小發的个人专页

葵廣以外，想坐低正經食野的話，過一條天橋就到葵芳圍，選擇很多。附近仲有球場和公園，食飽散步環境都不錯。打工仔午飯時間，呢間泰菜都好受歡迎，店員有禮，百忙之中都耐心安排等位的客人。午餐大部份$68，海南雞飯$58！學生可以享優惠十蚊，真有愛呀。之前幾次都坐樓下，原來樓上裝修靚好多😆更似在樓上Cafe的視角。食量不多的人記得叫「少飯」，雞扒嫩滑，另加$30要了兩份小食，平時少食菜的人有福了，另外春卷都好味😋一直無打針，所以好耐無試過堂食。午飯時間可以遇上附近打工仔和學生，聽下今期城中熱話，幾有趣。可惜又珍貴的是，呢三年只有在餐廳或行山，先見到香港人的容貌😕…查看更多

心情不太好, 於是跟友人由港大漫無目的地, 來到中上環之間的遊客區, 行了大約45分鐘突然發覺自己身在食店臨立的歌賦街~~!仲有久仰大名的「九記牛腩」和「勝香園」由於已經係下午1時半, 呢d lunch hour黎食咁受歡迎既餐廳, 有點自殺FEEL不過咁難得黎到, 於是決定向「勝香園」進發其實呢度係自己等位? 定係排隊等人安排入座?我都搞唔清楚, 我見兩款都有人做緊於是我就企左係一堆就黎食完既人旁邊, 等等等等...結果等了20分鐘本人其實幾鐘意黎呢一類平民化的食店, 尤其是路邊大排檔所以都唔會介意呢d 坐既位置, 好逼, 地面又唔平, 搖搖下!呢d 餐廳先最有香港本土特色嘛最緊要好食+食完唔會肚痛je !!由於午市十分繁忙, 阿姐唔得閒落單, 總係見到阿姐周圍問人Confirm番d 單經歷左5分鐘叫天不應、叫地不聞阿姐終於幫我地落單了( 注: 這裡的餐牌果然名不虛傳, 字好細, 同幾sticky )咸檸七 $13幾有趣呢, 呢度既檸檬都係「已篤」正呀, 一送到黎, 倒落去就有得飲!蕃茄牛肉公仔麵 $23茄味十足! 牛肉都幾爽口, 唔會太臨, 唔會太硬廿三蚊係中環咁好食既麵, 真係人生一大樂事~~~牛油檸檬汁蜜糖脆脆 $10好似Mickey的檸蜜脆脆甜跟少少酸的配搭幾MATCH~~!咬落去脆脆的, 幾正…查看更多

即使係星期六, 但已經係晚上9時, 所以一行十數人都即刻有位我們3個人坐了在一個4人卡位忙了一整晚, 餓到不行...於是決定1人叫一味餸 我唔想食太多肉, 於是叫了「紅燒豆腐」朋友叫了「椒鹽肉排」和「西蘭花斑塊」由於是套餐, 一款小菜, 包「飲品」、「例湯」、「白飯」( 注: 凍飲要加$2 )以上3款小菜, 價錢都不一樣, 平均1款 $44三款小菜先後到達, 全部都熱辣辣, 看來製作認真「紅燒豆腐」真係幾多豆腐, 仲配埋菜tim, 好味!「椒鹽肉排」肉排幾香口~~「西蘭花斑塊」西蘭花都新鮮, 班塊唔會太油白飯很大碗!! 真係男仔都未必食得哂三款小菜都份量十足, 真係好飽丫, 幾抵食…查看更多

由於十分幸運的緣故, 星期日下午1時半的又一城Food Court都居然一到就撞正有人走! 好快就搵到一張4人台由爸爸去排隊買飯, 排了大約5分鐘才等到呢!然後再等等等....再等多25分鐘, 才等到飯來~~~( 其實收銀處旁, 已經有牌寫著要等起碼20分鐘, 都算係警告d 人唔等得就唔好等 )不過食Pepper Lunch要等好耐, 都唔係一件新鮮既事最緊要係食到好味既牛肉飯!爸爸總是很貪心, 幫我地拎齊各款的醬汁不過我總是覺得, 蜜糖醬太甜了, 感覺怪怪的還是落少少蒜蓉豉油比較合我的口味黑椒牛肉飯 + 百事可樂 $40這個對我來說份量剛好, 假若是「珍寶size」又會食得太飽薄薄的牛肉片, 很快就被煎熟了, 大家要小心Over-cook呢有得玩, 有得食, 正!!又一城來說, $40 有這樣的牛肉飯, 幾抵食丫…查看更多

由於這間餐廳, 附近有數個示威熱點, 已經係第二次同朋友黎呢度食由於黎到已經接近晚上9:30, 而佢係標示了10pm關門的, 所以我們一行大約8人都有位置全店只有大約廿多個座位, 因為坐位之間空位不太多, 店舖亦比較細, 相信午飯時間會很逼由於太肚餓的緣故, 我決定食飯, 不食麵這個是套餐的Menu $35-$45, 就有飯+飲品+小食想用少d 錢, 於是決定散叫一個飯咖哩薯仔嫩雞飯 $30飯的份量有少少唔夠, 咖哩味少少辣雞肉的確幾嫩口~~雞肉的份量跟飯的成正比, 所以都係有少少唔夠以西環的價錢黎講, $30一個飯, 算可以啦!…查看更多

一個星期六的晚上約了一位好久不見的朋友, 感覺上去西式餐廳會比較o岩Feel剛巧朋友的中銀信用卡, 在Ruby Tuesday有6折!於是就決定去尖沙咀新港中心的分店但由於6點幾才決定好地點, 結果我馬上去到尖沙咀拎位留低了手機號碼, 服務員說差不多有位會打給我, 但起碼要一個小時後其實係附近行下街, 1-2個小時好快過je最後等了110分鐘 !!( 除左等黑夜壽司, 好耐無試過等位等咁耐~~ )但係, 唔洗一直keep住係現場等聽叫籌號, 其實幾方便! 可以跟朋友周圍行街, 直到佢打黎先番番去 讚!由於佢唔想食Burger, 我又唔想食Steak, 於是就叫了Triple Play+海鮮飯Triple Play (原價$288) 看見那麼多網友推介, 再加上本人都幾鍾意食呢種Pork Ribs, 所以我都叫左一碟黎試除了Ribs, 還有Golden-fried Shrimp + Chicken tenders燒肋骨的燒汁好正呀, 好香濃, 肉都幾多炸蝦和炸雞都幾香口, 配埋檸檬汁, 酸酸地味道都幾夾仲配左一款疑似沙律醬, 還有辣醬, 正~!!這個焗薯是Triple Play的配菜那堆Sour Cream溝埋薯仔, 真係幾好味New Orleans Seafood (原價$228)飯好像沒什麼味道, 要撈埋魚肉加埋上面的汁一齊食先好味道!兩個人剛剛清哂碟上所有東西, 真係好飽呀! (1男1女)無胃口再食甜品了下次再叫其他野試~~不過可能晚市太忙, 好多時都要等一等, 先有Waiter可以ServeBY THE WAY, 近住門口的台會有點嘈, 因為旁邊的餐廳經常開大喇叭, 叫籌號…查看更多

星期六, 下午4時45分一行4人係中上環影完相, 真係好肚餓丫係「扶手電梯」附近搵下有無咩出名既餐廳原本諗於食「麥奀雲吞麵世家」, 但見無咩位, 店外有無張貼價錢, 所以無入到去於是黎到「沾仔記」門前, 見到一碗麵先$20, 真係唔敢相信仲要連續4年都有上「米芝蓮」, 值得一試!由於呢個鐘數無咩人, 所以一入去, 店員就有禮地安排好4人卡位俾我地還記得馬來西亞的親戚都話之前黎香港有食沾仔記, 但我身為Local 都仲未試過感覺上一間食店, 如果只係專賣幾款食品, 一定會好食( 如果唔係, 就應該汁左啦? )只有3款配料選擇, 「雲吞」、「鯪魚球」、「牛肉」最近為左環保, 所以少食牛了於是選擇了雲吞麵, 誰不知一行4人都揀食雲吞, 所以好有霸氣地叫左4碗雲吞麵$20 的雲吞麵湯底幾好味, 幾特別, 出面好少湯底係呢款味道, 不過我唔識形容呀雲吞幾大粒, 蝦肉好足料!!麵底就剛剛足夠吧, 如果胃口大d 既男仔應該唔夠飽但真係幾爽口, 幾好味, 幾抵食$7 的豆漿, 真的很普通呢, 出去便利店買飲品仲抵由於用膠樽裝住, 所以飲得唔係幾方便, 一路飲, 一路滴到成手都係豆漿…查看更多

由於已經係星期日晚上9時半人流唔多, Food Republic 大部份食店都不用排隊 (Pepper Lunch除外)今晚突然想食久違了的雲南米線紫菜水餃米線 (中酸辣)$32酸酸的, 幾開胃, 好快就一啖又一啖咁食完, 食完都唔會太口乾中辣還可以接受, 再辣一點應該就頂唔順了米線的質感唔會太「臨」, 幾o岩我口味, 份量剛好, 唔會太過多配料方面都係普通貨色$32蚊可以係廣東道食到一餐飯, 其實都算抵食但以一向雲南米線的價錢黎講, 當然偏貴了一點…查看更多

午餐 $46雞翼羅宋湯螺絲粉 + 凍檸茶 + Tiramisu灣仔物價黎講, 真係幾抵食上菜速度都幾快螺絲粉有羅宋湯做湯底, 少少辣, 幾開胃, 正 !!雞翼雖然細隻, 但都幾入味, 唔錯份量都OKTiramisu 都係一般啦…查看更多

最近手頭好緊, 於是搵一間平價粥店解決晚飯見到好多客都有叫炒麵, 應該幾受歡迎, 但我都係鍾意食粥多d皮蛋瘦肉粥 $14都幾足料, 同幾大碗, 味道普通吧油炸鬼 $5估唔到會係咁大份, 幾脆, 幾熱…查看更多

係太古城中心UA 睇完戲, 於是跟友人來到Food Republic 搵野食呢個Food Court 裝修都幾靚, 而且都幾多選擇, 但都有點貴由於突然興起想食日本野, 於是就選擇了這間手打烏冬由於只係星期二既下午5點, 所以Food Court 唔多人, 好多位 其他唔係Set 既烏冬好似太貴, 於是係特價麵餐中選擇了「照燒雞扒手打烏冬」等左大約5分鐘, 就有得拎了 「照燒雞扒手打烏冬」$48原來仲跟埋沙律, 3粒章魚燒烏冬的口感還可以, 不過雞扒的份量真是少得可憐, 味道還可以章魚燒普普通通, 沒什麼驚喜沙律都新鮮既個人認為, 全個Set 既份量其實唔夠醫肚, 如果當係下午茶都可以既…查看更多

港大附近餐廳不太多, 當你唔想行落山太遠, 選擇更加少為免上山落山勞損腳骨力, 於是橫向發展, 沿般咸道去到正街搵食原本打算試下食「莎厘娜餐廳」, 慶祝一下拍拖16個月點知下午1點去到無位 ! 莫非要BOOK位既?於是沿石級下落少少, 有間貌似「西餐廳」, 見佢午市Menu都係$30-40, 搏得過! 內裡裝修格局都唔錯丫, 幾有格調, 燈光暗暗地, 但餐廳播既歌唔太match好! 到正題啦!落單既時候有d 混亂, 唔知咩C餐原來係D餐, C餐和D餐價錢係掉轉~總之就係Waiter解釋得唔清楚, 餐牌上出錯Waiter仲要唔用抄低邊台要D咩... 佢自己又記唔到wo當時只係我附近得2台有人, 佢拎錯左我地個Set 去隔離台, 好彩隔離台知道黎錯, 叫佢拎番走如果唔係... 都唔知幾時有得食我個人對餐廳既服務質素, 一向要求唔高成件事發生係茶餐廳, 我覺得無問題 但呢間餐廳裝修到咁靚, 個Waiter就咁hea, 真係好大落差埋單個陣, 又有D 混亂情況, 因為搞錯左我地既台號, 於是出錯單同佢地講我地食左d 咩但佢地都好似唔知應該收幾多錢 ( 又係那個C / D餐改左價錢既問題 )總結: 睇黎呢間野都係主要做晚市, 午市就Hea 做...碟飯唔可以話難食, 但成餐飯整體感覺好求其 Waiter Hea, 湯 Hea, 奶茶 Hea ... $30 唔算平, 但連茶餐廳既質素都比唔上, 算吧 = = 中伏一次就夠了…查看更多