tsepoyee的个人专页

今日囡囡放假，話想中午去酒樓飲茶，我話中午冇特價，不如等2点下午茶先去食啦，囡囡就話好呀，我哋不如出去北角行一陣先啦，我們就去咗北角健威商場，買了一點東西，看看時間已經一點45分，我們就坐巴車去筲箕灣龍悅酒樓，飲下午茶醫肚，下午茶點心好便宜，大中小點全部小點計，還有其他特價粉麵，我們就點了一個蝦餃，燒賣，山竹牛肉球，鮮蝦腸粉，椒鹽炸豆腐，鹹菜豬肚湯，豉汁鳳爪，一路在吃點心時，侍應生態度非常之唔好， 我就話你哋冇乜職業道德， 跟著我同你女I走了。…查看更多

今日去淺水灣遊覽，好多年都冇去過淺水灣，淺水灣變化得好大，有好多高樓大廈，又有一個觀音像的廟宇，之前聽朋友講話這裏個觀音像好靚，今日真是大開眼界了，再行過沙灘這邊，好多人在 游水，又有好多人在曬太陽，有好多小朋友在砌城堡，玩得好開心，好了有點肚餓，在淺水灣看看有什麼東西吃吧，嘩餐廳這麼多人嘅，算吧我出香港仔食好啦，於是我就坐巴士出咗香港仔，香港仔都好多食店哦，我看見有間南記，南記都好耐歷史，於是我入去叫咗一碗魚蛋粉，一碟油菜，南記魚旦爽口彈牙，保持得好好，好有水準。 …查看更多

幾時先落完雨呢，今日又咁大雨，今日小學生要返學了，但是天氣很惡劣，難為小學生冒著大雨去上學，要去買餸了，小朋友放學要回家食飯，出門時都冇落雨，落到街後又傾盆大雨，只好去酒樓坐一會食個早餐，就去咗海寶漁港，點咗一個早晨孖寶，早晨孖寶好抵食，有飯配点心或者粥配點心 ， 我就點咗一個鳳爪排骨飯，一碟鮮虾腸粉，食飽再睇吓有冇落大雨，看見冇落雨了，快快去街巿買餸，在街市買完餸又下大雨了，今次琳到全身濕曬，只好回到家快快换衫，回想到在海寶食早晨真是底食，真是想下午茶再去食，好過自己煮。…查看更多

忙完一天了，去旺角花園街，花墟觀看靚盆景，真是花多眼亂喎，看到有好多新品種的盆栽，真是好想買回家，但是我種不到，每次買回家都好快雕謝，只好放棄吧了，再去旺角金魚街，又見到好多新品種的金魚，看見金魚遊來游去好得意，我終於忍不住了，買了兩袋金魚，一袋是米奇老鼠魚，一袋係紅鼻魚，然後再去坐102巴士到西灣河太安樓，買飯盒回家食，好奇怪看見海南鷄飯店舖很少人排隧，平時就排長龍，我買了兩盒海南雞飯 和仔仔食，海南雞飯，雞肉嫩滑，真是好味喎。…查看更多

今日本來有節目，去上水摘荔枝，天不造美，落雨落咗一朝早，又有雷暴警告，黃雨變紅雨，真悶極了，等到十二點還下著大雨，只好取消今天的約會，再等到一點半後雨勢冇咁大，終於可以出街走走了，就去咗太古城行了一會，再去銅鑼灣，有點兒肚餓，於是我就四周看看，看見祺哥餐廳，睇睇有什麼好食，看見下午茶餐有棋哥燒鵝瀨，還有常餐，常餐太豐富了，我怕吃不下太浪費，於是我叫了一碗棋哥燒鵝瀨粉，嘩下午茶餐燒鵝瀨粉，竟然有燒鵝脾比我食，真是好開心哦，燒鵝真是好味，皮脆肉嫩，好味好味。…查看更多

今天真是悶了，成日落大雨，由黃雨變紅雨，下午冇落雨了， 可以出街走走了，先先去皇室堡，再去sogo，原來sogo今天大減價，由13樓一路走落到地下，行到買鞋的店舖，看見平時買開鞋的店舖做特價，價錢比平時平一半，開心到跳起，快快買多對，在落超市，買咗少許零食，好多人在排隊畀錢，於是我們要醫肚了，正在商量食什麼呢，我話食日本放題，有啲想去食素，都好呀 ，於是想起黃金商場有一間叫大自然素食，就致電去訂位，我們就去到大自然素食店，就點一個日本刺身拼盤，像真度好高又好食，又點了一個酥炸鰻魚，還有一個 xo醬炒青瓜花，我最鍾意都係食日本刺身拼盤，真係好像在食刺身。…查看更多

今日去大澳玩，行攰了就到一間華記餐廳食嘢，一入去餐廳 店舖職員不理睬，最後我大聲叫了他們，我要點餐，叫一碗牛根腩麵，沒想到這麽難食，牛根腩無味，湯底如清水，侍應招呼態度非常差，完全不可以接受，沒有下午套餐，飲品超貴，落單後無人招呼全程自助，店舖只是兩枱客人，沒有辦法，只好自己動手攞杯清水飲，下次不會再去這店舖，真係唔明白，啲嘢咁難食間店舖還可以生存，我想起了大澳的都是自己鋪，所以佢有冇生意 都冇問題，希望佢哋檢討下自己的態度，有D職業道德。…查看更多

今日去太安樓四周圍行行，無意中發現到太安樓有一間金蛋飯，開頭看見很多人在排隊 ，我也打消念頭了，仔仔話這間蛋包飯好好食，於是我就排隊，買咗一盒蛋包飯， 一盒至尊蛋包飯，我在等要半小時後 ，我再問問老闆我還要等幾耐，老闆話就快到了，我再等了半小時，就再問老闆點解我等了一個鐘還未到我，跟住老闆看看我的單號說對不起，跳了單就即是連忙做咗畀我先，還請我食兩件雞扒，老闆在說聲對不起，還不停介紹佢店舖有什麼特色食物， 老闆非常之忙，都好有耐性。…查看更多

今日約左姐姐，妹妹，一起去 龍脊行完山，姐姐年紀有點大 ，行得非常之慢，我同妹妹 慢慢行等佢，姐姐話終於上到山頂了，風景好優美啊，非常之開心，休息了一會，再行去大浪灣，看見大浪灣海灘，大浪一個接一個，好多人在玩滑浪，聽到好多歡笑的聲音，又在大浪灣欣賞海浪，好舒服不想回家，最後我們一齊坐小巴回到筲箕灣，再坐地鐵去西環 ，萍姐泰國菜食晚餐，點了一個生菜包，串燒牛肉，串燒雞肉，明爐烏魚，馬拉盞通菜，雖然店舖細小，好有特色 ，有人情味，這裏的泰國菜，非常之好食，食飽要送姐姐回家去。…查看更多

今早親朋來到我家談天說地， 他們說一田做緊大減價，不如去一田行下啦，我就問邊一間一田，去新蒲崗Mikiki嗰間大啲冇咁多人，我們就立即出發了，我們就由西灣河坐106巴士去新蒲崗Mikiki，去到商場看見水牌， 就話我們先食午餐，再入一田超級市場，他們就話要先食午餐，如果一陣買了太多東西就好麻煩，於是選擇咗去薩利亞餐廳食午餐，非常之便宜，点咗一個虾沙律，鐵板蜆，原味雞翼，蒜香包，鐵板羊扒，鮮茄鷄肉炒意粉，非常豐富，食物出品唔錯，鐵板羊扒值得一讚，這個價錢，這樣出品，…查看更多

今日去左新蒲崗一田超級市場 行街，聽到朋友話一田大減價 ，所以就去咗一田超級市場， 真係好彩，原來商場做緊 網上登記有50蚊現金券，我哋每人登記一個電話號碼，每人就攞咗一張50蚊現金券，於是入到一田超級市場，就看見好多貨品都大減價，我們買了好多東西，然後就回家放低東西，再約一回去食飯，今晚食乜嘢好，好耐冇食過上海菜， 就去咗太古城康山，南小館食上海菜， 我們點了四小碟，還有海蜇頭，小籠包，上海粗炒 ，生煎包，水煮牛肉，蝦多士，海蜇頭好爽口，小籠包好多汁非常好食，水煮牛肉，蝦多士，就有點難食，價錢都算公道。…查看更多

今日約咗朋友去行山，去行大風坳，再落興東邨，約咗九點在鰂魚涌出發，我在七點起床梳洗整理，八點出門口，去太興食早餐，叫咗一個A餐，有火腿通粉，腸仔炒蛋，還有牛油多士，再嚟一杯熱奶茶，這個早餐非常之普通，但是防疫工作做得很好，每位客人都會問佢幾多位，請先要再等一會兒，再幫每位客人量體溫，請客人用搓手液搓手，然後再帶客人入座， 招呼非常好，好有禮貌，值得一讚，還有佢個炒蛋非常之嫩滑，炒蛋又香又濃又滑，食飽了要去坐電車到鰂魚涌行山。…查看更多

今日去畢架山行山，由鰂魚涌行到去興東邨，行咗大約兩小時，就落到興東邨去食午餐，各位山友想食乜野，其他人就話這區你熟啲，我想起筲箕灣有一間，阿一豬扒酸辣米線好好食，於是我哋由興東邨再行到落去筲箕灣東大街，我就点咗一個酸辣豬扒米線， 有兩個跟我一樣，有兩個山友唔食得辣，就叫咗兩個豬手米線，跟住兩個山友話好好味呀，酸辣適中，豬扒又夠鬆軟， 另外兩位山友話豬手好好味，炆得好淋好入味，米線又夠多，跟住山友稱讚我冇介紹錯…查看更多

今日跟朋友到蒲台島遊覽，蒲台島真是好美麗的一個小島，但這個島都很大，這是一個好有人情味的小島，我有個朋友是這裏的原居民，他們知道我哋入去玩，真是好熱情地招待，我們入去玩就留定啲海鮮 畀我哋食，煲泥鯭粥，還有豉油王炒麵，清蒸海上鮮，海鮮好新鮮，好鮮味好好食， 泥鯭粥好正，豉油王炒麵炒得非常之香口，仲有炒銀針粉，蒜蓉炒菜心，銀針粉炒得好靚，不會黐埋一堆堆，然後還再整啲糕點畀我們食，他們真的好客氣，叫我怎能不可以不去探他們呢。…查看更多

今日姨甥生日，去名海閣火鍋慶祝，我們一共六個人 訂咗枱七點，一去到就有枱畀我哋，我們就叫咗一個雪梨花膠湯底，再點了一碟手切肥牛，一碟炸響鈴，手打四寶丸，鵝腸，蘿蔔，豬紅，自家製蝦水餃，一碟西生菜，還有皇帝菜，調味料來了，我們教好調味料，湯底就跟住到，再黎手切肥牛，急不及待，先把湯底一人一碗喝了先，花膠湯真好味，然後再加番上湯，我們就開始灼牛肉，牛肉好鮮味，再灼炸響鈴，炸響鈴非常之好食，手打四寶丸好爽口彈牙，自家製蝦肉水餃，蝦肉好好爽口，食飽後，就想起上次有$90元現金券，但是過咗期，於是我哋問店員，因為疫情嚟唔到食，可否用得過期現金券，專員話可以，我們非常開心，最後店員問我哋用乜名訂位，如果用openrice每人就有一支可樂送，我哋話係用openrice訂枱，跟著店員就攞六支可樂畀我們，還每人送一碗綠豆沙，真是食得飽飽了，超抵食，埋單後，又有幾十蚊現金券呀，下次又可以再嚟食一餐…查看更多