StarFerry_Sailor的个人专页

最近同朋友去咗銅鑼灣渣甸街，搵到間寶藏日式料理叫「家賀屋」。真係要同你哋分享吓，佢哋啲海鮮超新鮮，仲有好多優惠，抵食到我哋叫到停唔到口！最記得係個活伊勢龍蝦刺身，上碟嗰陣隻龍蝦仲識郁㗎！啲肉超爽口又鮮甜，真係食到海洋嘅味道。我哋仲叫咗火炙左口魚裙丼，個魚裙燒到好香，入口即化，撈飯食超滿足。仲有汁燒免治雞軟骨棒，咬落去好有嚼勁，最啱用嚟送酒。佢哋個炙燒北海道魷魚條都好好食，燒得啱啱好，夠晒彈牙又有焦香，越食越想食。食完主菜，甜品朱古力心太軟都冇令我哋失望，流心效果超正，配埋雪糕，一冷一熱，perfect ending！最正係佢哋有好多海鮮都做緊半價或6折，生啤又半價，真係非常適合一班朋友嚟食餐好，又唔使肉赤！…查看更多

最近好掛住泰國旅行，但又驚外面危險，所以搵咗間好似泰國咁好hea嘅餐廳，就俾我搵到呢間叫「阿叔泰麵」。佢裝修得好精緻，一入去就覺得好舒服，個環境真係啱晒同朋友慢慢傾偈。我哋叫咗個阿叔牛肉船麵同碎貓豬肉炒河粉，兩樣份量都好足，夠晒飽！船麵湯底好濃郁，牛肉又夠嫩滑。個炒河粉都好夠鑊氣，食落好有泰式風味。不過最驚喜嘅係佢哋嘅甜品——芒果糯米飯！個雪糕好濃郁，配埋溫熱嘅糯米飯，一凍一熱嘅感覺真係幾過癮，好特別！下次如果你哋想去個小旅行，又或者想搵個地方hea吓，不妨嚟試吓呢間。…查看更多

今次終於輪到我去朝聖啦！見我班friend成日放假都嚟安平燒肉，話個燒烤放題超正。我哋今次揀咗M5和牛餐，成百幾種嘢食真係多到花多眼亂！最估唔到嘅係佢哋有威士忌主題，竟然將冬瓜茶加威士忌，飲落勁順喉，配燒肉食簡直一流！😍佢哋啲嘢食真係好有心，牛舌心係心心形狀，外面真係好少見。海鮮都好多款，我一個人就食咗十幾隻蝦！😋 仲有台式香腸同墨魚腸，都係我最愛。食咗咁多肉，記得要燒返塊菠蘿，酸酸甜甜，可以幫助消化又好食。最後一定要試埋佢哋嘅薑汁豆腐花芋圓，薑味夠濃又唔太甜，芋圓仲煙煙韌韌，超正！…查看更多

最近同班friend喺旺角搵食，發現呢間「人生有限杯」。聽講$10就有串燒食，初頭都唔信，點知去到真係有！$10嘅西班牙豬五花腩，肉質juicy到爆，肥瘦均勻，簡單鹽燒已經好夠味。我哋仲叫咗好多嘢，黑松露燒雞肝好滑，明太子忌廉烏冬超creamy，仲有我每次都必叫嘅免治雞肉棒，配埋日本蛋漿，真係好滑。最正係佢哋有啤酒買一送一，平均一杯$24，點可以唔飲返幾杯？食住串燒，飲住啤酒，簡直係人生一大樂事。我哋仲試咗個流心蛋薯仔沙律，個流心蛋撈埋薯仔沙律一齊食，味道好rich。呢間串燒店真係好抵，下次一定會再嚟！…查看更多

最近同班朋友去咗將軍澳呢間「一鼎」，試吓佢個$349嘅澳洲200日穀飼牛火鍋放題！真係好抵食，足足兩個鐘任你食！啲牛肉好新鮮，牛舌同牛柏葉都好正。最驚喜係有得任食生蠔同大蜆，勁鮮甜！仲有我最鍾意嘅芫茜和牛串，味道好特別。食到最後，飲返杯冬瓜牛乳茶，再食個手作紅豆沙，完美！下次再約你哋嚟！…查看更多