venusyclaw的个人专页

都成100蚊一個set（一件cake+野飲），野飲加錢，人頭最低消費一個set。兩條友去帶唔夠現金就走左。我會assume呢間野一定係人間美味先會收呢個價錢，招牌係豆腐芝士蛋糕，老闆娘話可以外賣（我諗冇咁貴）希望下次有機會再試，…查看更多

同屋企人路過呢區想食個早餐，朝早8點未夠得呢間開左門就入左去坐，想叫侍應落單，有位男士未行到埋黎就話：「講野」。個語氣就等同叫你：「還錢」。我成枱呆一呆，單都未落完佢就行左去後面，粒聲都唔出，係咪聽緊我講野都唔知。到一路上餐佢拎住碟野行到埋黎尋仇咁等我地執d位出黎比佢擺野，一肚氣拿拿林食完走人。唔係話客人比錢大晒，亦唔要求食個茶記要賓至如歸，但食個早餐都未至於搞到好似成家一齊做錯事咁。奉勸一句，做得咁唔老嚟咪唔好企樓面，無謂大家難受，呢d唔係叫特色，係叫討厭。晦氣到咁都鄧間餐廳可惜，辛苦其他好好服務嘅侍應，同煮麵有一手嘅廚房。…查看更多

“首創以岩燒石來燒烤的日式串燒專門店”，聽落幾吸引，但去到係一舊岩燒石都搵唔到，gas就有兩罐。話就話放題，但飲品“每位加$20”，變相成張枱一齊加，一係就唔好飲。一張可以坐十個人嘅大枱，抽氣扇就成張枱咁大，但枱面其實放得兩個gas爐仔，細到兩隻手掌都遮得晒，仲要咁多人用，放得隻雞翼又放唔到條腸，燒到聽朝都未燒完。與其利用呢d不良營消手法去降低成本，一係就唔好做放題，一係就加價，誠信先係一間公司最大資本。…查看更多