surimeow的个人专页

今次嚟同朋友點了一個A+B+C+D套餐，每份$103再加一，喺中環食晚餐嚟講包主食小食飲品甜品算幾抵食!瘋狂肥腸麵 (少辣多麻)勁鍾意呢度啲麵既辣度同麻度可以分開調配，啱晒唔食得太辣但又好鍾意麻既人!麵煮得剛好，保留咬口又掛到湯，肥腸洗得乾淨，唔會太有肥膩感，十分滿意!瘋狂擔擔麵 (BB辣)更唔食得辣既朋友點的擔擔麵是撈麵，雖然沒有湯，但擔擔肉醬的濕潤度剛好，不會過分油膩或乾，BB辣度亦剛好~小食高湯蒸蛋(另加$18)  棒棒雞(另加$32) 蒸蛋調味剛好，口感幼滑，十分抵食，棒棒雞係類似無骨口水雞，雞肉不鞋，少許麻辣十分惹味!甜品成都老冰粉毫無懸念必叫的冰粉，食完辣麵再食簡直一絕，冰粉的微甜與花生等配料的咸香非常夾，大推點A-D全set套餐試晒所有嘢!…查看更多

今日同朋友2人來食飯，建議大家預早訂座，我地等咗一陣好快就安排入座，店員十分有禮貌，見我地第一次來食都有作推介，我地叫咗一個主食，2個卷物同2份小食蟹膏帶子炒飯 $178米飯粒粒分明，帶子同蟹肉都比得好大方，調味不會死咸，食到海鮮粒既鮮味~份量亦相當足夠，2-3個人都綽綽有餘!火焰金龍卷 $103 (左)      富士山 $93 (右)上菜時排得相當有氣勢的卷物的確有震撼到我，火焰金龍卷內有三文魚, 炸蝦同芝士，頭尾包上炸蝦尾製作成一條龍，稍有火炙過的卷物相當惹味，入口即化，高度推介火炙類卷物!富士山則包含鰻魚和牛油果，再撒上大量蟹柳絲製成，鰻魚和牛油果稍作調味已相當好食，唔想食生嘢呢個係一個好選擇，食食下仲食到有脆片，口感層次相當豐富!自家製玉子 $52玉子蛋奶味香燶，配上蟹子更添口感!燒年糕拌北海道紅豆 $48呢個係店員推介我地叫的甜品小食，烘過的日本年糕充滿米香，口感軟糯，配上香甜紅豆更添風味!整體係一間食物選擇超多的居酒屋餐廳，加上良好服務態度，更加分!Menu太長好多野都想食，推介一大班人來可以叫多啲款式share!…查看更多

到達時約下午1時，店內較多人，要等一陣先可以入座，安排座位後需要自行到cashier點餐，同其他cafe一樣，咖啡會問你想要fruity定nutty啲當日係平日，我點了一份set lunch，要了Basil and Prawn Linguine，因為比佢自家製tomato sauce吸引咗，另加$12要一杯nutty的flat whiteBasil and Prawn Linguine自家製tomato sauce沒有令我失望，酸甜度平衡剛好，味道比現成醬更有層次，香草風味十足，配料大蝦亦好足料，非常爽口彈牙，好好味~~Flat white呢度既豆香味濃郁，就咁嚟飲杯啡都抵玩~…查看更多

隱藏於村屋餐廳之中的日本小店，食物質素和環境的絕不馬虎，一直比佢期間限定的丼飯吸引，但可惜今次來已經無晒，唯有下次再留意~炙燒丼 $88 +$10跟水果茶包括炙燒三文魚、帶子和左口魚，係我最喜愛的三款魚，因此毫不猶豫揀咗呢個飯，刺身都十分新鮮，配上炙燒，魚油味更香濃~飯更配有青檸和紫蘇葉可自行作調味，呢樣野都唔係度度都有提供! 好欣賞!!跟餐仲有麵豉湯和沙律(沙律汁勁好味)，加$10有特飲選了水果茶~正!小店魚生飯再加呢個價錢絕對係誠意之作!…查看更多

當日餐廳播音樂有啲太嘈太大聲，傾計都唔太聽到朋友講野，但同咗店員講佢地都好快手較細聲返了午餐 鹽酥雞滷肉飯配凍冬瓜茶 ($65)配菜雖然大約有一口大小，但食晒成碗飯同雞係超級飽，份量絕不馬虎! 加上滷肉香濃，份量亦足夠餸飯，鹽酥雞外脆內juicy，好好食但免費跟餐冬瓜茶太甜，麻麻地小食 梅子地瓜條 ($36) 玉米起司蛋捲餅 ($38)食物質素令人滿意! 地瓜條甜甜地好啱用嚟炸，蛋餅亦好有台灣的味道，滿意~…查看更多

雖然不用等位，但小小的cafe內已剛好滿座，有提供一些室外座位，有狗狗的客人都可以來~室內座位寛闊，是一個適合工作或跟朋友坐低傾計既地方，店內廚房是開放式，眼見非常乾淨整潔，望住咖啡師為客人預備咖啡都覺得好放鬆，cafe亦有提供輕食，但我們只點了咖啡~我和朋友別點了Dirty, Cappucinno & Flat white咖啡味道香濃，帶着淡淡果香味，加上店內揚溢着咖啡香，令人更深深感受到咖啡的香~…查看更多

舖頭不大但勁有人氣，即使係平日都最好book定位，店內光線明亮，裝潢舒舒簡約，店員安排了窗邊位🍞Bread with Butter店內提供的餐包，牛油拌有黑松露，配上微微烘過的麵包非常夾🧀Baked Hokkaido Scallop with Morzarella非常美味的side! 即使配上芝士味道也不會太油膩，加上刺身級的北海道帶子真係令人食唔停口~🍝Sea Urchin Pasta 海膽手工意粉幾乎係每枱必點的意粉! 加上外觀真的100分!每條手工意粉都均勻沾上海膽汁，再豪邁地放上一塊海膽，再配上少許(仿)魚子醬，Dough Kitchen的手工意粉真的令人無可挑剔，口感煙韌，非常掛汁，包裝意粉完全沒法媲美，唯一只是海膽醬汁沒有想像般濃味🍝Vongole 鈕西蘭鑽石硯配香蒜白酒汁扁麵除了pasta外，linguine也非常值得一試，加上香蒜白酒汁更為惹味，硯肉大大粒好香嫩軟滑，個人較喜歡這款pasta!🍕Parma Ham Pizza 8"8" pizza對3-4人大小剛好，配料好足，有巴馬火腿、火箭菜、白松露、芝士，批皮係薄批，保持香脆口感，好好食~🍊Yuzu Sour ($58) Yuzu juice + Japanese Shochu🍊Yuzu Soda ($48) Yuzu juice + Soda🍑Peach Jelly Soda ($52) Homemade peach jelly + soda朋友點了Yuzu sour & Yuzu soda，都話幾好飲，我的peach jelly soda非常有驚喜，peach jelly彈牙又有滿滿桃味，配上soda water不會太甜，非常推薦這裡的飲品~…查看更多

Bread每枱都有的麵包，牛油頗香Sides我和朋友都很喜歡吃sides，crab cake味道濃厚，份量小小的；Mac & cheese十分香濃，超好食，Creamed spinach亦不錯，sides都水準符合預期，大家都好鍾意，Sauteed Australian blue mussels應該最超預期好食，醬汁香濃，沾麵包食一流，加上青口大大隻，超級軟滑creamy，一啲都唔韌! 真心大推!MainsSeafood hotpot份量略細，但包含各樣海鮮，有青口、蝦、八爪魚、蜆都好有鮮味好足料，我地試咗佢淡湯，湯汁亦帶有啖啖日式木魚湯及海鮮鮮味，另外Eggplant lasagne為素菜，以大大塊茄子片和車打芝士組成，但味道沒有太大驚喜，份量亦略細Desserts最出名的Baked Alaska味道略甜，口感亦較單一，但店員上菜時會點火，驚喜十足另外Creme Brulee味道亦符合預期，擺盤十分精美，再配上生日字句，birthday girl亦表示滿意!…查看更多

朋友午市時嚟過食形容係一間樓上cafe，但晚市就搖身一變成為具格調的西餐廳，OpenRice指定時間訂座有優惠，夾到時間會抵食好多!裝潢內部裝修同工業大廈反差極大，一入門口如同置身高級商場餐廳之中，難怪大家都話唔可以睇小工業大廈裡的餐廳!餐廳內一小角係售賣各類精美咖啡工具，好多客人都係專登戴返口罩出嚟睇下啲商品，另外一大亮點係餐廳內的傢具，甚至空間設計都係由ALOT Living設計，自己都留意咗呢間日系傢具公司好耐，喺呢度唔止有得睇仲可以坐住嚟食飯，木傢具真係為餐廳增添不少質感，令用餐體驗加倍愉快~食物餐廳食物質素亦相當對得住佢既裝潢同價錢，一睇餐牌會發現晚市只供應各類set dinner，但選擇多，唔難揀到自己鍾意食既野，加上連同開胃菜、湯、甜品等食足5個course!開胃菜 Appetizer煙燻法國鵪鶉脾伴巨峰葡萄醋汁葡萄醋汁味道唔太突出，但鵪鶉脾煙燻味一流，食太多可能會略咸，但隻脾細細隻剛剛好，幾啖食晒，非常開胃餐湯 Soup松露野菌忌廉湯好香濃，食到粒粒磨菇意式雲吞 Pasta香煎北海道帶子·自家製蟹肉意式雲吞呢份迷你pasta係跟餐每人一份，帶子係刺身級帶子，半熟程度剛好，帶有煎過的油香及帶子本身的鮮味，意式雲吞略為過熟以及不帶掛汁，但食到粒粒蟹肉，誠意之作!Refreshment跟餐的一杯小伴餐飲料，帶有清爽青檸柑橘味，可為口腔解膩預備食主菜主菜: 紐西蘭寶雲酥羊架配松露忌廉千層薯除主menu上的main外，當晚亦特別有羊架選擇，見唔係成日都有就決定一試，亦令呢個羊架成為我地最愛主菜!七成熟的羊架上舖上一層咸蒜酥皮，為羊架增添觸特風味，加上羊肉十分軟嫩，沒有羊膻味，另外作為伴菜的松露忌廉千層薯亦功不可沒，千層薯焗得恰到好處，調味香濃，忌廉十足，非常好食!主菜: 香煎智利白鱈魚配露荀野米蟹餅紫蘇忌廉泡沫另一個大家很喜歡的主菜，鱈魚非常嫩滑，蟹餅亦十分可口，紫蘇忌廉泡沫沒有太特別，但為外觀加了分，有種分子料理的感覺主菜: 香煎虎蝦魷魚青口辣茄蓉自家製扁寛義大利麵雖然不太吃辣的朋友話有啲辣，但自家製意粉真係大大加咗分，除咗誠意十足外，口感亦十分彈牙，大家都讚好食!主菜: 栗子野菌釀法國黃油春雞配蘆筍松露千層薯黃油春雞啖啖肉又十分多汁，但朋友指調味略啖，配菜有千層薯，算係補返數啦主菜: 杜洛克黑毛豬鞍扒配蘆筍伴松露忌廉千層薯朋友指豬鞍略有少少鞋，但調味不錯，有千層薯加分!甜品: 焦糖核桃朱古力慕絲配香梨拖肥醬無粉朱古力蛋糕已經好飽但有一個美好的甜點作結，唔太甜但好有層次唔同口感，唔會一味甜耶耶或味道單一，有朋友生日仲會為佢幫上生日字句總結雖然單看價錢會稍高，但食物質素及餐廳環境絕屬高水準，朋友慶生或情侶約會一流，環境亦不會太嘈吵，加上大多店都非常有禮親切，上菜亦會有作簡單介紹，menu內容中英對照清晰又詳細，令食物與預期都非常接近，希望主菜會間中稍作改變，期望下次再嚟會有驚喜❤…查看更多

因為一早book定位唔使等就可以入座，不過愈夜愈多人，外國人都鍾意嚟呢度食青木瓜沙律 $76口感清爽，但感覺無咩調味，可以醬汁不足，大多只食到食材本身味道，因為整體一般炭燒豬頸肉 $108最期待的豬頸肉幸好沒令我地失望，炭燒風味十足，豬頸肉軟嫰，醬汁非常惹味，跟豬頸肉 十分夾! 必點!暹館大蝦金邊粉包蛋 $98蛋皮煎得好靚，同menu張相一樣!加上青檸汁、花生碎同辣椒粉令味道好有層次!美中不足係金邊粉有點炒過龍太淋香葉炒肉碎 $98超香口惹味的炒肉碎，配上爽脆生菜一流!但真係有啲辣，怕辣朋友要注意下!另外飲品叫咗泰式香濃奶茶飛雪$48同特濃芒果飛雪$48奶茶係用咗泰式奶茶，好有泰國味道，另外芒果亦不會太甜，但可能食物較濃味，我地好快就飲晒杯野，後來想加單時店舖較繁忙，舉手舉咗好耐都無店員來，加上環境有啲嘈，我地就放棄加單離座了…查看更多

漢堡係走快餐店自助型式，需要自己搵位，但因為係快餐，客人大多食得好快，又會自律執枱，店員都好有效率幫忙抹枱，朋友幫忙霸位後就要再排隊買野食，當日周末都幾多人，繁忙時段要等一陣先食到我地叫咗黑松露芝士牛堡、Impossible素肉芝士漢堡，跟餐加咗汽水同炸燒賣、番薯條，再另加香脆粟米片雞塊黑松露芝士牛堡 $52黑松露味十分香濃，同juicy漢堡扒十分夾，配上爽脆生菜中和油膩感，包裝紙食用方便衛生，方便過就咁放喺碟上 (cafe通常做法)另外醬汁調味剛到好處，係一個會惹人食過返尋味既burger!!Impossible素肉芝士漢堡 $62Impossible素肉算係高價啲既植物肉，所以唔好驚訝佢比真肉價錢更貴，素肉口感十足，保留到juicy口感，非常適合做漢堡肉，亦可以滿足到素食朋友，始終有心製作素食漢堡肉的地方不多，連食開肉既朋友都大讚呢個包!小食:香脆粟米片雞塊、炸燒賣、番薯條人氣高企既炸燒賣應該唔使多用介紹，番薯條甜味十足，令人食唔停口，粟米片雞塊好有驚喜! 表面的粟米片增加了香脆口感，放耐咗都依然好脆，比普通炸雞塊好食太多了!❤…查看更多

齊柏林貴為香港具代表性熱狗店，分店愈開愈多，今次買咗一隻熱狗連炸物拼盤返屋企食，十分滿足!火炙芝士辣肉醬熱狗 $54芝士、辣肉醬、生洋蔥、芥末、辣腸，外賣返到屋企仲熱辣辣，熱狗包有烘過，各樣配料都十分足料，對得住價錢，芝士仲可以拉到絲，加上實物比想像中大，男仔都得飽，真係誠意之作，絕非便利店熱狗可媲美!飛船小食杯 ($26)有洋蔥圈、雞塊、薯格，跟咗茄汁同燒烤汁，食得出係新鮮炸，買返去即刻食仲係脆卜卜，最愛洋蔥圈，大推!!!…查看更多

牛大人以前一位難求，但近來愈開愈多分店，有部分仲可以OpenRice book位，今次book咗2點，準時入座，見其他人walk-in都唔需要等太耐。我們點了$208極上和牛吃到飽，湯底方面選了鴛鴦湯底(+$50)，包括牛大人秘方麻辣鍋中辣+阿嬤養生濃湯鍋，麻辣湯十分惹味，配上鴨血、蘿蔔等一流，養生鍋出乎預期清新，配牛肉更可帶出鮮味。M5和牛可能部位問題，牛味不是相對出眾，外觀也不是太討好，同相片有點出入。當日有供應西洋菜、皇帝菜、唐生菜、娃娃菜，相對其他日式火鍋，仲有響鈴供應，非常高質。呢度仲有勁多唔同款嘅牛滑、蝦滑、墨魚滑等。當中最滿意係各類豐富自家製飲品，特別鍾意桂花烏龍！最好飲！洛神花茶就略甜，整體係好正嘅台式邊爐，但由於選擇太多，90分鐘食到有啲趕！不過好彩食到佢自家製的玄米茶雪糕！為滿足的火鍋畫上完美的句號…查看更多

自從米線關注組興起後，愈來愈多人走入荃灣試試老闆娘米線，好嘢自然多人嚟食，為咗避開人潮，建議真係平日/盡早去食。今次同友人平日1點去到，已經有一個蛇餅，等咗大約35分鐘才能入座，排隊前記得拎定落單紙，排到再交比啲姐姐，再揀飲品就入得去了。今次點了碗麻辣胡椒湯底米線($47+6)小辣配雲醬豬軟骨，再加餸野菌腐皮卷(+$10)，再加多咗一枝檸檬薏米水($10)米線非常大碗，女仔有機會食唔晒可叫少米線，胡椒湯底雖然要再加錢但麻香味十足，非常惹味，豬軟骨亦非常軟同入味，炆得好淋。野菌腐皮卷一炸好就會上枱，腐皮非常酥脆，野菌十分juicy，建議上菜後盡快食咗佢！薏米水消暑解膩，畢竟喺外面排隊等到身水身汗，總括而言係非常地道嘅米線，愛辣愛麻人士必試！…查看更多

平日12點幾來到十分多人，取飛後到尖沙咀逛一會回來共等了約45分鐘，基本上壽司種類大多根據個人喜好，加上壽司郎大多種類都非常穩陣同好食，但今次反而係甜品比到好多驚喜我！卡達拉娜 $22話佢係壽司郎最正甜品都當之無愧！佢係一件好軟身creamy嘅cheese cake，但不會過甜，反而食到濃濃的奶香及雲尼拿香味，仲真係見到有粒粒雲尼拿籽，加上表面仲有一片焦糖，為蛋糕帶來香脆口感！呢件蛋糕絕對會令我下次再食！白桃味芭菲 $32期間限定的口味令我想一試，加上上年供應時錯過了，但可惜只有白桃雪芭及桃肉有較香白桃味，其餘雪糕，以及下層的忌廉和蛋糕卻只有單調甜味，相比一路都有供應的抹茶芭菲，白桃味無論在口感或味道上都較為單一，有點失望。整體是滿意的一餐！…查看更多