Agnes S的个人专页

很久沒有來港灣商場的酒樓，見佢有優惠午市及晚市，即管來試試。又ok喎，158套餐抵吃，有燉湯，有小菜，還有海鮮班，燒鴨特優菜式，感覺吸引。招呼很好，坐位寛倘，值得平日來試試。…查看更多

差不多14pm入座時, 選座位原來係無自由嘅, 要被伙記安排， 諸多阻攔！有其他空位係唔許坐的，硬要迫在其他客身邊一齊坐！人人都唔想同d陌生人搭枱啦！遇着D麻煩嘈吵客就認真煩擾！只想靜靜吃個lunch hour午飯啫，都好艱難！又唔係霸住您個位唔走嘅！又是要自助斟熱水，茶記新規則嚟？！仲要已被斟清，叫人加水等十世！去餐廳吃飯，叫人奉上一杯熱水都咁困難！嘢食又差，基本餐肉雞蛋都飯唔好味！全部只得顏色！做色水！蔥巨巨大粒，蛋冇味，餐肉冇味，仲要係韌嘅！！咁普通都做得唔好！！真係好唔掂！連比錢都係要自助，好似去超市自助買嘢咁！丁點服務都無！叫都唔想應！仲話齊齊搞旺經濟！！！咁嘅質素，等於快餐店！但快餐店都好味過佢！整咁靚裝修，騙人落搭！0 service！No next time ！🙄p.s. 已經劣評，系統仲硬係要人比最低嘅一粒星星！這星我說～代表：廢！…查看更多

好多食品都好味，尤其晚餐蒸魚，小炒類也好味。西式三文治，扒餐也相當不錯。最重要還有牛腩，水餃粉麵類，很多選擇！而且環境舒服有日光，價錢便宜抵讚！但最弊係老闆太煩，太擾人，處事失準無記性，只得把聲只管理無聊東西，令樓面員工日日換人，無個做得長，我次次去都係新人，多多甩漏，使食客覺得好混亂，常常要催促，身為熟客的我，直情要教d伙記怎做，提示落單，及遞送久等之食物！曾經見有過熟手伙記，但很快已經不再續工！希望老闆警醒，唔好貪平請人（炒散）！及善待員工，用心的好伙記係好幫得手架！！…查看更多

這裡算是新開不太久，但見店舖細細，一直未有意欲與人夾迫用餐。但現在疫情時期，人流減少，而且要勒令隔遠距離用餐，所以可試吓。今天被安排坐梳化圓枱，沒人共坐，感覺舒適，餐牌挑選不多，但當點了食物並送上的時候，一碟碟 熱騰騰、香噴噴…… 整個人的嗅覺、視覺、味覺全部被牽引，真是色香味全！食品： 蒜子椰菜苗、香茅牛肉撈檬、 香茅豬扒飯、 沙爹雞肉串。食材新鮮，味道可口。飲品也是不錯。還有用QR code 點餐有95折而且沒有加一收費！…查看更多

如果你喜歡飲湯，這裡可以滿足到你。這天路過，見到餐牌有喜愛的靚湯及點心，店舖內又有位，決定試試。幫襯了蒸飯，燉湯，龍眼肉桂花榚。飯味道ok，沒特別驚喜，但燉湯及榚點很好味，值得推介。在非繁忙時間優閒品嚐也十分寫意！…查看更多

首次幫襯伏左!凱撒沙律用杯裝，即全部預先整定，由雪櫃直接取出，完全不新鮮，菜疏黃色，十分隔夜，跟片白包更加有隔夜味，配搭後亦食不出有凱撒沙律的味道! 很差!!龍蝦包也是隔夜味，全無新鮮味都預左，但連個包也似隔幾夜!!!真係連麥記都比它好味!慢煮三文魚味道好一般, 無驚喜普通壽司店好味過佢!這個價錢就算食物份量少，唔緊要，只要食材質素良好有保證，都可以接受。但現在真的吃過後也擔心會肚子痛，這樣不新鮮，比錢都唔順!!真係貼錢買難受!!!!!:(…查看更多

第一次是5月24日光顧, 見到商場內有廣告標題，千味棧任飲任食，吸引了我們前去，以為日式小舖，原來係一間酒樓!?好有新鮮感喎！不需等位，即入即食，限兩小時。環境十分舒適, 比真正的放題更好坐。各式各類的食物也有喎！第一梗係叫剌身啦！好得喎！好味，好賣相!其他也不差，例如: 串燒物，炒菜，糖水也ok其中有些中式食物就一般，不夠水準!總體是可以的!!第二次是今天, 父親節 很多人在外等候,但我們已經頂了位,所以即入。依然先叫刺身, 火炙壽司等等...... 賣相十分美麗，而且仍是相當好味。👍👍飲品方面有汽水外，還有幾種熱飲，如菜蜜，檸蜜都不錯，亦相當大杯。其間我們再叫些 泰式,越式菜...有冬蔭功，庶蝦，炒榖類海產，炸蠔等(雖然我不愛吃，但也覺好味)，還有芝士年糕都很好吃。最普通的還有雜果沙律，炒雜菜，燒腩仔...即使是平常東西，但也是很美味。還有多款糖水，甜品，雪糕亦吸引，實在很多美食，令人食欲大增😁😁今次有水準,比上次更美味﹗﹗(可能是節日，所以十分繁忙，有時也會等耐些才來食物，而另有些飲品，食品送來，非我們order, 只因客人寫錯枱號所致，見伙記們已忙過不停，也值得原諒。)這酒樓放題值得推介!  :) :) :) :) :) :)…查看更多

在  貴網頁搜尋元朗食市，見到呢間被評價很好，很正！但已是2012年的評語，是吃西式的，現在已轉了吃中菜，在家附近都即管試試啦！我們頂了6大1細，吃晚飯。一去到人不多，不用等位，即入坐，環境闊大舒適，發覺原來多年前已來過，那時也是吃中菜，是酒樓，而現在卻是西式裝修做了中菜！見到她們服務很周到的已安排好B B櫈及BB膠餐具，很有心！！正題當然是餸菜，十分意外的好味，像吃私房菜呀！我們點了以下幾樣：秘制豉油雞 （我不愛吃雞也覺好味）鮮腐竹浸菜苗 （超常好味，很讚！）特色波蘿姑撈肉 （好特別，新鮮波蘿，鬆脆肉皮）清蒸筍殼魚特色炸雞卷 （少肉，多齋，反而吸引，正！）足料燉湯全部都好好味呀！！:):)…查看更多

星期日8:00pm行過, 見環境幽雅又不需等位便隨便入去試試。在外已看見了有二人套餐HKD248.00, 即使貴小小 見都頗多款式又覺啱食便即點選了餐牌：餐菜湯兩杯 (普普通通) :(小食:雞翼及餃子 (SIZE 蚊型!! 味+相 完全不掂, 呀媽煮仲好味) :(南瓜疏菜沙律 (不過不失)松露野菌櫻花蝦Pizza (味道奇怪, 有D似係WASABI物體撈埋所謂松露, 唔知乜味!! 野菌似霉,要吐出來, 餅又乾又"UN") :( 溫泉蛋卡邦尼意粉 (算最佳之作，好味)甜品 (SIZE超細, 超普通, 又無比餐具!! ) :(餐飲:特選espresso ( 只可叫此餐飲, 轉其他要加HKD28.00!! 無奈ORDER!! 特細杯似拜神用茶杯!! 特苦澀, 超難飲!! 我諗大杯都無人飲) :( :(飲了幾啖棄置!!食完成個餐, 好食的只得一味, 我覺得係無下次!! 最致命係步行回家途中,我老公已經肚痛, 忍住以為一陣無事,點知太辛苦都要找厠所解決!!以為一人不適都係個別事, 回到家輪到我也肚疴,肚痛, (明明中午餐後是正常無異) 又以為睡覺休息後無事, 至第二朝起身又疴.... 斷斷續續.....又未至於睇醫生!! 足足疴了兩日, 如果我去了看醫生, 我就唔係呢度講而轉移 XX會!!! :呢間嘢簡直要BAD LIST!!! …查看更多