ORHarryTang的个人专页

本場烤肉位於旺角瓊華中心頂層16樓特別稱讚店內環境，抽風系統做得很好，食完成身一啲油，煙味都冇。走廊位置中間通道非常闊落，由於空間感很大，坐着非常舒心☺️如果大班人或好朋友來黎，傾計舒適，非常值得考慮。牛小排海鮮放題雖然提供並唔係乜嘢非常貴價嘅肉類，但真心每一款肉類都好食新鮮。海鮮有蠔同帶子選擇，牛油蒜蓉半燒半焗正。醬料方面，必點月見蛋汁！甜品榴槤糯米糍必食。鯛魚燒同車輪餅，可以直接放上烤盤自己燒，好新奇。上菜速度快，服務態度都好好☺️…查看更多

屯門市中心Food Maze雲集各方美食，但每次黎都會見到好多人會食花甲粉，終於有機會同老公食。🍜胡椒豬肚雞花甲米線職員話胡椒豬肚湯係當日新鮮煲，係可以放心，成個湯飲落肚。的確呢個湯底真心好正！胡椒味好濃郁，而且有清甜紅蘿蔔粟米等。雖然花甲係賣點，但由於花甲細隻咗啲，完全比湯底嘅出色蓋過風頭。而且份量非常之多，兩個女仔分享都冇問題。🍆加$20 就有燒茄子 唔算貴，蒜蓉孜然味非常重👍🏻👍🏻…查看更多

今日一大班朋友嚟食屯門嘅Ruby Tuesday ，事前book咗位，好快就有得入座☺️畀咗張好大嘅枱，我哋坐得好 舒服。Ruby Tuesday嘅扒，真係餐廳之中數一數二質素高👍🏻🥩西冷扒，超香濃嘅牛肉味，正到不得了。🍖斧頭扒，超級大份，三個人分一個啱啱好朋友有會員卡，所以全部半價，真係好抵。…查看更多

高性價比放題旺角有好多放題餐廳，但樂天大喜屋算係最抵食。今日就約左屋企人，都只係幾百蚊一位。（長者仲會有折頭！）位置亦非常就腳，樓下就係巴士大站，好方便。上到去就見到6行大大格既雪櫃放滿飲品，而且有一個沙律加甜品區域，款式好多，清酒亦無限任加。呢間放題用QR code落單，掃一掃個QR code入佢個網址就可以，唔洗下載任何App的，真係好方便🍣剌身拼盤，款式齊全油金魚剌身，希靈魚剌身，帶子剌身，北寄貝剌身，馬刀貝剌身，赤貝剌身，甜蝦剌身，大赤蝦剌身，吞拿魚剌身，三文魚剌身🦀泰式軟殼蟹，好喜歡軟殼蟹既質感，脆軟的🕸️海膽手卷有整塊的海膽，非常有誠意🍍燒菠蘿甜甜的，好清新🍤各款天婦羅香脆美味🐟西京燒比目魚係值得一叫再叫既燒物值得一去再去…查看更多

聽聞元朗新開了間頗正宗的泰菜，約朋友來一試究竟，果然冇失望。小食炸蝦餅（免費）朋友食過翻尋味要走去買😂金磚蒜蓉多士6件🍞蒜蓉牛油香氣十足🤭外脆內軟冬陰公湯🥘不太辣的朋友也能接受辣度。冬陰公湯頭濃郁，個人感覺略鹹。私心推介配搭蒜蓉包或配白食都非常夠味。湯料有基圍蝦、草菇片、南疆、椰漿等指定材料。天氣凍，冬陰功湯要趁熱飲啊！彈網鮮蝦炒金邊粉🍝朋友一致認為是全晚最出色嘅餸菜😆越普遍越顯餐廳水準。金邊粉彈牙不乾身，鑊氣十足！燒魷魚🦑絕不是薩莉亞燒魷魚的貨色哦，好味太多了😏乾身滿滿燒烤香氣，沾秘制泰式辣醋掂呀。另外明爐烏頭大條又抵食，必點。…查看更多

屯門既秋香一向都好想試，今次見響黃金海岸有分店，一於去試下。黃金商場好特別，平台位置好開揚，最岩睇日落。睇完日落岩岩好落番去秋香食野。訂左枱6點鐘，畀左角的落最寧靜嘅位置我哋，可以慢慢欣賞下餐廳嘅裝飾，坐得好舒服。我哋選咗$728二人前套餐。叫套餐嘅好處係餐廳已經設計好所有嘢，每度餸菜都有層次，味道由清新既前菜慢慢昇華到取悅味蕾嘅主菜。飲品🍹士多啤梨蝶豆花 & 黎明來到推介👍威士忌燒蠔，配上魚子，超級鮮甜！炸物🍤(吉列炸蝦， 唐揚雞件，廣島蠔）串燒盛 🍢（和牛粒，手羽先，波板豬肉串，秋葵，菠蘿）特推👍👍🍲鹽燒白鱔煲仔飯中間有隻流心蛋。大件又肥美既白鱔，啖啖肉，飯吸哂魚油既香味。…查看更多

每次食完飯8:30打後，每逢經過地茂館，都會見到大排長龍，好多年輕人響門口等位。今次特登唔食晚飯，趁早啲去食返夠本。兩個人叫咗四樣嘢，真係有啲猖狂🤭推👍🏻馬豆紅豆糕只係$6件，好抵。清香椰汁味，彈牙有啲似啫喱糖嘅質地，個人好喜歡🥰上半件係紅豆，下半件係馬豆，一件滿足兩個願望推👍🏻呂宋芒班戟班戟我打包拎走。第二日食班戟皮依然係好軟，忌廉濃厚新鮮，呂宋芒果肉多。而家肯用呂宋芒果來做甜品嘅糖水舖真係少之又少。Ok可以試✨芒果仙草小丸子老實講，同餐牌圖片真係有啲出入，但糖水甜而不膩，入口順滑，都算幾好食。Ok可以試✨榴槤雪糕西米小丸子榴槤雪糕淡淡榴槤味，好軟滑。…查看更多

古色古香的日本餐廳連名字也很動聽。餐廳雖然唔大，但望到荃新天地商場嘅景色，一邊用餐一邊望住夜景好優美。窗邊亦用竹簾裝飾，整個感覺非常有日式和風。荔枝鹿兒島豚肉卷我都係第一次食。荔枝肉加炭燒豬肉真係非常嶄新嘅組合，幾清新又香口，一啲都唔覺得怪。龍捲風沙律沙律汁係胡麻醬，濃度啱啱好，唔會蓋過蔬菜水果嘅味道，好夾呀！。中華沙律同甜蝦有畫龍點睛嘅感覺。沙律菜亦洗得好乾淨，清甜舒服。青龍卷。蜘蛛特別喜歡蜘蛛，軟殼蟹非常之酥脆香口。而青龍卷係牛油果，好滑稽。壽司米飯係優質日本米，味道好煙韌好好食，真係覺得唔夠喉🤭…查看更多

同屋企人去食蝦蝦燒，真係有驚喜，性價比好高。晚餐時段每人都係幾百蚊，就可以食到游水大頭蝦。而且係新鮮可以喺水缸邊即刻夾上嚟，用冰水整暈大頭蝦，再放上燒烤架。真係有得睇、有得玩、仲有得食，好適合同三五知己一邊詳談，一邊享受BBQ。除咗游水大頭蝦仲有蠔、扇貝、魚🐟等等，即燒即食海鮮真係好鮮味🤤係雪櫃仲有好多串燒烤肉、豬、牛、雞，數量多到，真係每樣食一嚿，都飽到上心口。仲有飲品吧、雪糕飲食喎！大胃王又鍾意燒烤嘅，真係幾值得一試👍🏻屋企人都好滿意今次蝦蝦燒晚餐，食得多韓燒、日本燒肉，係時候要支持吓香港本地海鮮市場，港式燒烤呀🤭環境：好欣賞雖然係BBQ場地，但依然非常企理冇乜油煙。…查看更多

今日下午茶時間搵野食，行過呢間小店見間舖頭好似坐得幾舒服，就決定入嚟試下餐廳好有氣氛，舖頭細細但好識玩燈光。下午茶時間唔吹人走可以慢慢坐叫左個tea set，串燒即叫即燒，嚟嘅時候熱辣辣。等既時候影下間設計得咁有心既既餐廳原個Camembert芝士烤出來，外皮焦香，入面流心，用來點法飽同肉串一流。芝士好充足，真係好想有多幾塊法飽送芝士燒蘑菇最有驚喜。蘑菇乾身，菇心配芝士，加上火炙嘅處理方法，真係非常好味…查看更多