今日食呢啲的个人专页

海之戀呢個商場自從有咗 Donki 之後就人流不絶，不過好多人都只係會行 Donki 嗰層，其他樓層一概少理，直至三樓開咗間 TASTE 超級市場，才恍然大悟原來三樓都有餐廳。而其中一間餐廳就係呢間品川日式放題，見到 OpenRice 上可以就咁訂座，於是乎就星期五夜晚約埋班朋友一齊去試下啦。老實講，OpenRice 上對於呢間餐廳嘅食評好壞參半，所以就完全冇抱任何期望去試下。準時到達報到，不消三十秒，職員就已經安排入座，眼見每張枱嘅距離都至少有 1.5 米，而且並冇坐滿，我哋四個人被安排坐窗邊六人座位，感覺上空間較一般日式放題店寬敞舒適。餐廳採用手機㸃餐，不過系統畫面非常之差，而且連食物相片都未能顯示，落單所需時間比較長，感覺不太好，希望餐廳方面可以改進一下。食物方面，一般刺身都冇乜嘢問題，都幾新鮮，唯獨個生蝦感覺上細隻同埋冇咁新鮮，有甩尾嘅現象出現。其他熟食都不錯，牛油煮帆立貝都幾好味。串燒都係一般放題貨式，冇乜驚喜。伏位就有湯烏冬，真係超伏，可以唔需要嗌。餐廳亦有無限量提供飲品、清酒、梅酒及少量甜品。總括而言，餐廳舒適座位搭救，以三百蚊食呢個日式放題都算做合理…查看更多

星期三夜晚打電話去 book 位，第一個接聽係 call 台接線生，首先要先講低自己想幾時幾月幾日幾多人訂位，然後大約兩個鐘頭之後，餐廳就會打電話返嚟確認時間。到咗星期四晚，餐廳再打電話過嚟確認一次，而且會問想食普通放題定係大閘蟹放題。星期五晚上 19:30 準時到達餐廳，Reception Area 都有大約六至七個客人在等待，同侍應報到之後，等咗大約五分鐘就有位坐低。餐廳有提供濕紙巾，不過就冇提供口罩套。餐廳以手機落單形式叫嘢食，系統界面就麻麻哋，流暢度一般，不過比起人手落單都算方便。餐廳上菜時候快，亦冇乜漏單，大閘蟹由落單到送貨，都不多於五分鐘，整個放題時段叫過四次大閘蟹，每次嘅送貨時間都好平均。餐廳方面標榜每隻大閘蟹大約有三至四兩重，現實見到都係差唔多，而且每隻都有好多膏，鮮味屬於中上，食多幾隻就好容易回本。其餘的刺身、壽司、串燒、炸物等等，質素都係屬於中上，並冇將貨就價，值得推薦。…查看更多

平時去長洲食晚飯，多數都會選擇食海鮮，因為總會覺得由於長洲係一個四面環海嘅島嶼，島上餐廳所提供海鮮會比較市區餐廳嘅新鮮便宜。不過，今次再嚟到長洲，就想試下海鮮以外嘅晚飯。由於長洲都住咗唔少外國人，所以就估長洲都應該有啲唔錯嘅西餐廳。喺 Open Rice 上做咗少少 Research，見到呢間位於海邊嘅 Pizza 店，評價都不錯，所以今晚就決定試一下。餐廳提供戶外座位，客人可以選擇坐喺比較近海邊進食。餐廳亦係以自助式經營，飲品餐具等等都要自己去拎。Pizza 就係即叫即焗，今晚見到有三個師傅一齊焗 Pizza，焗一個 Pizza 大約為 5-10 分鐘，有大細批之分。今晚叫咗兩個 Pizza，一大一細，細嗰個係 Four Cheese Pizza，芝士味非常濃厚，鍾意食芝士嘅朋友一定會鍾意。另外一個係 Peter's Lunch Pizza，蕃茄底醬鮮甜，上面嘅 Bacon 好夠味，餅底由於係即焗，所以好脆好味。總括嚟講，都係值得推介…查看更多

喺長洲食完晚飯之後，就沿住渡輪碼頭嘅海邊小路，嘗試睇下有冇甜品糖水店，唔知道係唔係普遍長洲嘅甜品舖都比較早收工，晚上九㸃半基本上有好多都已經關門，所以一路行一路搵，搵到呢間甜品店，老闆話自己晚上十一㸃先至關門，所以就入去試下啦。餐牌上甜品嘅價錢，同市區都係差唔多，由於店舖前都有吉位，就選擇坐喺室外，由於有微微涼風，加上店舖安裝咗座地風扇，所以都幾舒服。甜品質素都幾 OK，唔係死甜嗰種，而且品種都算多，西式中式都有，亦有刨冰，都算不錯。以小店嚟講，都算係中上。…查看更多

平時都會趁假期嘅時候，走去長洲行下、食下嘢 … 今日落咗船之後就施施然行去張記食碟魚片頭墨魚丸撈麵，㸃知一食入口，發現麵有鹼水味，魚片頭炸到超老，墨魚丸因為落得太多粉而變得好硬，真係好失望，食品質素比較之前下降咗好多。唯一冇變嘅係佢碗魚湯，仍然飲到鮮魚味。真係好可惜，堂堂一間長洲出名嘅老字號，食物質素差咗咁多，相信店家一定要好好提昇食物質素才可以保住客流，如果只係著眼短時間的不回頭旅客生意，而不保住現有客源，對於餐廳嘅將來完全冇好處。…查看更多