JasonTC的个人专页

Menu寫明乾炒牛河$58，收我$60，再偷偷地轉左豬肉片。可能你哋牛肉賣晒，但全程無出過聲。啲豬肉仲要冇醃過味。收多$2我當你外賣錢，但「肉片」當牛就有啲過份。商店唔老實，外賣諗過先好叫。…查看更多

先讚：椒鹽豬扒飯(原先)：但最終變左唔知乜飯。食物好味既、有鑊氣既。再彈：乾炒牛河：唔好食，炒到勁燶、牛肉片好少。同場另一間好食好多服務：等緊途中已經聽到出菜同廚房講整錯左。但可能我生臉孔，又係買外賣，由始至終無人解釋下，無人問我願唔願意換，只係搏大霧俾左個飯我。其實我睇住你都辛苦炒左出黎，小商戶食材成本高，唔係任何衛生問題，我又真係唔介意食左佢。不過你唔講，咁樣搏大霧，就真係難免令人感覺不爽。希望呢間小店改善下啦！…查看更多

見到電視推介話逆視擴充，大排長龍，專登搭車誇區去食，但結果有點失望，無想像中好食。食物：生煎包餡料份量係適中既、但皮太厚、汁偏清甜、芝麻太搶味、溫度只有微溫。感覺真的很一般，坊間大把食生煎包既舖頭比佢更好食。酸辣湯味道尚可，但皇牌餐配的迷你份量的確相當迷你，感覺CP值不高。跟餐送既豆漿，細杯，送既味道。環境：新開，乾淨既、晚上6點唔使排隊。不過主做外賣，坐位不多。無乜冷氣，黎緊夏天，加返冷氣會好好多。…查看更多

今晚第二次試呢間甜品點。但勁失望。上一次試，已經覺得只係一般，但仍抱有希望，可能一次失手者。今晚天氣凍凍地，決定俾個機會再試一次。叫左一碗熱豆腐花、一碗熱生磨芝麻糊。但發現豆腐花不夠滑、芝麻糊較稀、落糖水補救。所以，我覺得同呢間舖既名氣比，真係試一次就夠，好多甜品舖更好吃。…查看更多

上星期同老婆食完堅尼地城分店，堅好食。諗住今日禮拜五，再食餐好味既米線。點知呢間真係伏中之伏。叫豬扒雞翼雙拼，豬扒份量即時減半，加得兩隻雞翼，總共份量仲少過老婆果碗單叫豬扒米線。但雙拼仲要貴$7！花生無堅尼地城果間做到咁脆、湯底都明顯差過堅尼地城分店，滿滿的味精味。同一品牌質素差咁遠，唔怪之得堅尼地城果間要排隊，正街呢一間繁忙時間都坐唔滿啦！差評！下次我都係去返堅尼地城間分店算了。大家唔好中伏喔！…查看更多

12點黎到，座低點菜，想叫Momo, 點知雞未ready，芝士未ready，得豬可以叫，心諗，唔對路，尼泊爾人唔食豬架喎！唉，算，我試一試啦！結果，未ready既狀態一直去到12:50先黎第一道菜，未食野就見識到，佢地做野速度真係好尼泊爾。第一味係Nepali Daal Phaat，食落去，好咸、好乾。就算我本身食開重口味都唔慣。不過尼泊爾口味係咁，就唔多評論了。第二道菜係Momo，但漏單，結果要到1:15先有，仲要係少少凍既。我O左嘴。服務方面，廚房慢就唔講了，樓面有位斯文哥哥幾好禮貌，粗獷哥哥就無咩禮貌，都幾符合人設。呢間野試一次就夠。港島區尼泊爾菜有幾間再好味啲既。呢間就bye bye了。P.s 餐廳環境算乾淨，但好迫。…查看更多

聽朋友講唔錯，於是第一次去買。本身唔識買既，叫門口個男店員幫忙揀靚啲既。問佢呢個時期食公好定食乸好，佢答我無分，隻隻都係養既，已經覺得有啲伏。咩唔係話有分季節食公乸既咩？不過見佢係店員，信佢專業判斷啦！就叫佢幫我揀四隻兩公兩乸啦！買完已經即刻返屋企，點知有一隻係死既，又係斷腳既，真係灰左。下次大家去買，記得唔好叫果個男店員幫你揀。真係呃人架！☹️…查看更多

腸粉套餐都唔好食既見到人人都讚渣哥，諗住試下啦！貪心買左個套餐想試晒三樣。$26本身貴貴地（小弟家貧無計）但原來有野飲送，即刻覺得抵返。但食落去，腸粉其實ok既！偏幼身，但平心而論係滑既。米漿味唔太重。魚蛋並非我所好，唔識評論，感覺比較食硬，唔彈牙亦無味道。真正失望既係燒賣。我係好鍾意食燒賣既人。期望越大、失望越大。除左粒燒賣大之外，真係一啲都唔好食。醬汁比較好係真既，食完只有少少口渴，相對黎講係健康少少既。最後，不如杯野飲唔好送啦！袖子蜜同水無分別。減價比我算啦😂我諗我唔會食下次啦。試過一次就夠了…查看更多

今日經開呢頭諗住開心食個 lunch，點知中伏入左間零服務都要收加一既「餐廳」。其實對於服務呢樣野真係見仁見智。但我本住服務好俾係俾得開心既，但入去係自己QR code 落單，食完又係自己出去埋單，同茶記無分別，咁都收我加一？唔通服務加左去啲氣氛度？午餐要杯熱飲最平都要加我$3，你好好生意唔憂做既？上黎既餸又少，得幾片薄肉片，食完都唔覺有野落肚，仲要收我$80。最唔高興既係唔好食。我當買個教訓，我就唔會再食了。純粹寫低俾想入去試又唔知值唔值得既人睇下。…查看更多

叫左一個燒汁牛肉飯（$52），一個日式雞扒飯（$52）。兩個都有寫住推介。燒汁牛肉飯，有金菇，肉質跟吉野家分別不大，味道稍稍勝過吉野家。日式雞扒飯，完全沒有汁，只有兩片小椰菜墊底。乾到喊。兩碗既飯都係偏乾。加上無汁，食到尾係有啲辛苦先可以食得晒。跟餐有沙律、檸水，不過不失啦。但總體感覺偏貴。比吉野家不見得好食幾多，但價錢貴好多。希望只係今日廚師稍稍失準啦。環境方面幾有特色既，啲椅子都係用桶改裝而成。而且都叫乾淨。但係放回收碗既車就在食客旁邊。職員執碗又唔係個個都輕力放，有啲污水差點就彈到我啲食物上。所以大家小心囉…查看更多

聖誕節正日，都仲有午市套餐，真心讚！叫左兩份燒肉拼盤，份量OK，質素OK。有兩碟前菜、例湯送俾你。額外叫左雞腿，都OK.服務幾好，侍應生有禮貌。環境衛生。可以一試。…查看更多

睇到網上介紹話好掂，於是上星期去左試下。叫左一個一人晚餐 + 咖喱牛肋條 + 梳乎里松露湯正常既，個湯熱熱地，味道ok來佬汁駝鳥肉沙律呢，其實都正常，但完全食唔到咩來佬汁，啲肉有少少鞋口。不過跟餐既野，你懂的，算啦。主菜安格斯牛扒。我初頭仲以為會係鐵板，但原來係碟上，即刻有少少失望。雖然我花左1分鐘影相，但唔知點解放入口係暖既，完全高興唔到。。$300一塊牛扒，唔熱、牛味唔重，其實，店家可唔可以俾返少少心機補救下呢？原本叫左既係咖喱牛肋條，但上菜錯左係咖喱海鮮。即刻問侍應，原來係廚房搞錯。我心諗，塊蘇皮我都整開左，咁就算啦，廢事浪費晒食物。食落，覺得海鮮做得幾有水準，要讚既！但問題出向啲咖啡汁上面。我食完兩三啖已經要飲一杯水，濃到苦，苦到我差啲無左味覺。其實係我有問題定廚房有問題？唉。。。全餐飯唯一最滿意係甜品。梳乎里堅好食。埋單，收$500。其實無咩野好講，小插曲係，原本我叫既酥皮牛肋條係貴過酥皮海鮮$30既，事後我check返，原來佢上錯左又無幫我減返錢，照收我牛肋條既價錢。所以總括黎講，試下無妨，但再食就no了。…查看更多