都好飽。有雞(半隻)，冷面，拌飯，芝士餃子，生菜包肉，吞拿魚卷(大概的名字，實際唔記得左)個吞拿魚卷好普通，其他野就不過不失啦!我幾鍾意個奶奶雞，甜甜地，同埋佢下面d薯粉好入味，不過碟雞好細碟，同好多碎骨，食嗰時要小心....…查看更多