da4118的个人专页

當日唔算太多人，諗住試下係咪傳聞中咁好食。買外賣。可能唔係大單得一個豬扒包同埋一杯凍奶茶。足足等左40分鐘😳堂食嘅人入坐食完走得都幾枱都未到我嘅外賣😡問吓又話係咁架要等㗎！個姐姐態度好好，好到我想退返錢去食新波記。終於40分鐘後有喇！好嘢！終於有喇！妖！塊豬扒唔熱嘅暖都唔可以講！油淋淋！味道超級普通！仲話馳名？杯奶茶仲衰過隔離興記嗰杯！想點啊？ 係我唔識食定係過譽呢？可能曾經係好好食。或者⋯應該係我唔識嘢因為日日行過都見到好q多人排隊！ …查看更多

朋友回港度假，想尋找童年回憶，食完變咗中年陰影。燉湯油淋淋原全無「撇」油、燒鵝嘅涷且硬、生炒骨、椒鹽鮮魷超細碟，竹笙雜菜個玻璃「獻」超杰⋯⋯職員極有禮貌都補唔到食物質素！唔怪得星期五晚市都大把枱…查看更多

試過上環分店感覺良好，諗住K11都唔會差得去邊。點知⋯排隊混亂詢問職員邊度排隊，求其手指指就算，完全冇人知佢講咩！再問多次竟然黑面！無得頂！好嘢👍即刻轉身撘𨋢走！經過呢一次決定所有EG都唔會再去！又唔係得你一間coffee shop!無理由難為啲職員做咁多嘢啦！會自動過主㗎喇！打攪晒！…查看更多

6/7/2023（星期四）去食晚飯！叫咗一個焗豬扒飯、兩個扒餐同一個焗石斑飯。上餐時石斑飯變咗海鮮飯。我哋話上錯咗喎（因為對貝殼類海鮮敏感所以好肯定無叫錯）嗰位侍應小姐拎走左之後隔咗一陣拎埋個餐牌同碟海鮮飯返轉頭一嘢車碟飯落枱話：指住個menu話係我哋指住海鮮飯喎。我哋話係石斑飯唔係海鮮飯！佢仲好大聲重覆咁話你指住海鮮飯（餐牌石斑飯同海鮮飯好近）但係全枱人都好清楚係話石斑飯。仲要講咗兩次！跟著佢好悔氣咁話同你換囉！我哋話唔使喇！取消個飯啦！（驚你加料啊姐姐）😡當然有同西裝疑似經理講返啦！經理都好有禮貌咁回應！真係幾有兒時回憶、幾有情懷、接待員姐姐幾咁有禮都唔會再幫襯！…查看更多

今日25/1初四，買咗一碗燉奶一碗渣渣。收銀阿姐話$60。餐牌寫住燉奶$24，渣渣$27。收銀阿姐話新年加$5。比完錢出門口望清楚餐牌同根本無notice 話加價。個阿姐根本求求其其亂噏！諗諗吓覺得唔對路返轉頭問多次，佢嗱嗱淋比$5我！原本$51，跟住$55！我見咁多人嗰幾蚊就由佢。門口有個阿叔仲笑笑口話乜咁醒目呀？後面有另一個客話加咗佢$4一碗。以為明碼實價原來都係⋯不過以後「請我都唔會再幫襯」！祝生意興隆，比心機呃得一個少一個客。恭喜恭喜 …查看更多