anna_destiny318的个人专页

入黎本身係為左搵個位餵小朋友食粥既，但人地做生意點都要叫啲野食既～ 個tea set menu勁多選擇，掙扎左好耐終於叫左下面呢份下午茶餐！香蕉朱古力雪糕丹麥酥多士：我聽過朋友提丹麥酥多士但一直都未有機會試，一試就番唔到轉頭烤得鬆軟既多士配埋香濃既朱古力雪糕，真係好好食！！！！呢種多士比普通多士多左層次同口感，同埋可能果時店內冇咩人，佢烤到岩岩好，唔會好似平時果啲𠝹親個嘴！ 下次去我一定會再食呢個！另加$16就有呢份芝士蛋糕伴雲呢拿雪糕～ 唔記得影相俾張圖大家睇下，一樣既，呢份就係普通野，個芝士蛋糕質地太濕，唔夠芝士味，不過雪糕配芝士蛋糕咁食係第一次，都幾好味既～$16抵啦～…查看更多

聽人講開左間新甜品鋪，離屋企近近地就去試下～ 店內都full full 地，好多學生，我地帶住小朋友就坐左出面～抹茶麻薯窩夫：面頭烤得脆脆地，中間既軟綿綿既麻薯，配紅豆同埋抹茶雪糕真係超正！不過窩夫本身冇咩抹茶味，扣番少少分蜂蜜抹茶梳打：梳打同蜂蜜都係拎到黎自己倒，可以控制甜度，好飲既，不過嗜甜既我覺得梳打水既味蓋過左抹茶同蜂蜜榴連心太軟配曲奇雪糕：真係流出黎嫁～～～ 切開好香榴連味，食第一啖，好榴連，但第二啖就冇晒味，得番一陣有啲奇怪同人工既蛋糕味，可能我食唔慣熱榴連甜品啦～ 下次都係食番朱古力果啲隱陣之選好啲！擺盤，陳設都好有日式甜品風格，黎天水圍食完華嫂跟手食埋呢間本區難得特別啲既甜品鋪都係唔錯既行程既～ 每份甜品都係大概$50，都算抵食～～ …查看更多

今日終於逼到老公陪我試呢間朋友成日講既三田！一坐低就即刻叫左兩碗大既沾麵！最後我食得晒我老公食唔晒順帶一提，大真係好大份，平時要開少飯果啲人應該叫中或者小～濃湯豚骨魚介辛沾麵：辣，但又唔係好辣，我試左一啖覺得呢種辛辣味唔好味，就專心食自己果碗一樣係濃湯豚骨魚介沾麵，唔辣版～ 佢既麵質真係不得了，煮得岩岩好，口感十足！蛋同塊豚肉都好好味！不過我發現我唔係沾麵既big fans, 雖然明白沾麵既湯一定係濃啲，但本人口味偏淡，都係覺得佢鹹左啲....另外我仲加左份吉列豬扒，普通啦，唔係juicy但食得出係新鮮炸既，想食多啲肉呢個都係唔錯既選擇，仲包埋杯汽水添～Overall 都算唔錯，不過我諗我下次都係會去食番湯麵囉…查看更多

雖然唔係抹茶控，但喺facebook見到介紹同埋download Rhombus Dinning App有六五折都係忍唔住黎試下（要預約同睇下當日六五折quota full左未先join到個優惠嫁！）呢間唔係大酒店所以一開頭對所有食物都冇太大嘅expectation，不過要講抹茶甜品佢唔太ok, 而且款式唔多。一開始我地拎左啲灑左抹茶粉既薯條食，好味～但主要係薯條炸得岩岩好雞翼都幾正～另外仲拎到一人一個燕窩燉蛋之類既野，好香好滑唔甜膩！不過拎左一次就冇lu~到主角抹茶甜品：前排既藍妹芝士蛋糕朱古力檸檬蛋糕都係普通野，不過唔算好食。果"pat"抹茶慕絲，冇咩抹茶味仲要酸酸地咁，食左一啖我就轉移去其他款度後排杯裝既紅豆抹茶凍，抹茶泡芙，抹茶牛奶mousse卷同抹茶mousse tart,都係好食既，不過連住食有啲膩，即刻寫紙叫啲即煮pasta中和下～而令人surprise既就係呢啲pasta, 佢由pasta 種類，用咩汁到用咩料都係自由配搭，完全符合你口味～ 我地第一次叫左煙肉白汁（呢個最正），之後試蕃茄、香草、松露白汁三種，四款都唔錯嫁～ 份量仲係手掌咁多，唔會食得太飽。仲有即叫即滾生滾粥，朋友試左兩碗都唔錯，加鹹蛋，又綿又香至於個即製crepe就真係麻麻地，我地已經order 朱古力醬同香蕉呢個必殺組合，但都咁唔好食.... 試左一份就放棄喇其他食物仲有刺身呀湯呀生果呀咖哩配薄餅，普通啦～ 六五折左都算係咁～不過呢度既waiter waitress 服務態度十分好地方都坐得舒服，幫佢加番啲分！…查看更多

有朋友食素嘅，所以我哋每次同佢食飯都會試到新嘅素材素菜，今次對於我呢個食肉獸黎講真係目前為止最好嘅素菜體驗～ 因為我地得三個人，所以只係叫咗四個餸，難得嘅事我對每個餸都好滿意呀！牛油果天香卷：中間係卷住炸過既椰菜絲，食落去好fresh, 另外不得不提，牛油果點左豉油wasabi真係超似三文魚，宜家成日話三文魚刺身有蟲，牛油果就係最佳嘅代替品喇～ 菱角豆腐餃：滑嘟嘟既豆腐包住磨菇做餡，下面係同樣又香又白滑既蒸蛋白，都幾考功夫既一味餸，唔好睇少豆腐餃面果一塊仔芫荽其實佢味道超濃，如果唔鍾意食嘅人可以挑走佢先食～ 不過有左佢同粒杞子就為平淡嘅豆腐增添左味道～令我驚訝既三色刺身！應該係扮螺片三文魚同吞拿魚刺身～ 螺片同三文魚如果你唔話我知我真係會以為自己食緊真既，係口感比真刺身彈牙煙韌，「吞拿魚」其實味道同「三文魚」相似，不過我冇食過真既吞拿魚刺身就唔亂比較喇～最後係砂鍋雲吞素雞煲：啲姨姨幫我分左先上我地太快食冇影相，好多菜同菇，啲素雞口感同味道都好似真雞！！素菜雲吞多汁好食！湯既胡椒味稍嫌濃左少少，但都係好味既～ 不過我地三個人share呢個煲真係飽左啲呢度既服務好好嫁～ 經理同樓面啲姨姨都超nice, 好主動幫你介紹餸菜（我望到佢地幫隔離枱），枱面又執得乾淨～ 下次要帶老公黎試下其他野先得～…查看更多

好耐之前喺海港酒家食過一次粥底海鮮鍋，今次奶奶生日，老公搵左呢間帶兩老去試下～我地叫既係每位$268免加一茶芥小食既套餐，同$398既分別係隻蟹～先上圖：飽魚同元貝，鮮甜！蟹我地揀左花蟹代替羔蟹，每人有一隻，淨係蟹蓋都手掌咁大，多羔又厚肉，好正！生蠔 馬刀貝 北寄貝 蕃薯貝，除左生蠔之外其他三種貝我都唔識分，不過都係新鮮而甜既，蠔我一向麻麻地，不過都食到冇腥味既～蒜蓉蒸花竹蝦 好大隻好好味，掛住食冇影到，爽口彈牙既蝦肉，配勁多蒜蓉都蓋唔過蝦既甜味～蟲草花蒸雞，本來有配烏冬底，但我地又係食完冇影相，咁呢份點黎既呢？係生日大旺既奶奶抽獎*抽中嫁！蟲草花超多，味道咸左少少，但本身配烏冬食都ok,淡番少少直頭係perfect!（*抽獎方式好特別，不過聽老闆口吻，可能四月開始就冇喇～ ）最後個粥底，要另加$68，我地揀左瑤柱白粥，吸收晒所有海鮮同雞既精華，好食到暈，我自己食左四碗🤣🤣🤣免加一茶芥真係好抵食！海鮮係一級新鮮！難得係menu 圖片同實物係一樣嫁，甚至更好，小店老闆同服務員都好nice 好熱情，食得好滿足呀！…查看更多

今日好開心到家三口入park同黎呢度食tea, 今次tea set既主題係近期大熱既Beauty and the Beast, 個tea set 一黎到一把年紀既我既少女心又再次爆發～～其實唔算好大份，兩個人食剛剛好，甜點比咸點多，而且真係幾甜，先生表示麻麻地，我一樣食得好高興英式鬆餅配奶油忌廉及果醬：就係相入面米奇頭果個，有兩件既，我呢件係原味牛油鬆餅，老公果件係唔知提子定藍莓鬆餅（唔記得影相) 鬆餅超香牛油味，配埋米奇頭形既牛油或者忌廉再加啲果jam真係好好食！波士頓龍蝦及芒果沙律配麵包片：老公喺我食之前掃走晒龍蝦上面啲裝飾食物，佢話一齊食舊龍蝦冇味，又真係喎，不過舊龍蝦肉好爽口，ok啦煙三文魚菠菜芝士三文治伴黑魚籽醬：入口感覺好微妙，煙三文魚既味道蓋過左其他野阿拉斯加蟹肉蒸蛋白伴舞茸菇及蟹籽：呢個係成個set 惟一既熱食，超正，個Cast member 會提你趁熱食，蛋白吸收晒蟹肉既鮮甜味，舞茸菇同蟹籽就加左多層次既口感，可惜既係.... 佢好細碟車厘茄紅菜頭慕絲伴野豬肉批：白痴老公分開左層mousse同肉批黎食，我無咁低能，估唔到兩種味咁夾，好特別既設計，仲特登將mousse整成玫瑰花型檸檬曲奇：就係果條Belle 既裙，精緻到唔係好捨得食（講下啫，轉頭就吞左落肚～）玫瑰士多啤梨慕絲：整得好靚，味道都好好～ 之前睇介紹短片講原來整既時候脫模果下好易爛，真係花費唔少廚師既心機！芒果熱情果慕絲餅：就係印住Pandora果舊，呢塊無論味道同賣相都普通左啲～主題特飲：幻彩衣裳/花枝招展我問左CM 係咩黎，但真係唔記得，有枝草串住心心士多啤梨既超好飲，佢係上枱既時候先倒入個酒杯度再用枝草做攪攪棒mix埋啲嘢，另外有花瓣果杯就似fruit punch咁，有芒果味既～Overall都幾好食，最重要係影相超靚！下次再有新主題應該都會試下…查看更多

得閒無野做約個fd 去high tea 傾下計～ 聽人講呢個tea set 唔錯就book 左，不過不失啦～呢個價錢應該可以再好啲～成個set 包4個鹹點8個甜點，總體係啲sandwiches 好食過甜品～頂層係中西合璧既甜點中層係鹹點：牛角包同煙三文魚卷最好食底層又到番甜點甜點最好食既係士多啤梨開心果奶凍，完全無平時開心果甜品有果陣果仁既怪味，係清甜開心果味，中間既士多啤梨jam甜而不膩，食得好開心榛子朱古力慕絲和藍莓紐約芝士餅都唔錯～最差既係芒果蛋白卷，蛋白卷硬到咩咁，浪費左舊好鮮甜既芒果整體其實唔錯，環境好舒服，我同朋友過左個舒服既下午，不過如果甜點既外形改變一下會更好，頂層既兔仔糯米糍個樣真係好抽象....Canton style 係個唔錯既主題，應該可以再發揮下～…查看更多